نقاش : ناروتو... هل هو فعلا رائع؟

اقتباس:

---

المشاركة الأصلية كتبت بواسطة ولد البوكواره

ولكن يظل هذا رأيك وذوقك الخاص فقط ;)
ومب شرط اذا ما اعجبك ان ما يعجب غيرك ^_^
اتمنى من قراء الموضوع بأن يقروا ردي بعد مايقرون موضوعك عشان ما يظلمون الأنمي

---

انا معا اخي ولد الباكوره هذا يظل رايك فحسب
فانت قمت بوضع تقييمات للمجالات من وجهت نظرك الشخصية

انا اقولك سالفتي مع ناروتو
سابقا كنت ما اطيقه رسماته ما تعجبني و شكل البطل مو زود
لكن مرة من المرات اخواني الصغار قالو لي يبغو يشاهدو فلم كرتون من اللي عندي
فقلت اباشغل ليهم ناروتو عشان مايعجبهم و مايقولو لي مرة ثانية يبغوا يشوفو
و شاهدت معاهم الحلقة

و اللي حصل انني لم اتصور ان تكون احداثة فظيعة بكل ما تعنيه الكلمة
فهذا الانيمي اللذي كنت اقول في نفسي اني اضيع وقت في شيء انزله و مايستاهل
قمت بالبحث عنه بين اصدقائي اللذين ينزلون الانيمي الى ان اصبخت عندي الان حلقاته الثمانين الاولى بالاضافة الى الحلقة الخاصة

و انا ارى ان الجوهر اهم من المظهر لكن المظهر مهم
فهنالك انيمي كثير ذو رسمات رائعة لكن ليس له قصة هادفة او احداث مثيرة
يريدون جذب المشاهدين عن طريق المشاهد الفاضحة و الرسومات الجميلة

اما ناروتو فقد اثبت قوة جوهره فالقصة بحد ذاتها فظيعة و الاحداث افظع و كل النواحي متميز فيها ماعدا الرسوم

و اقول شي قبل الختام مرة كنت داخل موقع انيمي موجود عليه اقبال كثير و كان فيه تصويت
كان ناروتو ماخذ نسبة 57 بالمئة من بين حوالي ثمانية انيميشن

انا صحيح افضل بعض الانيمي على ناروتو لكن يبقى ناريوتو فظيع

ترى في الاف الانيميات في البتورنت وانا ما اشوف احد ينزل الا ناروتو يعني شكل ناروتو احلى واحد. و هذا مو رايي هذا الي قاعد اشوفه.

تبغي الصراحه أنا ما توقعة حد يسأل هذا السؤال لان الناس اذواق منهم يحب أيشوفه ومنهم يحب اشوف غيره صح أو انا على خط ؟؟؟
بس الصراحه هو عجبني من شفته أول مره وكانت الحلقه 12 على ما أعتقد وكان هو أول أنمي اشوفه واهتمية فيه وايد وأحين بنسبه لى أحلا أنمي وانا ما أقول شي عن الانمي الثاني ممكن أيكون شي أحلا منه بس هذا دخل مزاجي وانا أقول ناروتو رائع من كل الجوانب واحين أنتظر الفلم وانا أنصح من شاف الحلفات الاول فقط شوف الحلقه 77-78-79-80 وبعدين قول رايك لنها فيها تشويق وحزن وأشياء كثيره...............وعلى فكره هناك حلقات أروع وكل محبي ناروتو ينتظرون على أحر من الجمر.:D :D
:biggthump وشكرا أخوي على هذا الموضوع :biggthump

مع تحياتي ناروتو_1987

I don't know about you guys but doesn't these new episodes of Naruto make you want to go to sleep? :o

I constantly find myself skipping most parts (especially the continuous flashbacks) of the episode because the story isn't going anywhere much and its just getting boring. :12:

I remember watching the older episodes where it's much exciting and interesting to watch. :biggthump

Is Naruto losing its touch or is it just me? :33: I'm sure some people out there might feel the same way as I do.

انا قريت بموقع ان اللي يألف قصة ناروتو مات علشان جذي بعد الحلقه 40 او ما ادري جم صارو بايخين.:D

جميع من شاهد ناروتو وأعجبه راح يكون بسببين فقط :
1- أنسان أول مره يشوف أنمي
2- أو أنسان يمووووووووت بالنينجا
سلام

اقتباس:

---

المشاركة الأصلية كتبت بواسطة BMA

جميع من شاهد ناروتو وأعجبه راح يكون بسببين فقط :
1- أنسان أول مره يشوف أنمي
2- أو أنسان يمووووووووت بالنينجا
سلام

---

انا مو اول مره اشوف انمي ولا لا احب النينجا بشكل كبير
ومع ذلك احببت ناروتو
وبعد مشاهدة ناروتو لأول مره شاهدت 7 مسلسلات كامله ولم تتغير وجهه نظري عن ناروتو :)

