ماذا ستفعل بالصيف ؟؟

[HArb200]

السلام عليكم ورحمة الله وبركاته

اما بعد

كيف حالكم ياشباب المنتدى العام .

وكيف استعداداتكم للاختباراتكم لمن هم في ثالث ثانوي ؟

وكيف اسهمكم يامعشر المساهمين ؟


على كل حال اجتهدوا ولكل مجتهد نصيب .ولاتتحمسوا كثيرا في المراجعة فهذه الايام موجة توظيف نسائية . فالبطالة تنتظركم .

لااادري كيف سابدا بهذا المضوع ولكني سوف ادخل فيه مباشرة

بعد اسبوعين سوف تبدا اجازة الصيف الحبيبة لاخواننا طلاب المدارس (وقبل يومين بدات اجازتنا نحن) واعتقد في هذا الاسبوع سوف ينتهي اخواننا من طلبة الجاماعت من اختباراتهم ايضا.

ونستقبل الاجازة الصيفية

بكل بساطة .. ماذا سوف تفعلون باجازتكم ؟؟

واين ستيممون وجوهكم ؟وهل سوف تسافرون ؟؟

وهل هناك خطط علمية مدروسة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


طبعا معشر الشباب ومعشر الطلاب ومعشر المشجعين سنستقبل بعد ايام قلائل ايضا كاس العالم ..

فماهي خططكم يارعاكم الله هل سوف تشجعون ؟ ام ستتلطمون ؟ وهنا مربط الفرس .


فالصقور الخضر (خخخ) في هذا العام يشاركون ايضا .. ونحن اذ نفرح بتلك المشاركة اذ نضع قلوبنا على ايدينا خوفا من الفضيحة المجلجلة ,,


والجميع يبتهلون بالدعاء ان يخرجنا الله سالمين .. بالتعادلات وكأس اللعب النظيف .

خصوصا اني قرأت بالامس باحدى الجرائد الخبر اللذي يقول (الاخضر تداهمه الاصابات ....) لعنبا وجيههم معاد باقي الا سبوع وتداهمهم الاصابات .

على كل حال خرجنا من صلب الموضوع

فااتمنى منكم الاجابة على تلكم التساءلات .

والسلام عليكم.

[BOOOB_2002]

هارب ولا حرب ولا تحب اقولك الشيخ هارب



يا هلا يا هلا منور يا فتى



وينك مختفي عنا لا حس ولا خبر ؟



عالعموم جيت بوقتك انت وموضوعك



أسئلتك جوابها بشكل خاطف

انا بشوف كأس العالم ان شاء الله اذا ما طلعت بوجهي شي مصيبة خخخخخخخخ

يا بستـاجر غرفة مفروشة انا والشباب ونشوفها فيه


او اني سمعت انهم بالخرج بيحطون شاشة 150 بوصة بأحد النوادي

او اني بشوفه بالمقاهي


او اني بستسلم وبجيب اشتراك الضفدع كامل لا قدر الله



وبقية الإجازة سوف تكون بالعمل ثم النوم ثم العمل ثم النوم وطبعا لا غنى عن الإنترنت والمنتدى والداونلود



سلامات يا فتى وخلنا نشوفك هنا دايما

[Trapped Inside]

كل شي يعتمد عالشهاده .

[Yamato]

ما عدت افكر بالاجازات..

لانه ببساطة عندي ستة شهور اجازة + اي دوام في وقت الاجازة احصل عليه تعويض اجازة وكمان بيردون لي اليوم اللي راح كدوام.. يعني يومين اجازة مقابل اليوم اللي داومت فيه في اجازتي...

اذا.. بكل اختصار.. واذا حساباتي ما طلعت غلط.. راح انهي السنة وانا يمكن مداوم اربع شهور يمكن


ما شاء الله.. ما شاء الله.. ما شاء الله .. ما شاء الله

-____-

[Classic Evil]

وعليكم السلام ورحمة الله وبركاته

وين الغنايم قصدي يا هلا بمطول الغيبات ..


شوف هارب أو حارب مادري مدمر 200 :

لا تستعيل, الواحد مايعرف وش بيسوي بعد شوي, وانت تسأل عن الصيف...

صحيح إن بكرة لناظره قريب .. بس ماتدري دايما يجد لك علم يديد ...


و إن شالله نآزر الأخضر دام محمد نور موجود ...

[SFS]

ان شاء الله راح اشتري جهاز مشي عشان نخفف الوزن الزايد..

