تقارير الأنمي نقاش : ناروتو... هل هو فعلا رائع؟
  • 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 1 من 6 123456 الأخيرةالأخيرة
    النتائج 1 إلى 15 من 85

    الموضوع: نقاش : ناروتو... هل هو فعلا رائع؟



    1. #1
      الصورة الرمزية Doel
      Doel غير متصل آنَ للفارِسِ أن يَتَرَجّل
      التسجيل
      05-03-2001
      الدولة
      Harrenhal - The Seat of Kings
      المشاركات
      1,560
      المواضيع
      102
      شكر / اعجاب مشاركة

      نقاش : ناروتو... هل هو فعلا رائع؟

      السلام عليكم و رحمة الله و بركاته

      انا فتحت هالموضوع و انا ادري انه في كثير من الأعضاء بياكلوني عليه ^_^ .. بس هو شي حبيت اذكركم بيه... انا اتكلم عن الأنمي ومالي خص في المانجا

      انمي ناروتو.... شو اللي جذب الكثير من الناس له.. و شو اللي بعد الكثير عنه :

      في البدايه احب اوضح ان ناروتو انمي حلو... ولكن ما يستاهل كل العفسه اللي صايره عليه...


      من ناحية القصه : ناروتو من هالناحيه صفر.. قصة ناروتو بالنسبه لي مجرد تجميع افكار من انميات ثانيه (قديمه و جديده) و تركيبها في اطار نينجا... و الشي الوحيد اللي كان جديد في ناروتو ... هو قصة الولداللي داخله وحش (مع انها كانت موجوده في انميات ثانيه)... و الكاتب استغل هالفكره بطريقه غبيه...كل شخصيه ضد ناروتو يكون بهالطريقه، من هاكو (اللي عنده حركه محد يقدر يطلع منها) إلى جارا... و لاحظوا ان الكاتب هنا عبقري... قدر انه يسوي 80 حلقه تقريبا بس على قصتين اساسيتين... قصة هاكو و جارا بس... يعني احنا طول سنتين تقريبا .. كل اللي جفناه كان شي يطلع في 10 حلقات بس... يعني عرف كيف يضيع الوقت... و القصه ايضا بسيطه بشكل فظيع.. و طريقه عرض القصه ابسط... الكاتب يقولك 70% من القصه في اول 10 حلقات..و الباقي يكونن يالس يسحب و يمط في قصة الولد الفاشل اللي بيستوي بطل....

      من ناحية الأكشن : هنا ناروتو يحصل على 7 من 10 ... فيه لقطات اكشن حلوه .. بس بعد ما يتقارن بأنميات ثانيه (و منها ون بيس)... وايضا طريقة حبك قصة الضرابه وايد بسيطه و تنفع حق قصص الأطفال.. الشخصيه ما تعصب الا اذا تذكرت انها كانت معقده لما كانت صغيره.. طبعا ما ننسى حركات الننجا...و هذي انا اعطيها 10 من 10 .. هي اللي خلتني اكمل ناروتو للحين و ما اتركه..

      من ناحية الشخصيات : ناروتو ياخذ 6 من 10 في الشخصيات ... احتوى ناروتو على بعض الشخصيات الحلوه مثل روك لي و كاكاشي و اوروشيمارو (ويمكن ايتاشي.. بس ماندري).... و لكن الشخصيات الباقيه عاديه اذا ما كانت اقل من عاديه..

      من ناحية التأثير في المشاهد... : هنا انا اعطي ناروتو 2 من عشره... انا و انا اطالع ناروتو .. في بس مشهدين خلوني اتحمس.. و هم اول مره يطلع فيها الثعلب... و روك لي لما يضرب جارا (مسروقه من دراجون بول)... اي شي ثاني.. ما حسيت بيه (الحزن، الغضب، الشفقه، الفرح..إلخ).. للأسف اقول ان ناروتو انمي "لوح" و ما يثير اي نوع من المشاعر نفس الأنميات القديمه ^_^ ( جاتس و جريفيث في بيرسيرك... فيجيتا في دراجون بول... و اكثر شخصيه حقدت عليها في الأنمي.. Mr.3 من ون بيس )

      لهذا الأسباب.. و غيرها (ما كتبتها لأني عيزان و مافيني اكتب )... انا اقول ان ناروتو ما يستاهل كل اللي الناس يقولونه عنه... و في انميات جديده تستاهل المتابعه بداله


