" الليبو 6 " أنواعه ، استخداماته ، إيجابياته وسلبياته ،،

السلام عليكم ،،
ان شاء الله الجميع بخير وعافيه ،،

هذا اول موضوع لي وان شاء الله اقدر أفيد وأستفيد ،،

طبعا انا رجعت الجيم من أسبوع تقريبا ودايما الواحد يرجع متحمس فالبداية ويارب ما يشرد الحماس ،،
نسبة الدهون عندي في حدود 20 % ، طولي 171 ووزني 80 ،
ودي انزل من 4 الى 5 كيلو ( طبعا متركزه في البطن والخواصر والارداف والأفخاذ ) ،

قريت عن ( الليبو 6 ) لكن للأسف ضعت من كثر أنواعه واختلاف التجارب ،،
فحبيت أسوي هالموضوع للنقاش عن المنتج وجمع تجارب الشباب في مكان واحد ،،

وعشان يكون الموضوع مرتب وما يتشتت القارىء وتضيع الفايده ،،

الي جرب احد منتجات ( الليبو 6 ) فليتفضل مشكورا بنقل تجربته بالطريقه الآتية :

- اسم المنتج ( مثال : ليبو 6 بلاك ، الترا ، إلخ ) وإذا في صوره أحسن وأحسن ،،
- الوزن قبل وبعد ،،
- نسبة الدهون قبل وبعد ،،
- نوعية التمارين والكارديو ،،
- النظام الغذائي ،،
- الاستخدام وحالة الجسم المرافقة لذلك ،،
-الاثار الجانبيه ان وجدت ،،


اخيراً اتمنى تفاعل الجميع في نقل تجاربهم لتعم الفائدة ،،
موفقين ان شاء الله ،،

احب اهدي نفسي أغنية
طال السفر والمنتظر مل صبره ،،
والشوق يامحبوب في خاطري شاب ،،

اهداء ثاني ،،

سنه وانا انتظر ،، طال انتظاري والعمر محسوب ،،
وانا ادري العمر ،، ياعمري سالي وياصبر القلوب ،،

202 مشاهده وولا واحد جرب المنتج ؟!!!

هههههه

اولاً : عوداً حميد للتمرين

ثانياً : انصحك وبشدة ببرنامج غدائى ممتاز ثم ياتى بعد الله دور الفات برنر

الليبو 6 بلاك ممتاز
اتبع التعلميات الا مكتوبة على العلبة انا شغال فيه ممتاز والا استخدموا مدحوه
لازم تقلل نسبة الكارب وتضرب وزنك في 2 تطلع نسبة البروتين بالجرام هو ده الا تاخدوا ، وتاكل كل ساعتين او ثلث ساعات عشان عملية الهدم عدم فقدان العضلات .

ومرحباً الف فيك

مرحبا مليووون ،،
جزاك الله خير على التفاعل ،،

متى تنصحني ابدأ فيه ؟؟
مع العلم أني كملت حاليا ثلاث أسابيع ،،

ويعطيك ألف عافيه ،،
وبإنتظار النتيجه بعد ماتخلص المنتج ،،
موفق ان شاء الله ،،

شوف نسبة الدهون عندك ماهى كثير مررررة 20 % كويس لو بدأت فيه الان

مع برنامج غدائى زى ماقلت لك .

بالتوفيق .

بيض الله وجهك ،،
اسعدني مرورك وتفاعلك ،،

موفق ان شاء الله ،،

انا استخدمة الليبو 6 بلاك التر

كنت اخذ حبة في اليوم وكان قوي جداا بسبب اني ماني راعي قهوه.

الايجابيات :

يعطي نشاط غير طبيعي طوال اليوم وخاصة في التدريب , يسد الشهيية , ويعطي نتيجة في انقاص الوزن

السلبيات :

اول مااخده احس بصداع احيانا , يعكر المود ويسبب العصبية والتوتر , يخليك تسهر بالليل.



كنت اخذة الصباح اول ماصحى ع الريق وبعدها بنص ساعة افطر واطلع للنادي. استخدمة علبة منه لانقاص 5 كيلو وفعلا انقصتها. الالترا هذا لا تاخذ اكثر من حبة باليوم .
شي اخير , راح يسد نفسك عن الاكل فحاول تاكل عشان من تدوخ او تصدع اجبر نفسك ع الاكل .


اهتم بحمية غذائية وبالكارديوو ,

يعطيك العافيه ياخوي ،،
وجزاك الله خير على التفاعل
ونقل تجربتك ،،

موفق ،،

مرحبا أخوي ..

