انطباعي حول Megaman Network Transmission

السلام عليكم ^^

اليوم رحت وشريت ميجامان باتل نت وورك ترانسميشن اخيراً ^^
اللعبة بكل يساطة .. افضل لعبة ميجامان باتل نت وورك وقعت عليها عيني .. ":"

راح اتكلم بكل باللعبة بشكل موجز ومختصر .. لأن دارك لينك مشاالله اكيد مجهز موضوع >>> وهقته :p

طريقة اللعب

اللعبة عبارة عن خليط بين الأكشن والأربيجي بطريقة الSide-Scrolling

و تشابه اسلوب باتل نت وورك على الجيم بوي .. لكن بتغييرات .. يعني مثلاً في الجيم بوي تختار الchip بحسب النوع كل دورة نوع معين انت تختارة فقط هالنوع .. (مثلاً تختار فقط نوع الC او نوع الA وإلخ ..) لكن هنا الوضع اختلف ..
تختار اللي تحتاجة .. تقدر تختار مجموعة الChip كلها .. وتستخدمها براحتك بالمرحلة .. لحد ما يمتلئ عداد الCustom Gauge من جديد .. لكن مو بالبساطة اللي تصورتها !!
لكل بطاقة chip عدد من المرات في الإستخدام .. ( على اي اساس تم التصنيف لا اعلم :": ) وإذا انهيت منه ماراح يعود من جديد .. لذا عليك الحذر في الإستخدام قد لا يظهر لك هذا النوع من الchip عند امتلاء العداد مرة اخرى .. :)
على فكرة عداد Custom Gauge اصبح بطئ .. وإذا ادرت تغيير بطاقات الchip التي لديك ما عليك إذا ضغط Z عند إمتلاء العداد .. واختيار البطاقات الجديدة اللتي تظهر بشكل عشوائي ^^

لكن عداد الMP لم اجد له وظيفة حتى الأن >_< ..
ممكن مستقبلاً ؟

الرسوم

الرسوم ممتازة ... وخاصة عرض البداية ^^
حيث يعرض لك نهاية الجزء الاول من باتل نت وورك .. وتبدأ احداث هذا الجزء بعد الأول بشهر واحد .. رسوم السيل شاديد روعة بمعنى الكلمة لكن شكل Lan الوحيد غلط في اللعبة :6
لكنها ممتازة .. ألحين عرفت سبب تذمر الجميع من رسوم ميجامان اكس 7 .. لأنها لم تكن بمستوى باتل ترانسميشن :أفكر: ..


واللعبة ممتعه .. لكن عيبها حتى الان هو صعوبة اللعبه قليلاً !!
والأبطال صوتهم ياباني .. اي لم يتم دبلجة الصوت :p
وهذة انا اعتبرها ميزة .. لأن اصواتهم بالياباني اعتقد بتكون افضل من الأمريكي .. لكن ترجمة الكلام تحت بصندوق الحوار انجليزية ^^



اللعبة رائعة جداً .. وستعجب جميع عشاق ميجامان ^^
لكن كلامي عن اللعبة ليس مقياس حقيقي .. انا ما لعبت من اللعبة إلا ساعة فقط !!
وشكراً
Golden_Sun

واااااااااااااااااااو ..

إنت بالمنتدى وحمستني للعبة , Dark Link بالماسنجر وحمسني لها أكثر و الجزء الثالث من Battle Network , وأنا اليوم كنت بشتريها لكني نسيت $$ بالبيت , فا جلست أناظر الغلاف وأشوفه وكأني أبا أهفه :أفكر: ..

عجبتني اللعبة أكثر لما عرفت أن عداد الCustom Gauge صار بطيء , يعني اللعبة أصبحت أسرع , أممم بالمناسبة Dark Link قال إن بتواجه صعوبة شديدة ضد زعماء اللعبة وخصوصا ً الزعيم الأول , ممكن توصف لنا القتال أو ما شابه مع الزعيم , وعلى فكرة أحد أعضاء منتدى IGN قال إن اللعبة سهله وخصوصا ً الزعماء فقط أستخدم نقاط ضعفهم وتغلبهم بسهولة , هل هذا صحيح ..

