طلبيات انترنتية

[orange road]

بسم الله الرحمن الرحيم

هالموضوع بيكون عن الطلبيات اللي نشتريها عن طريق الانترنت

سواء كانت مانجا او انيمي

لا تكتبون الا عن اي شي شريتوه انتوا
وهل تنصحون فيه الاعضاء اللي يشترون والا لا


وورونا همتكم

[orange road]

باتكلم اول شي عن هالمانجا اللي توني شاريتها



من كم يوم وصلتني بس عن طريق الانيمي نايشن

وايد رهيبة من ناحية القصة والرسوم

شريت حتى الحين للعدد الخامس
وناوية انشاءالله اكمل باقي الاعداد اول ما تنزل في الموقع

المانجا عبارة عن قصة طالبة اسمها مومو تحب صديقها في المدرسة توجي
مومو عندها صديقة ثانية اسمه سوي.. سوي من نوعية ال copycat اللي يقلدون كل شي تسويه مومو
ولما عرفت انها تحب توجي تبتدي تحاول المستحيل الا تاخذ توجي منها وتخليه يحبها غصب

القصة فيها علاقات متعددة ومعقدة وانا ما قلت الا شي بسيط منها
فيها مواقف بتفجركم من الغضب
وفي نفس الوقت مواقف بتموتكم من الضحك

اكثر شخصية حبيتها هو كيلي، وهو ولد حب مومو لكنه داس على قلبه وخلاها ترجع حق حبيبها توجي

اللي ناوي يشتري مانجا يديدة من النت
ارشح peach girl بقوة

[orange road]

في نفس الطلبية شريت هالانيمي

Strawberry Eggs



وهالانيمي عجبني

بس مب انه على مستوى

القصة عادية نوعا ما...
لكن الرسم حلو
والالوان ناصعة (احب هالنوعية من الرسوم )

الاصوات اوكي (اعتقد ان اللي يقلد صوت البطل هو نفسه اللي قلد صوت تاماهومي في فوشيجي يوجي)

القصة عبارة عن مدرس رياضة ويبي يلتحق بشغل علشان يقدر يدفع اجار الغرفة اللي قاعد فيها
لكن للاسف المدرسة الوحيدة القريبة منهم ما تاخذ الا نسوان للتدريس
علشان جذي يتنكر على هيئة مدرسة ويلتحق في الشغل
بعد اختبار بسيط ينقبل ويبتدي بالتدريس وهني يحاول يعدل اوضاع الطلاب والطالبات في المدرسة ويحل مشاكلهم

فيه شخصيات مضحكة
وشخصيات كيوت


ممكن اعطي هالانيمي 85 من 100
مب متحمسة اني اكمل واشتري باقي الاجزاء
مب الحين يعني
عندي اولويات اكثر منه
يمكن بعدين لما يقدم اكثر احاول اشتريه بسعر ارخص

(نصيحة: نطروا يسوون عليه تنزيلات واشتروه... لانه اذا فاتكم ما بيفوتكم شي مهم)

[fatoom]

والله موضوع اوكي

تسلمين خلوود

[orange road]

شكرا فطوم

واتمنى الاعضاء يشاركون بعد في الموضوع

طيب

هاذي اخر كتاب شريته في سلسلة تعليم رسم المانجا
واسمه How to Draw Manga 'Young Men'



الكتاب رائع
ووايد مفيد

فيه صور توضيحية حق رسم الاولاد
ويساعد وايد خصوصا ان فيه وضعيات حلوة ويوضح لك انواع الملابس وقصات الشعر وغيره

انصح اللي يعانون من ضعف في رسم الاولاد (مثل حالاتي :": ) انهم يشترونه لانه بيفيدهم وايد

فطوم... انتي ما في داعي تشترينه
:غضب: ولا كلمة....

اعطي الكتاب 90 من 100
والسبب ان كان ممكن يحطون اشياء اكثر من جذي
يعني يزيدون الثياب والحركات
بس يبقى كتاب مفيد وايد

[orange road]

اسم الكتاب Kana Pict-O-Graphix Book

لكنه ما بيعلمك الكلمات

كتاب شاريته من فترة
صغير الحجم.. كتاب جيب يعني

يعلمك الكاتاكانا والهيراجانا
الحروف واشكالها
ويربطها مع بعض الكلمات الانجليزية

في كتاب ثاني يعلمك الكانجي
افكر اشتريه لانه من نفس النوعية
وحاسة انه بيكون مفيد في تعلم الكلمات بالكانجي

ترى الكتاب بيعلمك الحروف

[orange road]

