الحمد الله على السلامه يا الغالي ,,,
عرض للطباعة
الحمد الله على السلامه يا الغالي ,,,
الله يسعدكم يارب والشر ما يجيكم ,,,
وللأسف انا منقطع عن التمرين حتى تاريخ اليوم ووزني نزل 4 كيلو ,,
ومن جد شي يقهر بس مضطر اوقف عشان صحتي ,, وعشان التعافي التام لجسمي ,,
الله يبعد عننا شرور الدنيا يارب
نزول الوزن من النفسيه شي طبيعي اهم شي اخوي تحافظ على صحتك صدقني بترجع اللي نقصك دام عندك عزيمه بفتره وجيزة
اهم شي اهتم بصحتك وموفق خير
اقتباس:
المشاركة الأصلية كتبت بواسطة mashkaljey
فعلا أبو ابراهيم ,, صدقت والله
انا عندي فجعة من الحادث , لأني ما صرت أقدر اشرب مويا ..!!
بس احاول اسيطر ع نفسي لكن مدري ليه الهبوط القوي لوزني ..!!
تصدق ما فكرت في السيارة ابدا لاني قادر اجيب وحدة اليوم قبل بكرة الحمدلله بس من جد وقت ما تشوف الموت قدام عينك ,, شي مرررة كبير !!!
الله يحسن خواتمنا يارب :)
بس ان شاء الله رح ارجع بعد يومين وعضلاتي ماشاء الله بعد البوش أب تصير قوية وكبيرة ورح اواصل والله يبعد عننا العيون يااارب ,,,,,
واصلوا ياوحوووش
" وعسى أن تكرهو شيئاً وهو خيرُ لكمْ "
فعلا ,, الحمدللهاقتباس:
المشاركة الأصلية كتبت بواسطة AmiTy Ville
ههههه صورة الكيركاتير تحفة
:biggthump
ههههه تلقاه بموضوع وجهي جرب تحط اقرب صورة لك وخلنا نشوف بالموضوع :)
,,
اهلين بالوحووش ,,
انا راجع اليوم العب حديد ورح العب كوكتيل ولياقة ,, انقطعت 16 يوم بسبب الحادث وجسمي تعافى شبه كامل الحمدلله ,,
طبعا رح استخدم اليوم كالتالي :
- ليبو 6 بلاك
- نو اكسبلود
- واي بروتين + جلوتامين ( بعد النوم + بعد التمرين + قبل النوم )
- 2222 ( ما استغني عنو ابدن حتى ايام انقطاعي )
,,
الكورس الآخر تبعي وقفته عشانه يكثر من كريات الدم الحمراء ,,
والله من غير مجاملة في اسبوع زاد وزني عضل خيالي ,, بس فقدته بسرعة خيالية بعد الحادث لأني ما كنت آكل كويس وحتى المويا ما كنت اقدر اشرب ,,
الله يستر علينا من العيون ونسأل الله أن يعافينا من كل شرور الدنيا ,,
موفق عزيزي تركي بخصوص توقفك عن الكورس ميندرى يمكن ربك كاتبلك توقف :)
وكورسك الحالي ممتاز وتعويض فعال للنقص الحيوي اللي راح
امنياتي لك بالصحه والتوفيق
^^
واحد من المكاسب الكبيرة اللي كسبتها بمنتدى المنتدى ,,
ما انحرم من لطفك ياغالي ,,
,,
الحمدلله ,, نزل وزني بسبب التوقف لـ 16 يوم والحمدلله ليا 4 ايام تمرين متواصل , يومين كوكتيل ولياقة ويومين مكز ع كل عضلة ع حدة ,, وعدنا من جديد للروتين الجميل ,,,
الجميل ان وزني زاد كيلو ونص عضل ,,
ورح اطرح مشاركتي في قسم تجارب الاعضاء مع المنتجات ,,
ماشاءالله عليك ياتركي احلى مافيك اصرارك المميز واشكرك على حروفك الجميله
واصل تقدمك وان شاءالله تصل للمطلوب
شبــآإب حبيت اسئلكم سؤال غريب شوي .!!
اليوم جالس افرفر في التلفزيون وحطيت على شوتايم برنامج [ ملاكمه ] المهم اشوف اجسامهم كلهم نحاف
يعني مافي احد باين عليه لعب الكمال اجسام وش السبب ؟؟ معقوله كمال الاجسام يقضي على اللياقه والسرعه ..؟
واسف على الدخله ههههههههه بس سؤال خطر ببالي
^^
سؤالك حلو ’’
عارف ليش ناشفين وربما يكونو 5 % دهون بأجسامهم ,,
لأن الملاكمة تعتمد ع السرعة و القوة واللياقة العالية خاصة للنزالات الطويلة مثل 15 جولة ,,
فتلاقي الملاكم الحريص يطور في لياقته أكثر من بناء عضلات لا تفيده وقت الجد ,,
زيد ع ذلك , أن تمارين اللياقة العالية تحرق الدهون , وبما ان اللاعب لا يوجد به دهون رح تلاقي الجسم يحرق العضل وذلك حفاظا ع سلامته , وياسبحان الله ,,
,,
لعبة كمال الأجسام لعبة استعراضية انيقة وأغلب لاعبيها مرهفين ,,
ههههههههههه صدقني ,, والله مرهفين , بس متوحشين في الجيم
تحياتي
اقتباس:
المشاركة الأصلية كتبت بواسطة مذووب
مثل ماقال تركي وتراهم يلعبو حديد (( اجباري )) لكنهم يكثرو من الكارديو وبعدين كله على حسب فئة الوزن وطريقة اللعب
شوف مثلا هذا جسم مايك تايسون
http://thebluecorner.files.wordpress...mike-tyson.jpg
وهذا جدوله
الساعة 5 صباحا : يستقيظ من النوم ليجري 4 كيلومتر << الظاهر انه مايرتاح للكارديو :D
الساعة 6 صباحا : يستحم ثم يعود للنوم
الساعة 10 صباحا : يستيقظ ويتناول طحين الشوفان
الساعة 12 ظهرا : يتدرب 10 جولات قتال في الحلبة
الساعة 2 ظهرا : يتناول وجبة اخرى ( شريحة ستيك + باستا + عصير فواكه )
الساعة 4 العصر : 60 دقيقة على الدراجة
الساعة 5 العصر : يقوم بالتمارين الجسدية : 2000 بطن + 500 الى 800 تمرين المتوازي + 500 بوش اب + تمرين بار الحديد وزن 30 كيلو لكلا من ( ترايسبس + بايسبس + كتف + صدر )
الساعة 7 الليل : يتناول وجبة اخرى ( ستيك + باستا + عصير برتقال )
الساعة 8 الليل : 30 دقيقة على الدراجة
الساعة 9:30 الليل : يشاهد التلفاز ثم ينام
وهذي نتائج الجدول تتكلم بنفسها
http://www.youtube.com/watch?v=tLAOZ...eature=related
(( للعلم الجدول منقول اساسا من منتدى اجنبي ))
جيو جستو معقوله هالصدر والباي وبار 30 كيلو ؟ قليل جدا على هكذا جسم اتوقع ياخذ كورسات :)
يمكن يكون غير اوزان بفتره والله واعلم
واكثر الناس مايعرفو انه هو ضخم اساسا من هو طفل لمن كان عمره 12 سنه كان طوله بالـ 170 وتوقف طوله وعمره 13 اظني على طول 178 وجسمه ضخم وقوي من هو صغير
شوف هذا الفيديو وعمره 15 سنه
http://www.youtube.com/watch?v=VRs5budNvxg
صعب انه يكون اخذ كورسات طول مسيرته الرياضيه ومانكشف باي فحص سوا قبل المباراه او بعد المباراه
والله واعلم
ماشاء الله 500 بوش اب و 2000 بطن بدون راحه << صراحه ارقام مايتحملها الجسم البشري ههههه
:wow: ومن قال بدون راحه :wow:اقتباس:
المشاركة الأصلية كتبت بواسطة مذووب
ههههههههه اهــآ يعني 500 بوش اب على جولات < كذا معقول بغيت اتحطم ههههه
اذا 500 بدون راحه هذا مب ادمي هذا مكينة
هو صحيح ممنوع عليهم الكورسات الممنوعه دوليا لكن في منتجات اعتقد اجباري ياخذها اما على هالتغذية فقط ماعتقد بيعطي مجهود
اذا 500 بدون راحه هذا مب ادمي هذا مكينة
هو صحيح ممنوع عليهم الكورسات الممنوعه دوليا لكن في منتجات اعتقد اجباري ياخذها اما على هالتغذية فقط ماعتقد بيعطي مجهود
صباح الورد والعمبر والياسمين
<---- قاعد يتفرفر في المنتدى وطاح على الموضوع الحلو مكان زين حق سعة الصدر والسوالف .....