Nintendo, Cube.
شكراً على ردك ^^
اول زعيم .. الصرحة صارلي Game Over .. :D
بس المرة الثانية استخدم الHeat Armor درع تاخذه من Roll و مع كم مسدس من الChip .. وكان من حظي عندي بطاقتين Recovery 30 ^^
بس ضرباته قوية :":
لازم تناور .. وتهرب من ضرباته بسرعة .. واخر شي استخدمت الLong Sword ^^

يعني القتال يعتمد على تفكيرك انت .. :)

كأول مرة كان صعب لكن بعد التكرار .. تعرفت اكثر على طريقة القتال ^^

Arigato Golden ^^

اقتباس:

---

يعني القتال يعتمد على تفكيرك انت

كأول مرة كان صعب لكن بعد التكرار .. تعرفت اكثر على طريقة القتال ^^

---

قصدك يعتمد على نقطة ضعف الBoss :D ..

L*][*N*K
العفو ..

اقتباس:

---

قصدك يعتمد على نقطة ضعف الBoss ..

---

إييي ... واول زعيم يؤثر عليه الLong Sword وايد ^^



اضافة ..

عداد الMP ينقص كل ما تستخدم بطاقة السلاح او الChip وهو يرجع يرتفع تلقائياً .. يعني لا تستخدم بطاقات وايد ورا بعض .. لأنه راح يخلص و ما تقدر تستخدم اي chip لحد ما يرجع يرتفع لمقدار معين .. تقدر فيه انك تستخدم احد بطاقات الأسلحة .. الChip
وكل بطاقة chip تنقص مقدار معين من الMP .. :)

مشكور جولدن :D

بس ياباني ولا انجليزي !! 0_o

السلام عليكم :


ترقبوا تقريري وانطباعاتي عن اللعبة والحل الكامل لها<<<< دخل بقوة

المهم مشكور على الموضوع :D

وعلى فكرة انا خلصتها امس ":"


وبالنسبة للchips انهم ما يردون اعتقد انك لو تسوي جاك اوت وتدش مرة اخرى راح تلقاهم واذا كان قصدك بالمعركة فمثلا نفترض ان الchip كانون خلص وواجهت الفايرس كانون وهزمته وطلع لك الchip ماله لو تاخذ تلقى ان عداد الchips زاد واحد وايضا الكمية تزيد واحد يعني لو كان تشيل عشرة تشيل 11 هذة المرة ;-)

وبالنسبة لفاير مان اللونج سورد ما يؤثر عليه (( يعني مو نقطة ضعفه )) بس دامج مال السورد قوي وايد نقطة ضعفه اي سلاح نوعه مائي ;-) وانا غلبته ب p.a live sowrd مع 2 ببلر واعتقد كانت مدة العراك اقل من 7 ثواني :6 لكن الصراحة مت اكثر من مليون مرة عند اللي وراه :"

لكن حطمت الرقم القياسي وخلصتها بيوم واحد ":"


وشكرا ;-)

مشكور جوجو على الموضوع.....
بس راح اذبحك عن قريب....
كاتب موضوع من قبل تقول فيه ان ميجامان اجلوها لي 28 يونيو وامس دارك يقولي شراها وخلصها?: ...وانا اللي معتمد على كلامك:"
قصيت ويهيي جدام دارك:p

يلا ميخالف...اليوم اروح اشتريها:D (من كنت اقول باشتريها اول واحد...شكلي صرت اخر واحد:6 )

ومشكور عالموضوع;-)

اقتباس:

---

من كنت اقول باشتريها اول واحد...شكلي صرت اخر واحد

---

غلطان :p .. أنا دايماً أخذ لقب أخر واحد .. وNintendo.Cube الوصيف :D

اقتباس:

---

ترقبوا تقريري وانطباعاتي عن اللعبة والحل الكامل لها<<<< دخل بقوة

---

waiting for it ;)

انا كنت متردد اشتريها ولا لا لاني لمن شفت الغلاف من وشفت في لقطات وكلام ياباني خفت لكن اليوم بروح اشتريها;-)

وأنا أقول إني ميود فلوس للعبة , بس للأسف شكلي ما بشتريها , لأني قريب بسير دبي وبشتري مودم , وإذا تبقى شي بشتري ميجامان :":

اللعبة شكلها حلوة.

بس للأسف قصيرة.

وش قصة الألعاب القصيرة هالأيام.

حتى واريو ورلد قصيرة.

أذكر أني شريت Pikmin وندمت لأنها قصيرة.

مرة ولد خالتي شرى لعبة قصيرة على الـ SNES وخلصها بيوم ورجع اللعبة واستبدلها.

المفروض يحطون قانون يمنع الألعاب القصيرة.

يمكنكم ما لاحظتوا بس أنا أكره الألعاب القصيرة!!!

