هل هذي الفتره طبيعيه؟

معلومات المتقدم بالاستفسار :
العمر : 21 , الجنس : ذكر

الطول :172 متر
الوزن : 89 كيلوجرام

نسبة الدهون : 25

و الاستفسار كالتالي :
سلام عليكم يعطيكم العافيه

قبل لا ابلش و اعدل اكلي وادش نادي

كان وزني 107 تاريخ 26-4-2013 ونسبة دهوني 31

الان وزني 89 ونسبة دهوني 25


الفتره : 4 بشهور وكم يوم


والتمارين الي كنت اسويها hiit 10 دقايق واحيانا اكثر دقيقه ركض دقيقه مشي

احيانا قاري واحيانا درج

واحيانا العب حديد شامل

يعني اكثر من شغله بس ناوي ان شاء الله على جدول هاليومين


بغيت اسئلكم هل المده هذي نزولي فيها كان طبيعي ؟ يعني ممكن ان انزل اكثر او اقل وهل هذا الي نزلته يعتبر نزول سريع ؟ ممكن ان يترهل جسمي اذا نزلت بعد ؟

علما بأن اول شهرين ماخذيت اي شي

حاليا اخذ شريد ماتركس كارنتين سي ال أي.

يعني نزلت في الشهر حوالي اربعه كيلو ونص .. ممتااااااااااز جدا ماشاءالله
نزولك صحي جدا وموب سريع ويفترض انه مايسبب ترهلات ( في الاخير كل جسم يختلف عن الاخر ) .. وواضح ان برنامجك الغذائي كان مدروس .. كمل على مخططك وضعك في السليم بإذن الله
والمنتجات اللي ماخذها كويسه

بالتوفيق

النزول السريع او الزيادة السريعة للوزن غير طبيعية وغير صحية
لكن في حالتك مافيه مشكلة ان شاء الله، اغلب الناس اللي يدخلون دايت ينحفون ينقصون وزن الموية اولا في اجسامهم، وطبعا نزول سريع جدا بالوزن = ترهلات
لكن كل جسم يختلف انت شوف نفسك هل فيه ترهلات بمناطق معينة، واغلبها راح يكون البطن والارداف والجوانب
طبعا اي شخص كان وزنه عالي يكون جسمه حساس للكارب، فحاول تقلل من الكارب وتخلي جسمك يعتمد على الدهون اللي فيه كمصدر طاقة وكذا تبدا تحرق الدهون