معلومات المتقدم بالاستفسار :
العمر : 17 , الجنس : ذكر
الطول :160 متر
الوزن : 56 كيلوجرام
و الاستفسار كالتالي :
السلام عليكم..
إن شاء الله نويت اشترك فى جيم ، وعندى شوية استفسارات ، ومعلش استحملونى عشان انا مبتدىء ، ومعرفش حاجة خالص عن اى حاجة
1-لما اروح الجيم ححتاج اغير؟ ..يعنى اروح بلبس واتمرن بليس ؟ ..انا كده جبت لبس مخصص للجيم بس البسه ساعة ما تدرب بس ولا ايه؟
2-أنا ضعفان خالص ومعنديش عضلات تذكر ..ممكن احتاج اد ايه علشان ابنى جسمى؟
3- هو ينفع اروح كل يوم ، ولا المدرب هو اللى بيقولى اروح كل اد ايه ؟
4-السنة الجاية أنا داخل على ثانوية عامة ، ومش حبقى فاضى اروح الجيم ، فبفكر ابقى اروح يوم فى الاسبوع ، فهل يوم فى الاسبوع حيعمل حاجة؟
5-هو كل مااجى حسأل المدرب انا اعمل ايه النهاردة ، والا ابقى عارف وادخل على طول ؟
6-انا وزنى رفيع جداً هو لازم اتخن علشان يبان عليا النتيجة؟
7- ايه هو التسخين ده؟
أنا عارف ان انا طولت عليكم ، لكن فعلاً الاستفسارات دى مهمة بالنسبالى ..أشكركم ، ومش لازم تجاوبوا على كل حاجة اللى تعرفوه او يكون ليكم وقت تكتبوه اكتبوه
المشاركة الأصلية كتبت بواسطة احمد سماحة