والاهم كاس العالم ..والي أتمناه للطليان..

أحلى شي لما تتيمع مع الربع أو عيال خالاتك وتشوف المباراة ..

في البيت أو القهاوي..

شهر كامل من المتعة والأثارة..

ولا تنسون الصيف هالسنة فيه انتخابات مجلس الأمة..

يعني مضغوط على الآخر..

و 29 -6 يوم الانتخابات..

وطبعا الحريم أول مرة راح يشاركون..

وفيه جم مرشحة منزلة نفسها بالانتخابات..

فاتوقع راح تكون هناك مفاجآت..

وتعرفون ندوات وبوفيهات وقوازي وعصاير على كيف كيفك..

أتوقع المرشحين راح يوزعون اشتراكات حق كاس العالم عشان يكسبون ود الناخبين..

وأحاول أطلب افلام من النت من موقع أمازون..بس المشكلة ما أعرف الطريقة..


والصيف هالسنة متأمل فيه كل خير..

[Son_OF_Liberty]

عادي جداا بالنسبه لي أنا عااطل يعني الاجازه شي عادي عندي

لكن عندي كمن مشرووع صغار كذا
وعن كاس العالم ان شاء الله راح اتابع كل المبارايات بأسثتناء مباريات المنتخب الحبيب لأني عارف انه بيفوز على الاقل 9

وش كمان
والله ماتذكر
ومشكور خيوو هارب على الموضوع

[احلامو ادوماتو]

×_×

ما ادري ×_×

بنيتي اروح عند الشعب بجده ~-~ باستخدم كل الصلاحيات اللازمة لتنفيذ هالخطة ~-~

لكن رسميا ، حتى الآن ولا شي محدد ×_×

في الغالب زي العاده ، نوووووووووووووووم، عربجي (نشوف هالي منهبلين عليه الشعب من سويكودين وغيرووو) وقرايه O.o

لقيت "قصة الحضارة" لويل ديورانت ebook شكلي باخلصه بهالاجازة لانه طوييييييييييييييييييييييييييييييييييييييييييييل ×_×

[Angel whisper]

باذن الله بسوق هالصيف v_v

غير عن هذا عندي كم كتاب ابغي اقراهم واخلص منهم

[abdulaziz1]

ان شاء الله..أروح L.A..وبعدين أرجع السعوديه..

[Lena]

السلام عليكم ورحمة الله وبركاته

وعليكم السلام ورحمة الله وبركاته

وكيف استعداداتكم للاختباراتكم لمن هم في ثالث ثانوي ؟

وطيب الي بيتخرجون مالهم رب؟

وكيف اسهمكم يامعشر المساهمين ؟

رايحين فيها لا تذكرني قصمن بصيح-______-
خسرنا فيها اشياء كانت تقدر تحقق بعض احلامنا اخ بس اااااااخ

لااادري كيف سابدا بهذا المضوع ولكني سوف ادخل فيه مباشرة

هههههههههههههه احب الابداع النثري انا ههههههههه

بكل بساطة .. ماذا سوف تفعلون باجازتكم ؟؟

بما اني ابتخرج من 16 سنة دراسة..بعد كرف وحرب وكر..
فأني باختصار أبي "ارتااااح" و "استمتع"
ابي ماشيل هم وابي احس مافيه هم فوق راسي واستمتع بهواياتي
واهتم بنفسي الي اهمتلها خصوصا سنة رابعة جامعة T-T..

واين ستيممون وجوهكم ؟وهل سوف تسافرون ؟؟

الله يحفظ لنا البيت._. حنا عمرنا سافرنا قط؟؟
ان شدنا حيلنا رحنا القصيم-____-..

وهل هناك خطط علمية مدروسة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خطط اي نوع؟

• نادي رياضي + رياضة بيت -->مشروع جاد
• نادي الرسم "اسمه طباشير اسمه يضحك" ابي اكمل مشوار الرسم الي بديته العطلة الي فاتت
• اطور الناحية الاجتماعية الي اهملتها مع الدراسة : اهل +اقارب+ ربع
• ادور وظيفة والله عجزنا

فالصقور الخضر (خخخ) في هذا العام يشاركون ايضا .. ونحن اذ نفرح بتلك المشاركة اذ نضع قلوبنا على ايدينا خوفا من الفضيحة المجلجلة ,,

الله يستر بس القروب حق السعودية فيه فريق قوي..وكالعادة لن تتعدى التصفيات الأولى

[mohammed111]

^
^
^

اللي تدور الراحة بعد التخرج من الجامعة ..

