طلبيات انترنتية

اقتباس:

---

الرسالة الأصلية كتبت بواسطة Ranma Saotome

City Hunter الفيلم

---

أولاً : حمد لله على السلامة رانما

ثانياً : سيتي هنتر @.@

سيتي هنتر مرة واحدة؟>_<

ريو ...........ريو ساييبا

القناص و العتر و الوسيم و السرسري :6

و حسافة أني من أول ما بلشت الأنمي بلشت مع سيتي هنتر المسلسل>_<:"

حظي نحس معاه , من ما شفته كل أنمي أشتريه يكون من عمل نفس الأستوديو SUNRISE :
كل أجزاء Mobile Suit Gundam
Inu Yasha
Cowboy Bebop
Dragonar
City Hunter
يا للذل
و الإهانة
كله منك يا ريو ساييبا.......... :" سحبتني إلى عالم الأنمي :p

توتو شكلك مثلي :D
احب النوعيه هذي من الانمي
علشان كذا شريته
بس ماتوقعت انه قديم لدرجه هذي (ملاحظه: للحين ماكملته )
لودس وار شفته بس ارسلان للحين :-) توتو تنصحيني اشتريه؟
..............................................

اما عن record of lodoss warشفت المسلسل(chronicles of the heroic knight)
الموسيقا :+Aتجنن(فيهامن اسكافلوني)
والرسوم: -Aحلوه بس في بعض الحلقات ينحاس رسمهم والنمط بعد.
والقصه:-B في البدايه حلوه ومع الوقت سخفت والنهايه ما اتوقعتها.
....................................
وكل واحد وذوقه ;-)

ادرى لقافه بس تي ام لا يفوتج ارسلان ( رهههيب..... كله بيشونين شو يبغي الواحد اكثر) و القصه زينه مع انى ما فهمتها:o

هاااااااااااااااي
اخباركم :D
yeah yeah it's me ranma... توني مخلص فترة البيات الشتوي:p

اليوم انشالله بكتب كم تقرير مبسط عن بعض الانيميات اللي شفتها..
في animes اكيد 90% من الاعضاء شافهم فماراح اكتب عنهم..

اول شي بغيت أأكد على كلام tm عن record of lodoss war هالمسلسل وايد حلو... لكن استغربت يوم قالت ان النهايه غير متوقعه! برايي القصه من البدايه للنهايه حلوه.. عجبني خاصة جزء "توازن القوى" في عالمهم..
المسلسل وايد حلو.. لازم تشوفونه (27 حلقة)

ثاني انيمي: Crest of The Stars
http://store5.yimg.com/I/animenation_1727_241844892

هذي وصلني مع اول طلبية انترنت طلبتها.. وماندمت عليه ابدا..
هالمسلسل هو الاعلى من حيث المبيعات لHiroyuki Morioka
مسلسل رااائع.. القصه جميله وطبعا مثل معظم الانيميز لها نكهتها الخاصه..
المسلسل من 13 حلقه (بتعرفون بعدين ليش).. يحكي قصة امبراطورية من الفضاء احتلت الارض.. وحاكم الارض خانها واستسلم للامبراطوريه من غير قتال.. القصه اساسا تحكي عن ابن هالحاكم اللي يبي يلتحق بالكليه العسكريه التابعه للامبراطوريه المحتله (لأن هو اصله من هناك) وتحط مركبه عالارض عشان تنقله للامبراطوريه وتقودها Lafiel عشان توديه.. لكن تواجههم متاعب في الطريق ويحطون عالارض مره ثانيه ولازم يشردون.. هذي القصه ببساطه..
مممم خلني اقول لكم شي.. في موسم ثاني من المسلسل(اسمه Banner of The Stars) لهاسبب الموسم الاول 13 حلقه.. وتقتدرون تقولون ان الموسم الاول مثل الجزء الاول من Lord of the Rings.. والموسم الثاني تكلمه للقصه وهو اللي فيه احداث اكثر..
وفي شي ثاني حلو.. اللغه الخاصه فيهم.. حتى مقدمة المسلسل وملخص الاحداث يقولونه باللغه الخاصه مع ترجمه... cool huh
المسلسل 13+ مافيه اي شي ابدا..

