أنت و المجاملات ؟.,.!

[Electro M]

بما اني مروق اليوم مثل عادتي بعد اي اختبار اجيب فيه العيد

لا موب اختبار
مشروع

الصراحة مشروعين

اليوم كان التقديم حقهم
المشروع الاول سلمته للدكتور و انا ما ادري اذا يشتغل و الا لا من زود الثقة <<== في احلا من كذا ؟
المشروع الثاني كان معي اثنين واحد منهم نص و نص و الثاني ما يدري وش الطبخة
طبعا كنا مسوين اننا بنقسم المشروع كل واحد يمسك قسم
الاول اللي هو نص و نص عطاني المشروع فيه كم class على كم function


كلهم خطأ !

اما الثاني فمو مشكلة انا عارف وضعه من البداية لذا مسكت المشروع قبله
و كتبته كله من اوله لاخره
و عطيت الي ما يدري وش الطبخة نسخة عشان يشوفها و يدرسها و ما يفضحنا عند الدكتور

المهم اليوم كان التقديم له
الدكتور عارف ان الي ما يدري وش الطبخة ما يدري وش الطبخة
لذا استلمه اسئلة عن المشروع
ياهو رفع ضغطي
جلس يسأله عن اشياء و الله كنت متوقعها و جالس افهم فيه قبل ما يجي الدكتور لكنه تنح
و من زود اليأس استغليت فرصة انشغال الدكتور كم دقيقة و جلست افهمه على السريع و الحمدلله مشى الحال
المهم ما لنا في الموضوع

الموضوع الاساسي عن المجاملات
بالنسبة لي انا ما اجامل لكن سالفة هالمشاريع تجبرك على انك تتورط مع عالم ما تعرفهم خصوصا اذا الدكتور اصر ان المشروع يكون جماعي
يعني بالنسبة لي مشاريعي احب اشتغل فيها solo مثل سنيك
حتى اني كنت احصل فيهم على اعلى درجات على مستوى الدفعة
و في الواقع المجاملات في جهة و انا في جهة
اصك الواحد في وجهه
بصراحة شي مريح
صحيح في البداية يمكن تحس ان الي قدامك تضايق شوي لكن بالطقاق
لانه بعدين بينتشر خبر انك ما تجامل احد
فحقين المجاملة اصلا يبتعدون عنك و ما راح تحتاج انك تنحط بمواقف محرجة نسبياً بالنسبة للطرف الثاني طبعا

فانت و المجاملات وش علاقتكم ببعض ؟



خارج نطاق الموضوع
توقيعي قلق صح ؟
كبير بزيادة
المشكلة و الله اني لما كتبته كنت حاط بالكثير سطر بين كل مقطع و مقطع
لكن المنتدى يصر على اضافة اسطر من عنده
و اكثر من مرة احاول اعدله لكن يرجع يضيف

نقطة ثانية
اللي يقول لي عماد ترا بفقع وجهه :vereymad:
مشيتها مرة و مرتين لكن المشكلة ان الكل صار يناديني كذا
اذا تبي تختصر على نفسك التحويل لانجليزي دلعني ماد على الاقل
لا تألف اسماء من عندك

[Trapped Inside]

انا والمجاملات ؟ .. مثل الزبدة على الخبز .. >.> ..

ان كان قصدك اسلك ؟ .. للاسف ايه وكثير -___________- .. وما اكذب عليك اذا قلت لك اني اتعب من كثر التسليك .. فكي يوجعني من كثر الابتسامات .. مدري .. احس اذا احد قال نكته .. او قال اي شي وبعدها ضحك وهو يناظرك وما عطيته وجه .. اهانه .. طبعا هي ميب اهانه .. بس الرجال بيتحطم -_- .. وانا اعتبرها سلبيه هذي الصفه فيني ..

اما المجاملات العاديه .. على حسب الشخص .. والميانه .. بس .. ان كنت امون عليه .. بالطقاق .. اما اذا لا .. اقعد اجامل واسلك له بعد ..


مشكور ماد ^^ ..

[Electro M]

ايه سالفة النكت ذي ترفع الضغط
لكن اذا كان اللي بيقولها ما يمون عليك ليه ينكت اجل ؟
على العموم انا ما تضحكني الا نكت شخص واحد بس
مو النكتة الي تضحكني طريقة القاؤه له
يا شيخ لو يقول في عجوز طقعت قالت مين
تفقع ضحك غصب مع انها اقدم نكتة في تاريخ البشرية

[Trapped Inside]

من جد ..