» Kamikaze Kaito Jeanne

هالكتاب بالياباني
لكنك ما بتحتاج لغة علشان تفهمه

الكتاب عبارة عن كتاب اليستروشن
وكله رسوم للفنانة Arina Tanemura
الرسوم قمة في الروعة
التلوين بالالوان المائية والفلوماستر لكنه رهيب
يمكن بس في كم صفحة ورا بالياباني لكنه روووووووووووووعة

الكتاب شرته ريميتا
وعجبني وايد وباحاول اشتري واحد مثله علشان تكون نسختي عندي



اعطي الكتاب 100 من 100

[sultoon]

سلاااام

خلود انتي وايد تطلبين من النت ^_^

خخخخخ انا المره الوحيدة اللي طلبت فيها من النت

طلبت قصص هاري بوتر لاكن ما راح اجيب صورهم

ومعلوماتهم لأن مالهم خص بالآنيمي

[orange road]

هههههههههه ادري اخ سلطون

شاسوي اخوي؟؟؟

الواحد اذا يبي مانجا او انيمي ما يلقى الا في النت
اسهل واسرع

ثلاث ايام والطلبية عندي

[Space Cowboy]

سلام!

خلود , فكرة رائعة منك , سأخذ كل الترشيحات بعين الأعتبار عندما اعد الميزانية القادمة (( في ازمة اقتصادية حاليا))

حسنا اسمحوا لي بأن ارشح الأنيم و المانجا "One Piece"

قصة رائعة , عن فتى يحاول ان يصبح افضل قرصان في العالم , بدت لي الفكرة صبيانية في البداية و لكن سرعان ما غيرت رأي فالقصة اعمق من ذلك و اسلوب رسم غريب نوعا ما , مزج الكثير من اللحظات المضحكة و المؤثرة معا

يمكنكم تجربه هذه الأعداد التي قمت بترجمتها اذا كنتم مترددين و لا تودون المخاطرة
http://www.montada.com/showthread.ph...hreadid=135899

اتمنى ان تنال على رضاكم
شكرا,,,

سلام

[orange road]

شكرا سبايس كوبوي

يا ريت بعد الكل يشارك معانا في الموضوع

اوكي باكمل...

bastard
انيمي رائع للي يحبون اجواء السحر والشعوذة والقوى الغامضة
كلها 6 حلقات
لكنها روعة

الرسم وايد حلو (بس في الحلقة الرابعة اختبص شوي.. وبعدين رد اعتدل في الحلقات اللي بعدها)

القصة عن الساحر دارك شنايدر اللي في فترة من الفترات حاول انه يملك العالم
لكنه فجأة اختفى ومحد عرف وين وشلون
وبعد 14 سنة رجع

هل بيتم مثل ما هو tha man divel والا خططه تغيرت بعد هالغيبة
ووين كان

القصة وايد عجبتني
واعتقد اني جفت الانيمي حوالي 6 او 7 مرات :6

[orange road]

Card Captor Sakura

جفت كم دي في دي منهم
ولحسن الحظ كنت مستعيرتهم (يعني ما كانت طلبيتي)

ليش لحسن الحظ؟؟؟
لان الانيمي ذي صج انه لكلامب لكنه ما عجبني ابد

الرسم حلو ما عليه كلام
لكن القصة ما تحمس كلش... مسلسل اطفال
يذكرني بسايلر موون وخمتها

ما بيعجب الكبار
الصغار يمكن يحبونه

بالنسبة لي ما انصحكم فيه
لو شنو يقولون لكم عنه لا تصدقونه

[orange road]

city hunter

فيلم رائع

القصة تحفة
والرسم رهيب

فيها اكشن وكوميديا بشكل كبير (اميل وايد للكوميديا)

عموما افلام سيتي هنتر كلها حلوة لكن هالفلم احلاها والرسم فيه ادق من غيره
اذا لقيتوا افلام له اشتروها لانها حلوة :6

عندي له 5 افلام
المسلسل التلفزيوني ما شريته لاني ما لقيته بالانجليزي

اعطي الفيلم 99 من 100
ليش 99؟؟؟
علشان تكون محبوكة :6

[RPGgirl]

هاي
موضوع رائع اخت خلود
بس ممكن تحطين اسماء مواقع زينة لطلبيات الانترنت
انا عني مشكلتي الوحيدة الدفع اهو لازم بطاقة مادري من وين اجيبها :":

[orange road]

اهلا ار بي جي جيرل

احسن المواقع لشراء الانيمي عبر الانترنت هو

http://www.animenation.com

http://www.animecorner.com

وهالموقعين يتعاملون بعد بالحوالات المالية
بس البطاقة احسن لانها اسرع
وانصح باستخدام بطاقات ال e card لانها مخصصة للشراء عبر الانترنت

في موقع توني لاقيته وافكر اشتري منه بعد
لانه يبيع دي في دي بسعر معقول

وهالموقع هو
http://www.deepdiscountdvd.com/index.cfm