استفسار بخصوص نسبة الدهون المناسبة للتضخيم

معلومات المتقدم بالاستفسار :
العمر : 20 , الجنس : ذكر

الطول :173 متر
الوزن : 75 كيلوجرام

نسبة الدهون : 20%

و الاستفسار كالتالي :
السلام عليكم

انا لي فتره اتمرن قرآبة الـ 7 اشهر بس متقطعه يعني اسحب اسبوعين او اسبوع خلال الشهر وارجع اتمرن ..
المهم ..
وزني بالسآبق كآن 79 ونسبة الدهون 24% ونزلته لين 71 بس مآقست نسبة الدهون وقتهآ وبدأت اتمرن فالصآلة وزآد وزني لـ 75 عضل ونسبة الدهون وصلت 20% .. واغلب الدهون المتبقيه بالاردآف ..

وكآن ببآلي إني ادخل تنشيف وانزل نسبة الدهون اكثر , بس ع كلام الكبتن إني احتآج تضخيم لمدة شهرين لزيآده نسبة العضل وبعدهآ ابدا تنشيف وفعلا مشيت على كلامه وحاليا ذا ثآني اسبوع تضخيم بس متخوف من زيآدة الدهون وان جسمي يتشوه بسببهآ , علماً إني كآنت لي تجربه سيئة قبل سنتين وبنيت جسمي بشكل خآطئ وخآيف اكرر نفس الموضوع

استفسآري هو : ينفع إني ادخل تضخيم بالنسبة ذي ؟ او احتآج انزلهآ اكثر ؟ ومالنسبة المنآسبة للبدا بالتضخيم ؟
وهل ينفع إني العب كآرديو خلال فترة التضخيم ؟؟

لاتبخلوا علينآ من نصآيحكم يآكبآتن

يفضل لو كانت النسبة أقل من 18% على الأقل
والأفضل لو كانت 15%

لأنك لو ضخمت وكانت النسبة 15%
أثناء الضخامه الدهون التي سوف تكسبها اثناء الضخامه لن تكون كثيرة
مقارنتاً بـ لو ضخمت ونسبة الدهون لديك 20%

وينفع تلعب كارديو أثناء التضخيم

بس الافضل ونصيحتي أنك تضخم لحد ما تبغى وبعدها تبدا التنشيف

على حسب جسمك
اذا يخزن دهون بسرعه ماينفع التضخيم ونسبة دهونك عاليه

لكن انا
اذكر اني قبل سنه ضخمت من 73 الى 85
كانت نسبة دهوني 19 واصبحت 22
وبعدها نشفت ل 75 ونزلت النسبه ل 17 بسبب لعب الكوره

الافضل زي ماقال الاخ اللي فوق
الافضل تضخم للوزن اللي تبيه وبعدين تنشف

لاني اشوف الاجانب يضخمون وعادي تطلع له كرش ويستمر بالتضخيم وبعدها بكم شهر تلقى جسمه متقسم

للاسف ان جسمي من النوع الي يخزن الدهون ..
شكلي بكنسل الضخآمه واخليهآ قدام بعد مآ اوصل نسبة الدهون لـ 15% إن شآء الله
السؤال هنآ هل إذآ شديت ع نفسي ونزلت الدهون خلال شهرين
اخسر عضل كثير ولا جسمي يحافظ ع العضل الي فيه ؟ ( وهل بمقدوري ازود نسبة العضل خلال هالفتره ؟ )

واشكركم ع الردود والتفآعل يآوحوش :)

ايه تخسر عضل بس مو كثير

تبي النصيحة ابدأ بلعب الاوزان بنمط ثابت لا تزيدها يعني الجلسة الاولى وزن والثانية وزن اكبر شوي والثالثة وزن اعلى بشوي بعد
بس قلل الكارب وقلل الدهون في اكلك بل خليه معدوم وخذ حارق دهون

خلال فترة بسيطة راح توصل انك حافظت على العضل اللي موجود معك الحين وايضا نشفت لكن ما راح تزيد عضل لكن راح تحافظ عليه على الاقل ولازم تكثر بروتين في اكلك كله وتاخذ مكملات بروتين