500 هذا حتى لو كان مكينة ياخوي اميتي راح تنفجر هههههههههههه
بس صراحة جسمه كل شخص يتمناه ماشاءالله عليه
انا مو طماع كثير بس ابي جسمي يكون هيبة بالمعنى والفعل ان شاء الله
<----- مو ناوي يطلع من الحديد الا هو اقل شي رافع 100 كيلو لوووووووووووول
صدقت يا مناداة الليل :)
ان شاءالله مو 100 ان شاءالله بترفع 150 بالتوفيق يالغالي
بخصوص مايك تايسون
شي طبيعي انه مااستخدم الهرمونات او اي شي يؤدي لنفخ العضلات
لكن من المحتمل والمحتمل جدا انه استخدم شي يساعده على التمرين
يعني شي ينشط
لأنه ببساطه يبي عضله قويه مايبي عضله حجمها كبير
لاعب كمال الاجسام يفرق معه حجم العضله
لاعب الملاكمة يفرق معه قوة العضلة
طيب لو جينا لأفضل ملاكمين غير تايسون
محمد علي ونسيم حميد
بتشوفون فرق كبير في البنية بينهم الثلاثة
محمد ونسيم نحيفين جدا ومافي ذيك العضلات البارزة
عكس تايسون اللي كنه دبابه من قوة العضلات وحجمها
محمد ونسيم اسلوبهم يعتمد على الخفة واللياقة
عكس تايسون اللي يعتمد على القوة
ان شاء الله يا اميتي الله يسمع منك يالغالي
alakrab
اي نعم يالغالي كلامك100%
كمال الاجسام تقريباً استعراض عكس الملاكمة الي هي فعلاً تحتاج الى قوة وعقل في نفس الوقت اكثر من بناء عضلة ....
ولكن تبقى كمال الاجسام هي اقوى الالعاب في نظري لرفع الاوزان هههههههه
آسـمعوآ سآلفـة صآحبـي آلي يلعـب معـي كرة سـلة عمـره 17
يشهـد آلله لو تشوفـوه تقـولوآ هذآ لآعـب كمآل آجسآم صآر له سنتين على آلآقـل !
جسـمه نآشـف وعـضل صآفي 100% ، صرآحة أول مرة أشـوف جسم زي جسمـه ..
ويقـول أنه مآ تمرن حـديد أبداً ؟ بس ضغـط وبطن !!
مآدري وش سآلفته ، بس عضلـة آلبآيسب مكورة وكبيـرة ومنفصلة عن الكتف نهآئيـاً !!!
وآلكتف عنـده مكور ومفصـل ويبين خـطوط آلتفصـيل ..
وعصـلآت بطنـة !!!! سبحآن آلله يعـني 6 بآك آبز صح ومفصلة ومنسقة صح !
وآلصـدرر مفصـل وفي ضخآمة خفيـفة ،
خسآرة مآ عنـدي صـورة له ، بس من جد لو تشوفوه تقولوآ هذآ كآن مضخم سنتين وآلحين نشف لبطولة هع !!!
آقوله لو تدخـل كمآل آجسآم كآن تصـير على مستوى عآلمي ،
آي صح ، في مرة رحـت معه آلصآلة ، ولعـب تمرين سكوآت ،
مآ أشوفه إلآ حآط 80 كيـلو ، 40 يمين و40 يسآر ..
أقوله مجنون آنت .. قآل مآ عـليك ، ومآ أشوفه إلآ نزل وآرتفع وزي آلكيك !
وعآدي عنـده ؟ وحتى تمرين آلبآيسب آلبآر ، حآط 30 كيلو !! وسوى 10 تكرآرآت !
سبحآن آلله ، آنآ حآس آنه عنـده طفـرة جينيـة أو جينآت أمريكية هههههه
وعلى فكرة ، حتى أخوه إلآ عمـره 15 ، مو طبيعي ! ضخآمة لكن مو مفصل
بس في عضلآت زي آلي دآخلين ضخآمة هههه وبايسب ضخمة !
مآ آقول إلآ آلله يحفظهم لآعبينآ ويخليهم عن الحساد ،
ماشاء الله عليهم هههههههههههه
بس فعلا في ناس وراثيا عضلاتهم قويه ومع تمرين بسيط يجبون نتيجه قويه
بس انا اتوقع اي واحد ممكن يضخم بسهوله بس المشكله في [ النظام الغذائي ]
الله يعين مايمر يوم الا طااق علبتين ببسي ... والبروتين مو دايم الاهل طابخين بروتين ...
لاكن نعوض بالتمرين ههه
أي نظآم غـذآئي ، مآ أمزح معـك !
بس هذولـي عـلى طول بوفيـة ومطآعم 24 سآعـة .. هم آلي يحرضوني آكل معآهم !
آقولهم مسوي دآيـت ومآدري آيش ، يقولوآ لي بلآ دلـع قآل آيش قآل دآيـت ؛P
مربحيـن بوفيـة آلنورس ولآزم مع آلأكـل آلي في آلبوفية بيبـسي وبعد آلبوفية بيبسي ثآنـي =D
آلله يعيـنآ بسس !
