انطباعي حول Megaman Network Transmission

[Golden_Sun]

السلام عليكم ^^

اليوم رحت وشريت ميجامان باتل نت وورك ترانسميشن اخيراً ^^
اللعبة بكل يساطة .. افضل لعبة ميجامان باتل نت وورك وقعت عليها عيني .. ":"

راح اتكلم بكل باللعبة بشكل موجز ومختصر .. لأن دارك لينك مشاالله اكيد مجهز موضوع >>> وهقته

طريقة اللعب

اللعبة عبارة عن خليط بين الأكشن والأربيجي بطريقة الSide-Scrolling

و تشابه اسلوب باتل نت وورك على الجيم بوي .. لكن بتغييرات .. يعني مثلاً في الجيم بوي تختار الchip بحسب النوع كل دورة نوع معين انت تختارة فقط هالنوع .. (مثلاً تختار فقط نوع الC او نوع الA وإلخ ..) لكن هنا الوضع اختلف ..
تختار اللي تحتاجة .. تقدر تختار مجموعة الChip كلها .. وتستخدمها براحتك بالمرحلة .. لحد ما يمتلئ عداد الCustom Gauge من جديد .. لكن مو بالبساطة اللي تصورتها !!
لكل بطاقة chip عدد من المرات في الإستخدام .. ( على اي اساس تم التصنيف لا اعلم :": ) وإذا انهيت منه ماراح يعود من جديد .. لذا عليك الحذر في الإستخدام قد لا يظهر لك هذا النوع من الchip عند امتلاء العداد مرة اخرى ..
على فكرة عداد Custom Gauge اصبح بطئ .. وإذا ادرت تغيير بطاقات الchip التي لديك ما عليك إذا ضغط Z عند إمتلاء العداد .. واختيار البطاقات الجديدة اللتي تظهر بشكل عشوائي ^^

لكن عداد الMP لم اجد له وظيفة حتى الأن >_< ..
ممكن مستقبلاً ؟

الرسوم

الرسوم ممتازة ... وخاصة عرض البداية ^^
حيث يعرض لك نهاية الجزء الاول من باتل نت وورك .. وتبدأ احداث هذا الجزء بعد الأول بشهر واحد .. رسوم السيل شاديد روعة بمعنى الكلمة لكن شكل Lan الوحيد غلط في اللعبة :6
لكنها ممتازة .. ألحين عرفت سبب تذمر الجميع من رسوم ميجامان اكس 7 .. لأنها لم تكن بمستوى باتل ترانسميشن ..


واللعبة ممتعه .. لكن عيبها حتى الان هو صعوبة اللعبه قليلاً !!
والأبطال صوتهم ياباني .. اي لم يتم دبلجة الصوت
وهذة انا اعتبرها ميزة .. لأن اصواتهم بالياباني اعتقد بتكون افضل من الأمريكي .. لكن ترجمة الكلام تحت بصندوق الحوار انجليزية ^^



اللعبة رائعة جداً .. وستعجب جميع عشاق ميجامان ^^
لكن كلامي عن اللعبة ليس مقياس حقيقي .. انا ما لعبت من اللعبة إلا ساعة فقط !!
وشكراً
Golden_Sun

[Nintendo, Cube.]

واااااااااااااااااااو ..

إنت بالمنتدى وحمستني للعبة , Dark Link بالماسنجر وحمسني لها أكثر و الجزء الثالث من Battle Network , وأنا اليوم كنت بشتريها لكني نسيت $$ بالبيت , فا جلست أناظر الغلاف وأشوفه وكأني أبا أهفه ..

عجبتني اللعبة أكثر لما عرفت أن عداد الCustom Gauge صار بطيء , يعني اللعبة أصبحت أسرع , أممم بالمناسبة Dark Link قال إن بتواجه صعوبة شديدة ضد زعماء اللعبة وخصوصا ً الزعيم الأول , ممكن توصف لنا القتال أو ما شابه مع الزعيم , وعلى فكرة أحد أعضاء منتدى IGN قال إن اللعبة سهله وخصوصا ً الزعماء فقط أستخدم نقاط ضعفهم وتغلبهم بسهولة , هل هذا صحيح ..

[Golden_Sun]

Nintendo, Cube.
شكراً على ردك ^^
اول زعيم .. الصرحة صارلي Game Over ..
بس المرة الثانية استخدم الHeat Armor درع تاخذه من Roll و مع كم مسدس من الChip .. وكان من حظي عندي بطاقتين Recovery 30 ^^
بس ضرباته قوية :":
لازم تناور .. وتهرب من ضرباته بسرعة .. واخر شي استخدمت الLong Sword ^^

يعني القتال يعتمد على تفكيرك انت ..

كأول مرة كان صعب لكن بعد التكرار .. تعرفت اكثر على طريقة القتال ^^

[L*][*N*K]

Arigato Golden ^^

يعني القتال يعتمد على تفكيرك انت

كأول مرة كان صعب لكن بعد التكرار .. تعرفت اكثر على طريقة القتال ^^

قصدك يعتمد على نقطة ضعف الBoss ..

[Golden_Sun]

L*][*N*K
العفو ..

قصدك يعتمد على نقطة ضعف الBoss ..

إييي ... واول زعيم يؤثر عليه الLong Sword وايد ^^



اضافة ..

