استفسار عن كورس ضخامة

معلومات المتقدم بالاستفسار :
العمر : 19 , الجنس : ذكر

الطول :170 متر
الوزن : 52 كيلوجرام



و الاستفسار كالتالي :
السلام عليكم

أنا داخل ان شاء الله في كورس ضخامة وأتمنى تفيدوني ادا مناسب او لا

الكورس عبارة عن :
1- واي بروتين جولد ستاندرد
2- برو كومبلكس جاينر
3- كازين جولد ستاندرد
4- امينو اكس
5- جاك ثري دي

اتوقع راح تستغربون من اختياري لمكملات الواي بروتين لكني ابغى ازيد وزن بعضل صافي ما ابغى فات وعارف ان المسألة يبيلها وقت وصبر والمكمل الوحيد لزيادة الوزن هو برو كومبلكس جاينر

وراح يكون توزيعي للمكملات بالشكل التالي:

الصباح: واي بروتين
قبل التمرين (30 - 45 دقيقة): جاك ثري دي
اثناء التمرين: امينو اكس
بعد التمرين مباشرة: نصف سكوب برو كومبلكس جاينر والنصف الاخر واي بروتين واخلطهم مع بعض
قبل النوم: كازين

وطبعا وجباتي تقريبا 5 وجبات في اليوم

up

وين الشباب؟؟

56 مشاهدة ولا رد!!!

انت يبيلك سيرياس ماس او خذلك واي بروتين وحط معه في الخلاط شوفان وزبدة فول سوداني اوفر لك ماديا

ولاتخاف من الفات لانك نحيف ناقصك 18 كيلو عن الطبيعي

اهم شيء احسب كم يحتاج جسمك من السعرات الحراريه

وزنك بالباوند 115

https://www.youtube.com/watch?v=hFy9nrrzxQg

هالمقطع يشرحك لك كم تحتاج يوميا بروتين وكارب وفات

اقتباس:

---

المشاركة الأصلية كتبت بواسطة saudiud

انت يبيلك سيرياس ماس او خذلك واي بروتين وحط معه في الخلاط شوفان وزبدة فول سوداني اوفر لك ماديا

ولاتخاف من الفات لانك نحيف ناقصك 18 كيلو عن الطبيعي

اهم شيء احسب كم يحتاج جسمك من السعرات الحراريه

وزنك بالباوند 115

https://www.youtube.com/watch?v=hFy9nrrzxQg

هالمقطع يشرحك لك كم تحتاج يوميا بروتين وكارب وفات

---

اشكرك اخوي على النصيحة وعارف ان وزني ناقص عن الطبيعي بكثير لكن انا راح امشي على : 2 جرام بروتين لكل كليو من جسمي , 1 كاربوهيدرات لكل كيلو ,1 فات لكل كيلو جرام
وطبعا عارف انه راح ياخذ وقت طويل لكن ابغى جسمي كله عضل صافي

اشكرك مرة ثاانية اخوي وننتظر المزيد من الخبراء

المعلومه اللي لازم تستوعبها ماراح تبني كيلو واحد عضل وانت ماتاخذ حاجة جسمك من السعرات الحراريه يوميا

لازم تعرف طبيعة جسمك قبل ماتشتري اي مكمل