انا عيبي يا جماعة الخير
اني البيبسي ما استغني عنه وصراحه الحين قللت صرت اشرب باليوم بالكثير بالكثير 2 بيبسي هههههههه وان شاء الله شوي شوي نقول له بيباي
والعيب الاخر التدخين ..... وهذا العائق الكبير الله يفكني منه ويفك كل مدخن .... لو ما كنت ادخن يا طيبين جان والله بكل سهولة اجيبها 10 كيلو بالشهر بما اني الحين الحمدلله جبتها 4 كيلو وانا ادخن فبدون التدخين اكيد راح تكون النتايج اقوى بكثير
لهذا الي ما يدخن لا يفكر يدخن هههههههههه كلها مضره بالصحه
الاضرار كثيره والتدخين عامل سيء جدا في مجال الرياضه بصفه عامه
الله يفكنا منه ونفتك من مساوئه
اما الببسي سهل تستغني عنه وتحط له بديل على الاقل لو ماقدر الواحد يستغني عن الغازات يروح للأفضل منه وشراب الشعير مثل باربيكان جيد
<< مدمن باربيكان اناناس :)
سبق لي وادمن على البيربيكان
ما يمشي معاي هههههه
بعدها ضليت على حليب الشوكولاته المعلب من المراعي هذا ضبط معاي بس بسرعه يخلص لوووووووووول
كيف حاآلكم شباآب ..,
شباب حبيت اناقشكم بموضوع "الطبخ"
مثل مانتم عارفَين باليوم نحتاج الى اكل [ لحم ,دجاج ] ... بغض النظر عن المعلبات مثل [ التونه ] لانه من غير طبخ
حبيت اعرف كيف تسوونها لاني صراحه اطبخ صدور دجاج مسلوقه بماء << لاكن المشكله الطعم خخخخخخ
فا ابي اشوف افكاركم عسىآ طعمها زيين ههههه
وطبعا السالفه مهمه لــ [ العزوبيه ] ..~ <
^^^^
سوري كرر الرد بالغلط <
هلا اخوي
انزين شغلك مضبوط يالغالي تدري!؟؟؟
وترى ما تجيك الفوائد الا من الاشياء الي تسد النفس وتلوع الجبد
وانا انصحك كل يوم تاكل لك شي غير
مثلاً الروب مع الخبز والتونة والفواكه
يعني تنوع بشكل عام وماله داعي مصاريف كثيرة بس اهم شي التغذية كثيرة يعني شوف انا
الله يشهد ياخوي باليوم ما اخسر اكثر من 10 ريال على تغذيتي شرايك؟
لاني مضبط حالي بامور التغذيه بالبيت مثلاً
قبل التمرين اشخط لي علبة تونة مع خمس خبز
بعد التمرين علبة روب مع خبز
في العشاء صحن عيش مع صدر دجاج
الصباح ساعات اخذ لي جباتي لوووووووووووول مع الو 5 وساعات خبز مع طعمية وجبن وكذا
وساعات جبن خبز اثنين
يعني انوع ولكن اهم شي تكون تغذيتي فيها الكثير
اهاا يعني مالك نظام معين تمشي عليه على حسب مزاجك .!!
بس انا من رايي يكون عندك نظام محدد لمدة شهرين مثلا ..
افضل من كل شوي افحط بالمطبخ ادور لي شي < وجهة نظر افضل تمشي على روتين ههههه
صحيح إن التنويع ضروري ومهم ,,
ولكن أغلب الابطال مستمرين ع روتين وااااحد ,, بروتين + كاربو + الياف واخرى ,,,
عندك روني كولمان , نفس الافطار ونفس الغداء ونفس العشاء ونفس المكملات ,, ونفس الحكاية مع جاي كتلر ,, وكلهم يقولو ع نفس المنوال وع نفس الروتين ,,, وصلنا لمستوى البطولة
وعن نفسي ,, احب انوع مع تحفظ ,,
مثلا , بدل ما آكل رز قبل التمرين آكل معكرونة أو بطاطا مسلوقة ,,
بالعشاء ,, بدل ما آكل مثلا صدر دجاج , آكل استيك أو فيليه سمك مسلوق ,,
الموهم ,, الحفاظ ع البروتين ( الكمية الاكبر والاهم ) و لكاربو عشان الطاقة والضخامة ,, والالياف عشان الفتيمينات ,,,,,
ترتيبك حلو في اقتصادك يا مناداة الليل
تركي نفس موضوعي من ناحيه الاكل صحيح اكل لكن اهم شي التحفظ خصوصا وقت الجد
ايه ياخوي الغالي اميتي لابد والله الاقتصاد ..... لا تنسى مافي اصحى وافضل من اكل البيت والله لو مهم يكون
اخوي توتو
روني كولمن هذي الراتب الشهري ماله ياخوي اتوقع احنا نقترضه من البنك وندفع فيه 7 سنين ههههههههههههههه
ولا اشرايك
,,
منادة الليل ,, مرحبتين ,,
صحيح اللعبة ميزانية , ولكن ليست صعبة على الجميع ,,
يعني عندك الفول والعدس ( بريال سعودي واحد ) قيمة هائلة من البروتين النباتي والكاربوهيدرات والفاتمينات ,,
الميزانية فقط تروح ع المكملات الغذائية والهرمونات والملابس والدعم اللوجستي الكااامل ,,,,
وروني كبداية كان رجل مكافح وشغال بالشرطة وليس غني , بنى جسمه بالأكل الصحي الطبيعي والمكملات البسيطة . . .
صراحة ياخوي ما قصرت
الحين داري عنه انه كان رجل حكومي كان
ماشاءالله عليه
وتسلم لي على المعلومات يالغالي :)
تعرف ياخوي اني حبيت كمال الاجسام وكسبت معلومات وصرت كل يوم ااقراء واتعلم كل شي عن كمال الاجسام وكل شي يخصها من هذا المنتدى وبالذات منكم والله
الله يحفظكم مابي احدد الاسماء كلكم فيكم الخير والبركة والله يجزيكم الف خير
^^
اهلين بيك ,, واتمنالك التوفيق يابطل ,,
(())
شباب ,, الكورس ماشاء الله ماشي معايا 100 % وفعلا الـ 6 باك بدت تبرز عن اول بضخامة قوية ,,
,,
وكمان حبيت انصحكم بالواي بروتين ,, والله جبار معايا
لكن بروتين البيض ,, منتج غبي بصراحة ,,
بالنسبة للإن او اكسبلود ,, والله شي خياااالي
,,
وتوجد منتجات جديدة , لكن انا شخصيا ما احوب اتكلم الا بعد التجربة ,,
الله يوفق الجميع يالغالي تسلم لي :)
بخصوص المكملات واالكورس الي تكلمت عنه اهنيك على انك راضي بالنتايج وان شاء الله تحقق الافضل باذن الله وشد على روحك والى الامام يالغالي
:09: ولا تنسى تتحدث في هذا الموضوع عن تجاربك مع المكملات
http://montada.com/showthread.php?t=654100:biggthump
انا ما افكر في الواي حالياً بسبب اني داش ضخامة والحمدلله حالياً راضي عن روحي بصراحه ولكن لحد الان ما وصلت للمستوى المطلوب ولكن باذن الله
بالتوفيق
,,
لا انا سجلت تجربي في المتصفح ياغالي ,,
وبالعكس جسمك ممتاز جدا ورياضي ,, فقط واااصل وافتح في الاكل عشان الضخامة ,
والله يا تركي انا باول استعمال للنو اكسبلود ما شفت مساله الكافين هذي تتعبني لكن الحين بعد ما استمريت فيه قريب الشهر الا شوي والله ما انام :(
كم اسكوب تاخذ يا تركي وهل تستخدمه وانت تلعب !!
انتظر ردك لاني اشوف سكوب واحد ما يعطيني هذاك النشاط صحيح احس بنشاط طول اليوم لكن اقصد بوقت التمرين وشنو الطعم اللي عندك ؟
الطعم فواكه مشكلة ,, جدا لزيييييز ..
طبعا اسكوبين في التمارين الطويلة المائلة للقوة ,,
3 اسكوب إذا كنت ناوي ألعب كارديو فترة لا تقل عن ساعة ونصف وحديد ساعتين ,,
طبعا الاسكوبين يكون في كوب ماء متوسط الحجم ويكون طعمه جدا قوي وواضح يعني الماء ما تكون اكثر من المسحوق ,, والماء باردة جدا ,,
اللي احسه بعد ما اشربه ببرد قارس وانتعاش لدرجة اني اقفل كل المكيفات والمراوح ..
وفعلا ينفخ البطن ويحسس بالشبع و انا دايما اشربه وانا جيعان ...
^^
طبعا استخدمه قبل التمرين بـ 30 د او 45 د
هو مذكور يا بطل الماء 5 اوز وانا عندي الشكير وكل شي تمام لكن ما جربت اضع سكوبين وماء قليل !!
