اقتباس:
كنت أتكلم عن قياده المرأه ومضارها..انا مقتنع بأنها مضره والأغلبيه هنا..اذا انت موافق أن اختك تسوق بالشارع ويطاردها 10 تماسيح فهذا شي راجع لك..
يوم قلت دين وعادات اقصد مخالفه قيادة المرأه لها..
وين الضرر من التلغراف وباقي وسائل المواصلات؟!
العصر الأول من الإخوان كانوا يقولون هاللي تقوله، وش المضرة، بس تعال، ما دام فيه هيئة تمنع هاللي صار ليه أمنع شيء بهدف سد الذريعة ؟
اقتباس:
الي تكلمت عنه سالفه الشيراتون..وماسمعت عن جريده ثانيه كتبت هالموضوع بأسلوبهم..
عدم سماعك ما ينفي كونها حقيقة، وهل لكل جريدة إسلوب وآخر ؟
يعني واحد انتقل من الرياض للوطن وبعدين للشرق، بيختلف إسلوبه ؟
اقتباس:
ومتى قلت أنا آل سعود..؟
خلاص أنت ما قلت آل سعود، بس ممكن تقولي وش اللي ينفهم من كلامك ؟
أنظمة مخطط لها ؟!
طيب من قبل من ؟
اقتباس:
وش دخل وزير الصحه الحين..
ما دام آل سعود ما لهم دخل، ولا الوزارء والمسؤولين، عن من تتكلم أنت ؟!
من اللي يدير هالأنظمة بنظرك ؟
اقتباس:
قاعد اقولك ان الفساد الأداري حقك ذا حصل بسبب كم شخص كانوا قاصدين ومبيتين النية انهم يسببون هالفساد..اما لغايه "الزرف" او غيره..
يعني إذا فيه مجموعة غير بسيطة من الهيئة سووا شيء غلط يصير غير مقصود منهم، ولا مثل العلة اللي منتشرة هالوقت: "إجتهاد" منهم ..
وإذا كم واحد من المسؤولين، وعليه كل الدولة، انتهك بعض الأشياء، أقول كذا وكذا ؟
طيب الحين هو في مرتبة معينة، ترقى لمرتبة كان يطمح لها تؤهله لو كان فاسد للي يبيه، فهل هو مخطط لإنه يترقى من أول ؟
بكيفه يترقى هو ؟
اقتباس:
وانا ما حددت شي علشان تقولي آل سعود..المشكله انت الي جايب طاري الفساد شلون انا بحدد؟
انا قلتلك ان الفرق ان سلبيات رجال الهيئه الي ذكرتها قبل هي أخطائهم..
ياخوي أخطئوا مرة الله يجازيهم على قد نوايهم، يخطئون مرة ثانية وثالثة نقول لا تتكلمون، أنتم ما عندكم أسلوب ؟!
اقتباس:
وان أيجابياتهم اكثر من سلبياتهم (أخطائهم),, لكن الفساد الاداري هل حصل عن طريق الخطأ؟
واحد من اللي ماسكين مركز مسكوا عليه مجموعة فاسدين شيء حدث بالخطأ، وممكن يدمر مستقبله المهني، واستغلوا السالفة ليبتزونه، أقول لا هالشيء مخطط له من إلى ؟!
مع العلم إنه خطأ وضرر كبير ..
اقتباس:
يعني انت المطالب بأثبات شي تدعيه..اذا طلبت منك تثبت..
يابوي ممكن تقولي شلون تقولي أشياء أدعيها أنا ؟!
والكلام أنا أجيبه من جريدة أنت تقول إن الكل يتصفحها ..
ما أعجبكم الحكي قلتم لا ذا تطاول ومادري وشو ؟!
اقتباس:
انا قاعد أدافع عن الهيئه وأطالبكم بأحترامهم او انتقادهم بأسلوب..
ياخوي إذا حنا ما عندنا أسلوب، والجرايد والمجالات ووسائل الإعلام ما عندهم إسلوب، من اللي بينتقدهم ؟!
كلامك صحيح فيما يتعلق بفساد بعض المسؤولين، وهو ما ينفي كونه حقيقة واقعة، بس تبيني أغض الطرف عنه وأقول أنت حاقد ومادري وشو لأن ما عندك أسلوب في النقد وقاعد تقول أنظمتك وما أنظمتك ؟
اقتباس:
وانت الي ناقز علينا بطاريها..
أشكرك لأنك طولت بالك معي ..
وما دام السالفة موب واصلة لحل أنا أطلع منها ..