اول شهر تمام ..

لكن قسمن يجيك احباط و ضغط وسكر وارق وهلوسه ..

اسئلي مجرب ..

=====

نرجع لهارب ،،

اولا كيف ايامك اخوي هارب ،،

بالنسبة للصيف فانا لاول مرة لن تكون هناك أي اجازة صيف ..

بعد بطالة استمرت 8 اشهر ..

توظفت اخيرا واول شرط لهم >> مافيه اجازة الا بعد سنة ...

شخصيا انا راضي خصوصا بعد المعاناة النفسية والعصبية في الثمانية الشهور اللي راحت ..

ضروري جدا ان يشغل الواحد نفسه بأي شغله .

تحياتي ،،،

+++++
+++++

[Chandler]

هلا بهارب

انا صيفي هالسنة غير..الظاهر لو عطوني 9 شهور اجازة ما كفتني..

كل من قابلت سويت معه مخطط للصيف ..هذا غير اني ناوي ارجع للسعودية على الاقل اسبوعين..

الى الان مخططي..اول ما اخلص بروح اسبانيا مع الشباب اسبوعين الى نهاية شهر 6..

بعدين اقعد في نيوكاسل الى 15\7 بعدها بروح مصر اسبوعين ومن مصر الى السعودية اللي بقعد فيها اسبوعين ثانيات..وبعدها برجع لنيوكاسل اختبر اختبار مأجلينه لي الجامعه..

يبقى لي شهر ونص في الاجازة..اول 3 اسابيع منها بتكون جولة اوروبية بالقطار مع مجموعة كبيرة من الشباب وآخر 3 اسابيع يمكن يجوني اخوياي من السعودية او ارجع اقعد مع الاهل خصوصا انه بيكون على وقت رمضان <-- من زمااااان عن رمضان في السعودية

اما كأس العالم..بشوفه عندي في الشقة..

[HArb200]

هارب ولا حرب ولا تحب اقولك الشيخ هارب



يا هلا يا هلا منور يا فتى



وينك مختفي عنا لا حس ولا خبر ؟



عالعموم جيت بوقتك انت وموضوعك



أسئلتك جوابها بشكل خاطف

انا بشوف كأس العالم ان شاء الله اذا ما طلعت بوجهي شي مصيبة خخخخخخخخ

يا بستـاجر غرفة مفروشة انا والشباب ونشوفها فيه


او اني سمعت انهم بالخرج بيحطون شاشة 150 بوصة بأحد النوادي

او اني بشوفه بالمقاهي


او اني بستسلم وبجيب اشتراك الضفدع كامل لا قدر الله



وبقية الإجازة سوف تكون بالعمل ثم النوم ثم العمل ثم النوم وطبعا لا غنى عن الإنترنت والمنتدى والداونلود



سلامات يا فتى وخلنا نشوفك هنا دايما

مرحبا ببوب صاحب الرقم القياسي في الايقافات


ماعلمتنا انهم فكوك كان سويت لك عزيمة واجيبلها اشهر شعار القلطة .


يعجبني جدولك وتنظيمك الخطير جدا اجل نوم واكل .

لاحظت انك ملغي فقرة الرياضة نهاءيا .؟؟!!

بصراحة ماالومك .. الحر سيضرب اطنابه قريبا ويخيم عندنا وستصل درجة الحرارة في شهر 7 الى 55 درجة مئوية . نسال الله الثبات .

بالمناسبة منتب مسافر لسوريا والله ياخي عجايب حنا نروحلكم بالصيف وانتم مخيمين هنيا !!



ويامرحبنبك يابويا .

[HArb200]

ما عدت افكر بالاجازات..

لانه ببساطة عندي ستة شهور اجازة + اي دوام في وقت الاجازة احصل عليه تعويض اجازة وكمان بيردون لي اليوم اللي راح كدوام.. يعني يومين اجازة مقابل اليوم اللي داومت فيه في اجازتي...

اذا.. بكل اختصار.. واذا حساباتي ما طلعت غلط.. راح انهي السنة وانا يمكن مداوم اربع شهور يمكن


ما شاء الله.. ما شاء الله.. ما شاء الله .. ما شاء الله

-____-

وش هالجوب job اللي يوم تستلم ويومين تسلم .

الظاهر انك عسكري .. مع ان وجهك مهوب وجه عسكري .

ولا خوي امير ؟؟

ولا صقار ؟

اختر الاجابة الصحيحة .