انشاء محكمة جديدة و المدعي العام ابو داوود ، فالواثق من برأته يتقدم للمحاكمة بالطيب
عماد 18 :
شكرا جزيلا لك و لمجهودك في نقل المواضيع ، بس انت متأكد ان ما أحد اشتكى عليّ من ذيك
المنتديات ؟؟ ، و شكرا لك مرة اخرى
ماستر جيم :
شكرا جزيلا لك يا عزيزي ، بس طلع السيديات اللي عندك باللتي هي احسن ، ماستر جيم اكيد
الكوبي عندك اطنان ، ترى انا بسوي محاكمة للشباب اللي عندهم كوبي في المنتدى فسلم نفسك
علشان تخفف الحكم و اذا ابيت ، فسل سيفك و دافع عن نفسك .
snoke
بأسمي الكتاب الجديد " الكوبي في الوطن العربي بين الخيال و الواقع " ، بس انت يا عزيزي
مشترك في منظمات واجد يعني مية بالمية ، انت مليان بالكوبي فسلم نفسك للمحاكمة العادلة و
دافع عن نفسك باللتي هي احسن
الخطة الجديدة :
بعد ان عدت الى البيت منهكا ، و فلت من ساطور الجزار ، و لم اكن اعلم عن مصير مستر
سايتو شيئا ، المهم جهزت الشيشة و صعدت الى السطح ، بعد شوي جاني مستر سايتو و هو
ينافخ و تعبان ، قلت له : هاه ، شفت افكارك و السندريلا حقك و ين بغت توصلنا
قال : بصراحة انا اشتغلت في بلدان واجد و شفت بشر و أوادم ، بس زي الشعب العربي ما شفت
المهم ، لا يأس مع الحياة و لا حياة مع اليأس , بكره انشاء الله بنشوف سندريلا
قلت ليه : لا ، ما لي بك ، و لا لي بسندريلا ، و اتصرف انت ، بتدوّرها ما بتدوّرها ، هذا مو من
اختصاصي ، و بدل ما تضيّع وقتك تدوّر سندريلا ، روح راكض ورا حلالك ، و أنا عندي كم
خبر سيئ لك .
قال : ويش صاير بعد ، أنا من طبيت الوطن العربي ، الاخبار سيئة ملاحقتني ، ما في مرة
سمعت عن خبر سعيد أبدا ، حتى مبيعات رزدنت عاشور طلعت كلها كوبي في كوبي .
قلت ليه : اهوه ، تو الناس ، بعد ما شفت شئ ، احنا أمة ما يعلم بحالها الا الله سبحانه ،
بس المهم خلينا في موضوعنا الحين .
قال : ايه و يش هالاخبار اللي عندك .
قلت : ايه ، يقول صاحبنا راي كين ، احم احم ، الخبر الاول ان صاحب دكان جيم ماستر اطلق
النار على الكلب العبقري حقك و خلى الجثة على باب الدكان كعرض ، و علشان يكمل العرض
و الاعلان للكوبي ، و الزباين علي قفف من يشيل .
قال : المجرم ، سواها ، هذا سابع كلب يصفيه لينا هذا الاسبوع فقط ، و فيه شئ ثاني تسد نفسنا
به هالليلة بعد ؟؟؟
قلت : تو الناس ، بعد خذ ، هذا صاحبي راي كين يقول : ان بعد الاعلان عن الجهاز المزعوم
بالعكس زاد الطلب على الكوبي مما أدى لانفجار الجهاز الثاني و لحقه بالاول ، يعني يبغى يقول
ان هذه هزيمة نكراء يا مستر سايتو لشركة كابكوم ، و يقول لك احسن لك بيع ترمس أو عطور
في سوق واقف ( سوق الحراج ) ، احسن لك من هالشغلة أو بيع سيديات منسوخة حالك حالنا .
قال : صاحبك قال كل هالكلام ؟؟؟
قلت ليه : لا هو ما قال كل هالكلام ، هذا لسان حاله ان بعبقريتي اكتشفتهه ، و الله الرجال
نصحك انك تخضع للأمر الواقع و تسوي العابك على دي في دي ، منتظرا قدر الدي في دي
و هذا هروب واضح و هزيمة ساحقة لشركتكم العتيدة .
قال لي : اسمع يا ابو داوود ، هذا تحدي كبير , و أنا قبلت التحدي ، و ما راح اعمل العابي على
الدي في دي ، ابو داوود ، استعد للتحدي ،،،،
قلت ليه : الحين ايه ، هذا مستر سايتو اللي انا أعرفه من زمان ، مو ذاك اللي يبحث عن سندريلا
يلا و يش الخطة ؟؟
قال : الخطة ترتكز على القبض السريع و العاجل على اللي يشتري كوبي و اللي يبيع و مصادرة
البضاعة ، لان الشباب الذوق ما ينفع اياهم ، و الخطوة الثانية : بنروح انا و اياك الى دكان
ماستر جيم و بنوعظه و نحذره و بنطلب منه يقدم اعتذار رسمي عن الكلاب اللي قتلهم و بنأخذ
تعويض ، و اما سندريلا انا اخذت على نفسي عهد اني اخلصها من الشقاء اللي هي فيه و انت ما
لك شغل بسندريلا ، و خلي موضوعها على الابطال و محبي الخير و العدالة في العالم .