لكن اذا كان اللي بيقولها ما يمون عليك ليه ينكت اجل ؟

انا ادري عنه .. المشكله كثار كذا ..

بعضهم يجيك وهو مسيكين مصدق انه خفيف دم من جد .. وهذا اشين نوع .. كل كلمتين وطاط .. نكته " يقاله " .. ولا تعليق ولا اي تبن -_- .. اعاني من هذا النوع بصراحه .. وياكثرهم بمجتمعنا ..

فيه نوع .. ينكت .. عشان يكسر الثلج فهمت ؟ .. هذا عادي يعني .. طبعا اسلك له واتعب .. بس على الاقل هدفه نبيل >>>> تعرف كسر الثلج بالنكت كان شغلة الفرسان من اول -_- ..

على العموم انا ما تضحكني الا نكت شخص واحد بس

AMEEN to that ..

انا خويي زياد .. لو يقولي كل تبن .. فقعت ضحك -_-

كذا .. وازين شي اذا عصب .. لووووووووووووووووووووووووووووووووووووووووووول ..

[smigle]

هلا Mr. Mad أيش هالمواضيع الحلوة يا حلو أنت.

المهم وكالعادة بطول في ردي.

شوف حبيبي أنا قبل ما أدخل الجامعة كنت وايد أجامل الصراحة كل همي أن اللي قدامي ما يزعل مني حتى لو كان هالشي على حسابي.
المهم أني دخلت الجامعة وخذت لي كم علقة في أول سنتين علموني أشلون أتعامل مع هالأشكال من الناس.
أذكر أني أول مشروع سويتة في الجامعة الدكتور حطني مع طالب ما يعرف راسة من ريولة وكل يوم أقول له (يالله يا ريال خلنا نشتغل) يقول لي (ها؟؟؟ولله أنا وايد مشغول وعندي مشروع تخرج و عندي Bla Bla Bla وايد والله).
وأنا المسكين طالب سنة أولى ما عندي ألا (أنشاء الله)، وفي آخر الأيام من الشروع شفت الطلاب واصلين وين في مشاريعهم وأنا توني أقول بسم الله، حاولت مع هالطقن لكن ما في فايده المهم قلتله أنا بصراحة بكلم الدكتور على اللي قاعد يصير وقال مب مشكلة. المهم أني دخلت على الدكتور وقلت له:
: هي أنت دكتور دكتوروه، شوف ترى هالقوطي اللي حطيتني وياه ما ينفع مصدي وشوف ترى إذا طلع مستوانا أقل من باقي المجاميع ترى هذا مب تقصير مني بس لأنة شغلي أنا بروحي والباقي شغل ثلاثه.

المهم أن يوم الpresentation قعدت مع هالطالب وشرحت له الجزء ماله والجزء مالي وبدينا، عاد أنا في البرزنتيشنز أعجبك أطول من لساني ما فيه وسويت لهم شوية شغل باور بوينت على كم من صوره ظيعتهم.

وهالمسكينبطل حلجة، المهم أن في الأخير الدكتور أستلمه أسألة وهو ظايع من قلب، وأنا طايح فيه شماته وأقول في قلبي : :naughty2: أكثر أكثر...

من يومها تعلمت أن أي مشروع قبل ما أبتدي يكون معاي ربعي اللي أثق فيهم صح أما إذا كنت مجبر على شخص ما أعرفة أو أكون عارف أن مستواه مب لين هناك، أكون واظح معاه من البداية ونقسم الشغل بيننا وإذا بس حسيت أنه بدا يلعب في ذيلة أقصة له.

أخيرا أقول لك أنه للأسف دكاترتنا في الجامعه عندهم الشر يعم والخير يخص. علشان ?ذيه خلك واظح من البداية ولا راح تاكلها بعدين.

[Angel whisper]

هذا كله عشاني قلتلك انك احلى واحد في المنتدى؟

عموما ما علينا ..

انا الصراحه وحده في صووووب والمجاملات في صوب ..

وما اجامل حد وولا ابغي حد يجاملني .. لانه في النهايه انا اللي بخسر ..

عشان جيه ما شاء الله الناس تحبني

وحتى في المشاريع اللي نسويها للكليه واشتغل فيها ويا حد .. هاذي لازم تخلص شغلها عالوقت اللي محددينه مهما كانت ظروفها .. انا وحده ما اتساهل ويا اي حد .. حتى ويا نفسي

عموما المجاملات ضارة اكثر مما هي نافعه ..

