ماذا ستفعل بالصيف ؟؟

اقتباس:

---

المشاركة الأصلية كتبت بواسطة evilneverdie

وعليكم السلام ورحمة الله وبركاته

وين الغنايم قصدي يا هلا بمطول الغيبات ..


شوف هارب أو حارب مادري مدمر 200 :

لا تستعيل, الواحد مايعرف وش بيسوي بعد شوي, وانت تسأل عن الصيف...

صحيح إن بكرة لناظره قريب :09: .. بس ماتدري دايما يجد لك علم يديد ...


و إن شالله نآزر الأخضر دام محمد نور موجود :biggthump ...

---

شحااااااااااااااااالك يباااااااااا

شحاااااال الخور وشحاااااال القرقور ووشحااااااااال ام سروووووور .


الله يهديك . مدمر!! حطيتني جوال على اخر ايام زماني .

اجل انت الشيطان .

وياماتو N90 اللي لاهالحين ماحطوا له اسم .. وانا اقترح له اسم العلنجوج .


الوكاد .. كلما قلت هانت جد علمن جديد ;)

ومرحبنبك .

اقتباس:

---

المشاركة الأصلية كتبت بواسطة SFS

ان شاء الله راح اشتري جهاز مشي عشان نخفف الوزن الزايد..

والاهم كاس العالم ..والي أتمناه للطليان..

أحلى شي لما تتيمع مع الربع أو عيال خالاتك وتشوف المباراة ..

في البيت أو القهاوي..

شهر كامل من المتعة والأثارة..

ولا تنسون الصيف هالسنة فيه انتخابات مجلس الأمة..

يعني مضغوط على الآخر..

و 29 -6 يوم الانتخابات..

وطبعا الحريم أول مرة راح يشاركون..

وفيه جم مرشحة منزلة نفسها بالانتخابات..

فاتوقع راح تكون هناك مفاجآت..

وتعرفون ندوات وبوفيهات وقوازي وعصاير على كيف كيفك..

أتوقع المرشحين راح يوزعون اشتراكات حق كاس العالم عشان يكسبون ود الناخبين..:p :p

وأحاول أطلب افلام من النت من موقع أمازون..بس المشكلة ما أعرف الطريقة..


والصيف هالسنة متأمل فيه كل خير..:)

---

يامرحبمبم والله

كل ردك جميل وواضح ماعدا كلمة قريتها عشر مرات مافهمتها ..

اقتباس:

---

أحلى شي لما (تتيمع) مع الربع أو عيال خالاتك وتشوف المباراة ..

---

اتمنى الترجمة الى اللغة العربية .

وفالك طيب .

اقتباس:

---

المشاركة الأصلية كتبت بواسطة Son_OF_Liberty

عادي جداا بالنسبه لي أنا عااطل يعني الاجازه شي عادي عندي

لكن عندي كمن مشرووع صغار كذا:p
وعن كاس العالم ان شاء الله راح اتابع كل المبارايات بأسثتناء مباريات المنتخب الحبيب لأني عارف انه بيفوز على الاقل 9

وش كمان
والله ماتذكر
ومشكور خيوو هارب على الموضوع

---

عاطل ؟؟

يالله ذكرتني باللذي مضى ..

ذكرتني بحقبة زمنيه مرة علي كنت فيها عاطلاً .

واااحلاالااه يالبطالة ..

لقد بدأت الدموع تدغدغني وبدأت نبضات قلبي بالتسارع ..

سقى الله اياما كنت فيها عاطلاً ,,

تقبل تحيتي ايها العاطل واوصل ارق محبتي وشوقي لملفك العلاقي الاخضر طبعا مثل لون منتخبنا !!


!!!!!!! لحظة




لقد لاحظة شيئا مهما .. ان الملف اخضر والعلم اخضر والمنتخب اخضر !!!!!! نعم شيء جميل ومتوافق


ولكن الارض صفرااء جرداء قاحله !!!!

لماذا هذا التناقض !!!


صورة مع التحيه لكل من مر من هنا .

صورة مع التحية لامتحان الرياضيات ثالث ثنوي.. كل سنة يقولون صعب !! خخخ

اقتباس:

---

المشاركة الأصلية كتبت بواسطة Chrono Scar

×_×

ما ادري ×_×

بنيتي اروح عند الشعب بجده ~-~ باستخدم كل الصلاحيات اللازمة لتنفيذ هالخطة ~-~

لكن رسميا ، حتى الآن ولا شي محدد ×_×

في الغالب زي العاده ، نوووووووووووووووم، عربجي (نشوف هالي منهبلين عليه الشعب من سويكودين وغيرووو) وقرايه O.o

لقيت "قصة الحضارة" لويل ديورانت ebook شكلي باخلصه بهالاجازة :biggthump لانه طوييييييييييييييييييييييييييييييييييييييييييييل ×_×

---

ماادري وش اللي عاجبكم بهالنوم ؟؟

اذا سألت احد الشباب وش امنيتك في الحياة .. يقول اتغدا نفر مثلوثة لحم مندي مع لتر لبن وعقبن صكهااااا نووومه الللييين المغرب .تحت المكيف الصحرااااااااااوي في الصاااااااااالة;) .