الرسم: A بيعجبكم اكيد
الموسيقى: +B
القصه: A رهيييبه
واللي يشوف الموسم الاول لااازم يشوف الثاني والعكس.. انصحكم تشوفونه وماتفوتونه ابدا

هيهيهي بمللكم اليوم..

انيمي: "Jubei Chan "secret of the lovely eyepatch
http://store5.yimg.com/I/animenation_1727_169465643
المسلسل كوميدي basicly..
يتكلم عن شخص عاش 300 سنه عشان يوصل عصبة عين على شكل قلب.. هالعصبه تحمل قوة اقوى مقاتل ساموراي قبل 300 سنه قبل مايموت وصّى هالشخص ان يبحث عن واحد بوصف معين هو اللي يقدر يلبس هالعصبه ويكون الsuccessor.. ومالقى حد بهالوصف الا عقب 300 سنه (تم على شكله شباب طول هالفتره).. وهالشخص هي بطلة المسلسل بنت اسمها jubie.. ومهمتها انها تقضى على مجموعه قضى عليها مقاتل الساموراي اللي مات من 300 سنه لكن رجعت عشان تاخذ بالثأر من هالمقاتل.. او اللي في الحاضر هي البنت.. هذي هي القصه الاساسيه.. وخلال القصه تصير مواقف كوميديه وايد..

الرسم: ممممم ماقدر اعطيه تقدير.. يعني عادي.. مرات يتحول كأنه مانجا في المواقف الكوميديه.
الموسيقى: حلوه.. لكن ماتستاهل اكثر من B
القصه: مب لهناك.. يعني لو زهقان ماعندك شي.. شوف هالمسلسل..
الكوميديا اللي في تضحك وايد.. وهالشي الوحيد اللي حبيته فيه..


أنيمي: Gate Keepers
http://store5.yimg.com/I/animenation_1727_191392234
باختصار.. مجموعه من المراهقين نقدر نقول عندهم قوه خارقه يقدرون يفتحون بوابات قوى.. كل واحد واختصاصه.. يعني كل واحد قوه خاصه.. وفي مجموعه اسمهم invaders يحاولون يسيطرون على الارض.. ابطالنا في هالمسلسل تابعين لمنظمه عالميه تحارب الinvaders.. وطبعا لازم ينقذون العالم.. صحيح ان الفكره مستهلكه (يلا ننقذ العالم) لكن المواقف والتحديات اللي تواجههم غير.. في اكشن.. مغامرات.. حب.. كوميديا(ماذكر)..

رسوم المسلسل وايد حلوه ودقيقه بتحبونها.. ولا عاد لما طلعت الlotus S7 القديمه.. اااخ فلللله... احم:o
الموسيقى: B
القصه: حلوه.. لكن ماتستاهل اكثر من B او B+..
على فكره في موسم ثاني من المسلسل اسمه Gate Keepers 21.. بس اعتقد ان موسم واحد كفايه.. يعني المسلسل مو من النوع اللي يخليك تتعلق فيه..

التقرير الثالث.. الله يعينكم

Love Hina :D وهل يخفى القمر:p ، شفت الانيمي والمانجا
http://store5.yimg.com/I/animenation_1727_157681062
ممممم.. مافي فرق تقريبا بين المانجا والانيمي.. الانيمي شوي بعض الاحداث غير وفي بعض الاضافات على المانجا والرسم شوي احلى..
ونقدر نقول ان المانجا ناجح اكثر من الانيمي ومحقق مبيعات مرتفعه جدا وفي معظم المواقع تلقونه في الtop list للمانجا..

القصه عن "كيتارو" اللي ينتقل للعيش في مسكن بس للبنات(فيه 6بنات) ويصير هو الmanager فيه(لأنه مال جدته).. كيتارو قاطع وعد مع بنت ايام طفولته ان بيدخلون مع بعض جامعة طوكيو.. لكنه رسب في الامتحان مرتين.. وتقدم للامتحان مره ثالثه.. و في بنت في المسكن اسمها Naru هي بعد تقدمت للامتحان ورسبت.. بعدين نارو وكيتارو يساعدون بعض في الدراسه (مع ان نارو تكرهه...تقريبا) عشان ينجحون... وخلال قعدة كيتارو في المسكن تصير مواقف كوميديه كثيره عجيييبه.. وكيتارو يحاول يتذكر من هالبنت اللي قطع الوعد معاها على امل ان تطلع هي نارو.. وفي النهايه بنشوف يقدر يحقق حلمه ولا بتكون النهايه غير متوقعه..

love hina وااايد حلو.. الكوميديا اللي فيه حلوه.. والدراما احلى واحلى..
مع العلم انه مايصلح للصغار لأن فيه مشاهد nudity..