اساس طعم البرتقال يكون واقف على البلعوم خلال اللعب واجباري اشرب ماء كثير
والفواكه المشكلة هذي فاتتني والله الكل يمدح بهالطعم
مستقبلا ان شاء الله بعد ما تنتهي العلبه اجرب الفواكه المشكلة :)
ومن بكره بدخل في سكوبين واروح النادي مبكر عن الموعد لاني تعبت من السهر تشوفني بالقسم كل وقت ما يجيني النوم :)
^^
هههههههههههه من جد
ع فكرة ,, والله انا اشوف من الغلط تشربه وقت التمرين !!
ناس كتيره تعمل كدا , وأنا افضل شرب الماء بكميات عالية اثناء التمرين
خليه قبل التمرين ياغالي بـ 45 د وشوف الطاقة يامعلم بس لا تهمل الكاربو وخاصة الأرز لانه سريع الحرق والتحول لطاقة + يحسسك بالشبع لفترة طويلة وخاصة وقت التمرين ,,
بالتوفيق
ايه انا اخذه قبل النادي من 45 دقيقه الى ساعه لان النادي اللي انا مسجل فيه بعيد شوي ياخذله وقت الين ما اوصل له لان الكابتن اللي فيه اعرفه من عمر يعني صارلنا زمان مع بعض
وما جربت اشربه وقت التمرين لكن مثل انا اشوف لناس تاخذه وقت التمرين !!
على كل حال اشكرك يا تركي وموفق خير بالديوان :)
مساء الخير :
ياشباب حاب اقولكم عن وزني قبل ما أدخل النادي ووزني الحالي . لاني بصراحه متحطم من الفتره الطويله
اللي قضيتها بالنادي والاكل القاسي . وحاس ان جسمي تحسن بس على خفيف رغم زيادة الوزن
طولي 175 سم
ووزني قبل النادي 58 كغ
ووزني الحالي 73 كغ
الفتره التي قضيتها 8 أشهر ومازلت
مساء الخير جميعا
عندى نضريه جربتها قبل سنين وكانت فعاله
كنت اشرب الفوسفجين اثناء التمرين اتمزمز فيه وكانت نتائجه مرضيه
الان طلعت منتجات كرياتين تستعملها اثناء التمرين منها سايز اون وهى كرياتين قوى ونوع ثانى من شركه مصلز تك
يعنى وجه نظرى كانت سليمه
ايضا كنت اشترى كرياتين بيور واضيف جرعتين واحط معه عصير تانج واذا وصلت النادى اضيف عليه ماى
واتمزمز فيه وانا اتمرن
بدال ماجرعه قبل وبعد التمرين
جرعتين واشربها على دفعات بدال قبل وبعد
هممم يعني يا بو قحط انت من مؤيدي استعمال منتج كرياتين اثناء التمرين
طيب يوم بشتريه بجربه باذن الله :)
هممم يعني يا بو قحط انت من مؤيدي استعمال منتج كرياتين اثناء التمرين
طيب يوم بشتريه بجربه باذن الله :)
اقتباس:
المشاركة الأصلية كتبت بواسطة رجل من عالم آخر
ماشاء الله ,, الزيادة قوية وواااااضحة جدا ,,
الاهم انك تحفز نفسك اول بأول وتشوفلك زملاء تدريب عشان الحماس ,,
وانا اشوف انك حققت هدفك وهو الوزن صار متناسق ,,
استمر يابطل وتفائل وحاول تشتري مكملات غذائية وسويها زي الكورس وشوف النتائج بعد الانتهاء
:)
اقتباس:
المشاركة الأصلية كتبت بواسطة .ابوقحط.
انا اعشق شرب البرتقال الطازج مزمزة اثناء التدريب ,, وممتاز جدا معايا ,,
وحاليا افضل الماء بسبب الكرياتين ,,
ونظريتك اكيد سليمة والمكملات لا تبنى الا بتجارب الابطال ...
لولاهم لما نجح مكمل واحد
هين من ناحية الحماس أحمس نفسي بإستمرار . وانا احب اللعبه . لكن بالنسبه للزملاءاقتباس:
المشاركة الأصلية كتبت بواسطة toto jeddah
كل ماقلت لاحد ادخل معاي بالنادي قال لي وين ياعمي داخل عشان اضارب خلق الله
يحسبون اللي يلعب حديد راعي مشاكل وطقاق . مايدرون انهم عكس كذا بالمره .
اما بالنسبه للمكملات عندي سيرياس ماس وامينو 2222 . بس ما أدري هذا كفايه او لا.
والله يعطيك العافيه والف الف شكر
ههههههههه ياخوي يارجل انت تقول جذي..؟؟؟
انا مشواري في الحديد بالمنزل زين :)
وياخوي انا شاب من الدوام للبيت وفي البيت اتمرن وخلاص اكل وكل شي وانا راقد...
بعض الاوقات فترات التمرين اطلع لما اسمع صوت الشباب اوقف معاهم بالدقايق فكانو يستهزئون فيني باسلوب مزحة
ها بوحديدة . ها يالقوي... والخ
هذي بداية مشواري...
وكنت في الايام الي مضت لما اطرح على واحد منهم يطير السالفة بضحك
والحين والله ياخوي غثوني ... تخيل 4اشخاص يبون يتمرنون معاي بالبيت وكل واحد يطحن علي اكتب لي جدول تمارينك وبتمرن معاك شهر وبعدها باخذ لي العدات بالبيت والخرابيط.....
يعني باذن الله الفترة الي بتضبط فيها جسمك بتشوف شلون
وبخصوص مكملاتك انت هدفك تضخيم اذا ما خاب ضني
فاذا كان تضخيم
خذ لك
سيرس ماس
سوبر امينو 4800 لانه ممتاز جداً للضخامة
انيمل بامب او -النواكسبلود
يعني شي يخليج تفجر في اللعب
اذا كنت تبي النتايج قوية وسريعة :)
هههههههههه اوكي علمهم بس بمقابل مادي الحين كل شئ صار بفلوساقتباس:
المشاركة الأصلية كتبت بواسطة منادة الليل
ترى الشغله بزنس ماهي لعب :D
عموما اباخذ نصيحتك واشتري انيمل بامب ابي انفجار غير طبيعي (متعقد من النحافه)
بس السوبر امينو هل يختلف عن الامينو اللي انا آخذه
http://up3.up-images.com/up/uploads4...8c6f08a7f8.jpg
معاليش اضطريت أني اصوره من الجوال لاني مالقيته بقوقل
السلام عليكم،
بالنسبة لي سوبر جارج أفضل نكهة كرياتين ذقتها وبطعم العنب، أما النو اكسبلود ممتاز بس جدا حامض وثقيييل ( عندي على طعم الفواكة) بس السوبر جارج كطعم ماكو مثله، جنك قاعد تشرب حلاو :d
بصراحة بخصوص هذا الامينو ما عندي علم ولكن :33: من الواضح انه 4800 افضل للضخامةاقتباس:
المشاركة الأصلية كتبت بواسطة رجل من عالم آخر
amino3000= Protein3g
Protein4.8g= amino 4800
اتركه للشباب احسن ههههههه
^^^
ماقصرت بيض الله وجهك اخوي منادة الليل
,,
صباح الخير جميعا ,,
صباح اليوم اجازة بعد 4 ايام تمارين قوية ,, ورح تكون تشميس وبخار وساونا وربما سباحة ,,
انصحكم بعدم اهمال الجلد ,, لأنه هو اللي يجعل العضلة جميلة وجذابة . . .