قلت : حاشا هذا سوبرمان مو سايتو ، يا الله ، الطيور على اشكالها تقع ، بس يا روميو ، قصدي
يا سايتو ، كيف نقبض على خلق الله بدون لا توعية ، لا توضيح ، لأثار الكوبي و الفرق بين
الكوبي و الاصلي ، يعني لازم دعاية و اعلان علشان الناس ترتدع و الله ايه رايك ,,,
قال : اهاه يا بو داوود ، بديت تفكر و تصير ذكي ،،
قلت في نفسي : سود الله وجهك بعد ، كل هالركيض و المطارد و التخطيط ، توك مكتشف اني
عبقري ،،،، يا الله ، يا بو داوود ، اللي مايعرف الصقر يحرقونه .
قال : شوف لاحظنا ان كل واحد يلعب برزدنت ايفل مثلا ، تعجبه شخصية ما ، و كذلك بالنسبة
لباقي الالعاب ، فويش رايك تقعد تقسم بوسترات لصور نجوم الالعاب و كدعاية لمنتجاتنا
الاصلية كدعاية ، و خذ مثلا ابطال رزدنت ايفل : جيل ، ليون ، كلير ، ستيف ، كريس ، كل
واحد منهم ليه بوستر ( صورة ) كبيرة و اقعد انت قسم في الاسواق الكبرى و الشعبية
قلت : مين هالذكي اللي بيشتري لعبة اصلية بذاك الحساب علشان صورة و جنبه واحد يبيع نفس
اللعبة كوبي بسعر ، تقدر تقول عنه رمزي ،،،
قال : انت جرب ، يمكن يرتدعوا ، و علشان نقيم عليهم الحجة ، اذا قبضنا على أي منهم ،،،
قلت : يعني انا اقعد باجر ( باكر) في السوق و اقسم اصور لستيف و كلير و جل و ادا و ليون ،
يا فرحتي ، و النمسس انسيته هذا الوحيد اللي في نظري اللي يستاهل ان ابو داوود يبسط في
السوق و يقسم صور ، مو شلة الحوش اللي فوق
ثانيا : تعليق صور هولاء في غرف الشباب ، لابد يكون هناك فائدة و الله يكون العمل عبثي .
فأنا لازم اعدل شوي في صورهم .
قال مستر سايتو : لك الصلاحية في تصميم الصور , و اذا نجحت في هذه المهمة فأنت بتكون
المدير التنفذي لشركة كابكوم في الشرق الاوسط ، مبروك عليك المنصب ،،،،،
طبعا انا وافقت مو علشان المنصب بس لاني ما احب الكوبي هاهههاهاههاهها ,
و في صبيحة اليوم التالي ، في السوق :
رحنا لراعي الماستر جيم ، و وعظناه و حذرناه و طلبنا تعويض ، فالرجال سوا تخفيض على
الكوبي اللي يبيعه قهر لينا ، و قال اذا ما مشيتو الحين من قدام المحل بعلقكم كعرض على باب
المحل و بس طلع لينا البندقية اللي يقتل بها كلاب الشركة ، حطينا رجلنا زي العادة ، و صار
مستر سايتو كل يوم يروح ينصح الرجال و يفلت من ايده و من بارودته ، و في العصاري يروح
يدور على سندريلاته ،،
و اما انا ابوداوود ، قاعد اقسم صور نجوم رزدنت ايفل في الاسواق , و طبعا متلثم بغترة علشان
لا احد يعرفني ( مو كفاية الفضيحة ان عندي كلاب بعد هالمرة قاعد يشحت في الاسواق الله ينتقم
من كان السبب ) ، بس انا لاحظت شئ :
ان الشباب يسألوا عن صور كلير و جل ، و الفتيات تسأل عن صور استيف و ليون ، و مسكين
النمسس ما يسأل عنه الا كم واحد راعي اترامات او درجات نارية و راعي واينت و من هالقبيل
( بس عندهم ذوق صراحة ) ،
و شئ اخر : ان ما احد يأخذ من عندي صور مع انها مجانية ، و اصحاب محلات الكوبي سرقوا
الفكرة و قاموا يبيعوا الصورة الوحدة بـ 5 ريال و الزباين طبه عليهم ، و انا اللي ياخذ من عندي
صورة مجانية بعد شوي يمزقها ،،،
ليش مع اني اهتميت اني تكون صور مفيدة و كلها فايدة للمجتمع و كلها مجانا ، و بايعين الكوبي
بفلوس و صور تافهة و الناس ذبحه عليهم و طق العصي و العقل ( جمع عقال) ، ليش يا شباب ؟
مع اني بدعت في الصور و خليتها مفيدة زي :
صورة ستيف : كل اللي سويته ، اني شلت الكشه ( قصة الشعر) و خليته اقرع و احول ، و كتبت
تحته : ساعدونا في الوقاية من مرض السحايا .. بس
صورة ليون : شلة الكشه ، و خليته اصلع في الوسط , و جهه مليان بالحب و لسانه مدلوع و
كتبت تحته : احذر من مرض الحمى القلاعية ... و بس
صورة كلير : بس حطيت ليها نظارة طبية ذات عدسات مقعرة و سميكة و حطيت ليها عكازين و
كتبت تحتها : التسول ،، اسلوب غير حضاري فساعدونا في التخلص من هذه الظاهرة .
صورة جيل : بس خليتها لابسة جلابية زي معلمات القهواي في التلفزيون و جنبها طولة فول
و الذباب يطير حول البضاعة و كتبت تحتها احذروا بائعات الاغذية المتجولات .. بس
ماادري ليش يا شباب الصور المجانية ما مشت و مشت اللي بفلوس ؟؟؟؟
مع تحياتي ابو داوود
