الم في الساعد عند تمرين الباي + رائيكم في جدول المدرب

معلومات المتقدم بالاستفسار :
العمر : 30 , الجنس : ذكر

الطول :180 متر
الوزن : 88 كيلوجرام



و الاستفسار كالتالي :
السلام عليكم
اخواني عند تمرين الباي
اشعر بالم فضيع في الساعد من الاسفل ( يعني لو نقسم الساعد 4 اقسام بدا من الكف نقول في بداية القسم الرابع اللي ينتهي بمفصل المرفق)
هنا الم مثل المسمار في العضم الالم متوسط وبس انتهي من المجموعة حقت التمرين انزل الوزن في الارض يجي الم فضييييييع
الحل
اتمنى فهمتم الصورة
ثانيا
غيرت صالة بعد رمضان ورجعت حبه حبه ع الشامل ودخلت الاسبوع الماضي ع الاوزان

جدول المدرب ( مغربي )
جدا متعب
السبت صدر
الاحد ظهر
الاثنين باي وتراي
الثلاثاء راحة
الاربعاء سواعد واكتاف ورقبه
الخميس ارجل
الجمعه راحة
باقول عادي
شوفوا المشكلة وين
الصدر
بار عالي 4 تكرارات
بار مستوي 4
جهاز مستوي 4
جهاز عالي 4
تجميع دنابل 4
اوفر بول 4
جهاز تفتيح 4
وشرايكم ما كانها كثيرة ؟؟؟ الا كثيرة بس المدرب مصر على كذا

ثالثا كيف استخدم الانيمال فيليكس؟؟

الصدر تقدر تستغني عن الجهاز العالي وعن جهاز مستوي ودخل بدالهم تمرين بار سفلي وبالنسبه للانيمال فيليكس كيس واحد في اليوم بعد أي وجبه في اليوم

أول شي ترتيب التمارين بالايام حلوه مافي اشكال

ثاني شي بالنسبة لتمارين الصدر كثيره جدا أكثر شي خمس تمارين فكيف سبع تمارين

ثالث شي تمارين الصدر مالها دخل بالسواعد لانه السواعد ما تشتغل كعضله مساعده للصدر

رابع شي اسباب الام السواعد

الاول نقص في فيتامين د
الثاني ضعف في عضلات السواعد
الثالث أدائك لتمارين الباي ممكن غلط
وهكذا

عليكم السلام

بخصوص الم الساعد صارت لي قبل فترة واستخدمت حبوب اعصاب من الصيدليه اللهم لك الحمد يومين وراح اللالم اسمها بيرو بي وفيه نوعين ثانيه ناسي اسمها

قل للصيدلي حبوب للاعصاب وبتفيدك

بخصوص التمارين انا كنت اتمرن اول كذا بعدين غيرت لـ اول تمرينين 4 جلسات والباقي 3 جلسات ... حسيت بالفرق وكسر الاوزان

موفق

عليكم السلام

تصدق يا اخي اني توي راجع من المستشفى فيني نفس الالم بضبط الي توصفه وقالي عندك الاوتار فيها مشكلة واحتمال يكون العظام ضعيفه شوي

وعطاني مرهم وبشوف اسمه روفيناك

الالم فيني من فترة لكن زاد علي امس من تمرين الباي يوم جيت انزل البار احس يدي بتنكسر وان شاء الله خير يالغالي

أخوي إذا انت مبتدئ ، فهذي التمارين باعتقادي غلط x غلط

هذا الجدول ينفع للمحترفين والظاهر انه جدول المدرب اللي يلعب فيه

اما بالنسبة للألم بالساعد فهذا طبيعي لأنك مبتدئ وعضلة الساعد مازالت في بداياتها والتمارين والأوزان أعلى من قدرتها خصوصا مع تمرين البار المستوي

والخبراء في المنتدى فيهم الخير والبركة

كلن يشكي من الاصابات
الله المستعان الافضل والاهم
تروح اخصائي عظام تسوي اشعه عشان تعرف وش فيك ويرتاح بالك
وخذ اكريم افالون من صيدلية الدواء مررريح للعضلات عن تجربة