,,
احب في يوم الاجازة الاكثار من البروتينات وخاصة من بروتينات البيض والحليب عشان تغذي العضلة لفترات طويلة ,,
صباحكم صحة وعافية
صباح النور
تركي بغيت اسالك بخصوص التشمس انت يوم تتشمس كم تاخذ 10 دقايق من الامام ومن الخلف =20 دقيقه ؟
وهل جربت الكريمات الخاصه بالتشمس ؟
اتشمس مدة ساعة او ساعة ونص وعلى حسب المنطقة اللي احتاجها ,,
مثلا ابغا البطن يصير مشدود اكثر وشكلو يصير برونز , فأركز عليه ,,
وطبعا لو بدي الجسم يكون متوازن اكيد زي ما يكون من قدام 30 د رح يكون من الخلف 30 د ,,
الكريمات انا استخدم الجزر سواءا كريم او زيت واحيانا بخاخ ,, بس بالجزر ,,
ماشاءالله عليك يا توتو بطل بطل يالغالي مضبط حالك احسن شي تسويه صراحه ... الى الامام
طيب قولو لي .... الحين انا صاير من اليوم جذي
الصباح بعد الاكل مباشرالمكمل الغذائي وبعده عصير فواكه خال من المواد الحافظه ... بعدها بساعه ونصف عصير برتقال معزز بفيتامين ج وخال من المواد الحافظه . وبعدها بساعتين حليب موز + شوكلاته يعني كافي بالكريم .... وبعدها بساعتين اتغدى وبعد الغدى اشرب لي عصير برتقال .. وقبل التمرين اخذ لي سوبر امينو 4800 والباور وبعدها بنصف ساعه اتمرن وبعد التمرين اخذ الامينو والمكمل واتعشى واشرب لي حليب وانا نايم
<------------- يبي يطور روحه الاخ بوكيمون ههههههههههههه
منادة الليل هههههه الله يقطع ابليسك :)
يا اخوان بالنسبة للتشميس له فترة ووقت معين وهذا من منظور طبي وعلمي
فترات التشميس تكون صباحا فقط من بزوغ الشمس لين الساعه 9 فقط اما بعد ذلك فهناك اضرار لذلك وجب التنويه تفاديا من الاضرار
طبعا مابدخل بالتفاصيل واشعة تحت الحمرا وفوق البنفسجيه ومادري كيف
عموما الوقت المطروح اعلاه هو لأجواء الخليج عموما وخصوصا جو السعودية - اذكر سمعت في جلسة طبية عن التشميس واضراره واوقاته وكانت المستضيفة ف الاذاعه دكتورة سعودية وذكرت الوقت هذا بالنسبة للسعوديه
اما عن المده بصراحه انا مادري اوافقها الرأي ولا لا لانها قالت نص ساعه بالكثير وانا نص ساعه ماتكفيني لاني مجرب وساعه حل انسب بالنسبه لي !!
والله يا اخوان مافي من بعد شرم الشيخ شمس :) والجو منعش الحمدلله كل سنه اروح شرم لكن زوجتي تعارض بسبب الهوايل اللي نشوف هناك :) طبعا اجانب ماعليهم شرهه
اما بالنسبة للتشميس بالكويت والله عندك اذا تبي صبغه فقط في منتجات تصبغ الجسم بربع ساعه بعد تعرضها للشمس :) يعني 100%
موفقين حبايبي
صدقت يا ابو ابراهيم بعض الاحيان الواحد يبي يروح يمين ويسار :) لكن ام العيال تصير شديدة علية :)
تسلم انت وباقي الاخوان على الافاداتاقتباس:
المشاركة الأصلية كتبت بواسطة toto jeddah
وان شاءالله من بكره بيكون اول يوم لي :D
اغلب منتجات الصبغ مدتها قصيرة جدا علاوة على ذلك تأثيرها السلبي مع الاستمراريه عليه
الاسم : كريم
السن:16
الطول 170
الوزن:55
الدولة:مصر
المدينة:القاهرة
لسة جديد فى رياضة كمال الاجسام لكن بقالى سنتين مستمر على الفيتنيس و ال55 كيلو دى اغلبيتها عضلات :]و نفسى اوصل لوزن 60-65 وعلى كلامك احنا هنا بنساعد بعض فانا نفسى اى شخص يقولى على جدول امشى عليه و تقريبا هيبقا تضخيم :]وبجد الموضوع مميز و مفيد جدا
شكرا
اقتباس:
المشاركة الأصلية كتبت بواسطة mazoori
هلا فيك يالغالي .... مابقى الا تحط لنا صورة من جوازك :nana:
امزح هههههههه وسع صدرك
ماشاءالله عليك يعطيك العافيه وفي سن صغير ممتاز جداً بس ما نقول الــ55 اغلبيتها عضل ياخوي انت بروحك ناقصك ما يقارب الــــ16 كيلو يالغالي فلا تخدع نفسك وتقول اغلبها عضل :)
لانه واضح انه جسمك ناشف ونحيف ولكن على كلامك مقسم ...
انصحك اول شي تاكل اقل شي باليوم 6 وجبات وتكون جسمك صح بما انك للحين ما وصلت الــ18 سنة فجسمك ياخذ بسرعه ان شاء الله ويتكون ما ياخذ له وقت
يعني الجسم الي ممكن يكون اغلبيته عضل لابد انه يكون على الاقل مقارنة بطولك يكون على الاقل 70 كيلو هنا عضل ممتاز :)
ارجع لقسم المواضيع المميزة وشوف مواضيع التغذية
والى الامام يابطل ولا تزعل ترى امزح معاك :)
هههههه ربنا يخليك على النصايح الى انا فعلن هعمل بيهااقتباس:
المشاركة الأصلية كتبت بواسطة منادة الليل
و انتا فعلن بتتكلم صح انا مقسم بس عضلاتى صغيرة وعاوزها تكبر:D
وانا لسة شايف وزنى انهردة طلعت 56 :silly:
انا بس عاوز اسئلك سؤال انا لو مشيت على نظام غذائى كويس و استمريت فى الجيم حوالى 3 سنين كدة !هعمل فرمة كويسة ؟؟:33:
هلا فيك
الله يحفظك ويخليك
اكيد يالغالي
لا تحط في بالك انه كمال الاجسام هي رفع اوزان ... كمال الاجسام كلها تعتمد على التغذية والتغذية هي راس اللعبه
و3 سنوات بتصير تفجير ان شاء الله
بالتوفيق
هلا اخووااني الطيبين ..
بالنسبه يامزوري .. راح تبقى وحش اذا كملت 3 سنين مع تغذيه جيده ونووم جيد
خذ لفه على قسم المواضيع المميزه .. وشوف كيف نظام التغذيه للضخامه
بجد يامنادة انت و weld ad متتصوروش انتوا شجعتونى وحفزتونى اد اية !
ربنا يخليكو !
حبيب قلبي والله وشد حيلك ولا تدير بالك اهم شي امش صح وباذن الله
وبالتوفيق(^_-)
السلام عليكم و رحمة الله و بركاته .
اشلونكم شباب ؟؟ ما شاء الله القسم نشيط و الله يوفقكم ..
عندي اسئله حبيت كل واحد يجاوب بصراحه .. يمكن الاسئلة تكون اشوي غريبه لاني مو عارف شىء عن واحد جسمة حلو مثلا المهم
ياريت اللي يجاوب علي يكون جسمة تفخييييم فقط مو مقسم عضلات ايد و بطن بس لا لدرجة حتى يحاول يعضل الارداف لول امزح ..
المهم
س1 | لما تركض سرعتك تكون نفس سرعة واحد عمره 13 مثلا صج يعني تأثر العضلات واااايد من سرعتك مو ؟؟ ^^" بصراحه لجسم تفخيم اب تفخيم
س2 | اتعرفون العصايا اللي تحطها بالباب .. الكل عرفها ؟
جم مره تقدر تشيل نفسك صح ؟ + ضط عادي جم مره تسويها ؟
س3 | ما تتضايجون لما تمشي اب اي مول و الكل يخزك ؟ ؟
س4 | جم تشيل حديد عادي هذا اللي تشيله اب ايدك >> اقصى كيلو جم ؟
س5 بكل صراحه |
ما فكرت لين كبرت و خلاص مثال اربعيني الله يطول اب اعمارنا و تركت الحديد ..
ما فكرت جسمك يكون في ترهلات .. اقصد يصير جنه جلي ؟؟ ^^"
هذا اللي عندي .. >> الحين بس
صح
* | انتو الحين تاكلون وايد بعد التمرين ولا قبله ولا الاثنين ؟
هالدرجه لو تاكل كل اللي يمك يمديك تحرقهم اب جلسة ؟
:)
هلا بالطيب حياك ربي ونفيدك باذن الله
س1 | لما تركض سرعتك تكون نفس سرعة واحد عمره 13 مثلا صج يعني تأثر العضلات واااايد من سرعتك مو ؟؟ ^^" بصراحه لجسم تفخيم اب تفخيم
اكيد بالاساس زين منك تركض عزيزي وشي طبيعي تبي الصراحه الشكل نكته وانت تركض :) فلا تقارن واحد يضخم بواحد عمره نفس عمره ما نقول 13 سنه لان التضخيم يزيدك دهون مع الكتل العضليه المكتسبه فيكون شكلك كانه كبت متحرك :)
س2 | اتعرفون العصايا اللي تحطها بالباب .. الكل عرفها ؟
جم مره تقدر تشيل نفسك صح ؟ + ضط عادي جم مره تسويها ؟
يختلف عزيزي لكن بكل الاحوال اللعب الحر ما ينفع واحد مضخم ما تحصله يأدي التمارين بالشكل المطلوب وبسرعه يتعب فعادي حده 10 الى 15 ضغط بالجلسه الوحده وبالموت وتكون روحه طالعه :)
س3 | ما تتضايجون لما تمشي اب اي مول و الكل يخزك ؟ ؟
هاهاهاها لا وازيدك من الشعر بيت لو كان مكرش ولابس ضيق خلاص الخز والضغاط بيكون على اصوله لكن حزتها وين تفكر بهالكلام بتقول عادي وتبرز الباي اكثر :silly:
س4 | جم تشيل حديد عادي هذا اللي تشيله اب ايدك >> اقصى كيلو جم ؟
عزيزي بالضخامه عادي تصك اوزان مو طبيعية لو تقصد تمرين الباي فعادي توصل 30 لليد الواحده لان التضخيم اوزانك عاليه وتكرارك بسيط ويختلف من جسم وطول وعرض عن جسم اخر لكن بكل الاحوال اوزانك اعلى بكثير من الشخص اللي يلعب تقسيم فقط ( فتنس )
س5 بكل صراحه |
ما فكرت لين كبرت و خلاص مثال اربعيني الله يطول اب اعمارنا و تركت الحديد ..
ما فكرت جسمك يكون في ترهلات .. اقصد يصير جنه جلي ؟؟ ^^"
هذا اللي عندي .. >> الحين بس
صح
اي عزيزي الترهل حايشك حايشك لو تركت الحديد لكن ليش تفكر بالسلبيات لو بتفكر بالسلبيات ترى في امور اخطر من ترك لعب الحديد مثال الزقاره او شرب البيبسي الزايد عن حده كلها امراض خطيره بالمستقبل
* | انتو الحين تاكلون وايد بعد التمرين ولا قبله ولا الاثنين ؟
بالتضخيم تاكل اكل قبله ولا بعده ما تفرق لكن نوعية الاكل تختلف وعادي يطقله همبرغر وبر من برغر ويقولك هذي بس فتح نفس :) فلا تستغرب اهم شي ان بالتضخيم بتشوف الانسان وضعه وشهيته مفتوحه لاقصى حد
هالدرجه لو تاكل كل اللي يمك يمديك تحرقهم اب جلسة ؟
اساس التضخيم ليس حرق ما تاكله بل الاستفاده منه لهذا يكون غرضك تاكل لزياده وزنك بالاساس فلهذا تشوف اللي يضخم ما يلعب كارديو يمكن بالاسبوع مره بس حتى شكله الخارجي تشوفه معضل لكن لو فصخ تشوف بلاوي :) :p
وعلى فكرة انا من محبي التضخيم لاني بالاساس كنت نحيف فعندي معاناة مع مساله اقسم العضل فاحب اكون منفوخ ولبسي وسيع احس اني بعافيتي اكثر :)
يابو ابراهيم انت تتكلم عن لاعبين كمال الاجسام المحترفين مش الهاويين ولا ؟
رد كافي ووافي وعادي يا جيو حتى الشخص اللي مكمل سنه وفوق ويلعب ضخامه تلقاه بنفس هاللي تكلم عنه مشكلجي
السلام عليكم
اخواني بستفسر عن بروتين muscle mass بالكاكاو
عادي اشربه مع ماي ؟؟ وهل يزيد وزني اذا شربته مع ماي ؟ انا وزني 56 وابي ازيد وزني + اعضل
وعندي بالبيت جهاز الهوم جيم
واثقال صغيره وفي اوزان لها
ابي جدول يساعدني بالتدريب لو سمحتو :(
صارلي اسبوعين مازاد وزني
جاوبك حبينا اميتي :)اقتباس:
المشاركة الأصلية كتبت بواسطة JiuJitsu
قريبا يا أبطال ,, موضوع عن كورسي وعن تحول جسمي حصريا ع المنتدى واهداء مني عرفانا وعربونا لكسب صداقتكم اللي دامت حاليا لـ 4 شهور وعقبال سنين يارب ,,,
وفعلا , توجد ناس دائما ضد الخير , وما ألوم مشكلجي والله وقت ما يعصب عليهم ,,
,,
آخر صورة ,,
http://photos-h.ak.fbcdn.net/hphotos..._3284731_n.jpg
بالتوفيق يا أبطال ,,
ماشاء الله عليك يامشكلجي .. :) .. ردك كافي ووافي
لكن اعقب على آخر نقطه .. الكرشه .. يوم تمشي وتحس انها مطلعه عيونها هههه اهنيه تبدأ النكته
ياعيني عليك ياتووتو .. دايما تحب تفاجأنا بمفاجأت الطريق .. اقصد العضـلات ^
^^
يسلمو يالغالي ,,
,,
والله فعلا ,, أيام التضخيم من جد الشكل هيبة في اللبس ,, وحتى لو كنت لابس علاقي وشورت ضخامة وشكل قوي ,,
لكن في التنشيف ,, ياعيني ع البديهات وياعيني ع الشكل وجمال الوجه يطلع بصراحة ,,
وانا افضل بينهم واهم شي عندي عضلات الظهر مع الترابس من ورى ,, والبايسبس والترايسبس يكون مفجرررر وبعرووق قوية ,,
^_^
صح عليك يا تركي ذكرتني بغرنديزر عليك وضعية مايلة :)
كل مرة تزيد العضلات اكثر مشاء الله الى الامام دوك فليد
ماشاءالله تبارك الرحمن عليك ياتركي اجل ننتظر الموضوع وتفاصيلك
تركي مشاء الله عليك ابداع الله لايضرك
اقتباس:
المشاركة الأصلية كتبت بواسطة آبو رآشـد
هههههه
حلوة دوك فليد ,,
والله يسعدك ياغالي والحمدلله التغيير ملموس ,,
وكل انسان ساعي اكيد رح يحقق هدفه ,,
الله يسعدك يالغالي واكيد التفاصيل قريب جدا وبدقة وعن تجربة صحيحة ,,اقتباس:
المشاركة الأصلية كتبت بواسطة AmiTy Ville
الله يسعدك يابطل وممنون لردك ع موضوعي السابق والكتاب يبين من عنوانه ,,اقتباس:
المشاركة الأصلية كتبت بواسطة ESKOBAR
الله يكثر من امثالك ,,
الله يستر عليك يا بطل ان شاء الله نشوفك بعد الكورس مفجر تفجير اللي يحبه قلبك :)
وابوراشد طلعت متابع بوكيمون وربعه :P
النجم في سطور :
رونى كولمان ، Ronnie Coleman رونالد دين كولمان ، ولد في 13 مايو 1963 بولاية لويزيانا في الولايات المتحدة الأمريكية, لاعب كمال أجسام وحاصل على بطولة مستر أوليمبيا لثمانية مرات على التوالي من 2006:1998 وبذلك يكون ثاني شخص يسجل هذا الرقم القياسى في مستر أوليمبيا بعد هاني لي ،كولمان منتسب للفدرالية العالمية لكمال الجسام IFBB ،تخرج كولمان من جامعة كامبريدج في 1989 برتبة محاسبة .,حيث مارس في البداية كرة القدم الأمريكية...يعتمد روني على أسلوب الوزن الحر وبعض الحمل الثقيل كما انه نادرا ما يستخدم الأجهزة ويتمرن ستة أيام أسبوعيا في الموسم المفتوح في لآونة الأخيرة خسر رونى لقبه لأول مرة منذ ثمان سنوات على يد غريمه جاي كالتر في 30 سبتمبر 2006 . الطول 180 سم ...الوزن 135 كجم
تسلم يمينك ياااا تركي .. :) ونحن ناقصين نتمنى ..