ناروتو:
1- القصة : 8/10 قصة بعض الشخصيات رائعة جداً وجديدة والبعض الآخر من أسخف القصص اللي عرفتها
2- الشخصيات: 8/10 بعضها رائعة و مبتكرة وبعضها سخيفة جداً جداً
3- المؤثرات : 9/10 المؤثرات فيه رائعة جداً ولكن بعضها مبالغ فيه قليلاً
4- الأكشن : 7/10 رائع جداً ولكن ينقصه بعض العوامل حتى يصبح الأفضل على الاطلاق

لكن عبيه الوحيد التطويل في المعارك فخلال المعركة يبقى الواحد يتذكر طفولته و blah blah blah و يستمر
الامر 5 حلقات بعدين تنتهي .

في النهاية أعطي ناروتو 90%

طبعاً هذه وجهة نظري ورأيي عن ناروتو وكل له حرية الرأي .

اولا اشكر كل من ابدى برايه بس عن عن نفسي شايف انمي وايد عدد لا باس فيه بس شرات قصة ناروتو صراحة ما مر علي لدرجة اني شفته حوالي 10 مراات وفي كل مرة اكتشف نغزة ولا لغز ولا شي ما كنت فاهمة بعدين انا اشوف المؤثرات وااايد حلوة ورهيبة الاغاني الجرافيك كل شي حلو بس انا في رايي العيب الوحيد انه كل اسبووع حلقة يعني انا عندي امل اني راح اتابع ناروتو اولا ويا حرمتي وثانيا ويا عيالي وممكن ويا احفادي اذا الله عطاني عمر

السلام عليكم

شباب خلو الموضوع ودي <<<<<<< لانهم ما جاوبو سيرة DBZ :D

بصراحه انا اشوف انمي من 16 سنه

(((( الي يحب الاكشن )))

مستحيل ما يعجبه ناراتو بالعكس هو مسلسل ناجح وانا من زماااااااااان ما شفت مثله بس ودي اقول شي واحد بس

لحد يحكم على مسلسل وهو ما شافه
لحد يحكم على مسلسل الى الحين ما انتهى

لانه يظلم المسلسل الا اذا كنت ما تهتم بكلامك وتحكم على اي مسلسل على مزاجك

الموضوع راجع لكم بس هذا رايي بكل صراحه

المسلسل حلو,,,, صدق انه فيه بعض الاشياء في المسلسل ((تحس)) انها معيوده او ماخوذه من مسلسلات ثانيه بس كل افكار الانميشن كذا فليه زعلانين ؟؟؟

انا برائي المتواضع اعطي ناراتو 89% واعتبره مسلسل يستاهل الصجه الي مسويها ومسلسل ناجح

المشكلة بعض الناس هنا حاقدين على ناروتو ...

حرام عليكم تراه "يستاهل الصجة" ، بدليل أنه من المسلسلات القليلة اللي نلقى اللنكات حقتها على HTTP يعني دايريكت لينك ... بصراحة أنا أدور حلقات لمسلسل أينوياشا والمانجا حقته ولا لقيتها .. أما ناروتو هذا (بالمناسبة أحب إينوياشا أكثر) في كل مكان تلقاه !!

لو كنت تقول أن القصة يمغطونها بعض الأحيان لأتفقت معك وهذي تحسب عليه ، لكن غلطان اللي يقول أنه ما فيه شخصيات ، غلطان بقوة ... ولو ما أعجب البعض لما استغربنا لأن البعض ما يحب بعض المسلسلات كذا بدون سبب واضح (مثلي أنا أحيانا) لكن عاد لا تحقدون عليه !!!! ---> إلا إذا كان علشانه سرق وقتكم :09:

بالمناسبة هنا فيه قائمة في موقع ويظهر ناروتو في المرتبة الثامنة
http://www.animenfo.com/statistic/top100.php?l=anime

معليش اخوي بس الموقع الي انت حاطه رايح في خرايط عين امها

يكفيك انه ما حط DBZ في اللسته حقته

ههههههههههههههههههه

بصرااااااحه ناروتو اكثر من روعه .... وانا عطيه 10\10

تحياتي لكم ..

:05:

والله صراحه من وجهت نظري ناروتو من افضل الانمي الي ظهر للحين


انا كنت قبل ماحب حته اسمع اسمه

بس صراحه بعد ماشفته اعجبني بشكل كبير واعتقد انه يستاهل تقدير جيد جدا على الاقل

وطبعا كل واحد ورايه

بس احنا اكيد ماندور سلبيات اي مسلسل احنا علينا نستمتع بالانمي

واعتقد ناروتو يقدم الامتاع المطلوب وزياده

معقوله قصة ناروتو تعطيها صفر؟ اصلا القصه هي الحاجه الوحيده الي حلوه في ناروتو.. مع الاغاني طبعا

و طبعا اهم شي في الانيم القصه مو الرسومات و هدا رأييييي