الرسم: A
الموسيقى: A فظييعه اغنية النهايه.. والاغاني اللي في وسط الحلقات بعد
القصه: +A لاتفوتكم

ممم... السؤال: يستاهل تدفع مافي جيبك عشانه؟؟؟ اكيييييد ولاتتردد
صدقني ماراح تندم...
بس ملاحظه: في ناس يقولون ان فيه مشاهد مش ولابد عشان جذيه يقولون لغيرهم ابتعدوا عنه.. ماعليكم منهم.. كل الانيميز جذيه.. قصة love hina من اروع القصص..

المره الجايه انشالله بتكلم عن Fushigi Yugi Eikoden الاوفا الثاني..:)

مشكور رانما على التقارير الحلوة ^^
اخيرا بديت تكتب التقارير...

جيوبيه جفته... وايد رهيب..
ممكن الرسم مب ليهناك لكني اجوفه حلو.. احلى شي فيه الكوميديا..
الموسيقى.. معاك حق.. مب ليهناك...
بس يبقى مسلسل مضحك وحلو ^^

المسلسلات الثانية اللي كتبت عنها ما اعرفها
لكنك شجعتني اشتري كريست اوف ذا ستارز ^^

مشكور رانما
ويا ريت تكمل الباقي...

اكتب عن كل الانيميات اللي عندك.. :D

mai_arumashiابدا مب لقافه

وانشاء الله بحاول اطلبه......اكيد حلو لاني واثقه من ذوقك ;-)

Jubei Chan
والله هالانمي يموت من الضحك :D
امارسمه اشوف انه مناسب للقصه!

:cool: وعرضك للانمي حلو يارانما اتمنى انك تزيد

h e l l o
^_^


انا منزمان عاجبني هالموضوع فقلت اسوي خير وارفعه ^^ (صفحه وحده :6 )


المهم..
بسألكم..

انتم الDVDs اللي تطلبونها النسخه الامريكيه ولا Hong kong copy?

لان انا قبل مده شريت مجموعة DVDs كانت hong kong copy لان عندهم تشكيله اكبر ويجي الانيمي كله بعلبه وحده او علبتين و ارخص ^^

بس مشكلته ان نادرا ما يكون فيه Dub (هذا مو مشكله بالنسبه لي لاني افضل ال Sub بس فيه كثير اعرفهم ما لهم خلق يقرون :p ) ولكن المشكله العظمى انه الترجمه مش ولا بد ?:

يعني Gravitation شفته يمكن 4 او 5 مرات (كل ما جاني احد شافه)
وبكل مره افهم المسلسل زياده من البلى اللي في الترجمه ?:

(ال he و الShe نفس الشي.. والs حقت الجمع هذي انسوها.. ومرات يجي واحد يقول جمله و ما يترجمونها ?: )

يعني هو مو لذيك الدرجه سيئه الترجمه بس ابدا مو كويسه :(



ان شاء الله فادتكم فلسفتي ^_^

اقتباس:

---

الرسالة الأصلية كتبت بواسطة Last_Angel
...بس مشكلته ان نادرا ما يكون فيه Dub (هذا مو مشكله بالنسبه لي لاني افضل ال Sub بس فيه كثير اعرفهم ما لهم خلق يقرون :p ) ولكن المشكله العظمى انه الترجمه مش ولا بد ...



...(ال he و الShe نفس الشي.. والs حقت الجمع هذي انسوها.. ومرات يجي واحد يقول جمله و ما يترجمونها ?: )

يعني هو مو لذيك الدرجه سيئه الترجمه بس ابدا مو كويسه :(



ان شاء الله فادتكم فلسفتي ^_^

---

اها صح اذكرت...كنت اطالع LAPUTA...castel ik the sky...و..nausicaa of the valley of the wind...للفنان المبدع مياازاكي..

قلنا hong kong copy..لكن صدق ..كانت الترجمه زفتة والاغلاط الاملائية واضحة >_<

بس المهم انه..ينفهم :D

كا ماسمع حد يتكلم عن الترجمة السيئة..اذكر هالفلمين ^^

وانا كل ما سمعت هالكلام اتذكر يويو هاكسو...

