قهوة WoW .. :P

[Karazhan]

انا ماادري هالمصايب تنقط علي من وين

[ولد بطنها]

ياجماعه انا ولد بطنها الاصلي

المجنون طلع صج الباسوورد اللي كاتبه هني , زين اني لحقت قبل ما يجي واحد وياخذه ويسويلي فلم مره ثانيه

بس طلع انسان محترم بصراحه , توقعت ان ماراح يرده لي بس والله سواها ورجعه لي

الحين وينك يالحبيب ؟ شنو نكك الجديد خلنا نتعرف عليك

[Karazhan]

اي يا جماعه ولد بطنها الحين انا

مو تسوون بحث IP وتشوفونه نفس الشي وتصكوني باند

الحين ولد بطنها انا الحمد لله رجعته

[Karazhan]

وينك يا كبتن

عرف عن نفسك لا تخاف انا في مضاربي هني محد يجيك او يتعرضلك بسوء , انت بس قول انا من طرف ولد بطنها وماعليك

المهم خلنا نشوفك بأسمك الجديد , او عالاقل اذا تستحي دزلي رساله بالخاص عشان اعرف منو بالضبط

[لوعةالفرقا]

وش ذا لحستوا مخي << عسى طعمه زين بس خخخخخخــ

ياجماعه
هذا جاسوس وعميل , هذا دخل عشان يسب ووركرافت بس بطريقه غير مباشره , انا اوجه رساله من هني للسيد بوحا "مادري اقول قدس سره" صرت اشك بالناس كلها الحين

المهم ابيك تشخط فيه لأن هذا قاعد يسب ووركرافت بس بطريقه ثانيه , يقول اكس بوكس لا ايميل ولا قيلد ولا هم يحزنون , ماكو الا ووركرافت بعد شنو , يعني يابوحا عندك اياه

وله بس انا ان سبيت بليزرد شخطت فيني واهو لأ , يلا شخط فيه شناطر , هذا 100% جاسوس ويبي يخرب علينا لعبتنا عشان نروح للأسك بوسك

نهايه الفيلم

ترك 23 الف عضو وكلمني , ليش كل الناس علي ؟

اي اشتري افا عليك , نك مع وسام زين , جم حاده اسمك ؟ وتبي فلوس او جولد ؟

شوف يابوحا كاتب اخر شي الله يعينكم على واو وان شاء الله اني ما ارجع لها

يعني 100% داش يسبها لما تكلم عن اكس بوكس

حيلك فيه

اما جاسوس ترى انا المين كاركتر حقي orc يعني اهجم بدون تفكير ماني فاضي اتجسس هههههه

تصدقون عاد طحت في ترافيان من شهرين هبلتبي والله لعبة ملاحيس تصحى من النوم عشان تشيك على القمح وتتأكد ان مافي هجمات عليك وترجع تنام هههههه والله حال

بس تبي الجد والله احس اني ضايع بدون واو من لعبه إلى لعبه ومن جهاز إلى جهاز حتى جوالي عبيته العاب عشان انسى واو

لكن مايصح إلا الصحيح واو تبقى واو وماعمري لعبت لعبه حتى العيد قعدت اعايد الناس في اورقمار قبل أهلي كنت ألعب 17 ساعه في اليوم والباقي نوم

يا شيخ دقني (اللحية) شهرين ما أحلقها لو اقابل واحد لي فترة ما شفته يقولي الله يثبتك يحسبني ألتزمت مايدري اني ماني فاضي أحلق من واو ههههههه

اهلي وحنا في نفس البيت اقعد 3 ايام ما اشوفهم اسلم على ابوي تبويس لا شفته


وبعدين ياخي انا ادعلي لفنسي اني ما ارجع لها مو قصدي شيء

وترى كلها 5 شهور من أول ما قطعتها يعني لسى خلني اكمل سنه على خير ان شاء الله خخخخـ

[Karazhan]

شفيك خفت ؟ خلاص سامحناك

من جبت طاري بوحا خفت الله يهداك , ماخذ عنه فكره على بالك يذبحك ؟ ترى بوحا انسان بسيط و ماعليك تشوفه عصبي هني ترى اهو طيب

لا تخاف وخل وضعك ريلاسك والامور سهالات , انت من اهل جده ؟ اذا من اهل جده اكلمه لك عشان يدخلك من ربعه ويعطيك الحمايه من شباب الرياض والشرقيه , ترى اهو من ربع كلاش او يعرفه لأنهم نفس المنطقه و كلاش هذا اقوى جده والكل يخاف منه

يعني تروح الرياض وتشوف العربجيه بشارع التحليه متجمين قولهم كلاش كلاش , ماتشوف الا غبرتهم او قول بوحا جاكم

عرفت كيف , فأنت وحظك اذا من جده اوصي عليك واذا من الرياض الله يعينك بس هم راح اوصي عليك

شفت الشله اللي مسوينها ام بي سي ؟ اللي يرقصون ويقولون "اكشنها" هذوله ماحطوهم الا عشان يكسرون كلاش وبوحا لكن ماقدروا

[supzero99]

توج السد القطري بطلا لكاس ابطال
اسيا قبل قليل

الف مبروك للقياده والشعب القطري هذا الفوز
المستحق

وتهنئه خاصه الى سمو الشيخ تميم بن حمد وجاسم بن حمد والى جماهير
السد وكل عاشق لاسم قطر والفال ان شالله لمنتخبنا في التصفيات المؤهله لكاس العالم
.

[Karazhan]

الله ماعطاني حب الكره ومتابعتها

استغرب من كذا واحد اعرفه بره النت لما يسولف عن لاعبين يتكلم كأنهم ربعه , يعرف اساميهم وبأي فريق وفريقهم القديم قبل الاحتراف شنو ويعرف حياته الخاصه ويعرف حتى اللاعبين من ارقام فنايلهم

يعني اقوله مثلا لاعب في فريق برشلونه رقمه 12 شسمه يقولي هذا فلان ويعطيني كل شي عنه

نصهم اذا سبيت الفريق يتهاوش معاي اقوله لا عرق ام ولا ابوي شفيك زعلان

مااعرف الا روبينو و كاكا و رونالدينو , وعرفتهم لأن واحد من الربع طاح بجبدي لأني اسهر واهو يسهر يدق علي "اثنينا عزوبيه بالربع كلهم" وياخذني مقهى شيشه وهالسوالف وعندهم بلي ستيشن فيها كره قدم واهو مدمن الارجنتين وانا مااخذ الا البرازيل

وعرفت هاللاعبين من اللعبه هذي بس , وفوق هذا دايم اغلب رفيجي 5 0 او مرات يدخل علي , ومن كثر حبه للأرجنتين اقوله يااخي غير فريقك فاشل وكل يوم اغلبك 10 مرات , يقولي تفوز بالحظ

وقبل ما تبدأ المباراة يدخل على الخطه ويقعد ربع ساعه يعدل ويشيل ويحط لاعبين ويغير اماكنهم وبالنهايه اخرطه 5 صفر

زهقني بكثر مايغير ويعدل بالخطط واللاعبين

انتوا شرايك مو موضوعي يستاهل تثبيت ؟ بوحا شرايك بسالفتي ؟ حلوه او ماعندي ماعند جدي ؟

الا بسألك بوحا صراحه انت عندك هوايات ثانيه ؟ يعني عندك حرفه او شي تسويه غير اللعبه ؟ يعني مثلا هاوي سيارات او سياكل "يعني دباب" لأني ملاحظ شباب جده كلهم سياراتهم دودج شارجر و معدلين فيهم حاطين كيبات "جنوط" و يشيلون القزوز "شكمان" ويحطون هدرزات او دبات صوت

انت جذي يعني او مالك شغل فيهم وتتهاوش معاهم نفس ماتتهاوش معاي "مايعجبك العجب"

وسؤال ثاني بعد

ليش اغلب شباب جده اسمهم مهند ؟ تعرف يعني شنو معنى اسم مهند او اقولك شنو

طبعا كأني اشوفك بتدق على الثقل وكأني ما اكلمك وبتطنش

[Karazhan]

يقول عنتر بن شداد

ولقد ذكرتك والرماح نواهل مني ..... و بيض الهند تقطر من دمي

الهند اهو السيف والمهند اهو صانع السيوف

يعني انا ماالومك لا صرت عصبي وتتهاوش مع الكل

يعني اذا سألك واحد انجليزي باللعبه او بره اللعبه شنو اسمك ؟ قوله اسمي بلاك سميث ههههههههههه

ترى اتغشمر بس ابيك تعصب عشان ترد , لأنك تدق الثقل دايم وماتتكلم الا اذا تبي تتهاوش

[Karazhan]

بس بليز لا تتهور وتسوي ريبورت علي ويوقفوني

وراس كلاش لاتروح للأداره تقولهم عني

[BoOoOo7a]

ليش اغلب شباب جده اسمهم مهند ؟ تعرف يعني شنو معنى اسم مهند او اقولك شنو

طبعا كأني اشوفك بتدق على الثقل وكأني ما اكلمك وبتطنش

من قالك اسمي؟ xD

[Yoshi]

يقول عنتر بن شداد

ولقد ذكرتك والرماح نواهل مني ..... و بيض الهند تقطر من دمي

الهند اهو السيف والمهند اهو صانع السيوف

يعني انا ماالومك لا صرت عصبي وتتهاوش مع الكل

يعني اذا سألك واحد انجليزي باللعبه او بره اللعبه شنو اسمك ؟ قوله اسمي بلاك سميث ههههههههههه

ترى اتغشمر بس ابيك تعصب عشان ترد , لأنك تدق الثقل دايم وماتتكلم الا اذا تبي تتهاوش

هههههههههههههههههههههههههههههههههههههههههههههههههههههههههههههههه < ميت ضحك

[Karazhan]

يعني طلعت تخدعني طول السنين ؟

وخليتني احبك وارسم الاحلام وبالنهايه تطلع شخص مجهول ؟

مو انت بالتعارف قايل مهند

لحظه بروح اشوف الموضوع اخاف مضيع على شخص ثاني

[Karazhan]

1- الأسم / العمر


Mohanad - 22 years


مهند او مرسي ؟

اي قولي ليش اساميكم كلكم مهند . اكثر من واحد شفته هني اسمه مهند ومن جده بالذات

وانا مشترك ب21 الف منتدى واغلب اللي اصادفهم اسمهم مهند ومن جده

صعبه تشوف مهند ساكن في جازان

وانت شنو سيارتك دودج شارجر او مرسيدس ومالك بالسوالف هذي , وبما انك في جده يعني عبادي الجوهر تعرفه اكيد لأن من جده

ابيك تضبطني يعني تكلمه تقوله واحد يبي يقعد معاك قعده خاصه تغني فيها ويبي يسجل

او انت ملتزم وماعندك هالسوالف , يعني من الهيئه وتقولي اي اضبطك تعال ولما اجي تسلمني للهيئه يفركوني بالشارع

[Karazhan]

انا لو آخذ دينار مقابل اي خدمه بالمنتدى وخارج المنتدى كان الحين قدرت اشتري تواير "كفرات" لسيارتي

عندي تاهو ltz و هالسياره رنقاتها "جنوط" حجمهم 20 واللي شريت منه السياره غشني معطيني السياره بتواير اقل من ربع عمر وصالختهم الشمس متشققين , لدرجه اني كل ما ادق سلف اقول اكيد راح ينفجر فيني تاير

رحت مع راسي بركب تواير ومعاي 100 دينار باقي معاشي , يوم سألت قالي 100 دينار تبي تركب تواير لسيارتك هذي او عندك قاري بالدبه تبي تركبله تواير ؟ قلت الله يهداك شوف شواربي تقدر تتلحف فيهم بفراشك شنو قاري ؟ ابيهم للسياره

قالي حبيبي رنقك 20 والتاير الواحد ب100

بصراحه انا بجيت , يعني بما انكم ماتعرفوني ولا تشوفوني بقولكم الصراحه , انا بجيت لما كسرت خاطره , قالي والله يالطيب ما بيدي شي اسويلك لكن هذا ارخص شي وفي تواير صينيه ابو طقه تركبها الحين بعد اسبوع لاصق بشبه "عامود اناره" او صبه الخط السريع

تبي شي طيب ب100 دينار , انا بجيت ليش ياجماعه لأن حتى لو ينزل معاشي مااقدر اشتريهم , يعني اشتريهم واقعد طول الشهر اطر

عشان جذي نظرتي مستقبليه وعرفت ان البكاء اهو الحل , ماتلوموني صح ؟ قولوا صح

لأن اي واحد فيكم معاشه 400 ويبدل تواير ب400 اكيد كلكم راح تبجون نفسي

المهم انا بسوي حساب paypal وكل واحد وضميره