أنت و المجاملات ؟.,.!

أهلين عماد ^_^ قصدي اي-ماد 0_×

المجاملات همممممم..... ما أحب أجامل الا اللي أعزهم وما أمون عليهم ذيك الميانة
يعني البست فرندز اللي أطلع معهم وكذا لأ الا نادرا لما أكون محترم موود
حتى أحيانا واحد يمدحني وانت اخلاق ومحترم وانا افتخر اني أصادقك
أقاطعه وأقوله أنا ما أفتخر ^_^ عاد هو يعصب ويقول من زينك أصلا

بس مرة مثلا جاني واحد بالمدرسة قال لي عندي نكتة تفطسك ضحك
وقعد ساعة... وراح وجا... وشاف وضرب....وبلا بلا بلا
المهم لما خلصت النكتة أنا ما ستوعبت انها خلصت No Funny End!
سويت نفسي قاعد أضحك عشان ما يتحطم الولد!

كمشور على الموضوع الحلو عمـ... قصدي اي-ماد

اقتباس:

---

المشاركة الأصلية كتبت بواسطة (((SuIkOdEn)))

بالنسبة لي ما أحب أحد يزعل مني .. حتى لو شو يصير .. لازم أجامله .. و هذي
صفة سلبية تقريبا فيني :o ..

---

نفسي نفسك .. مع الغريب بس , اما مع الأصدقاء فأي غلط بسويه بنبهه عليه :)

مشكورين على مشاركاتكم و مروركم جميعا

Smigle
حتى لو كان من ربعك و ما عنده سالفة ضروري تتورط
هذه المشكلة
على العموم انا كان عندي 5 مشاريع هالفصل
و 3 فردي و واثنين مجموعة
واحد من الاثنين هو الي ذكرت سالفته اولا لان الدفعة اللي انا معها ما فيها احد اعرفه
اما المشروع الثاني فكنت مع اثنين من ربعي
قلت لهم من البداية تراي بشتغل لحالي و كل ما خلصت مرحلة عطيتكم نسخة منها و اللي عنده اضافات تخش مزاجي بضيفها و وافقوا لسببين
السبب الاول لانهم طبعا يحبون الراحة
و السبب الثاني لاني سبق و اشتغلت معهم قبل و كان الشغل جماعي و جابوا العيد فكان مستوى المشروع غريب
اقسام تمام و اقسام ما لها علاقة بالموضوع نهائي
لذا المشكلة مو مشكلة تشتغل مع ربعك و الا لا للاسف

همس التماسيح
لا اصلا سالفة اني احلى واحد هذه ما هي مجاملة هذه احدى الحقائق اللي الواحد ما له الا يسلم امره فيها و يعيش عليها
يعني ما في مجاملات من هالناحية اطلاقا :09:

مستر ارنب
ايه ما شاء الله عليك علوم حاسب :)
و بخصوص البتاعات اللي تتكلم عليهم <<<= تورط ما يدري وش هن اصلا :09:
ارسلهن على هالايميل اذا ما عليك كلافة
E_Mad@saudi.net.sa
------ ملحوظة للبنات طبعا لاتحاولون تضيفون هالايميل للماسنجر لاني ما استعمل هالبرنامج المصيبة نهائيا ------

ثريول
زوجتي هين لو تسممن يا شيخ ما عندي مانع بس خل الله يرزقنا :09: <<<===== في رومانسية احلا من كذا ؟
اما سالفة عماد18 فانت اول ولد يقول هالكلام
يعني حتى وقت قريب كنت اعتقد انه lady's man
من كثر البنات اللي سألوني هالسؤال
بس المشكلة موب راضين يقولون لي هل كانت علاقته معهم تمام و الا لا
لانها لو كانت تمام بقول ايه انا عماد18 عشان افيد و استفيد :09:
الزبدة في الموضوع اعتبرني عماد18 اذا كنت حاب
بس نادني مثل ما قلت ماد عشان ما يصير فيه تشويش بالنسبة للاعضاء الثانيين
و لا تنسى انه يخلق من الشبه fourteen

Techno
انا تخصصي علوم حاسب يعني من كل بستان زهرة تقريبا
لذا عندي خلفية عن C و C++ و ايضا خلفية بسيطة عن Java و Oracil و VB .NET

انا معروفه بصراحتي المتناهيه :أفكر:
يعني لما أحد يقول بدور وش رايك .. اعطيه رايي بكـــل صراحة

ممكن اذا ما كنت أعرفها هذي البنت اللي خذت رايي .. اجامل "شووووي"
وساعات اذا كانت صراحتي تجرح او فيها تحطيم وتخييب أمل .. أحاول اجامل ويبقى للصراحة مكان ^^

امممم

بس

تقول ما يريد الناس ان يسمعونه منك لترضي الناس
او تقول ما يملي عليك قلبك لترضي نفسك
ترضي الناس ام نفسك
وهكذا ميزان لا يستوى ابدا

أسألوني انا بعماد .. اعرفه مثل مااعرف نفسي .

