اريد خبرتكم مستجد في اللعبه

معلومات المتقدم بالاستفسار :
العمر : 23 , الجنس : ذكر

الطول :1.78 متر
الوزن : 62 كيلوجرام

نسبة الدهون : 8.3

و الاستفسار كالتالي :
السلام عليكم


يا جماعه انا ليا دحين تقريبا شهر وتلاته اسابيع في النادي


طبعا اول ما سجلت كان وزني 56.4 ،،

كان على حسب كلام المدرب ناقصني 10.6 كيلو عضلات و3.2 كيلو دهون


جلست فتره تقريبا 3 اسابيع شامل لاني اول مره اسجل في نادي


كنت احمي عشره دقايق يا على السير او مضمار واحيانا سيكل وادخل التمارين


وخلال دي الفتره زاد وزني فيها 3-4 كيلو

دحين ليا 3 اسابيع اتمرن كل يوم عضله

صدر
ظهر
اكتاف ورقبه
باي وتراي
ارجل + سواعد
تمارين متنوعه خفيفه

والبطن اشتغل عليه ايام في الاسبوع على حسب يعني

وزدت التلاته اسابيع دي برضو 3 كيلو

الوزن الان 62.2 ،،

لاحظت لقيت انو الزياده كانت في نسبه العضلات وليس الدهون

يعني برضو ناقصني 3 كيلو دهون تقريبا ،،،

انا طبعا نظام اكلي زي ما هوا زاد شويه كميه الاكل فقط لا غير،،، ما قيد اخدت مكملات من اي نوع


نظامي الغذائي يختلف يوميا بحسب دوامي في الجامعه ولكن اغلب الاحيان هو

حليب + رقايق كلوكز نخاله ( مضطر اخدو عشان عندي امساك ملازمني من فتره ليست قصيره تقريبا سنتين وكنت اخد ادويه ودحين خففت منها وسرت اخد ربع كميه الدوا مع النخاله على الصبح )

وبعدين احيانا تكون في وجبه يعني يا سندويتش بيض مع عصير او كروسون وشاهي

وبعد الظهر على الساعه 3 غدا ،، دجاج او لحم او مكرونه ،، متنوع الاكل ( بعد الغدا اخدلي ملعقه زيت زيتون وملعقه عسل كبيره)

وبعد المغرب اخد قهوه مع كم حبه تمر وبعد العشا حبه موز او عصير موز المراعي واروح التمرين


اول ما اخلص اخدلي عصير مشاكل عشان احيانا تجيني دوخه من نقصان الانسولين فدا يساعدني في التخلص من الشي دا


واحيانا اسبح بس ما ابذل مجهود مجرد تبريد للجسم

واول ما ارجع اكل تلاته حبات بيض او اربعه ،، اتنين بصفار واتنين بدون مع كاسه كبيره حليب


وبعدها بفتره ربع الى نص ساعه اتعشى ،، يعني احيانا فول واحيانا بيض مقلي وايام تونه بس طبعا اكون نسبيا شبعان فما يكون الاكل كتير

وبالنسبه للنوم انا انام في الليل قرابه 6 ساعات ،، ولازم بعد ما ارجع من الجامعه اناملي من ساعتين الا تلاته ،،، يعني تقريبا المجمل 8 ساعات يوميا بس غير متواصله

انا ما اعرف ناوي بعد ما اخلص التلاته شهور دي ابدا اخد بروتين عشان يساعدني في زياده العضلات لاني دحين زدت لكن ماني حاس باي تغيير في الجسم

اريد نصايحكم هل استمر على دا الحال في النظام الغذائي والتمارين ولا ااغير فيها شي ،، وبالنسبه للمكملات متى انسب وقت ابدا اخدها وايش الاشيا الي ممكن اشتريها ،،،

مع العلم انو اكلي مو مرة كتير يعني اشبع بسرعه لكن احاول اكل قد ما اقدر ،،،،




يعطيكم العافيه

ماشاء الله ماشي صح

والله اذا شفت نفسك جاد وراح تستمر بإذن الله
مافي شيء يمنعك من تناول البروتين .

سكوب اول ماتقوم من النوم وسكوب بعد التمرين مع المحافظه على التغذيه الطبيعيه والتمارين وراح تشوف نتائج بإذن الله ..

يعطيكم العافيه ما قصرتو انتظر راي بقيه الكباتن

تمرّن اربع ايام في الاسبوع وثلاث ايام راحه يعني راحه تامه ما تمارس فيها اي نشاط
المكملات :اوبتيموم 100% واي جولد ستاندرد + اوميغا3 (bio-marine) + ملتي فايتمن (سنتروم)

واهم مما سبق الاكل والراحه ..

اقتباس:

---

المشاركة الأصلية كتبت بواسطة Strong Muscle

تمرّن اربع ايام في الاسبوع وثلاث ايام راحه يعني راحه تامه ما تمارس فيها اي نشاط
المكملات :اوبتيموم 100% واي جولد ستاندرد + اوميغا3 (bio-marine) + ملتي فايتمن (سنتروم)

واهم مما سبق الاكل والراحه ..

---

المشكله انو ما اقدر اجلس في الجيم اكتر من ساعه ونص الى ساعتين

فما اقدر اخلص مثلا صدر وباي في يوم

او ظهر وتراي ،،،،

فعشان كدا مقسمها لسته ايام اروح فيها كل يوم عضله

انت ماشي صح الصح
بس البروتين جيب جينر لا تجيب زيرو فات لان وزنك ناقص وتقدر تجيبه بعد شهر او شهرين اذا شفت نفسك ماشي صح جيبه بعد شهر

خلي جدولك كذا

اول يوم في الاسبوع

صدر +تراي
ثاني يوم

ظهر وباي

ثالث يوم كارديو او راحه الي يناسبك

بعدين ارجل

بعدين اكتاف وترابيس


البطن مرتين في الاسبوع

بالنسه للصدر سوي اربع تمارين + تمرينين الي ثلاثه تراي

ماراح تجلس اكثر من ساعه

والظهر خليه 5 تمارين وتمرينين باي


ملاحظه: التراي تتمرن معاك في الصدر الحالها عشان كذا قلت لك تمريني تراي

والباي مع الظهر تكون متمرنه يعني تمرينين لما تخلص من الظهر باي

يكون اعطيت العظله حقها


ملاحظه : الجدول هذا انا ماشي عليه وجايبه من موقع اجنبي ونتائجه مرظيه بالنسبه لي