المشاركة الأصلية كتبت بواسطة احمد سماحة
إن شاء الله نويت اشترك فى جيم ، وعندى شوية استفسارات ، ومعلش استحملونى عشان انا مبتدىء ، ومعرفش حاجة خالص عن اى حاجة
1-لما اروح الجيم ححتاج اغير ..يعنى اروح بلبس واتمرن بليس ؟ ..انا كده جبت لبس مخصص للجيم بس البسه ساعة ما تدرب بس ولا ايه؟
اه اكيد على الاقل لازم ملابس خاصه بالتمرين...
2-أنا ضعفان خالص ومعنديش عضلات تذكر ..ممكن احتاج اد ايه علشان ابنى جسمى؟
مع التغذيه السليمه والراحه مش اقل من 6اشهر..
3- هو ينفع اروح كل يوم ، ولا المدرب هو اللى بيقولى اروح كل اد ايه ؟
العب عضله واحده فى اليوم او فى التمرينه وارتاح يومين (ساعه على الاقل تمرين)
4-السنة الجاية أنا داخل على ثانوية عامة ، ومش حبقى فاضى اروح الجيم ، فبفكر ابقى اروح يوم فى الاسبوع ، فهل يوم فى الاسبوع حيعمل حاجة؟
الموضوع مش محتاج من غير ساعه فى واحد ضبط وقت المذاكره ووقت الفراغ ووقت للراحه والتمرين..
5-هو كل مااجى حسأل المدرب انا اعمل ايه النهاردة ، والا ابقى عارف وادخل على طول ؟
على الاقل هنا هتلاقى تمرين للمبتدئين لفتره اول 3شهور اول اسبوع جينرال علشان جسمك يستعد بعد كده للتمرين
6-انا وزنى رفيع جداً هو لازم اتخن علشان يبان عليا النتيجة؟
لا مش لازم تتخن المهم التغذيه السليمه
7- ايه هو التسخين ده؟
التسخين هو الفتره اللى قبل التمرين وده بتبقى على الاقل 5 دقائق سويدى خفيف على اوزان خفيفه علشان جسمك يستعد لتمرين
أنا عارف ان انا طولت عليكم ، لكن فعلاً الاستفسارات دى مهمة بالنسبالى ..أشكركم ، ومش لازم تجاوبوا على كل حاجة اللى تعرفوه او يكون ليكم وقت تكتبوه اكتبوه