الرجل هذا مايقرب له بتاتا .. لكن يخلق من الشبه اربعين !!!؟

بس اللي مستغرب منه ان عماد قاطعنا بالمسنجر تماما .. لي اكثر من سنة .. ماشفتوش .

عموما الله يستر عليه ويوفقه .. رجل عزيز ..يروم الطيب والطيب رايمه .

بلوغه سلامي وتحياتي .


اما المجاملات .. فلي منها نصيب .. فلكن للضرورة .. مثلا قاطع اشاره .. ولا بتشري لك حاجة .. لازم تمدح البايع عشان يرخي لك فالسعر شوي .

وفيه مثل يقول .. اذا صار لك عند البقرة حليب .. فقلها ياخاااالتي .

السلام عليكم

موضوع حلو

المجاملة لها أنواع في منها التملق للوصول لشيء معين وفي منها للتصريف وفي نوع من المجاملة يوصل لحد التذلل

وطبعا كل شخص منا (وهذا رأي انا) يجامل واللي يقول انا ما اجامل فالحقيقية ما اصدق كلامه ابدا

لابد تجامل في بعض الأحيان لأن المجاملة أحيانا تكون أفضل من الصراحة اللي ممكن تعتبر في حينها وقاحة اكثر ماهي صراحة

على كل المجاملة دخلت في كل شي حتى في الحب في الشغل في كل وقت وكل مكان

حتى في ناس مستعدين يجاملوا ويذلوا نفسهم عشان وظيفة مثلا او ترقية او حتى ممكن يجامل ويتملق ويدوس على صداقة ناس عشانه يحب فلان ولا يبيه يزعل عليه عشان لا يخسر وظيفته او محبة هالشخص حتى وان كان على خطأ

فالمجاملة بحد ذاتها سلاح ذو حدين وقد يستخدم لتحسين وضعك وعلاقاتك او على العكس من ذلك

سلامي وشكرا خيو..

مشكورين مرة ثانية على المرور او المشاركة

نرجع لسالفة المجاملات
سبحان الله بعد نشري للموضوع بيوم انحطيت بموقف محرج نوعا ما
انا ساكن عند خالتي و خدامتهم سافرت قبل اسبوع
فتقديرا مني للظروف صرت لما اتغدى او اتعشى اغسل الصحن و الملعقة و اي شي ثاني استخدمته خلال الاكل بنفسي
صحيح انها موب شي لكن هذا الي اعرف له
المهم خالتي الظاهر حبت ترد لي المعروف فجابت لي غطى لفراشي كشخة شوي لا و عطرت مخداتي
طبعا كل شي تمام على ما يبدو

الا ان العطر نسائي و غير كذا انا صدري تعبان اساسا فانام بوسط عطر هالشي سبب لي ضيق تنفس خفيف
بالاضافة الى ان الغطى طرفه ناحية السيقان فيه شوية دناديش خشنة شوي
و انا انسان احب اهوي سيقاني و انا نايم
بمعنى اني اغطي كل جسمي ما عدا راسي و سيقاني اطلعهم من الجهة الثانية فهالدناديش صارت تضايقني شوي
و انا اساسا معروف بتقديري للسيقان فكيف اذا كانت سيقاني انا ؟!
الزبدة اني ما اقدر اقول شي
لانه صعب تقول لواحد سوا شي يقصد فيه انه يسعدك ان هالشي ضايقك :31:
لذا هذا اعتقد انه من اصعب انواع المجاملات و اللي غصب عليك تجامل فيه

اقتباس:

---

المشاركة الأصلية كتبت بواسطة E-Mad

نقطة ثانية
اللي يقول لي عماد ترا بفقع وجهه :vereymad:
مشيتها مرة و مرتين لكن المشكلة ان الكل صار يناديني كذا
اذا تبي تختصر على نفسك التحويل لانجليزي دلعني ماد على الاقل
لا تألف اسماء من عندك :31:

---

خخخخخخخخ
تصدق اني كنت اظن ان اسمك عماد :D


وبالنسبة للمجاملات
انا صراحة مصلحجي <<< مصلحة يعني
اجامل اللي ينفعني واللي ماينفعني مايهمني بالطقاق اللي يطق ابوه :blackeye: