هههههه هلا شباب بس عطوني اساميكم الي معاي في سيرفر خلني اضيفكم في لست فرند
عرض للطباعة
هههههه هلا شباب بس عطوني اساميكم الي معاي في سيرفر خلني اضيفكم في لست فرند
هلا حبيبي
معاك فهد "اسمي الحقيقي" الملقب بمندوب ملك اللعبه ولد بطنها اللي عروقه بالماي
اسمي باللعبه عندي شخصيات كثيره لكن عندك lkjhgfdsaqwe و lkjhgfdsazxc في سيرفر تويلايت همر هورد و الاينس , الهورد lkjhgfdsaqwe والالاينس lkjhgfdsazxc
بس مو دايم موجود , اذا تبيني تحصلني هني طايح بجبد الشباب
^^
لا حول ولا قوة إلا بالله
وش ذي المعرفات اللي كنها طلاسم مشعوذين
وانت لو طحت بجبدي اشيلك بعيوني ولا تشيل هم:biggthump
هذا اسمي شفيك
الاول معناته الحب الاصيل , والثاني معناته متى القاك
يقولك المعنى بقلب الشاعر , انت ماشفت لوحات الرسم ؟ يرسملك خرابيط ويقولك هذي تعني التحليق في الفضاء , بعدين يسوون مزاد ويشتري لوحاته واحد مجنون ب40 مليون
انا جذي عطيتكم هالرسمه هذي وتعني الحب الاصيل والثاني متى القاك , يمكن يجي يوم وابيعهم ب40 دينار شدراك
وازيدك من الشعر بيت
يقولك الرسمه تنباع ويقوم سوقها اذا كان اللي راسمها شخص معروف مثل دافنشي و فان جوخ وغيرهم
لا تنسى ان اللي رسم هالاسمين شخص معروف ومشهور , اللي اهو انا
كارازان فتى الجبل والبراري والقفار
مندوب ملك اللعبه ولد بطنها اللي عروقه بالماي
اشهر من نار على علم , يعني يمكن بعد 500 سنه يبيعون اكاونتي بالملايين ليش ؟ لأن الملك ومندوب الملك لعبوا فيه
تذكر صورتي اللي كنت حاطها قبل ماتطيح عليها زوجتي وتهددني اشيلها او تروح بيت اهلها ؟ ذكرتها ؟
يمكن بعد 1000 سنه يبيعون الفانيله والمكسر بالمزاد ويجيبون ملايين , كل شي وارد ماتدري
اهو صج السوق متوفره فيه الفنايل هذي ورخيصه يعني الدرزن بدينارين لكن تصير غاليه لأني كنت لابسها , عرفت شلون حبيبي
بروح اسوي قهوه لحظه
هههههه ليش انتة مظلموم اشوفك مسيطر :p
بسميك مندوب
اخوي انت ماسمعت ب ارحموا ؟
ارحموا عزيز قوم ذل ؟ ماسمعت فيها
انا توظفت بالحكومه قبل سنين طويله , وكل 5 سنوات تنزلي علاوه
بالقسم هذا طبقوا خطط ديوان الخدمه المدنيه بالضبط , طبق الاصل من القوانين
5 سنوات عشان اخذ وسام , والحين انا الدرجه 4 و 3 علاوات بالمنتدى , ان شاء الله بعد سنتين اخذ علاوه قصدي وسام
اما بوظيفتي انا الدرجه الخامسه و 4 علاوات وان شاء الله بعد سنه اخذ الدرجه الرابعه ويزيد معاشي 40 دينار واشتري جولد
لا ماخفت ولا شيء :أفكر: << عشان مصرفاقتباس:
المشاركة الأصلية كتبت بواسطة Karazhan
لا والله انا مو من جده وليش يحتاجون حماية من شباب الرياض وش فيهم شباب الرياض :33:
منهو كلاش !!؟ لا يكون إللي يحش في الراب بصراحه ماخش مزاجي يمكن لاني محترم وما احب الكلام البذيء :biggthump
هههههههه والله قوية هههههههههههههههههههههه الله يقطع بليسك يحسبوني انهبلت في الدوام من الضحك << شفت كيف الخميس بعد العيد مداوين وداومنا امس بعد :\ عندنا قرارات انواع النذالة خليها بالنيهاقتباس:
المشاركة الأصلية كتبت بواسطة Karazhan
بس والله قويه بلاك سميث ههههههههههههههههههههههههههههههه
وش ذا !!اقتباس:
المشاركة الأصلية كتبت بواسطة Karazhan
اكيد كنت تخربط بالكيبورد يوم كتبتها لانك كنت تحاول تكتب kingofgame بس رفض وقاعد تحاول تضيف xx في البداية والنهايه وماضبط معك وفي النهاية شكلك مسكت الكيبورد وصكيت ام الشاشة من القهر وكتبلك وحده من اسماءك العجيبه وكملت عليه << كيف التحليل اعترف !!؟
للمعلومه اسمي مهند :silly:
لاتصدق بس :ponder:
واعذرنا على التأخير