ويمكن انك تعطي واحد في الويه احسن من انه تسويله سالفه ويتحسب عمره احسن واحد في العالم

مشكور مادوه

[Master ArNab]

المشروع الاول سلمته للدكتور و انا ما ادري اذا يشتغل و الا لا من زود الثقة <<== في احلا من كذا ؟

هههه

يعني بالنسبة لي مشاريعي احب اشتغل فيها solo مثل سنيك

يا أنت صادق ..

المشكله .. اني عانيت مثلك .. في البدايه كنت على نياتي ولكن بعدها أخذت درس ..

خاصتاً بعد ما سحب على اللي معي في مشروع التخرج ! وإنسحب من الترم وانا رحت فيها وطي .. لا .. والمشكله انه كان ذاك الترم مضغوط وكان فيه مواد صعبه مثل Distributed Systems و IR و AI .. وللأسف رسبت بذاك الترم وراح فيها معدلي التراكمي


والمشكله الناس ما تهتم بغراضك .. << هذي نقطه ثانيه

تعطيه CD أو دفترك .. يرجعلك بعد ما تطلبه ! ويكون ممخش وأنواع البصمات أو *gasp* بقع بيالة الشاهي على الدفتر ... لا حول ولا قوة إلا بالله ..

ولكن .. رغم ذلك .. أساعدهم .. في نطاق المعقول .. وأستخدم سياسة الشعره .. ( إذا أرخوها .. شدها , وإذا شدوها .. أرخها ) .. أما المشاريع .. فدائماً أقنع الدكتور بضرورة الsolo thingy

على فكره .. أخوي إي-ماد .. أنت علوم حاسب ؟ .. والله يوفقك

btw .. if your interested i have a load of VTCs & CBT Nuggets. If interested , pm me
No catch .. No strings attached

[Yamato]

ازايك يا عماد الدين الالكتروني.. <<< يا شينها هالابتسامة والله.. ليش محطينها.. ما تنبلع يا ناس

المهم وينه موضوعك خلنا فيه يا فتى الاعمدة..

لا موب اختبار
مشروع

الصراحة مشروعين

ياخي اثبت لك على رايي.. -__-

اما بالنسبة للمجاملات... بودي اقول اني ما اجامل.. لكن الدنيا مثل طييط يوم كذا ويوم كذا.. -__-

مع ربعي في الجامعة (ما عندي غيرهم -__-) فحدث ولا حرج.. يا رجال انا اطردهم من غرفتي شر طردة اذا رفعوا ضغطي.. جاني فصل كثرت فيها الطردات بمعدل اثنين كل يومين (كاني اقصد واحد كل يوم -__-)

وعندك صوب الفاميلي مب تبع الننتيندو لكن القربان قصدي القرايب.. انا من الاساس ما احب القعدة معاهم وايد.. ما في حد منهم بمستواي السني الا بنات (((-_____-)))! والشباب (اي شباب) كلهم شياب.. اقعد معاهم وكانه الطير على راسي ما اتكلم الا بكل ادب واحترام.. حتى ورقة ما العب معاهم مثل ما العب مع ربعي.. -__-

اما في الجامعة وخصوصا مع الدكاترة.. ياما ربعي كانوا يلحسونهم تلحيس.. وانا اسالهم.. كيف تسوونها.. والله مب عارف كيف اجيب راس الدكتور.. اذا سالني شي.. على طول كاش في الويه.. والله اني ارتاح يوم اخبره اللي في بالي.. -__-

ما ادري ما في ناس ثانيين في حياتي.. لا في.. في الشباب في الجامعة اللي ما اعرفهم.. هذول اضطر اني اجاملهم.. مثل ما قال فتى المحبوسية.. اكسر البطيخ...

ياه اني ارمس كثير يا فتى.. موضوعك فاتح للشهية يا عماد الدين الاصبهاني المنفلوطي.. (كاني مصختها -__-)

ياللا سلام يا فتى.. ولا تعصب تراني بفقع بوجهك.. لووول

[Rory]

ما أقدر أجذب وأقول إني أجامل ..
أنا أقول الصراحه .. almost always
إذا شي عيبني أقول حلو بس في كل حال أنا دايما أنتقد الشي ..
نقد بناء طبعا xP
الحمدالله للحين ما اضطريت إني اشتغل مع حد في بروجيكت ..
بس هاذي جامعه وأكيد في يوم من الأيام بشتغل مع شخص ثاني .. الله يعين ساعتها ..

