اريد ان ادخل عالم كمال الاجسام

معلومات المتقدم بالاستفسار :
العمر : 19 , الجنس : ذكر

الطول :178 متر
الوزن : 71 كيلوجرام



و الاستفسار كالتالي :
السلام عليكم

شباب انا شاب بعمر 19

رأيت كثير من الشباب عندما انتقلت للجامعه ذو العضلات المفتوله
و 6باك

انا صراحه وقفت قدامهم وحسيت نفسي ولاشي

بالبداية انا من سكان الرياض

وزني 72
وطولي 178

اتوقع وزني كويس
مافيني كرش بس فيني الصصدر عندي زايد شويه ما يبان الا لما اشيل الملابس

ابغا امارس رياضه كمال الاجسام
اي نادي ادخل
وش المكملات الي اشتريها
من وين اشتريها

شباب أتمنى احد يفيدني وينور علي والله لدعي له ليل ونهار
ترى ما افقه شي بهالرياضه

وارجوكم ساعدوني قد ما تقدرون
صورتي الان http://db.tt/7sFtYJe6

ما اتمنى الوصول اليه
http://db.tt/NlLXhgse

ممكن تقولون لي كم المده إلى احتاجها عشان اوصل لهالجسم
يعني لو التزمت بالجدول الي تعطوني اياه والمكملات
كم احتاج عشان اوصل له

ساعدوني جزاكم الله خير

ترى ما اعرف انواع التمارين ولا اعرف المكملات
اعطوني اسمائها وش احتاج

قبل شهر قست الدهون بجسمي طلع وزن الدهون 9
كيف اطلع نسبتها

ابي جسم مثل الي بالصوره بالضبط
لو يصير جسميي كذا بكون راضي كل الرضا

وش ابدأ تخسيس ولا ضخامه ولا أيش


ارجوكم نوروني

السلام عليكم ورحمة الله وبركاتة
طولك وزنك ممتاز .. ما شاء الله عليك !!

بنسبه لدخول عالم كمال الاجسام يبغالك اراده + عزيمه + تفائل = هدفك ,,
اولاً يبغالك تتمرن جميع التمارين الموجوده بالصحاله اول اسبوع وراح يكون عندك وجع في جميع جسمك ..
لا تخاف كل مبتدء في العبه راح يحصل على وجه
وبنسبه للمكملات بكير اول 3 اشهر افتح موضوع عن البروتين يبغالك الحين 3 اشهر تهيئه!!
وفقك الله وياكم يارب العالمين ...

يعني اتدرب 3 شهور بدون مكملات!

في البدايه اشترك في اي نادي رياضي يكون فيه مدرب يعلمك التمارين وكيف تتمرن

وموضوع المكملات خليه لبعدين ..

طيب انا امارس تمارين البطن ف البيت
والبشم
ويعني عندي مقدره

يعطيكم العافيه

بس ابغا نصايحكم ف المكملات وش الي استخدمه مع التمارين ومتى استخدمها

وعليكم السلام
تمرن واعرف انواع التمارين وطريقة التمرين الصحيحة ولاحق على المكملات
المكملات مثل ماقالو لك بعد 3 شهور ...بالتوفيق

اخوي من اسمها مكملات يعني انت ملاحظ عندك عزيمه قويه رتب اكلك عدس صدرو دجاج تونه بيض شوفان فول سمك هذي اشياء اساسيه لك اجلس فتره مرن عضلات راح تحس في الم بعدالحديد وراح تتغلب عليه ان شاء الله بعد ٣ شهور انتظرك وانا بشرح لك المكمل المناسب لك وش تحتاج بس شد حيلك هالفتره تمرن 5 ايام في الاسبوع وخل يوم واحد لياقه ويوم راحه تامه وابعد عن المشروبات الغازيه والفاست فود والبيتزا نهائيا واعرف كيف تتمرن صح وانك تتطبيق التمرين صح وبتحقق هدفك

نصيحه
اذا انت تبي سكس باق وجسم معضل في كم شهر انسى موب تحطيم بس لازم تبني صح وبهدوء لاتعتقد ان المكمل هو طلع العضلات بدون مايتعب الواحد شل هذا الشئ من بالك اذا واحد يبي نتائج بسرعه في جسمه دايم يفشل !؟

اول شي كما قالولك تمارين شامل وافضل ايضا تمارس الجري او المشي السريع مع الحديد فالبدايه تقوي عضلاتك وتكسب لياقه
ومن بعد تدخل جداول وافضل كما قيل لك بعد 3 شهور او 4 وتسلح بالصبر . والمهم فالبدايه لا تتاثر بمن حولك وتشيل اوزان ثقيله تمرن صح حاول تطبيق التمرين صح
واجعل المدرب يقف جانبك اقل شي في اول العدات واسأل المدرب لا تخجل باقي الامور انت تتعلمها مع الوقت . والحديد مراحل وخبرتك بتتغير .
عمرك مناسب جداااااااا لا تتكاسل ولا تفوت الايام وراح تصل ومن سار على الدرب وصل . اذا كنت فالرياض في وقت اللياقه حي الشفا اقدر اكون لك عون واساعدك بخبرتي البسيطه

اشكركم يا اخواني

لي عوده لكم بعد 3 اشهر

ما قصرتو