      أحلى الأنميات الجديده هم : Full Metal Alchemist و GunGrave و One Piece

      روحوا تابعوهوم و قارنوهم بناروتو

      هذا رأيي الشخصي.. و الحين ابا اسمع آرائكم

      Doel

    2. #2
      التسجيل
      21-01-2004
      الدولة
      Thunder Cats
      المشاركات
      1,714
      المواضيع
      30
      شكر / اعجاب مشاركة
      بطاقات الألعاب
      Gamertag: chinko-manko

      Re: نقاش : ناروتو... هل هو فعلا رائع؟

      والله انا بس نزلت الحلقه الاولى و شفته

      وما كانت حلوه علشان جذي ما ابي انزل الحلقات الثانيه قصته شكلها مو حلوه.

      ARAB-no-Kagayaki@Rizon

    3. #3
      التسجيل
      13-02-2003
      الدولة
      BladyQtr
      المشاركات
      8,031
      المواضيع
      261
      شكر / اعجاب مشاركة

      Re: نقاش : ناروتو... هل هو فعلا رائع؟

      ولكن يظل هذا رأيك وذوقك الخاص فقط
      ومب شرط اذا ما اعجبك ان ما يعجب غيرك ^_^
      اتمنى من قراء الموضوع بأن يقروا ردي بعد مايقرون موضوعك عشان ما يظلمون الأنمي

    4. #4
      التسجيل
      09-11-2003
      الدولة
      Melon Land
      المشاركات
      376
      المواضيع
      15
      شكر / اعجاب مشاركة

      Re: نقاش : ناروتو... هل هو فعلا رائع؟

      السلام عليكم
      ولو انه ادري اني داش عرض بالموضوع و لكن طبعا حبيت ابدي رأيي الخاص بناروتو اول بعد ما تاكدتن من شي غير وجهه نظري من ناروتو اولا نارتو اخذ شهره عند اليابانيين بشكل كبير لدرجه انه في بعض الناس يقلدون الشخصيات و ليس فقط باليابان و لكن على مستوي العرب وحتى بالعرب عندنه هنا و باختصار بمستوي العالم و لكن ناروتو انمي اتقد انه مأخوذ من انيميات اخرى مثل ما قال اخ Doel او حتى العاب مثلا اعتقد الجميع يعرف لعبه Tenshu (( هالكلام كنت ابي اقوله من زمان من يوم ما سمعت هالخبر من المنتديات الانجليزيه )) و اعتقد الجميع يعرف شخصيه Rikimaru و هو بطل اللعبه (( لو كان لدي صوره لوضعتها له )) لو تلاحظون و بين صورتين امامكم من كاكاشي و ريكيمارو ستلاحظون انه يوجد تشابه كبير بينهم اولا ريكيمارو يغطى وجهه ثانيا لديه جرح على عينه اليمنى ثالثا شعره نفس لون شعر كاكاشي لو تلاحظون انه يوجد تشابه كبير جدا بينهم و اعتقد لعبه تينشو نزل له اول جزء في اواخر التسعنيات (( اعتقد 1997 او 1998 او 1999 بصراح ه مو متاكد )) على العموم و في اخر جزء اعتقد في الشخصيه السريه الي تظهر باللعه لديه نفس سلاح هاكو لكن اعتقد انه المخرج لم ياخذ فكره صنع شخصيه هاكو من هذه الشخصيه لانه اخر جزء نزل في سنه 2003 و بدايه ناروتو كانت في 2002 و بالتحديد شهر اوكتوبر (( 10 )) اما من ناحيه الشخصيات الباقيه لم اجد اي دليل يثبت و يؤكد انها مثقتبسه من مسلسلات و انا قلت رأيي بصراحه و انا لا اكره هذا الانمي ولكن ايضا لا احبه بشده (( مع اني 4 Volumes من الدي في دي و لكن لا اهتم له كثيرا اعتبروها كهوايه تجميع الـDVD's للانيميات )) و اعتقد انه بيس ميكر اخذ من قصه ناروتو قليلا (( مع اني شفت منه حلقتين بس )) و لكن اعتقد انه نفس الرسو و طريقه الشخصيات اعتقد لم يبقى اعبر عنه برأيي الشخصي
      و سلام

    5. #5
      التسجيل
      25-09-2003
      الدولة
      ۞ĶũŴăǏŢ۞
      المشاركات
      2,555
      المواضيع
      152
      شكر / اعجاب مشاركة

      Re: نقاش : ناروتو... هل هو فعلا رائع؟

      انتو نسيتوا شي واحد بناروتو

      عن حركات النينجا

      اي نانجستوا واتيجستو والملابس ألي تحس انها اجنبيه وهذي مو عاده يابانيه ...؟ وبعدين هنالك حركات خياليه

      وخربوا طريقه النينجا الحقيقيه و أظن انها موجهه للاطفال وليس النينجا الحقيقه مثل ساسوكي

      آآآه يا ساسوكي ....

