الم في عضلة التراي

معلومات المتقدم بالاستفسار :
العمر : 18 , الجنس : ذكر

الطول :57.5 متر
الوزن : 175 كيلوجرام



و الاستفسار كالتالي :
سلام عليكم شباب
اناماشي على جدول صدرباي- رجل - راحة - كتف تراي- ظهر - راحة راحة
يوم التراي لعبت تمرين جديد قالي عليه واحد من الشباب فل جم اول مرة العبه اني اجلس على كرسي وارفع دنبل فوق رقبتي وانزل وارفع تقريبا نفس بول اوفر حق الصدر بس للتراي المهم انا كان اول مرة اجربه ولعبت وزن عالي ثاني يوم طبيعي يدي تعورني لانه تمرين جديد
بس المشكلة اليوم كان عندي صدر وباي المهم اول تمرين صدر كنت العب اوك فجاة احس التراي اليسار بدات توجعني نفس الالم اللي كنت احس فيه بعد يوم الكتف وتراي بسبب هذاك التمرين يمكن المهم انا كملت تمرين اليوم لين بول اوفر بعدين خلاص ما لعبتو خفت يزيد الوجع ف شو رايكم شباب؟
مع العلم اني اخذت يومين راحة بعد الصدر بس ماعرف شو السالفة يمكن لاني ما سخنت كثير اليوم؟ او لا سمح الله تمزق ؟ مع انه اليوم اوزاني فل صدر كانت حمدلله اوك وشكراا

اولا اكبر غلط انك تلعب كتف مع تراي
ثانيا خل الراحه بعد ثلاث ايام تمرين
البس مشد للكوع وقت التمرين خذ لك كريم مدري متوفر عندكم اسمه افالون
اذا الالم طول معك الافضل تسوي اشعه

ترا أنا يا كتبن الحين مآشي على جدول أخوي راشد ف موضوعي هذاك وان شالله الأسبوع ألجأي ببدا بجدولك بس تسلم يا كابتن أنا اليوم بأخذ شور حار وبنأم بدري واذا بكرة حسيت بوجع بروح اشتري المرهم ؤتسلم حبيب

عيني الكتف حساس جدا واكثر الاصابات تجي منه
خل التراي مع الظهر وماتشوف شر ان شاء الله

خلاص اخوي تسلم عيونك ^_^ طيب شو رايك اخذ بكرة راحة ؟ ومدام اليوم لعبت صدر بس بكرة العب رجل - باي تراي- كتف - ظهر ؟ ترا عكست بين الرجل والكتف عشان ما اخلي الكتف بغد الصدر ومن الاسبوع الجاي ببدا بجدولك ان شالله اذا حسيت نفسي اوك وتسلم كبتن تعبتك معاي

التراي ممكن تلعبه مع الظهر أو مع الصدر أو مع الباي
تمارين الأكتاف خليها بحالها أفضل لك وخل معها تمرين للـترابس وتمرين للساعد

+^ تراي سواعد شغاله مع الظهر
الباي شغال مع الصدر
ارجل وكتف كل يوم لحاله

حمدلله شباب اليوم يدي تمام ومافي وجع شكله يمكن امس لاني ماسخنت اوك واليوم لعبت رجل حمدلله بكرة باي وتراي
و ان شالله خير ومشكوووور اخوي كورابيكا وسيستم ما قصرتو

حمدلله اليوم كان عندي باي وتراي وما حسيت بالم حمدلله بس الكبتن لعبني كل وحدة 4 تمارين 12-10-6 انا استغربت وسالته ليش قالي عشان تسوي pump
شو رايكم بكلامه