المساعده في اعداد كورس + جدول تمارين مناسب

معلومات المتقدم بالاستفسار :
العمر : 30 , الجنس : ذكر

الطول :175 متر
الوزن : 71 كيلوجرام

نسبة الدهون : 20

و الاستفسار كالتالي :
السلام عليكم ورحمة الله وبركاته

بصراحه انا استفدت من المنتدى بشكل كبير واحب اشكر كل من ساهم في وساعد في هذه المعلومات

واتمنى مساعدتي في اعداد كورس مناسب لي + جدول تمارين + وجبات الاكل حيث انني العب من فتره طويله وحاليا لي تقريبا 3 اسابيع ما استعمل ولا اي بروتين او مكمل عذائي معتمد على الاكل

سمعت الكثير من الشباب كل واحد يقول استعمل هذا وهذا زين والكلام الكثير فا حبيت اخذ رايكم وان شاء لله استفيد من تجاربكم


ابي رايكم ونصايحكم للعوده بقوه ولكم جزيل الشكر

بما انك توك مكمل 3 اسابيع انصحك ترتب اكل وتمرينك وراحتك لمده شهرين وبعد شهرين تبلش تاخذ مكملات ووقتها نزل موضوع وان شاء الله بنساعدك

اقتباس:

---

المشاركة الأصلية كتبت بواسطة S.alkalbani

بما انك توك مكمل 3 اسابيع انصحك ترتب اكل وتمرينك وراحتك لمده شهرين وبعد شهرين تبلش تاخذ مكملات ووقتها نزل موضوع وان شاء الله بنساعدك

---

تقصد اكمل 3 شهور بدون اي مكمل غذائي او بروتين او اي شي بس اعتمد على الاكل !!!

كانها فتره طويله راح تهدم لي العضل ولا شرايك ؟؟

اقتباس:

---

المشاركة الأصلية كتبت بواسطة S.alkalbani

بما انك توك مكمل 3 اسابيع انصحك ترتب اكل وتمرينك وراحتك لمده شهرين وبعد شهرين تبلش تاخذ مكملات ووقتها نزل موضوع وان شاء الله بنساعدك

---

1+

التغذيه اهم بالفتره هذي عشان العضله تتعود على التمارين بعدين بلش مكملات

موفق

اذا رتبت وجباتك عدل وركزت عالبروتين والكارب ان شاء الله بتزيد ومابيصير اي هدم

بالنسبه لجدول التدريب

اذا حبيت جدول عضله وحده هذا واحد

صدر
ظهر
اكتاف ومثلثات
ارجل وبطات
باي وتراي
راحه
راحه
وخل يوم بطن ويوم سواعد مع التمارين

جدول عضلتين

صدر وباي
ظهر وتراي
راحه
اكتاف مثلثات
ارجل بطات
راحه
راحه
نفس الشي يوم بطن ويوم سواعد

موفق اي استفسار لاترردد

تسلم اخوي على جدول التمارين والله يعطيك العافيه

بالنسبه للفتره الحاليه الى انا موفق فيها كل شي ؟ شنو الاكل المناسب او الوجبات المناسبه لي في هل الفتره ؟؟

وعلى فكره انا تقريبا ماشي نفس الجدول الى في انت كاتبه الى فيه عضلتين


بس اتمنى منك ومن الشباب تركبون لي كورس مناسب لي من خبرتهم + نظام تغذيه مناسب لي

والهدف التضخيم بدون دهون ابي اضخم عضل صافي يعني احتاج حوالي 5 كيلون

للرفع للرفع