مع اني جربت تلكم الفكرة وهي فعلا فكرة جذابة وراقية .

ولكني لااحبذها حيث انها تسوي في المعدة الهوايل .

عموما نوما هنيئا مريئا





بقية الاخوة والاخوات سارد عليكم لاحقاً .

اقتباس:

---

المشاركة الأصلية كتبت بواسطة HArb200

مرحبا ببوب صاحب الرقم القياسي في الايقافات


ماعلمتنا انهم فكوك كان سويت لك عزيمة واجيبلها اشهر شعار القلطة .


يعجبني جدولك وتنظيمك الخطير جدا اجل نوم واكل .

لاحظت انك ملغي فقرة الرياضة نهاءيا .؟؟!!

بصراحة ماالومك .. الحر سيضرب اطنابه قريبا ويخيم عندنا وستصل درجة الحرارة في شهر 7 الى 55 درجة مئوية . نسال الله الثبات .

بالمناسبة منتب مسافر لسوريا والله ياخي عجايب حنا نروحلكم بالصيف وانتم مخيمين هنيا !!



ويامرحبنبك يابويا .

---

هلا وغلا بقلبي:p


لا انا رجعت بعضوية ثانية ذيك ما فكوها :D



وبالله جدولي وش فيه احسن من الصياعة بالشوارع :D


سلام وخلك متواصل معنا :kiss:

اقتباس:

---

المشاركة الأصلية كتبت بواسطة HArb200

يامرحبمبم والله

كل ردك جميل وواضح ماعدا كلمة قريتها عشر مرات مافهمتها ..



اتمنى الترجمة الى اللغة العربية .

وفالك طيب .

---

بما احنا بالكويت نقلب الجيم ياء في بعض الكلمات..

واليمعة المقصودة احنا كلنا نجتمع بمكان واحد اسمه الدوانية..

والداونية نفس المجلس عندكم..

أتمنى انك فهمت من الشرح..

اقتباس:

---

المشاركة الأصلية كتبت بواسطة Angel whisper

باذن الله بسوق هالصيف v_v

غير عن هذا عندي كم كتاب ابغي اقراهم واخلص منهم

---

اااااابن ابووووووي !!
بتسوقين !!!!!!!!!

افااااا هذا وانا احسبنك عاقلة .

اقتباس:

---

المشاركة الأصلية كتبت بواسطة Lena

وعليكم السلام ورحمة الله وبركاته

وطيب الي بيتخرجون مالهم رب؟:31:

رايحين فيها لا تذكرني قصمن بصيح-______-
خسرنا فيها اشياء كانت تقدر تحقق بعض احلامنا اخ بس اااااااخ

هههههههههههههه احب الابداع النثري انا ههههههههه





بما اني ابتخرج من 16 سنة دراسة..بعد كرف وحرب وكر..
فأني باختصار أبي "ارتااااح" و "استمتع"
ابي ماشيل هم وابي احس مافيه هم فوق راسي واستمتع بهواياتي
واهتم بنفسي الي اهمتلها خصوصا سنة رابعة جامعة T-T..


الله يحفظ لنا البيت._. حنا عمرنا سافرنا قط؟؟
ان شدنا حيلنا رحنا القصيم-____-..


خطط اي نوع؟

• نادي رياضي + رياضة بيت -->مشروع جاد
• نادي الرسم "اسمه طباشير :silly: اسمه يضحك" ابي اكمل مشوار الرسم الي بديته العطلة الي فاتت
• اطور الناحية الاجتماعية الي اهملتها مع الدراسة : اهل +اقارب+ ربع
• ادور وظيفة :ee2: والله عجزنا

الله يستر بس :boggled: القروب حق السعودية فيه فريق قوي..وكالعادة لن تتعدى التصفيات الأولى

---

ماشاء الله اجل نادي رياضي اكيد مجمع الامير سلمان .؟؟؟

سبحان الله انقلبت الاية

صاروا الحريم يتدربون رياااضه وبعض الرجاال ;) اكل ونوم !!!

طيب اين تعلم الطبخ والنفخ .. واين تعلم الخياطة ..؟؟

اعتقد ان جدولك يحتاج لاعادة نظر .

اقتباس:

---

المشاركة الأصلية كتبت بواسطة mohammed111

^
^
^

اللي تدور الراحة بعد التخرج من الجامعة ..

اول شهر تمام ..

لكن قسمن يجيك احباط و ضغط وسكر وارق وهلوسه ..

اسئلي مجرب ..