السلام عليكم :

اخوي يوشي sd


اللعبة مو قصيرة

بالعكس انا اعطيها متوسطة العمر اما سالفة اني خلصتها بيوم فسبب ذلك

1- كنت احسس بالملل :6 وما عندي شيئ اسويه الا ميجامان

2- تفكيري كان بس ميغامان يعني كنت العب وانا خلصت اللعبة وانا ما ادري يعني لما خلصتها قلت (( خلصتها !!!! واشوف ان صار على الوقت وانا العب اكثر من 5 ساعات مسكين الجهاز ))


وشكرا ;-)

مشكووور والله ^__^

لكن Golden_Sun انا ان شاء الله بشتري جيم كيوب...بس

عندي بعض الأسألة ياليت تجواب عليهم

- كم سعرها
- هل لها العاب كوبي
- لم شريتها انت شنو كان معها ( مثلاً , يدة تحكم , ممري كارد , كم شريط )
- شنو احسن محل في الرحاب اشتريه منه ( او انت منين شريتها )
- ياليت تعطيني بعض النصائح

ادري ثقلت عليك لكن ^^

ويعطيك العافية

دارك 5 ساعات وتقول للجهاز مسكين :واو: ..

إنت تدري إنه جهازي شغال من 3 أيام :أفكر: الحين صار اليوم الرابع والحين بطفيه .. :D

و من زمان كان الجهاز شغال 20 ساعة وأكثر عشان ألعب بشخصية ميو تو على أيام سوبر سماش :6 ..

بصراحه إنت مدلع الجيم كيوب زيادة عن اللزوم (يا حظها) :p

اقتباس:

---

غلطان .. أنا دايماً أخذ لقب أخر واحد .. وNintendo.Cube الوصيف

---

لووووووووووووووول..


سكويرسوفت
والله ما ادري اذا انا قاط ويهي الحين ولا لا(الا قاط ونص):6 بس خل اجاوبك...يمكن تستفيد من اجابتي^^

-على ما اعتقد اهي الحين ب100 مع لعبتين ويدتين وممري...(انا شريتها اول مانزلت ب145 مع لعبيتين ويدتين وممري ..وفانيلة محطوط عليها شعار جيم كيوب:6 )>_<
-يقولون ....بس الحقيقة لا...
-مثل ما قلتلك فوق...وكنت ماخذ معاها سوبر سماش ولويجي منشن..
- في محلين ممتازين بالرحاب جيم سنتر , المركز الكويتي ...بس انا افضل المركز الكويتي لاني ما احب معاملة جيم سنتر:D (وطبعا اخذته من المركز الكويتي)
-ممممم....والله ما ادري شقول الحين:6 ...اخلي الاجابة حق جوجو:D

لاوالله ما ثقلت ولا شي

الله يعافيك<<<<<صدق عمره:p

----------------------------------------
على فكرة...
شريت اللعبة ...وتوني قلت بالعب شوي...اشوف ولا صايرلي ساعتين العب...والمشكلة اني طفيته لاني خسرت جدام الوحش الثاني وما كان عندي الا روح واحد...مع اني عرفتله وسهل:" ...بس شسوي...لازم اعيد المرحلة فطفيته:(
واللعبة كوووووووووووووووووووووووول(غيرت وجهة نظري اتجاه اجزاء ميجامان باتل نتوورك) بس اكيد انتظر اكس 7 اكثر منه.....(عاشق ميجامان اكس):6

bah : لا السالفة مو قطة وجه ^__^ إلى قاط ويهي ونص
خخخخخخخ لا يبا عادي شدعوة ... مشكور ما قصرت ويعطيك العافية

اممم100 جيم سنتر يسد النفس يامعود بشوف المركز الكويتي
شكلة كووول :cool:

مشكور ... بس اذا احد عنده بعد ما يقصر يقول لنا


سلام...