اسمك مهند عادي اصدق لأن كثير هني اسمهم مهند او بلاك سميثاقتباس:
المشاركة الأصلية كتبت بواسطة لوعةالفرقا
ولكن شباب جده 80% منهم اساميهم مهند و20% هشام و لؤي و هاني واسامي الكشخه
يعني مو معقوله تشوف واحد من شباب جده عنده دودج شارجر ومركب جنوط 20 وهدرز ومركع السياره وشايل الستبه عشان يخف وزن السياره وشايل الديكورات بعد وحاط كربون فايبر وتغييم السياره كامل وكاتب على السياره من ورى "كله على شانك" و سستم سماعات ومشغل كلاش وبالنهايه اسمه جريبيع او مجبوس او ماادري شالاسامي بعد اللي ماتدري شنو طرى عليه يوم يسمي ولده
اخواني الكويتيين
الجنوط : رنقات السياره
استبنه : السبير
مركع : يعني مقلل من ارتفاع السياره حسب الحاجه ولكن الغالبيه 2 انش
كلاش : مغني راب سعودي من جده مخوف كل عرابجه العالم حتى السود , يغارون منه الشباب بالسعوديه وحتى محمد عبدو وعبادي الجوهر يغارون منه
بيني وبينكم ان شافوه على الماركيز ماله انحاشوا بيوتهم بأختصار يعني
ترى علاقتي قويه معاه اذا تبي يدق عليك الحين اخليه يدق
واذا تبي الحمايه وانت من اهل جده اخليه يحميك من الهواش والمشاكل مع اعداء شباب جده و يوصلك لي البيت وتشوفه واذا تبي تصور وتحط صورته يشوفونها الشباب واللي يحب ينسخها بالطابعه ويعلقها بغرفته مافي مشكله
انا من الكويت واضبطكم بعد ؟ المفروض انتوا تضبطوني وتطلعولي رخصه من الاماره اقنص فيها بالسعوديه
انتوا ماعندكم الا اللعبه ؟ ماعندكم علاقات خارجيه و واسطات وهالسوالف . جد ابي رخصه اقنص عليها بالسعوديه
سلام شباب اشوف اليوم القهوة مزدهرة بصحابة
المهم بغيت اسئلكم احد يعرف qoust AHHHHHH! AHHHHH!
في المهمة مكتوب لازم استعلم الحصار شكرة البرافو لكتل 200 لاكن مو عارف استخم هل حصار
سـلآم ..
ارجوا من الي يقرأ ردي يدخل هنآ
http://www.youtube.com/watch?v=PDw7p...eature=feedlik
يضغط like
احلى لايك ’’
الموضوع الوحيد اللي اقرأ كل صفحه فاتتني فيه
ههههههههههههههههههههههههههههه ياخي قهوتكم منسمه , الظاهر يوشي يدس لكم حشيش مع الشيشه ههههه
ههههههههههههههههههههههه يا جماعه الترول ذا ﻻ يكون عطيتوه باااند , مالكم داعي بصراحه كان طردتوهاقتباس:
على قولة الشاعر ولد النمونه السنعه,تسمع بالربيع العربي؟ اسوي فيك صيف عيال بطونها انا
كيف تجرؤ تخاطب مندوب الملك الي عروقه بالماي بهذه الطريقه؟ صج مظلومين مندوبين الملك, بس حوبتنا قويه
بسببها, الملك انتفض من سردابه واقعشرت شواربه ودعا عليك وهو متربع ومكتف يدينه وعيونه داشه ببعض
"يمال ترول ينطحك ويقطك بجبد عند عايض"
عاد انا قلت له مو لهذه الدرجه عجل الله فرجك نور الله سرتك وخصر كرشتك, خل عالأقل يقطه عند بوحا ولا كلاش, كله واحد
وترا عيال بطونها واحد, على قولة أسامه الصافي, إنما أنت أنا لكنما أرواحنا وضعت في 12 جسد
مافيه فرق بين موديل #4 ولا #2, متربين ومتأهلين بالسرداب عدل, مافيه تمييز وعنصريه عندنا
تلقى فيه ولد بطنها اسود واحمر وفيه الي منقط والي فسفوري, بس كلنا واحد وهدفنا خدمة الي عروقه بالماي
خل الحيه الصلبه ينفعك, مدري شعنده كل جزء متيبس, اشرب ماي ولا خذلك مسهل, الله يسهل عليك
مدري شلون كيف هل فاز على دانتي أبو المرجله, وين ملك اللعبه عنكم بس
دخلتنا بالسياسه الله يصلحك, مو ناقص إيقاف, ترا بيوقف مستقبلي بسبتة هالنقاشات الطائفيه
ياتشيش ياتسولف عن واو, او القنص أو بوحا, لاتدور علوم عندنا, شيشة عوايل هذه
صكيورتي
<< يخرب بيتك فجرت بطني من الضحك
على طاري الحيه ... كيف تبي دانتي اللي ماني قايل وش نوعه ﻻ انطرد ... يفوز عالحيه التسبيره !!
________
كارازهان .. اللي منتحل شخصيتك , عرفت من هو ؟؟