=====

نرجع لهارب ،،

اولا كيف ايامك اخوي هارب ،،

بالنسبة للصيف فانا لاول مرة لن تكون هناك أي اجازة صيف ..

بعد بطالة استمرت 8 اشهر ..

توظفت اخيرا واول شرط لهم >> مافيه اجازة الا بعد سنة ...:02:

شخصيا انا راضي خصوصا بعد المعاناة النفسية والعصبية في الثمانية الشهور اللي راحت ..

ضروري جدا ان يشغل الواحد نفسه بأي شغله .

تحياتي ،،،

+++++
+++++

---

هلا والله ومرحبا



وعزالله انك صادز الشغل زين مهما كان الراتب شوي .

بس تدري وش الشين بالعمل في الصيف .. ان الصيف هالسنة بالذااااات مامثله مثيل المصايف كلبوها جتها امطار ماشاء الله سيلت الوديان والشعبان من الطايف لييين ابها والخميس .. انا خوي لي من الجنوب يوريني صور للنماص يقول جاهم برد وثلوج!!! في عز الصيف .

وحسب كلامه يقول ماجانا مثل هالخير لنا حوالي 10 سنين !!

فالصيف هذا ماينتفوت .. لكن بالنسبة لك الله يصبرك خاصة اذا كان العمل في جدة في عز الرطوبة :bigeyes:


بس ماعليك برسللك صور من طلعاتنا .. هذا ان طلعنا :02:

اقتباس:

---

المشاركة الأصلية كتبت بواسطة Chandler

هلا بهارب :)

انا صيفي هالسنة غير..الظاهر لو عطوني 9 شهور اجازة ما كفتني..

كل من قابلت سويت معه مخطط للصيف :p ..هذا غير اني ناوي ارجع للسعودية على الاقل اسبوعين..

الى الان مخططي..اول ما اخلص بروح اسبانيا مع الشباب اسبوعين الى نهاية شهر 6..

بعدين اقعد في نيوكاسل الى 15\7 بعدها بروح مصر اسبوعين ومن مصر الى السعودية اللي بقعد فيها اسبوعين ثانيات..وبعدها برجع لنيوكاسل اختبر اختبار مأجلينه لي الجامعه..

يبقى لي شهر ونص في الاجازة..اول 3 اسابيع منها بتكون جولة اوروبية بالقطار مع مجموعة كبيرة من الشباب وآخر 3 اسابيع يمكن يجوني اخوياي من السعودية او ارجع اقعد مع الاهل خصوصا انه بيكون على وقت رمضان <-- من زمااااان عن رمضان في السعودية :02:

اما كأس العالم..بشوفه عندي في الشقة..

---

ايه عاد انت صرت خواجه .. نتعلم منك التنظيم والترتيب .

15/7 و 10/8 !!! .. الله يزيدك ياخي ..

يبدولي انها بتصير اجازة رائعة بالتوفيق .

اقتباس:

---

المشاركة الأصلية كتبت بواسطة HArb200

ماشاء الله اجل نادي رياضي اكيد مجمع الامير سلمان .؟؟؟

سبحان الله انقلبت الاية

صاروا الحريم يتدربون رياااضه وبعض الرجاال ;) اكل ونوم !!!

طيب اين تعلم الطبخ والنفخ .. واين تعلم الخياطة ..؟؟

اعتقد ان جدولك يحتاج لاعادة نظر .

---

هههههههههه ياحليلك هارب..
اكيد فيه اشياء كثيرة ماقلتها..انا قلت الmain plans بس على قولتهم
اذا بفصلك كل شي بتزهق._.
لكن أما لو ماتدرب عالطبخ بطيح من عين امي@_@
هي ياعمري مستيتني بس اتخرج عشان ابدع لها بالطبخ
وارجع زي اول واصير زي اختي الكبيرة "مب فلير طبعا الي اكبر"..ذا الكمبيوتر وقسمه سحبني من كل شي
وبرضو عندي مخططات تاثيث غرفتناوترتيبها وتزيينها
ومخططات تعلم التصوير ويمكن ادخل دورة للتصوير او اشتري كتاب
الخ..
أي تعديلات تقترحها تفضل ياخوي حنا نسمع اقتراحات الكوبار._.



بالنسبة لنادي الرياضة..فالرياضة شي واجب عالحريم والرجال والله ._.
ولا مب مجمع سلمان وشو ذا؟
انا بالدمام

دراسة ! >_> .... كورس صيفي T_T ... الله يعينا على الشمس -__-

أمام النت .. وفي السيارة .. ومتفائلين خير على كم أنمي وكم مسلسل .. والبقية في النوم .. :sheep:

اهلي شكلهم معزمين على اسبانيا!!
بس انا مالي نفس اروح هناك
شكله زهق
:blackeye:

نفسي اجلس في البيت 24 ساعة نت!!
:D

لو النوم يطلع فلوس كان من زمااان والشعب العربي عندهم Their own hollywood .