ماهي المكملات اللتي استخدمها مع برنامج P90X

معلومات المتقدم بالاستفسار :
العمر : 27 , الجنس : ذكر

الطول :175 متر
الوزن : 107 كيلوجرام



و الاستفسار كالتالي :
السلام عليكم يااخوان

صارلي فتره اتابع المنتدى من اسبوع ووجدت مواضيع مفيده والأهم هو تكاتف الاعضاء ومساعدتهم بدون مقابل وياليت نلقى هذا التجاوب من المدربين بالصالات الا من رحم ربي

يااخوان انا ان شاءالله راح ابدأ الاسبوع هذا ببرنامج P90X والريجيم من دايت سنتر تقريبن 1400 سعره حراريه يوميا ماني متأكد

عمري 27
طولي 175
وزني 107
نسبة الدهون عاليه جدا خصوصن الخصر والمعده

ماهي المكملات الغذائيه اللي اقدر استخدمها عشان اوصل لجسم فرنسي؟

الفات بيرنر محتار بين اوكسي اليت او ليبو 6 بلاك او انمل كتس
والامينو 4800 او 2222

ياليت يااخوان تثروون الموضوع عشان نستفيد والاخوان اصحاب الاوزان الثقيله مثلي يستفدون

وان شاءالله راح افتح موضوع احط فيه تجربتي والشكر موصول لله ثم لكم لأن قبل المنتدى هذا كنت فاقد الامل اني انحف

رحت اليوم gnc وماعندهم حوارق الدهون اللي فوق
فاشتريت xstream slim hardcore
والسبلمنت كروميوم ٢٠٠

وكلمت واحد من زملائي اليوم قالي ان البروتين تبع P90X غالي جداً ومهو موجود فاايش تنصحون ببروتين الواحد يقدر يستخدمه

بالعربي لو تساعدوني بوضع كورس يساعدني بالتنشيف وبناء عضلات اكووووون شاكرلكم لان المشكله عالم كمال الاجسام بحر لا ساحل له والواحد يضيع مايعرف ايش المناسب خصوصن اذا كان مبتدئ مثلي

الله يسعدكم

اخوي والله افضل بروتين لك ال واي بروتين و يكون زيرو فات و الشهير و الافضل من حيث تجربتي ال ايزو 100 او القولد ستاندرد و استخدامه يكون الصباح سكوب و بعد التمرين سكوبين و قبل النوم سكوب و خذ لك الكارنتين راح يساعدك ب حرق الدهون ب المختصر المكملات المناسبه لك
1- الواي بروتين
2- الكارنتين
3- حارق الدهون
و شد حيلك اخوي ترى انت الي تغير جسمك مو المكملات المكملات تساعد فقط و موفق ان شاء الله

بالنسبة للتنشيف انصحك ب انيمال كات
اشوفة اقوى منشف
انا استخدمتة
سلامي

الله يسعدكم نستنى الاخوان ونشوف رأيهم

بالنسبه للاوزان اللي راح استخدمها في برنامج p90x وش رايكم كم الوزن اللي يفضل استخدامه
والعقله راح اجيبها من الفالح ان شاءالله

السلام عليكم


انا من رايي تبدا بالكارديو والسويدي اولا بدون شي حتي تنزل 10 او 15 كيلو بعدها تشوف لك هالبرنامج انا ماعندي خبره فيه


في سويدي وكارديو مع الحارق اللي معاك وجيب لك كارنتين من جي ان سي واتوقع الحارق اللي عندك في نسبه كارنتين بس مو مرتفه كثير


اهتم في الجري والسير والدراجه والسكيل والخصر والمعده صدقتي تنايج بتكون اسرع وافضل لاتستعجل ع الحديد حتي لاتندم بعدين

تحياتي لك

تسلم مشعل شورك وهداية الله ابروح للنادي سويدي اسبوعين ابني لياقه وبعدها ابي ابدأ بالبرنامج لان ميزته هو مو حديد بمعنى الكلمه هو كارديو مع شد وبناء عضلات خفيفه
وبالنسبه لحارق الدهون اللي اشتريته ابي ارجعه وابشتري اوكسي اليت
طيب احتاج مع البروتين بعد التمرين ريكفوري درنك ولا البروتين يكفي لان العضلات تكون مرهقه بعد التمرين
اعذروني على الاسئله الكثيره بس الواحد اذا يبي يبدأ يبدأها صح

والله ما اتوقع انك تحتاج بروتبن انت ماتبي تنشف انت تبي تخسس بمعني اصح التنشيف اللي يكون عنده عظلات بعد التضخيم ويبي يخلص الشحوم منها عشان تبين صح هذا هو التنشيف



انت تبي تخسيس والحديد باوزان خفيف يساعد ع حرق الدهون في الجسم فيصبح نزول الوزن اسرع

نصحيتي لك ادا عندك العزيمه والاصرار ابدي تخسيس في الاول وانزل من وزنك وخلك علي السويدي والكارديو


صدقني من 3 شهو لي 6 شهور بتوصل لاحلي جسم مع برنامج تغذيه والاسرار والعزيمه خلك نشيط وشد الحيل بلاش مشاوير قريبه بالسياره بلاش دهون ورز وغازيات بلاش ترا محد بيموت جوع من غيرهم شد حيلك والله يوفقك

ما انصحك في البروتين الحين البروتين بعدين اذا ضبط جسمك خلك في الكارديو واالسويدي


استعمل كارنيتن من جي ان سي حقه 200 ريال الحبه قوتها 500 يساعد ع حرق الدهون وهو ليس حارق بس يساعد عليها تاخذ لك حبتين في اليوم وحدة الصباح ووحده قبل التمرين بنص ساعه

صدقني من تجربه اكلمك والله باور مو طبيعي يعطيك وقد ماتشد حيلك يعطيك اكثر والله العب ساعه وبعدهاحديد ساعه وارجع اركض اطلع من النادي وفيني حيل بس راحم نفسي


صدقني بيفدك كثير استعمله الحين فقط بعد شهر ادا نزل وزنك كم كيلو دخل معه حارق الدهون وربي يحفضك انشالله



.

الله يسعدك يامشعل ماقصرت هذا اللي ابسويه ان شاءالله كاريو وسباحه اسبوعين بعدها ابدخل على الحديد اوزان خفيفه عشان الشد

طيب مشعل ماينفع استعمل مع الكارنيتن حارق دهون زي اوكسي اليت او ليبو ٦ لان من اللي قريته في المنتدى انها جيده خصوصن في تنزيل الشحوم والدهون المتراكمه
والبروتين نستخدمه اذا وصل وزننا ٩٠ ان شاءالله

ماقصرت يالغالي

ماعندك مشكله تستعملهم ولكن اللي اعرفه حارق الدهون يفضل تخليه شوي لقدام خلك اسبوعين طبيعي بعدها جيب الكارنتين


وبعد الكارنتين باسبوعين او شهر جيب لك حارق دهون انا اشوف تعود جسمك ع الرياضه شوي شوي



خلك طبيغي اول شي بعدها مارنتين وبعدعا الحارق

لان حارق الدهون ماينفع لك الحين نسبه الدهون كبيرة وبما انها كبيرة سهل تنزل من غير حارق دهون بعدين مع مرور الايام تجد صعوبة استعمل الحارق

الله يسعدك
راح امشي على نصيحتك ،، بالنسبه للدايت لان اكلي من دايت سنتر ١٢٠٠ سعره حراريه وخايف مع الرياضه احرق العضل والله اني تحسفت اني اشتركت باقي على الاشتراك ٢٠ يوم
واللي شفته بالنت ان افضل شي من ٢٤٠٠-٢٥٠٠ سعره حراريه
فا ناقصني ١٣٠٠ سعره اضيفها مع وجبات الدايت سنتر ،، ايش تقترح يامشعل

وماقصرت والله عارف اننا نشبنالك:)

احرق العضل الحين ماعندك مشكله اهم شي تحرق الدهون اهم من العضلات في الوقت الحالي

صدقني العضل مع الدهون مو مناسب لك احرق الدهون بعدها فكرة في البناء اذا وصلت للوزن المثالي او المناسب


والله التغذيه ماعندي اي خبرة فيها شوف الاخوان والكابتن حمد ولايهينو الباقين فيهم الخير والبركه

ماقصرت يامشعل ان شاءالله اقولك وش يصير معي بعد شهر :)

سلام عليكم

معليش بس من فين جبت البرنامج لاني محتاجة ضروري

هذا الموضوع وفيه رابط التورنت للبرنامج http://www.montada.com/showthread.ph...41#post6771641

نصيحتي ابدأ ب Lean P90X

لانك توك مبتدأ