شد الجسم والترهلات وبناء عضلات

معلومات المتقدم بالاستفسار :
العمر : 28 , الجنس : انثى

الطول :160 متر
الوزن : 63 كيلوجرام



و الاستفسار كالتالي :
السلام عليكم ورحمة الله وبركاته

أسعد الله مسائكم / صباحكم جميعاً


حبيت استفسر منكم عن تمارين لشد الجسم كامل والترهلات

انا من بعد الزواج و بعد ما ولدت بنتي صار عندي كرش وترهلات في منطقه البطن
وترهلات في الارداف

رحت لنادي ولا اعجبني نظامهم تمارين وحده للتخسيس والشد الى اخره

وانا ما ابي انحف ابي جسم مشدود مثل الاجنبيات

ولما بحثت كيف اخلي منطقة الارداف مشدوده جدا لقيت الحل في لعب الحديد

والحممممدلله لقيت منتداكم : )

لكن انا جاهله في هالشيء وأول مره العب رياضه


شفت هذا الرابط

http://www.montada.com/showthread.php?t=698298

بس فيه اشياء ما فهمتها وش الجهاز اللي اشتريه >> ابي واحد فقط اذا ممكن واذا لازم 2 مو مشكله

وكم اوزان الحديد اللي اتمرن عليها

و نظام غذائي ما اقدر امشي عليه
هل يكفي فقط المكملات الغذائيه ؟؟ << البروتين .. الخ



أو اذا ممكن أحد يسوي لي جدول عن التمارين وطريقتها ووش المكملات اللي اخذها ويحقق لي حلمي بجسم مشدوود ^-^



وفي الاخير آسفه ع الاطاله و شككرا لكم : )

وعليكم السلام ..

قبل الكل شيء حياك في المنتدى
وبعده أقول أهم شيء التغذية والماء في حالتك .. الأكل الصحي والماء هم اللي راح يبينون نتيجة التمرين على جسمك

من ناحية التمارين فهي كثيرة وما اقدر أحطها كلها هنا
أبحثي عن التمارين بالشكل التالي

1- Butt Training
2- Hips Training
3- Glut Training
4- Lower Body Training

هالتمارين هي اللي راح تشتغل على شد الجزء السفلي من الجسم من السره إلى تحت

بالنسبة للبطن :-

1- Abs Training
2- Core Training

ملاحظه لازم تفهمينها ان عمرك 28 يعني مرونة الجلد تكون ضئيلة مقارنة لمرحلة المراهقه .. الجلد راح ينكمش لكن بشيء الضئيل واللي راح يساعده عشان يرجع بأقصى مستوى ممكن التالي:-

1- الماء للترطيب الجسم
2- الدايت الصحي ( يفضل انه مائل للدايت التخسيس عشان تقل كمية الدهون تحت الجلد فيميسك الجلد في العضله الموجوده ويبين شكله مشدود أكثر )
3- التمرين ( راح يكبر حجم العضله بشكل ضئيل يساعد على اضهار الجسم مرتب وشكل الدهون بشكل مرتب " أقصد بضئيل أي أنه ضئيل جدا ما راح تصيرين رجل " غير انه ينشط الدورة الدموية اللي بتالي تخلي الدم يصل لجميع أجزاء الجسم )
4- كريمات الترطيب بشكل عام ( الفيتامين سي + ايي + الصبار + الشايا + ... وغيرهم من الكريمات )

بكون صريحه عشان لا تتحطمين وتفهمين جسمك عدل .. ممكن تكونين مجتهده وماشيه صح لكن النتيجة تكون سيئه
وذالك بسبب مراحل الهرمونات الثلاث اللي تمرون فيها خلال الشهر
ففي أول أسبوعيين وبالأخص أول أسبوع بعد البيريد راح تلاحظين تحسن كبير وذالك لأرتفاع هرمون الأستروجين " هرمون الأنوثه " إلى أعلى مستوياتها الطبيعيه المؤدية بأنعكاس أجمل النتائج على الجلد و المود بالنسبة للمرآه
ومن بعد الأسبوع الثاني إلى نهاية الثالث يرتفع عندك البروجستون ويهبط الإستروجين لأردى مستوى .. فهنا سر الشباب والنضوج والتورد " هرمون الأنوثه الأستروجين " قليل بالدم والبروجستون مرتفع وهو بالتالي راح يعكر مودك ويجعلك بإندفاع للتمرين ضئيل و راح تحسين ان في تغير للأسوء في هذه المرحلة لكن المطلوب الأستمرارية

طيب خلاصىة الموضوع ( أنك تفهمين كيف دورة هرموناتك الشهرية ) بالتالي تعرفين ليش في تغير مع أنك تتمرين والتغير كان جيد جدا بعدها خلال أسبوع صار سيئ
الحلو بالموضوع أنه راح ترجع النتيجة لمستواها الطبيعي مع أرتفاع الأستروجين وممكن للأحسن فأجعلي مقارنتك الشهرية مرتبطه مع أرتفاعه وخلنا نقول هالفتره تكون 13-15 يوم بعد البيريد

* ممكن كلامي كان عميق جدا لكن إضطريت لأن مافي بنات في المنتدى راح يشرحون لك هالشيء ( لأن المنتدى يفتقر للبنات الخبرات في الدايت والتمرين .. أقصد العالم العربي :D )
ممكن أنك تقرين في HormoneHoroscope موقع مفيد لك بصراحة

ماشاء الله الكابتن راشد ماقصر وعطاك العلم من الاخر ..

إضافة بسيطه .. بالامكان البحث عن "تمارين الجيليان" في اليوتيوب .. أعتقد راح تفيدك .. وفيه مواضيع كثيره في النت عن هالتمارين ويفضلونها للنساء بشكل عام ..