تسلم حبيبي
شباب اذا تمرنت يوميـا مايضر .؟؟ ولا لازم اخصص يوم راحه
اية نعم لازم تخصص يوم الراحة ان كنت تلعب بهدف بناء العضلات
طبعا هذا بالنسبة لك لانك نحيف
أنا يومياً أروح النادي ، فـ هل يجب ان أوقف يوم أو عادي
ويسلمو على هالـ جيم الحلو
ما شالله عليك يا toto jeddah وحش
ـــــــــــــــــــــ
الحمد لله كونت خبرة عن اللعبة و بإصرار تعمقت في ما تحتويه
خلال خمس شهور زاد وزني ما يقارب 25 كيلو
وبإذن الله سأضع كورساتي في موضوع المنتجات ....
ماشاءالله عليك يابطل أجسام في كلشهر تطلع 5 كيلو احييك على مجهودك وان شاءالله طلوعك اغلبه عضل
بالتوفيق
الشام الحبيبه على حسب نوعية تمارينك فا اذا كانت تخسيس فا نعم كل يوم افضل اما اذا كانت تمارين بناء عضل فا لابد من الراحه
هلا وغلا بأخوي AmiTy Villeاقتباس:
المشاركة الأصلية كتبت بواسطة AmiTy Ville
عندي دهون خفيفة فقط في منطقة البطن , ولكن الحمد الله اغلب الزيادة عضل
كان وزني 55 ورفعته لـ 80 ... وطلولي مقارب لـ 177 ...
والبركة بالله ثم فيكم بدون مجاملة استفدت منكم بشكل كبير وما زلت استفيد ....
اقتباس:
المشاركة الأصلية كتبت بواسطة AmiTy Ville
أها ، لأ أنا بناء جسم .. طيب أخوي يوم الراحة كيف أخذ البروتين ؟ بأي وقت ؟
اقتباس:
المشاركة الأصلية كتبت بواسطة AmiTy Ville
أها ، لأ أنا بناء جسم .. طيب أخوي يوم الراحة كيف أخذ البروتين ؟ بأي وقت ؟
اليوم راح عليا التمرين وصحيت قبل دوامي بـ 10 د ومن جد حطيت قهري اليوم بالبروتين خ خ خ خ
احب تمرين لقلبي البايبس والترايسبس والاكتاف والصدر و الظهر والبطن والارجل بالتوالي ههههه
انا هاليومين نظامي في النوم مو عاجبني سهر ونوم غريب عجيب : (
بالنسبة لي افضل التمارين الصدر ثم الباي والتراي ثم الظهر ثم الكتف ثم البطن ثم الارجل
لا تسال ليش الكتف اكره جد انواع الاصابات والطقطة في كتفي
الاكتاف تحفة ,, يصير شكل الواحد اجرااام خاصة في اللبس ,,
عشان كدا اعشقها بشكل مو طبيعي طبعا بعد الـ gun البايسبس والترايسبس ,,
انا دوامي شفتاااات وخليها ع ربك مرة اداوم 7 الصباح فجأة الاقي دوامي اليوم اللي بعده 11 وبعد يومين 3 العصر
وآخر يوم 7 المغرب ومدة الدوام 8 ساعات
خخخخخ خرااابيط
صدقت تحفة لكن قروشة تمارينة
ووش قصة دوامك انت الشفتات الغريبة هالنظام هذا تغير المواعيد الشفتات فجاء ماشي على المستشفيات والفنادق
هههههههههه
هادي ياسيدي غلطة اللي يستقيل من مستشفى الحرس الوطني ويقبل الوظيفة في موبايلي عشان رواتبهم
خخخخخخخ
الحمدلله ع كل حال
أووووووووووووف اليوم حتى أنا فاتني التمرين .. !!
يلا بكرة بنعوضها .. أو بخليها بالبيت ههه :D
يا شباب وش الأفضل الدب الروسي أو بروكومليكس
أدري داخل غلظ :)
====
هلا فكره حبيت أسئلكم عندي ألام في كوع اليد اليسار و مفصل يدي اليسار
كنت قبل سنه أستخدمة الداينبول الأزرق الي سمعت انه يبي رواسب بالجسم في احد مرة عليه مثل حالتي و ممكن حل
اخــوٍأني الــيوم خلــصت علبة [ الوٍاي بـــَروتيـ،ـن ] ورحـــت (ارمــآإل gnc ) بــس للاســف مافــي نكهة الشَوٍكلاتـه
مافـــي الا ~> فرٍرٍاوٍلـه - فــآإنيـليا <~ ياليــت تفيــدوني وش افــضل نكهـه اليــوٍوٍم بشــتري .!! ~
بانتظـــآركم
http://g-ecx.images-amazon.com/image...72e2f110.L.jpg
اقتباس:
المشاركة الأصلية كتبت بواسطة مذووب
أهلاً أخوي .. أخوي ممكن سؤال ..
هل استفدت شي من هالبروتين ( الواي ) .. ويعني شو استفدت ؟ ياريت تشرح لي ..
المهم أخوي برأي الفانيلا أحلى .. لأن طعمه يجي مثل السحلب .. بس الشوكلاتة أحسن شي
أنتظر يمكن يجيب لك بعد كم يوم .. وبالتوفيق خيو
الفرواله بنظري احلى خصوصا يوم يكون بارد
مشكــورين اخوانــــي علىآ الردود <~
وتــم اختـيآر ~> فراوله <~
اخوٍوٍي AmiTy Ville عــآد خل الفرٍاولــه مايعجبــني < ~ ياويــلك ههههههههههه امزح
,,
اخوي ALSHAM ALHABIBA بالنســبه للفائـــد لسى هاذي اول علبـــه خلصتها والنـــاس يقوٍلوٍن النتــائج
بعــد ثالـــث علبـــه ~ بس حسيت انه عطــآني عضل خصوٍصا تغذيتي زفت
اقتباس:
المشاركة الأصلية كتبت بواسطة مذووب
اها .. الفراولة يقولون حلو .. بس انا ما أحب الفراولة إلا مع الحليب ..
عموماً أنا قالو لي أن بعد العلبة الأولى بيبين النتائج .. واخذ الحين انا الـ جينر
وأحسه عادي يعني .. هه التغذية والله حتى انا زفت .. }} موفق بالأختيار
السلام عليكم
كيف الحال ^_^
المهم انا مشيب راسي منتجين ابي اعرف من الاقوى
No-Xplode Vs animal pump ?
من الاقوى
هذا رابط يساعد على المقارنه
http://spreadsheets.google.com/pub?k...PS60EylYTAFJRg
السلام عليكم, هلا بالوحوش .. متابع لكم من زمان و اخيراً قررت اسجل ! الله يعطيكم العافيه استفدت كثير من نقاشاتكم
امس اخذت جدول جديد من النادي و هو جدولي الثالث ابي رايك فيه " طبعاً مدته 3 اشهر " !
المجموعات 4 ما عدى بعض التمارين .. التكرارات 12 , 10 , 8 , 8 !
طولي 178 وزني 62,350 << توي قايسها خخ
عمري 18
اليوم الاول //
صدر :
بار مستوي واسع
بار علوي واسع
فتح دامبلز مستوي
متوازي عالجهاز " 3 × 15 " !
اكتاف :
ضغط بار خلفي واسع
بار امامي متوسط
رفعات جانبيه دامبلز جالس " 3 مجموعات فقط , 10 , 8 , 8 " !
تراي :
ضغط بالكيبل واقف
بار فرنسي
دامبلز مزدوج خلفي
====
اليوم الثاني //
ارجل :
سمانه - سويدي و جهاز " 3 × 20 " !
سكوات بالبار الحر " 4 × 12 " !
دفش بزاويه 45
طاوله امامي
ارجل خلفيه على الجهاز
ظهر :
سحب ظهر خلفي
سحب على جهاز t
سحب بار منحني / متوسط
سحب بالبار اسفل الظهر" مجموعين فقط " !
باي :
بار واقف
بار على طاوله سكوت
دامبلز تبادل لكل يد
سواعد :
سواعد على الكرسي !
=====
طريقه التمرين ( يومين تمرين و يوم راحه ) و ( يومين تمرين و يومين راحه )
طبعاً سألت الكابتن عن تمارين البطن ليه مو موجوده ! قالي بعد كل يوم تمرين العب تمارين بطن على راحتك !!!!!!!
طيب وش رايكم انتم يا كباتن خصوصا اني ابي ابرز عضلات بطني [IMG]http://d*****ab.maktoob.com/smile1/35.gif[/IMG]
اخوي اكتب استفسارك بموضوع خاص فيك لكن في البداية اقرى القوانين
بالتوفيق
4 تمارين عضل كبير و3 تمارين عضل صغير لمبتدئ جدا ممتاز
لكن في عضلة مالاحظت تواجدها الترابيس ويفضل تكون مع تمارين الاكتاف
حاول ترتبه وتخليه عضلتين باليوم لانه 3 عضلات وايد صعب ويقل التركيز
مثلا
صدر تراي
ظهر باي
راحه
اكتاف ترابيس
ارجل سواعد
راحه
راحه
بخصوص البطن العب بأيام الراحه وبعد ماتبرز بتلعبها وقت التمرين بوزن
ملاحظه : عزيزي الموضوع هنا للسوالف والاسالة الخفيفه وهنا ترويح عن النفس فا نفس سالفتك المفروض تفتح موضوع مستقل فيك عموما ماحبيت اردك كونك جديد وحياك معانا
فورد اسود اعتقد وفي نظري النو اكسبلود
مرحبا .. أخواني بخصوص الـ " تونة " فـ هل تفيد الجسم أو تغديه ؟
!!!
ايه ياخوي
التونة وما ادراك مالتونة!!!!!!!
يفيد يالغالي وقوي جداً
وتذكر هذا الشي
الاكلات البحرية بشكل عام مفيدة وتغذي الجسم :)
^^
تغذي وتجيب النوم
ههههههههههههه. مو شرط يا توتو هههههههه
تصدق وحشني التونة صار لي شوية فترة ماكليته هههه
هههـ لأ ، لأن صارلي يومين وأنا نازل بهونة أكل .. يعني كل يوم علبة على العشاء ..
،، والحمد لله أنها مفيدة .. لا يروح تعبي عالفاضي هههه
شباب منو يعرف لعبة الاركيد ..
اللي اتطق هذا مال الملاكمه .. اللي تصور نفسك قبلها لول .. :D
شم اتييبون ؟
اصلا موجوده برا ؟
البارح قعدت اكلم المدرب المصري عن جداول التدريب اللي بالانترنت ... عاد بعد ما خلصت كلامي معه جاني بعد 5 دقايق
قالي انتا واد غاوي حديد ... و الدليل انك بتبحس عالنت خخخخخخخ
قلت له ايه و المطلوب ؟ قالي عندي لك حاقه ... حتفقرك ... حتخليك وحش .. بس انها خطره شويه !
قلت له هرمونات ؟ قال ايوووووووووه ... قلت له اقول توكل على الله خل اكمل تمريني بس خخخ
للاسف لا حسيب و لا رقيب على هؤلاء !
يعني واحد زيي عمره 18 سنه و مظهره يوحي بإنه لا يعرف مصلحه نفسه تجي تحمسه و تقوله ابعطيك شي يخليك وحش ! طيب فرضاً اني زي بعض الناس بالنادي طعوووووووس ما يعرفون شي ... و تحمست مع كلامه و اخذت هرمونات ! وش يبي يفيدني الندم
لا و مسوي ذمه .. اجل خطره شويه ! لا و الله شويات !
يا زين الاكل الطبيعي مع مكمل غذائي و رح تمرن و لا يكثر خخخ
اقتباس:
المشاركة الأصلية كتبت بواسطة قووي مره
هع هذا بايعها الي بسمع كلامه .. بس أخوي ما قلت لي شنو أخطارها الهرمونات ؟
لأن انا سمعت أنها بتخلي الواحد وحش بـ أسبوعين هه صحيح ؟؟ <<<<<< " متحمس " :biggrin2:
موفق خيو .. وصح كلامك المفروض ما يقول هالكلام المدرب .. لأن في أشخاص على طول بتجرب .
:ponder:
يكفيك ان فيه ناس توفت بسببها - رحمه الله عليهم -اقتباس:
هع هذا بايعها الي بسمع كلامه .. بس أخوي ما قلت لي شنو أخطارها الهرمونات ؟
وش دعوى يا اخوي و الله لو انك كفر و رحنا ننفخك ببنشري ^_*اقتباس:
لأن انا سمعت أنها بتخلي الواحد وحش بـ أسبوعين هه صحيح ؟؟ <<<<<< " متحمس " :biggrin2:
هي تخليك وحش بزمن قياسي لكن ما اعتقد انه ممكن احد يلاحظ تغير عليك في ظرف اسبوعين فقط !
هههههههههه بتخليك وحش بس مظهر يالغالي
ولكن لا سمح الله تاثرت صحتك الداخلية بتستفيد من شي اسمه وحش؟
وحتى ما رح تكون على ذاكرة الناس ههههههههه
الله يحفظك ان شاء الله