وماحب حد يجاملني وأعرف إنه شغلي مب عدل are they taking me for an idiot? هذا إلي أحسه X_x

وسالفة الضحك عالنكت وتوزيع الإبتسامات
اممم يعتمد عالمزاج وطبعا إذا النكته ما بلعتها ما أضحك <_<'
مب مشكلتي إذا النكته كانت سخيفه .. ~_~

ثانكس ماد

[Trapped Inside]

البنات هنا شرسات >.> ..

[Angel whisper]

ترابد انته في يوم من الايام بتضطر تشتغل ويا ناس يمكن ما تعرفهم زين .. واذا ما طلع شغلكم عدل طبيعي تتهزأ .. فأحسن من الحين تتعود على انك تشوف بنفسك اغلاطك بدون ما تنغر بمجاملات الناس ..
people think that I'm a total jerk, but this is what life wants me to be .. so be it.
وطنش الناس اللي بتحط عليك لانه كلامهم ما بيرفعك وولا بينزلك ..
Ignorance is a bliss !!

[Trapped Inside]

انجلوه .. صحيح كلامك .. اقدر اقول اني عرفته من الافلام ..

نشوف عاد وش بسوي انا بالجامعه -_- ..

[ثريول]

بالنسبة للمجاملات, فيه أوقات تكون مجبر عليها, بل بالعكس, فيه أحيان يجب عليك أنك تجامل!.. لكن مع ذلك, أعتبر المجاملة إذا كانت في غير محلها تملّق سخيف.

مثلاً: زوجتك, مسوية لك غدا فخم متعبة نفسها, من البجاحة عدم مجاملتك لها لو كان رديء.. في هذي الحالة وفي غيرها تكون مجبر.

بالنسبة لـ"عماد", فأنا بالفعل إلى هذه الدقيقة شاك في أنك أنت عماد18 نفسه, . ما أدري ليش أنا مصر على هذا, الأسلوب بالضبط نفسه, وبعض التفاصيل في بعض الردود تذكرني بآراء عماد وبعض جوانب حياته اللي كان يذكرها في المنتدى, وحتى اسلوب الترتيب والتبويب في المواضيع وطريقة المقدمات. سبحان الله يمكن مجرّد صُدَف!

[Techno]

مممممممم المجاملات مالي طريق لها لكن أحياناً الواحد يضطر يجامل

بالنسبة للمشاريع ، والله أكثر شيئ يخليني افقد اعصابي ان الفريق ( اي فريق ) اشتغل وياه بعمل يحاول يصب كل شيئ علي ويطلعون منها كأنهم اشتغلوا ولو بكتابة حرف ، فأحياناً يجيني طلب بتصميم وبرمجة موقع ، اروح اجمع فريق واحد مني وواحد مناك ( من مواقع مجموعات العمل ) ونتفق على خطة ونوزع المهام ونفتح مجموعة خاصة بالفريق لكن على نهاية الشغل يبدي الشباب يكسلون ويركمون كل شيئ على بعض ×_____× وانا لاني ملتزم بمبلغ فأروح واقعد اضبط الشغل ( وطبعاً ينخصم منهم :vereymad: ) .
مشكله العمل في فرق او مجموعات لكن احياناً الواحد يضطر يستفيد من خبرات غيره .

---- سمعت طاري functions و classes ، اي لغة برمجة تدرس اخوي عماد أقصد E-Mad ؟

[~ SoKo ~]

بالنسبة لي ما أحب أحد يزعل مني .. حتى لو شو يصير .. لازم أجامله .. و هذي
صفة سلبية تقريبا فيني ..

المشاريع <<< في الثانوية
ممممممممم .. يا حلو المشروع اذا كانو اللي معاك كلهم توب .. و يا شين المشروع
اذا كانو اللي معاك ما يفهمو XD .. بالنسبة لي .. ما في مشاريع مهمة عندنا بالثنوية
الا مشاريع الحاسوب << جديم ..

مثلا .. كل مجموعة تصمم لها موقع .. ، .. و أنا طبعا قمت بالواجب و يا واحد ما قصر ..
لاكن الثالث .. .. ما يعرف عنوان المشروع .. بس لما خلصنا راح عند الاستاذ
و يلس يسحبه بالكلام و يقوله أنا اللي سويت هذا و هذا ..

^^ ThAnK U Mad ^^