كانت الاسامي كلها غلط في غلط
هيي مسمينه كوراما والعكس
غير ال she و ال he

يعني الترجمة وايد خوارة
غير اني احس ان الصور تفوتني وانا اقرا الترجمة
مع ان سرعتي معقولة في القراية

بس حاليا ممكن اخذ الانيمي مترجم او مدبلج
اهم شي عندي اني افهم القصة

والا ... بلاها :o

سلاااااام..
thnnnx خلود وتي ام.. كنت ناوي اكتب تقرير او 2 من قبل.. لكن ماكان عندي وقت..

وبماااا أن بكره بتبدا الجامعه التعيسه :" فبكتب اليوم انشالله..

انيمي: Fushigi Yugi.. Eikoden
http://store5.yimg.com/I/animenation_1727_197535879
اعتقد ان 90% من الاعضاء هنا شافوا فوشيجي يوجي.. او عالاقل يعرفونه.. Eikoden هو الاوفا الثاني... فضلت اكتب عنه لأن يمكن الاكثريه للحين ماشافوه..
Eikoden الاوفا من 4 حلقات يحكي قصة بنت اسمها Mayo في نفس ثانوية Miaka بطلة فوشيجي.. هالبنت طاح في يدها كتاب Universe of the Four Gods اللي فيه القصه واعرفت كل شي عنه.. تقريبا.. وشلون ان مياكا و تاكا (تاماهومي) حبوا بعض.. ولأنها تحب تاماهومي.. قررت تدخل عالم الكتاب وتبتعد عن العالم الحقيقي اللي هي تكرهه نظرا لمشاكلها.. لكن الامور في الكتاب مب بهالبساطه.. تحاول مايو وهي في الكتاب ان تبعد تاماهومي او تاكا عن مياكا وتخليه يحبها.. وبسبب حقدها الزايد على مياكا..تسيطر عليها قوه شريره وتنطلق للعالم.. المهم مابي ادخل في التفاصيل لكن في النهايه تدرك Mayo انها غلطانه وتحاول تنهي المشكله بتحرير Suzaku ليقضي على هالقوه طبعا بمساعدة الseven shosen...
هذي هي القصه ببساطه.... مممم وبصراحه مافيها تلك الحبكه الحلوه اللي موجوده في المسلسل او الاوفا الاول..
يعني مقارنة بالاجزاء السابقه.. Eikoden مب حلو لذيك الدرجه

وثانيا الرسوم.. مب حلللللللوه ابدا... يعني بصراحه اعطيها C..
مدخلين الكمبيوتر في الرسوم وحتى Suzaku و Shirio راسمينهم 3d صحيح انه مضبوط عدل.. لكن مب حلو.. يعني الرسم السابق وايد احلى

الموسيقى.. تقريبا نفس الشي.. لكن بعد الاجزاء السابقه احححلى..

يعنيي.. Eikoden مايستاهل ان تشوفونه.. ولو كنتوا من المتولعين في فوشيجي يوجي.. يمكن هالجزء يخرب شوي..

اتمنى ان استفدتم من الكلام اللي قلته..

سنعود بعد قليل:p

.... عدنا :p هعهعهعهع

اوكي... الحين عندي 4 انيميات ابي اكتب عنهم.. ماعرف اكتب عن شنو
Hellsing - Kare Kano (His and Her...) - Shamanic Princess - Burn Up Excess

اعتقد بكتب عن Hellsing هالمره..
http://store5.yimg.com/I/animenation_1725_42382916

مسلسل هلسنج انتشر بصوره كبيره وكان من بين الtop list في حين من الوقت.. لكن خل نشوف اذا صج يستاهل ولا لأ;)

احداث القصه تدور في London انجلترا.. Hellsing هي منظمة تقوم بمحاربة مصاصي الدماء اللي يظهرون ليلا طبعا لاشباع ظمأهم..
ووووو من بطل القصه;) صاحبا وحبيبا ألوكارد Alucard.. الوكارد يعمل لهالمنظمه اللي يرأسها السيدة إنتجرا هلسنج.. ويتم اكتشاف ان مصاصي الدماء هم مجرد العاب اذا كان ممكن نقول.. اشخاص مزروع داخلهم شرائح كمبيوتر متطوره عشان يتحولون لمصاصي دماء.. طبعا منظمة هلسنج تحاول تحل لغز هالاشخاص و العصابه اللي وراهم.. كله لحماية الملك والملكه والوطن على قولتهم.. ومع الوكارد في شخصية ثانيه اسمها Seras تابعه للمنظمه وتساعد الوكارد.. وايضا المنظمه لها جيشها الخاص ومانسى اقول انها منظمه سريه محد يعرف عنها من العامه.. لكن مع الوقت تنكشف وتصير مشاكل ومواجهات صعبه وعقبات في طريق هالمنظمه وغير الاعداء اللي كل مالهم ويصيرون اقوى...
القصه مثيره ومميزه صراحة.. يعني صج تستاهل.. ولاااااااكن..
على الجزء الاخير من المسلسل.. الرسوم الفظيعه تخترب.. وبعض اللخبطه تصير في النهايه..... مابي اكمل.. لأن لو كملت بحرق عليكم
يعني تبون الزبده.. المسلسل يستاهل طبعا قصته جميله ومميزه.. لكن كعادة شركة Gonzo productions يخربون الشي في النهاية..

إذا شفت مسلسل Hellsing اتمنى ان تدخل على هاللنك http://www.animenation.net/news/askjohn.php?id=627
لكن لو ماشفته.. لاتدخل.. ألا اذا كنت تبي تخرب على نفسك شوي

نصيحه اخيره ومهمه جدا.... انصحك ان تشتري المانجا احسن.. انا ماشفته لكن القصه فيه احلى حسب ماعرفت.. لكن في الانيمي ماخذ مجرى ثاني

المره الجايه باذن الله... بكتب عن واحد من هذيلا
His and Her Circumstances
Burn Up Excess
Shamanic Princess
Martial Successor Nadesico
Now and Then...... Here and There

ok... هلأ صار بدنا نمشي
باي

فعلا جوبي تشان من أفضل الأنيمي الي شفتهم خاصة الأنريفايند رهيبين ههههه...المواقف المضحكة ما تتوقعها فيه و مثل ما قالت TM13 الرسم متناسب معاها...قصة حلوة و خفيفة شخصيات ظريفة...فكرته تشد المتابع و على فكرة البطلة لها تحوّل رهيب!
بالنسبة الى لوف هينا يا رانما فهذا بالتأكيد مو للكل هو فعلا ممتاز من نواحي كثيرة و فكرته أن كايترو يبي يدخل التوكيو يو طول القصّة و كل مرة يصير شي مهما كان تافه يمنعه ههههه يضحّك بس الي يمنع متابعته أنه مليء بالمواقف الي مو الكل يجدها مقبولة!(مجرد رأي)

شكرا رانما على التقارير

الاوفا الثاني من فوشيجي قالت لي رفيجتي عنه نفس الكلام
ففضلت اني ما اجوفه ورجعته لها على طول ..
مب حابة اخرب الصورة الحلوة اللي في بالي عن فوشيجي من بعد المسلسل والاوفا الاول

صراحة ما كان له داعي انهم يسوون اوفا ثاني..
قول الاوفا الاول عرفنا فيه اشياء ثانية عن الشخصيات
لكن الثاني.. :(

جيوبيه وايد مواقف مضحكة فيه
تعرفون شنو اللي اكثر شي يخليني افقع من الضحك
لما يرسمون الشخصيات الثانوية مسخرة
مثل ذاك الصبي مع عصابته اللي كأنهم سيابيل.. في حلقة ما كان لهم ذاك الدور الكبير وتلقونهم مرسومين خرابيط وقاعدين يعقرون في الرسام انه مب مهتم في رسمهم لانهم صايرين اليوم ثانويين في القصة بشكل كبير

وتجوف الزحمة من طلاب الصف يرسمونهم كأنهم اخطبوطات بيضا

ولا هالمدرسين التحفة اللي كل يوم مدرس غير شكل طالع لهم

وابو جيوبيه اللي كل مرة يضيع في الغابة ولا يعرف طريجه

بس بعد كانت فيه مواقف محزنة.. خصوصا لما يتذكرون شلون ماتت امه ^^

الحين تلقونهم معصبين لاني خربت المسلسل وقلبت الموضوع كله ذكريات وخرابيط...