استفسار عن كورس ضخامة + عن BCAA

معلومات المتقدم بالاستفسار :
العمر : 20 , الجنس : ذكر

الطول :175 متر
الوزن : 87 كيلوجرام

نسبة الدهون : ?

و الاستفسار كالتالي :
السلام عليكم، بغيت اسالكم ي شباب انا الحين ناوي ارجع ان شاء الله للجيم وانتظم ب الاكل والنوم
حالياً شريت
1) وي بروتين
2) C4
3) ملتي فايتمينز

وناوي اشتري Super amino 6000 + نوع كويس من ال BCAA + كيرياتين

اول شي: في شي غلط؟ ولا المكملات تمام؟ اذا تمام ي ليت تكتبون لي افضل اوقات اخذها واوقاتها ب ايام الراحة بعد

ثاني شي: بسأل عن ال BCAA انا قريت ان اهم فايدة له اللي هي اهتمامه ب العضلة او بمعنى ثاني ماتخسر عضل اذا ضعف اكلك او ارهقت نفسك ب تمارين الخ.. هل صحيح ولا كيس؟ ووش فايدته اذا غلط واحتاجه ولا لا؟ مع العلم الميزانية تقريبا مفتوحة يعني عادي

ثالث شي: طال عمركم بسال الافضل اذا بضخم امرن عضلة وحدة يوميا؟ ولا عضلتين؟ وكم الجلسة وكم عدًة؟

وهل الكارديو يأثر على التضخيم؟ ولا عادي العبه مثلا عشر دقايق قبل و ثلث ساعة بعد؟


يعطيكم العافية

عليكم السلام والرحمه ،،

المكملات ممتازه بس لا تأخذها معا بعض طبعا
اول شي بتكون كثيره وبتسبب ضغط على الكبد والكلى
ثانيا مع كثرتها ما بتعرف شو الي فادك وشو الي فرق معاك ،،

ال BCAA مهم وفائدته مثل ماذكرت بالاضافة انه يساعد في عملية البناء
بس مايحتاج تاخذه لحاله لانه اغلب البروتينات حاليا تحتوي عليه ،،

أوقات الاستخدام بالنسبه للملتي فايتمن يفضّل مع الأكل او بعده
وباقي المنتجات موضح عليها الطريقة والأوقات وبعض المنتجات فيها سعه على حسبك انت
مثل البروتين في ناس تاخذه قبل الفطور وفي ناس مع الفطور وفي ناس بعده
يعني على حسب نظام يومك واكلك وتمرينك والمهم انك توفي حاجتك منه ،،

التضخيم افضل تمرّن عضله واحده في اليوم بحيث يكون التركيز عليها اكبر ،،

الكارديو ما يأثر على التضخيم اذا لعبته بعقل
بالعكس انا اشوفه مهم عشان تضمن انك تضخم عضل مع نسبة دهون بسيطه
بدل ان يحدث العكس ،،
يعني مثل ما ذكرت ١٠ دقايق تسخين قبل التمرين وعشرين دقيقه بعد التمرين ،،


موفق ،،

الله يعطيك العافية كلامك واضح ماقصرت،
طيب حالياً وش تنصحني اخذ؟ من اللي ذكرتها؟

الله يعافيك ،،

اهم شي حاليا البروتين والامينو والملتي فايتمن ،،
بعد فتره دخل الكرياتين ،،
بالنسبه ل C4 اجله كم شهر بحكم انك راجع بعد انقطاع وما تحتاجه حاليا
بعد فتره بتوصل لمرحلة ثبات في الاوزان وهنا بتحتاجه عشان يعطيك باور وتركيز ،،

والله الله بالتغذية وكثر من شرب الماء ( ٣ لتر يوميا على الأقل ) ،،

موفق ،،