صارلي 3 شهور امارس رياضة كمال الاجسام ...ولكن بدون اي فايدة ؟ مع صوري بالداخل.

اقتباس:

---

المشاركة الأصلية كتبت بواسطة |one.piece|

ياخوي العضلات ماتطلع الا بالمواصله
ومثل ماقالولك الشباب

عليك باليبو 6 بلاك وجدول غذائي .. وتمرين جامد ولا تنسى تاخذ ايزو 100 او ايزولييت من مصل تيك

وكثر من الكارديوو

والله يوفقك

---

الله يسعدك يالغالي بس المكملات نفسي صاده منها ماحبيتها والله بس قلت باخذ ليبو سكس واجربه لمدة شهر

اقتباس:

---

المشاركة الأصلية كتبت بواسطة abo nayef

بعد التمرين لازم وجبة بروتينية
بعد التمرين مباشرة خذ كاربوهيدرات بسيطة يعني تفاحة او 7 تمرات او عصير وبعدها بنص ساعة وجبة بروتينية علبة تونة او نص دجاجة او صحن شاورما

---

مشكور يالغالي وهذا الي بيصير ان شاء الله ..

اقتباس:

---

المشاركة الأصلية كتبت بواسطة saad khan

بسم الله الرحمن الرحيم
وبه نستعين

السلام عليكم ورحمة الله وبركاته
بدايةً ..
من ناحية تمارينك وجدولك مالي خبرة كافية عشان أقدر أخدمك
اللي أقدر أخدمك فيه إني أنقللك تجربتي وإن شاء الله أكون أفدتك ولو القليل
قبل سنتين تقريباً كان وزني 115 كيلو وطولي 183
وكان عندي ترهلات بالصدر والبطن والجوانب بشكل فظيييييييع
وكل ما أطالع بالمرايه أكررررررره نفسي
وأخذت أتمرن بالبيت وأجريء يومياً 30 دقيقة إلى 45 دقيقة
وأكل وجبتين باليوم نواشف وأشرب الماء بكثرة مع الشاي الأخضر
وبالليل بعدت نهائياً عن الأكل وإذا حسيت بالجوع سديتها بتفاح أخضر
وبعدت نهائياً عن الدهون والسكريات والنشويات والغازيات
ومشيت على هذا النظام 6 شهور إلى 7 شهور تقريباً
ووصل وزني إلى 95 أو 92 كيلو
وبعدها بفترة دخلت النادي وجلست 6 شهور ألعب فقط لياقة وتخسيس
وكان أكلي عادي مافيه دايت ..
ومع الوقت والصبر والعزيمة والإصرار والتشجيع
وصل وزني إلى 82 كيلو نسبة الدهون الزايدة 8:30 كيلو ونصف
والحمدلله إختفت الترهلات وجسمي كل يوم في تحسن مستمر والحمدلله
وإن شاء الله سوف أصور نفسي بعد 3 شهور وأنزلها بالمنتدى لكي يستفيد الجميع من تجربتي
لإني داخل على كورس تنشيف ثم تقسيم فرنسي
أصارحك أخوي الشغله ماهي بيوم ولا بشهر ولا حتى بسنة
الشغلة يبغالها عزيمة وصبر أيوب وإصرااااااار منك
وبعدين ما شاء الله عليك من 111 كيلو إلى 78 كيلو يعتبر إنجاز بحد ذاته
ذهب الكثير وما بقي إلا القليل ..
أخوي لا تيأس وخلك على إصرارك وإن شاء الله توصل لهدفك
ونتمنى لك التوفيق أخي العزيز والله يرزقك الصبر

---

مشكورة يالغالي بصراحه تحمست كثير وتشجعت من كلامك ومثابرتك وصبرك وان شاء الله بنكمل المشوار ونصبرر..

اقتباس:

---

المشاركة الأصلية كتبت بواسطة تيتشر2009

HulkHUGAN لاعدمناك يالغالي بس كيفية استخدام الليبو سكس وكم شهر استمر عليه.

---

بالنسبة لليبو اول ثلاث ايام تاخذ لك حبة قبل الفطور ب30 دقيقة على الريق وحبة بعد الظهر
بعدين اليوم الرابع والخامس تخليها حبة الصبح قبل الفطور وحبتين بعد الظهر بعدها خلها حبتين الصبح وحبتين بعد الظهر
وتخلي فترة 5او6 ساعات بين الجرعات الصبح وبعد الظهر تقدر تخلي الجرعه الثانية قبل التمرين بنص ساعه
ولاتاخذهم قبل فترة النوم بـ 6 ساعات لأن نسبة الكافيين فيه عاليه يمكن يسبب لك السهر وماتنام
وخلاص استمر عليه لمدة شهر بعدين توقف اسبوعين او عشرة ايام
واهم شي انك تاخذها على معدة فارغة

والله يوفقك ولا تنسى تستشير طبيبك قبل عشان صحة كليتك

انا انصحك اخوي بالاستمرار والله يعطيك العافية وان شاء كل الملابس القديمة توسع عليك خخخخخ هذا شي والشي الثاني لا تلجاء لحوارق الدهون الا لما تشوف وزنك خلاص مو راضي ينزل مرررررره هذا واحد والثاني انتبه ثم انتبه لا تستخدم شي ممكن يضر كليتك ترى هالشغلات هذي تقرص على الكلى يعني تهلكها على المدى الطويل

ان شاء الله ومشكورين على مساعدتكم لي واهتمامكم...