اقتباس:

---

اممم100 جيم سنتر يسد النفس يامعود بشوف المركز الكويتي

---

ما أعتقد ب100 دينار :) ..أكيد أرخص ^^

We6fe
العفو ^^
اللعبة انجيلزية .. :D


rk LINK@(|
بإنتظار تقريرك ":"
بس شنو نقطة ضعف Gutsman :"
صارلي جيم اوفر مرتين .. وكل مرة اوصل طاقته شوي ويموت >_<


bah
انا قتلك الكلام من زماان .. لأنك ما تدخل المسنجر .. فما قدرت اقولك الموعد اليديد :أفكر:
بس مبروك على اللعبة ^^


L*][*N*K
محد اخر واحد مثلي .. انا اخر واحد شرى زيلدا يالكويت :6


logia
لا اللعبة وايد حلوه ^^


Nintendo, Cube.
حسافة :":


Yoshi SD
اللعبة صعععبه .. يعني فيها تحدي تخليك تلعبها وتحاول تفوز
واللعبة طويلة .. إذا تبي تاخذ كل شي فيها .. نفس زيلدا .. :)
انصحك فيها http://www.montada.com/images/icons/icon14.gif


rk LINK@(|
احساس بالملل ليش تلعب :D
اووه .. علشان ميجامان كل شي يصير :p
عقبالي اخلصها ^^


سكويرسوفت
العفو ^^
ومبروك على الكيوب مقدماً
- تقريباً بين 100 و 90 دينار
- لا مافيه كوبي
- انا شريتها مع ميموري كارد و يدتين وشريطين وكانت ب120
- احسن محلين جيم سنتر والمركز الكويتي .. وانا شريتها من جيم سنتر ^^
- اشتر الجيم كيوب مطور .. يعني يشغل الألعاب اليابانية والأمريكية الأصلية .. انا شريتها مو مطورة على اساس ماراح اشتري ياباني .. بس وايد العاب حلوة فقط ياباني وتوهقت .. :p


bah
طانكيو على المساعدة .. بس توني ادري انك ما تحب سلسلة باتل نت وورك .. !!


Nintendo, Cube.
لووووووووووووووووول
انا حدي بس اشغلها ساعتين او اربع ساعات بالكثير :6


L*][*N*K
يس يس .. ارخص اعتقد :)

Golden_Sun : مشكور بعد جبدي :D :D الله يبارك فيك ;)

سلام...

انا شفت اللعبة اليوم...رسومها بايخة!!:!

تحس كأنك تلعب جيم بوي

اقتباس:

---

الرسالة الأصلية كتبت بواسطة aoks
انا شفت اللعبة اليوم...رسومها بايخة!!:!

تحس كأنك تلعب جيم بوي

---

وين...اصلا الرسوم 3 دي...صج انها مو 100%....بس متعة اللعب تنسيك الرسوم....

اقتباس:

---

طانكيو على المساعدة .. بس توني ادري انك ما تحب سلسلة باتل نت وورك .. !!

---

كانت بالنسبة لي عادية...بس الحين شي ثاني:D


وعلى فكرة....
انا باريت جتس مان مرة وحدة ودريت ان الDashATk تنفعله....بس يمكن مو نقطة ضعفه^_^

أصلاً اللعبة ما يصلح لها غير شكلها الحالي :) (( تخيلها ثلاثية الأبعاد بالكامل ..تحس غلط السالفة:p ))

السلام عليكم :

bah : الصراحة داش اتاك اسميها الحركة الانتحارية :p

لأنك تنطلق للعدو مباشرة وما عندك دفاع ولا شيئ ولما تنتهي راح تتفقد التحكم ثانية <<<< دقيق جدا :6

مما يعطيه المجال انه يهزمك


والداش اتاك تنفع حق الوصول حق الامكان البعيدة (( لأنك تطير بالهواء ))


ملاحظة الchips مو بطاقة معينة اللي هو نقطة ضعف النيفي بل نوعه يعني هل هو ناري ولا مائي ...الخ

وترقبوا الشرح في موضوعي غدا باذن الله ;-) (( المفروض احطه امس لكن انمسح واضريت اني اعيده وانا مشغول اليوم كله فما عندي الا غدا ))


وشكرا ;-)

اقتباس:

---

الرسالة الأصلية كتبت بواسطة aoks
انا شفت اللعبة اليوم...رسومها بايخة!!:!

تحس كأنك تلعب جيم بوي

---

متأكد بالعكس اللعبة حلوة

العبها وشوف :p

اقتباس:

---

الرسالة الأصلية كتبت بواسطة aoks
انا شفت اللعبة اليوم...رسومها بايخة!!:!

تحس كأنك تلعب جيم بوي

---

أوكس ..
بالنسبة لهذي اللعبة الجرافيك لا يهم , بل ميجا هو الأهم .. :p

اقتباس:

---

الرسالة الأصلية كتبت بواسطة Nintendo, Cube.



أوكس ..
بالنسبة لهذي اللعبة الجرافيك لا يهم , بل ميجا هو الأهم .. :p

---

ايه والله انت الصادق :D :D

اقتباس:

---

الرسالة الأصلية كتبت بواسطة rk LINK@(|
السلام عليكم :

bah : الصراحة داش اتاك اسميها الحركة الانتحارية :p

لأنك تنطلق للعدو مباشرة وما عندك دفاع ولا شيئ ولما تنتهي راح تتفقد التحكم ثانية <<<< دقيق جدا :6

مما يعطيه المجال انه يهزمك


والداش اتاك تنفع حق الوصول حق الامكان البعيدة (( لأنك تطير بالهواء ))


ملاحظة الchips مو بطاقة معينة اللي هو نقطة ضعف النيفي بل نوعه يعني هل هو ناري ولا مائي ...الخ

وترقبوا الشرح في موضوعي غدا باذن الله ;-) (( المفروض احطه امس لكن انمسح واضريت اني اعيده وانا مشغول اليوم كله فما عندي الا غدا ))


وشكرا ;-)

---

ادري ان الالمنت مال السلاح هو يحدد نقطة الضعف....بس ليش اقولك ان الداش اتاك زينة....لانه لما ينقز ويحاول يطقك اذا سويتها وحشته راح توقفه..
وعاد انت لما تسوي الحركة سوها من اقرب مكان تقدر...علشان بعد ما تطقه تروح ابعد شي الجهة الثانية ...وبهالطريقة راح تكون امن;-) ...وبعدين رد وسوها مرة ثانية...الى ان تذبحه ..واذا طقك شوي...خلك مجهز نفسك عاد:D

اقتباس:

---

أوكس ..
بالنسبة لهذي اللعبة الجرافيك لا يهم , بل ميجا هو الأهم ..

---

هع :6 .. Right u r :) ..

سكويرسوفت
العفو ^^
ومبروك مقدماً


aoks
رسوم اللعبة شوي بعيده .. بس شفت العروض ؟:واو:


bah
وصلت طاقته شوي اليوم .. اي طقة بأي سلاح حتى لو الضربة العادية يموت بس مت ><


L*][*N*K
جربت ميجامان ليجيند ؟ .. كان ثلاثي الأبعاد .. بس توب :D


rk LINK@(|
لوووول .. حلوه هذة الحركة الإنتحارية ..بإنتظار موضوعك ;-)


Nintendo, Cube. و rk LINK@(|
أصلاً جرافيك اللعبة حلو مافيه شي :p


bah
إمم طريقة حلوه .. انا اطقه بكل انواع الSword و انواع الCanon كلهم .. وكل شوي اقفر :p
بس لما اطقة بالسيف لازم ابعد بسرعة قبل لا يعطني Punch واروح فيها :6

خلااااااااااااااااااااااااااااااااااااااااااااااص


حمستوني .. لكن افضل اشتري بعد الاجازة


واذا رجعت بكون فيه اف زيرو


يعني ان شاء الله بشتري اف زيرو



وميجا مان الله يعوظنا


صدق عندي فلوس لكن موفرها للالعاب الجايه

The Game Cube
مبروك على العطلة .. ولكم باك .. انت تعطل وانا اداوم يوم السبت :6
حسافة ماراح تقدر تلعبها .. حاول انك تحصل عليها بأقرب وقت لأنك إذا من عشاق ميجامان .. لازم ما يفوتك هالجزء ^^

اقتباس:

---

الرسالة الأصلية كتبت بواسطة The Game Cube
خلااااااااااااااااااااااااااااااااااااااااااااااص


حمستوني .. لكن افضل اشتري بعد الاجازة


واذا رجعت بكون فيه اف زيرو


يعني ان شاء الله بشتري اف زيرو



وميجا مان الله يعوظنا


صدق عندي فلوس لكن موفرها للالعاب الجايه

---

يا هلا والله بعودتك , ولا تنسى إننا ننتظر موضوعك إلي وعدتنا عليه , يعني إذا إنت نسيت فنحن لا

مشكور جولدن

بس تنصحني اشتريها؟؟
و ترا ما عمري لعبت اي لعبه ميجا مان الا وحده على الPS :p

Nintendo, Cube.
صح .. بإنتظار الموضوع :D


Brick Game
العفو ..
إمم سؤالك صعب .. عندك احد شاريها وتجربها عنده ؟
لأنه يمكن ما تعجبك .. على حسب ذوقك .. يعني عشاق ميجامان راح تعجبهم بدون تردد ^^
ولو تحب سلسلة باتل نت وورك على الجيم بوي راح تعجبك بعد :)