عداد الMP ينقص كل ما تستخدم بطاقة السلاح او الChip وهو يرجع يرتفع تلقائياً .. يعني لا تستخدم بطاقات وايد ورا بعض .. لأنه راح يخلص و ما تقدر تستخدم اي chip لحد ما يرجع يرتفع لمقدار معين .. تقدر فيه انك تستخدم احد بطاقات الأسلحة .. الChip
وكل بطاقة chip تنقص مقدار معين من الMP ..

[We6fe]

مشكور جولدن

بس ياباني ولا انجليزي !! 0_o

[BoJasem]

السلام عليكم :


ترقبوا تقريري وانطباعاتي عن اللعبة والحل الكامل لها<<<< دخل بقوة

المهم مشكور على الموضوع

وعلى فكرة انا خلصتها امس ":"


وبالنسبة للchips انهم ما يردون اعتقد انك لو تسوي جاك اوت وتدش مرة اخرى راح تلقاهم واذا كان قصدك بالمعركة فمثلا نفترض ان الchip كانون خلص وواجهت الفايرس كانون وهزمته وطلع لك الchip ماله لو تاخذ تلقى ان عداد الchips زاد واحد وايضا الكمية تزيد واحد يعني لو كان تشيل عشرة تشيل 11 هذة المرة ;-)

وبالنسبة لفاير مان اللونج سورد ما يؤثر عليه (( يعني مو نقطة ضعفه )) بس دامج مال السورد قوي وايد نقطة ضعفه اي سلاح نوعه مائي ;-) وانا غلبته ب p.a live sowrd مع 2 ببلر واعتقد كانت مدة العراك اقل من 7 ثواني :6 لكن الصراحة مت اكثر من مليون مرة عند اللي وراه :"

لكن حطمت الرقم القياسي وخلصتها بيوم واحد ":"


وشكرا ;-)

[bah]

مشكور جوجو على الموضوع.....
بس راح اذبحك عن قريب....
كاتب موضوع من قبل تقول فيه ان ميجامان اجلوها لي 28 يونيو وامس دارك يقولي شراها وخلصها?: ...وانا اللي معتمد على كلامك:"
قصيت ويهيي جدام دارك

يلا ميخالف...اليوم اروح اشتريها (من كنت اقول باشتريها اول واحد...شكلي صرت اخر واحد:6 )

ومشكور عالموضوع;-)

[L*][*N*K]

من كنت اقول باشتريها اول واحد...شكلي صرت اخر واحد

غلطان .. أنا دايماً أخذ لقب أخر واحد .. وNintendo.Cube الوصيف

ترقبوا تقريري وانطباعاتي عن اللعبة والحل الكامل لها<<<< دخل بقوة

waiting for it

[logia]

انا كنت متردد اشتريها ولا لا لاني لمن شفت الغلاف من وشفت في لقطات وكلام ياباني خفت لكن اليوم بروح اشتريها;-)

[Nintendo, Cube.]

وأنا أقول إني ميود فلوس للعبة , بس للأسف شكلي ما بشتريها , لأني قريب بسير دبي وبشتري مودم , وإذا تبقى شي بشتري ميجامان :":

[Yoshi SD]

اللعبة شكلها حلوة.

بس للأسف قصيرة.

وش قصة الألعاب القصيرة هالأيام.

حتى واريو ورلد قصيرة.

أذكر أني شريت Pikmin وندمت لأنها قصيرة.

مرة ولد خالتي شرى لعبة قصيرة على الـ SNES وخلصها بيوم ورجع اللعبة واستبدلها.

المفروض يحطون قانون يمنع الألعاب القصيرة.

يمكنكم ما لاحظتوا بس أنا أكره الألعاب القصيرة!!!

[BoJasem]

السلام عليكم :

اخوي يوشي sd


اللعبة مو قصيرة

بالعكس انا اعطيها متوسطة العمر اما سالفة اني خلصتها بيوم فسبب ذلك

1- كنت احسس بالملل :6 وما عندي شيئ اسويه الا ميجامان

2- تفكيري كان بس ميغامان يعني كنت العب وانا خلصت اللعبة وانا ما ادري يعني لما خلصتها قلت (( خلصتها !!!! واشوف ان صار على الوقت وانا العب اكثر من 5 ساعات مسكين الجهاز ))


وشكرا ;-)

[سكويرسوفت]

مشكووور والله ^__^

لكن Golden_Sun انا ان شاء الله بشتري جيم كيوب...بس

عندي بعض الأسألة ياليت تجواب عليهم

- كم سعرها
- هل لها العاب كوبي
- لم شريتها انت شنو كان معها ( مثلاً , يدة تحكم , ممري كارد , كم شريط )
- شنو احسن محل في الرحاب اشتريه منه ( او انت منين شريتها )
- ياليت تعطيني بعض النصائح

ادري ثقلت عليك لكن ^^

ويعطيك العافية

[Nintendo, Cube.]

دارك 5 ساعات وتقول للجهاز مسكين :واو: ..

إنت تدري إنه جهازي شغال من 3 أيام الحين صار اليوم الرابع والحين بطفيه ..

و من زمان كان الجهاز شغال 20 ساعة وأكثر عشان ألعب بشخصية ميو تو على أيام سوبر سماش :6 ..

بصراحه إنت مدلع الجيم كيوب زيادة عن اللزوم (يا حظها)