انت سألت أسألة كثيرة ماشا الله لكن بعطيك الزبدة اللي تبغاها

اخوك جرب كل عائلة الليبو سكس

ليبو سكس بلاك الترا كونستريتيد هو أقوى فات برنر تقريبا دخل جسمي ( وليس في الليبو فقط حتى )

وفيه ملاعين والدين معاه في السوق مثل درين .. لكن مازلت أتذكر شعوري دائما وأيضي وفوكسي وحرقي أيام البلاك الترا

ومو شرط تشتري ليبو سكس بلاك الترا .. تقدر انت كبسولاتك تسوي خليط الكافيين واليوهمبين والساينفرين ( العناصر الثلاثة الاكثر ضربا ) بس شرط تاخذ شغل هاي كواليتي

تبغى حاجة تنشف ريقك ايضا خذ : جرين سترنغر ( ماأقصد مع الثلاثة ههههههه لاتموت علينا ) اقصد مكمل آخر توب

الله يوفقك اهم شي في الفات برنر تلعب معه 3 اسابيع مثلا وتهدي 3 اسابيع ولا جسمك يصير مايسمع او يستجيب للأدرينالين

عساك عالقوة

عفوا وعليكم السلام ورحمة الله وبركاته

اخوي بوما انا ادورك من زمان يعني بنشبلك :32:

اول شي على طاري الليبو ٦ لما سألت عليه في محل اسمه دكتور نيوترشن
نصحني البايع وقالي خذ العادي بحكم انه أعراضه اخف ،، فهل يكفي بالنسبه لحالتي ولا بيكون خفيف بزيادة ؟!

الشي الثاني بخصوص الدرين ،، قريت تعليقك في موضوع سابق وكنت تمدحه
بحثت عنه في البودي بيلدينج ووضح انه يحتوي على اليوهمبي وهنا الوهقه
يوم جيت اقرأ عنها لقيت مواضيع تمدح ومواضيع تذم وضعت وانا مسوي مثقف :32:
فما مدى قوة المنتج واختلافه عن الليبو بشكل عام ؟؟

الجرين سترينغر حاولت ابحث عنه في قوقل طلع لي سخانات ماء وتي شيرتات خضراء :boggled:
فلو تتكرم بمعلومات إضافية عنه او وين بحصله ،،

ايضا في موضوع سابق مدحت الشريد ماتريكس
فشو وضعه بين المكملات المذكوره ؟!

اخيرا هل هذي المنتجات بتأثر على الكتلة العضلية ولا بس على الدهون ؟!

معليش ياحبيبي اسألتي كثيره بس للامانه انت احد الأشخاص الي استفدت من ردودهم
واطمع في الفائده اكثر ،،

وجزاك الله خير ياخوي ،،

اقتباس:

---

المشاركة الأصلية كتبت بواسطة Mayoood.ad

اخوي بوما انا ادورك من زمان يعني بنشبلك :32:

اول شي على طاري الليبو ٦ لما سألت عليه في محل اسمه دكتور نيوترشن
نصحني البايع وقالي خذ العادي بحكم انه أعراضه اخف ،، فهل يكفي بالنسبه لحالتي ولا بيكون خفيف بزيادة ؟!

الشي الثاني بخصوص الدرين ،، قريت تعليقك في موضوع سابق وكنت تمدحه
بحثت عنه في البودي بيلدينج ووضح انه يحتوي على اليوهمبي وهنا الوهقه
يوم جيت اقرأ عنها لقيت مواضيع تمدح ومواضيع تذم وضعت وانا مسوي مثقف :32:
فما مدى قوة المنتج واختلافه عن الليبو بشكل عام ؟؟

الجرين سترينغر حاولت ابحث عنه في قوقل طلع لي سخانات ماء وتي شيرتات خضراء :boggled:
فلو تتكرم بمعلومات إضافية عنه او وين بحصله ،،

ايضا في موضوع سابق مدحت الشريد ماتريكس
فشو وضعه بين المكملات المذكوره ؟!

اخيرا هل هذي المنتجات بتأثر على الكتلة العضلية ولا بس على الدهون ؟!

معليش ياحبيبي اسألتي كثيره بس للامانه انت احد الأشخاص الي استفدت من ردودهم
واطمع في الفائده اكثر ،،

وجزاك الله خير ياخوي ،،

---

السلام عليكم،، عارف ان السؤال موجه ل بوما :) بس حاب اوضح "جرين سترنغر" Green Stinger بس وشكرااا:biggthump

عليكم السلام والرحمه ،،

لا بالعكس يا حبيبي جزاك الله خير على التوضيح ،،
كلنا اخوان والي يقدر يفيد حتى لو بشي بسيط نسأل الله ان يجعله في ميزان حسناته ،،

موفق ،،

هلا اخوى pm رجعتى من امريكي ولا باقى

منور المنتدى