      ولازلت احب ناروتو فقط ضرباتها خياليه وملابسهم اجنبيه ومن عالجوا هيناتا ما شفتوا المسعفون شنو علامتهم...؟

      ولكن ما زلت احب ناروتو لأنهم ابعرف نهايتها فقط

    6. #6
      التسجيل
      19-07-2002
      الدولة
      جده
      المشاركات
      303
      المواضيع
      46
      شكر / اعجاب مشاركة

      Re: نقاش : ناروتو... هل هو فعلا رائع؟

      والله يااخي الغالي والكريم انا ائيدك انه ناروتو حلو لكن من جد مايستحق هذا المدح كله والصجه والرجه وتحمست له انا مررررررررررررره واول ماشفت 12 حلقه طفيته ولاكملت قلت الين حق الجسر اللي مقفل .
      وانا كنت اتابع وقتها ون بيس وكنت اقول والله شكله هذا بيطيح ون بيس في الارض لكن باالعكس هو اللي طاح في الارض طلع مره بارد مادخل مزاجي ومافيه غير ون بيس وجن جريف والله هذولا جنااان من جد .
      واشكرك اخوي على الموضوع اللي كان من المفروض انه ينفتح من زماان


      وخر لا أدعسك .................


    7. #7
      الصورة الرمزية Aero
      Aero غير متصل ●● /!\ [ - Oŋly Ash Rεмαiŋs - ] /!\ ●●
      التسجيل
      12-12-2002
      الدولة
      الكويت طــآل عمرك
      المشاركات
      8,144
      المواضيع
      473
      شكر / اعجاب مشاركة

      Re: نقاش : ناروتو... هل هو فعلا رائع؟

      والله انا نزلت حلقة لي لما يتهاوش معا جارا على مااظن هذا اسمه
      اعجبتني هالحلقه اما باقي الحلقات لا :\
      -


      للأسف حيل " فقدتك " يـــ M




    8. #8
      التسجيل
      27-02-2002
      المشاركات
      697
      المواضيع
      19
      شكر / اعجاب مشاركة

      Re: نقاش : ناروتو... هل هو فعلا رائع؟

      بالنسبة لى انا ماشتركت ب dsl الا بسبه ناروتو وبعد ماحملت الحلقات وقريت المانجا في فترة تعتبر قصيرة اقدر اقول ان الأنمي مو
      جيد لذيك الدرجة واعتبر اسوء الشي التطويل في القصة لكن انا اعطي هذا المسلسل من 5/10 وكثير عليه

    9. #9
      التسجيل
      29-08-2002
      الدولة
      سألوني انت من أية بلد .. قلت لهم من اطهر مكان بهالوجود _-_ ايه انا من شعب ابو فيصل فهد .. ايه انا بين الذيابه والاسود
      المشاركات
      147
      المواضيع
      8
      شكر / اعجاب مشاركة

      Re: نقاش : ناروتو... هل هو فعلا رائع؟

      شف صراحه اخوي اول شي وقبل اي شي الناس اذوق ...



      يعني انا ديني ودين دراجون بول ... شف الصراحه انا ما شفت انميشن واجد الي شفته ناروتو وبيرزيرك وزون اوف ذا انديرز وننجا سكرول بس ... يعني ممكن تقول ان رأيي رأيي واحد مبتدأ بالأشياء هي ....


      بالنسبه للقصه صراحه من احلا القصص يعني مدري وشلون انت مستحقرها .. يعني واحد انولد وفي جسمه قوتة اقوى وحش ويبي يصير هوكاجي ويكافح عشان هذا الحلم .. واكيد مليان قصص فرعيه زي قصة روكي لي وقصة اوريتشيمارو يعني عباره عن قصخ كبيره وحوالينها قصص صغار ...


      اما بالنسبه للأكشن .. حتى لو انهم اخذو او بالأصح سرقوا من انميات ثانيه راح تكون افضل اثاره وحماس شفتها في حياتي ... بعدين انت تبي دم وتبي قتل وقتيل يعني هذا الي انا اشوفه بالأنميات الثانيه زي بيرزيرك وننجا سكرول ... وبعدين في حركه بايخه انها اذا جت مطاقه وتطاقو بنص المطاقه يجيبون لك قصة عشرة كيلو يعني يهد حماسك ...

      اما بالنسبه لشخصيات ... صراحه احس انك ظلمتهم يعني وين راح سسكي وخويهم ابو حشرات والعيال كلهم ((نيجي و ذاك النيننجا المرتزقه وشخصيات كثر التراب))


      اما بالنسبه للحماس يعني بالله عليك ما وقف شعرك يوم ناروتو يطاق مع نيجي ولا حق الحشرات مع ذا الي معه لعبه خشبيّه ... ((لا تشرهون عليه ما يعرف انقليزي واجد ومايحفظ اسامي)) طيب مطاقة روكي لي مع الثلاثه الي بالغابه ما حمستك ... يعني مادري انت تشوف المسلسل عشان تسبه ولا وشلون ؟؟؟؟



      يعني انا اعطي ناروتو :
      1- القصه 8/10
      2-الأكشن 9/10
      3-الشخصيات 7/10
      4-الحماس 10/10



      وشكراً .. معليش كنت متحمس بالكلام واسفين .. وللمعلوميه اي شي يطلع في العالم فيه ناس يحبونه وناس يكرهونه يعني كد مره شفت واحد يحب النمي ويكره بيرزيرك ؟؟؟؟؟؟؟







      بعدين عندي معلومه ترا المسلسل ما طلع لنا ياللي بأعمارنا طلع 13 وتحت
      Berserk, Death Note, GantZ, Naruto, And One Piece OWNS ALL Manga




    10. #10
      التسجيل
      20-05-2002
      الدولة
      الامارات
      المشاركات
      198
      المواضيع
      28
      شكر / اعجاب مشاركة

      Re: نقاش : ناروتو... هل هو فعلا رائع؟

      مرحبا

      حبيت اشارك في هذا النقاش مع اني مب متفق وياكم
      حبايبنا ناروتو يعتبر من افضل الانميات الحالية سواء في اليابان او في العالم
      الاخ Doel غريبة كيف تقول ان القصة صفر اذا كانت صفر نفس ما تقول كيف جذبت الملايين (بس تبقا الناس اذواق) والشارين جن وغيرا من الاساليب هاي بعد مقلدة من انميات غير

      الاخ $$$ f.w.z $$$ كيف الرسوم موجة للاطفال وكيف خربوا طريقة الننجا كل ها الدم والظرايب حق الاطفال وكيف تقارن ناروتو بساسوكي (بالعقل!!!!!!) (والذياب اخوي كأنها اجنبية ) يعني ون بيس ثيابم يابانية

      Dark Knight انته قريت المانجا ويم بتشوف الحلقات عقب احكم !!!!

      يا خوان قبل ما تشاركون في النقاش شوفوا واحكموا وعقب قرروا (
      لكن يبقا الذوق هو اللي يحكم)




    11. #11
      التسجيل
      19-02-2002
      المشاركات
      2,009
      المواضيع
      56
      شكر / اعجاب مشاركة

      هلا Doel .....
      بس احب اعلق, انت في النهاية قارنت بين naruto و ون بيس ..!!!
      وقرات مقارنة زي كده بينهم ..!!
      وما اخفيك اني استغربت !!
      الحين ات تقدر تقارن سالي ب yu yu hakusho ?????????

      كل واحد له style مختلف ..!!

      هذا قراصنة هذ نينجا ..!!

      وعن نفسي اذا ابغى اقارن.ون بيس ,رح اقارنه بجزيرة الكنز ..!!

      واقلك ما رح يشفط ( اعتذر عن اللفظ ) ..
      نارتو اذا تبغى تقارنه بشي مارح تلقى ..!!
      لاتقولي نينجا سكرول هو مثله same to other ninja anime like ninja scroll

      ولا تقولي كبمارو .. مهو مثله !!
      ممكن اقرب شي هو ساسوكي ..!!
      وصحيح ساسوكي رهيب .. لكن نارتو احلى بالاجماع ^__^

      انت ذكرت ان القصة عن الولد الي يبغى يسير hokage ..!!
      ولوفي ^__^ ? برضو واحد يبغى يسير ملك القراصنة خخخ
      وسلام دانك ?
      فريق الصقور الي يبغى يحقق البطولة الوطنية خخخ
      ووو.. etc

      اغلب الانيميز تدور حول هذه للفكرة .. وما منعها انها تكون رهيبة ^__^

      اما بالنسبة للشخصيات ..
      اول شخصيتين naruto and uchiha sasuke = حسان وفادي
      والشبه ما يخفى على احد !!!

      finally,
      نارتو انيمي اعجب الجميع ..!!
      حتى النواعم الي ذوقهم سالي وبيرين ^__^ لاقى اعجاب عندهم
      ون بيس ما تلاقي نواعم كثير يحبوه

      عن الحماس .. one بيس اول 8 حلقات حقت باجي دمرانة !! مافيها حماس

      as they say الناس اذواق


      " موقوف ولكن "

    12. #12
      التسجيل
      11-10-2003
      المشاركات
      85
      المواضيع
      1
      شكر / اعجاب مشاركة

      Re: نقاش : ناروتو... هل هو فعلا رائع؟

      بالنسبه لي

      نزلت أول حلقه من ناروتو قلت بشوف هالأنمي اللي جانين عليه الناس
      وياليتني ما نزلتها
      شفت نص الحلقه بس وسمكرتها من كثر ما كانت سخيفه وممله
      وحذفتها من الكمبيوتر
      مادري على شنو جانين
      مافيه شي مميز عن غيره
      وبالعكس في مسلسلات أحلى منه بوايد

    13. #13
      التسجيل
      04-10-2002
      الدولة
      Qatar
      المشاركات
      948
      المواضيع
      33
      شكر / اعجاب مشاركة

      Re: نقاش : ناروتو... هل هو فعلا رائع؟

      مشكلة مسلسلات shounun jump انها ذات حلقات طويله عريضه لهذا لا اندمج معا إلا اذا كانت القصه تستحق متابعته كل هذا الوقت لذا فالمسلسل المفضل عندي سابقا الذي اكرهه بشده الآن هو كونان بسبب عدم وجود نهاية له حتى الآن وايضا لتكرار الحلقات وفقدان الجديد ولا تظهر شخصية جديده مهمة إلا بعد 30 - 50 حلقه!!!
      المهم مالمسلسلات التاليه تعطونها المركز 1 و 2 و 3 ؟
      inu yasha
      one piece
      naruto

    14. #14
      التسجيل
      04-03-2004
      الدولة
      Ancient Ruins - KOF:MI
      المشاركات
      738
      المواضيع
      46
      شكر / اعجاب مشاركة

      Re: نقاش : ناروتو... هل هو فعلا رائع؟

      انا برئيي كان من افضل الانميز عندي ( اول ما نزل ) ،،،

      بعد ما وصل الحلقة العاشرة تقريبا بدأ كل احد يتكلم عنه ،، خصوصا الي اول مرة يتابعون انمي ،، يقولون لك : هذا احلى انمي بالعالم اتحداك تحصل احلى منه ... اصلا هم جربوا يشوفون غيره ؟؟؟

      اكثرهم "" لأ ""

      و صار عليه ضجة حتى لمن توك بتشوف الحلقة كل الناس يقولون لك شنو بصير ... تبدأ تمل عشان خربوا عليك القصة

      انا وقفت عند حلقة 72 و شكلي ما بكمله عشان هذول الناس الي مسوين لي قلق ... >>> الطريقة الوحيدة الي انتقم منهم اني اتابع المنجا و اخرب عليهم كل شيء

      المهم رئيي : ان انمي حلو بس ما يستاهل كل هذي الزحمة من مبتدأي الانمي

      و السلام ^_^



      MeSs WiTh ThE BeSt...DiE LiKe ThE ReSt
      No Body Is Perfect..But Guess What..My Name Is No Body

    15. #15
      التسجيل
      27-02-2002
      المشاركات
      697
      المواضيع
      19
      شكر / اعجاب مشاركة

      Re: نقاش : ناروتو... هل هو فعلا رائع؟

      يعني كنت تحب تتابعة يوم اشتهر الأنمي والكل صار يتابعة صرت تكرهه؟؟؟ههههههههههههههه

    صفحة 1 من 6 123456 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •