واقعة مرة تكشف وبكل وضوح كيد البنات في قضايا المعاكسات

السلام عليكم

لي شهور أحس كأنها سنوات ما كتبت فيها موضوع واحد، كلها كانت ردود بس


بس اللي استوا لي امس يحتاج وقفة وانتباه من المسؤولين في الأمن ورجال المباحث ولكل واحد مهتم بقضايا المعاكسات.

كما تعرفون ، أي شاب يضبط بمعاكسة بنت أو وحدة ما تقرب له بشيء تنشر صورته في الجرايد بتعاون مع دائرة مكافحة السلوكيات المخلة بالآداب بالشرطة، وتكون كارثة لشاب المعاكس ، إذ يخسر ثقة الناس فيه حتى اهله وتكون المصيبة أكبر اذا كان أعزب . هذا القانون مطبق في الإمارات بس ما أعرف اذا كان مطبق في دول الخليج المجاورة كقطر. لكن......

هل من المعقول مع كثرة المعاكسات ان يكون الشاب المواطن هو الضحية دوما مع انتشار الخفيف والقصير بين البنات مع أطنان وأطنان من المساحيق و أحمر الشفاه اللي خلت بعض البنات للأسف كأنهم من المريخ أو مريضات بالجرب أحسن شيء؟؟؟؟

يوم الثلاثاء وتحديدا الساعة 7 بالليل كنت جالس عند المطاعم في الطابق الأخير في العين مول، مستني اختي وبنات عمها اللي يتسوقن في محلات العطور كنت ساعتها أكتب رسالة لواحد من الشباب عن سبب تأخره عن الدفع حق اللابتوب في الكلية يوم الإثنين.

ومن مكان ما دري ويش يكون لكن على ما أعتقد انه من المصعد طلعت مجموعة من البنات المواطنات لابسات عبايات أقل شي ينقال عنها انها قشور البصل لا أكثر. وقبل ما يجون جهة الكراسي كانوا واقفات يتكلمون في شيء بعدين قامت وحدة فيهم اشرت اصبعها ناحيتي.

حسبت انها اشرت على المطعم الوراي (ماكدونالدز) ، لكن حدث الأغرب !!!!

اختاروا طاولة تبعد عن طاولتي بمترين و قعدوا يتكلمون عن الحب والشباب وآخر الأفلام اللي نزلت بصوت عالي ومسموع وفجأة ضحكوا كلهن في وقت واحد تقول كأنه قصفن اسرائيل !!! وحسيت وحدة فيهن كأنها تطالع في.

كنت وقتها مشغول بكتابة الرسايل للربع. وبعد أقل من ربع ساعة سمعت وحدة فيهن تقول :

( شوفي الحليو الماسك الأرنوب!! نفسي اشوفه يلف راسه يهتي)

(صدج متبخترة قالوا عليج!! ليش هاالأنانية !!؟؟ مب وحدج تتأملين فيه)

(يعني مالنا قسمة ونصيب فيه!!!)

وانفجر دوي قنبلة من ضحكتهن، وعرفت اني انا المقصود كيف ولا و و يهي والحمد لله و أعوذ بالله من الكبر ومن شر الحاسدين يقولون عنه أعمامي والأهل كأنه البدر!! أضف إلى ذلك لم يكن أحد قريب منهن سواي حامل الأرنوب( تلفون نوكيا الأزرق 3210)

بس زودنها عن اللزوم يوم قامت وحدة فيهن طلعت قدام الطاولة وقامت الله يقطع ابليسها ترتب شيلتها ويه لويه!!! كنت ناوي أقوم من الطاولة واروح . فاضين فتن على الليل ...لكن الرياح مثل ما يقولون تأتي بما لا تشتهي سفن ووقع شيء ما بيدخل على بال واحد فيكم !!! البنات كان عددهم 5 انضمت لهن بنتين طوال من جهة اليسار وقاموا يحاصرون الطاولة بحركة عجيبة . اول شيء قامت 2 من القاعدات عالطاولة وراحوا على يساري يسلمون على البنات الجدد وقاموا يتسلفون وهن واقفات من مسافة متر تقريبا من الطاولة اللي أنا فيها والثنتين الباقيات تفرقوا حواليني بحيث كانت كل وحدة مسكرة أي جهة أطالع فيها.

الحين المسرحية وصلت نذالتها. اللي قاعدة ترتب شيلتها رمت ورقة على طاولتي وقبلها حاولت انها تكلمني لكني كنت صريح وياها وقلت لها (لو فيش ذرة احترام انقلعي احسن ولا بدق 3 تسعات (الشرطة) عالتلفون وتوريج شو الأدب بالضبط). السافلة ردت باسلوب وقح وقالت (اوكي يا وسيم القفل!! بس بسيب هالورقة ولو كان جاد في اللي تقوله اقراها علشان تعرف نفسك ) وبعدها انصرفت وانصرفت عصابتها وياها و أكيد هي الزعيمة أو البيج بوس حقها.

الحمد لله انه اختي جات هي وبنات عمي بعده متأخرات بوقت طويل وكالعادة كن يتمشين بين المحلات انتم تعرفون طبع الحريم السوق حبيبهم ولا يشبعون منه. كانت هذه المرة الوحيدة اللي فرحت فيها بتأخرهن . شو بيصير لو شفن حركات البنات قدامي!! كانت بتستوي حرب بس ربنا ستر


من هالواقعة حسيت بمدى الظلم الذي يقع على الشباب من اتهام الدراسات الإجتماعية لهم بأنهم هم من يبدأ أولا،
ويمكن ان يكون احد من تنشر صورهم على انه معاكس انما هو ضحية لفئة ماكرة من البنات لا يستهويهن إلا كلمة من شاب حتى لو كانت الكلمة لمصلحتهن


هل نشهد اليوم اللي يغطي الشاب ويهه هربا من مضايقة البنات له !!!



ارجو معرفة أرائكم في الي حصل لي !! وشو بتتصرفون لو وقع حادث مشابه للي صار لي

وشكرا لكم

والله بصراحه الموقف موحرج جدا جدا لو وصلو اختك وبنات عماتها
المهم صراحه كان تصرفك ممتاز :biggthump
ولو اني مكانك كان على طول طلعت من المحل لانه بصراحه مالها داعي تنشر صورك في الجرايد على شي ما سويته :)
اما عن موقف الشباب بصراحه انا اقول انه البنت لها دور كبير فيه المعاكسات لانه البنت اللي تمشي في حالها تقريبا ما يجيها احد الا بعض ضعاف النفوس اما لو لبست عبايه ضيقه و حطت مكياج كانها رايحه لعرس فاكيد كل الشباب راح يعاكسونها لانها تبي تتعاكس :bigeyes:

>__< الله يخلف على (بعض) بنات هالايام !...

مشكور على موضوعك ..

فعلا ..
فهذا الزمان سلمك الله .. أربد ..!
أنقلب فيه كل شي . وأنعكس الحال ...
والشرهة مب عليهم صراحة .. الشرهة على اللي هدهم في الأسواق وخلاهم ..
هذا النوع اللي يستاهل أنه ينصور ويطلع في الجرايد ..
يعني بالله .. زميلات تعبانات .. ودش وعلى طول على ميلودي وستار أكاديمي .. وقدوات تطلع لهم كل يوم من العالم الخارجي المرعب وكلهم من اللي خبري خبرك .. وصملة (صملة = مافيه رقابة أو إهتمام ) بدون أي تأنيب ضمير من الأبو أو العائلة .. ما المنتظر ..؟؟


شوف عزيزي ..
من الصعب أنك تمسك الشاب عن أي شي هو يبغيه .. ومن السهل كذلك بأن ينحرف وينجرف ..فلالوم على الوالد في خطا الولد .. لأن سيطرته عليه محدودة ..
لكن من السهل أنك تمسك البنت .. ومن الصعب إنحرافها عن الطريق المستقيم ..وإن حدث .. فلاتلام .. لأنها لاتملك أباً .. بل ثورا من الثيران الساذجة .. :)

تحــــــــياتي وفائق إحترامي .. ثريول

والله كل الجهتين مايقصرون

البنات يفتن بتزينهم والشباب يدورنهم ..

لكن مهما كان الواحد يبعد عن الشر .. ولا يقرب هالاشياء

اقتباس:

---

المشاركة الأصلية كتبت بواسطة Soul Calibur2

وعرفت اني انا المقصود كيف ولا و و يهي والحمد لله و أعوذ بالله من الكبر ومن شر الحاسدين يقولون عنه أعمامي والأهل كأنه البدر!!

---

اتفل على نفسك

زاحف:

الشاب مهما بلغ من السوء إلا كان مريض نفسيا فهو ما بيجرؤ يقرب من البنت المحتشمة الللي ما تطلع إلا وهي بين أهلها مب شلتها

Angel`s Knight:

بذات على بنات الأسواق :31:

اقتباس:

---

شوف عزيزي ..
من الصعب أنك تمسك الشاب عن أي شي هو يبغيه .. ومن السهل كذلك بأن ينحرف وينجرف ..فلالوم على الوالد في خطا الولد .. لأن سيطرته عليه محدودة ..
لكن من السهل أنك تمسك البنت .. ومن الصعب إنحرافها عن الطريق المستقيم ..وإن حدث .. فلاتلام .. لأنها لاتملك أباً .. بل ثورا من الثيران الساذجة ..

تحــــــــياتي وفائق إحترامي .. ثريول

---

بنات العائلات الراقية بذات تلاقي تلاقي أبائهم يسيبونهم للشين والزين

فأكثر العائلات الميسورة ما تسمح للبنت تطلع وويهها مكشوف أو متمكيج


sas_com3:

ما أحد ينكر دور الشباب في المعاكسة لأن أفعاله تكون أجرأ

لكن البنت تكون هي السبب الرئيسي معظم الأحيان في المعاكسات

Black Box:

خير ويش فيها !!!! يعني ما لقيت غير ذولا سطرين وكأنهما زبدة الموضوع كله!!

انا لوني منك اطلع واخليلهم المكان :cool:

السلام عليكم و رحمة الله و بركاته ...
انا عادة ما من رواد منتدى الألعاب العام ... بس منتدى البلايستيشن لكن فعلاً شدني موضوعك ...
و الله شوف اخي تفكير معظم البنات في هذه الأيام تفكير غلط و بعتمد هذا الشعور على اكثر من شي ...
اولاًً : اذا كانت مثل ما قال احد الأخوان ان البنت من عائلة غنية و ميسورة فهذا بالفعل يكون زايدة عندهم هذه الحركات بسبب عدم وجود رقابة عليهم
ثانياً : اذا كانت البنت من عائلة عادية او فقيرة فعادةً ما تخرج كثير .. لكن احياناً يعملوا سالفة تحدي للأهل ... يعني يخرجوا من البيت بعد معرفة الأهل ... عناد ..
اما من جهة الشباب و الله اذا كانت البنت طالعة تتشرى هي صاحباتها من الأسواق فطبعاً هو ملام ... اما اذا كانت البنت طالعة تتفشر بسيارتها الدايو التعبانة ... او تطلعع مع صحباتها يجلسوا على ستاربكس و كوستا كوفي فطبعاً الشاب اذا حصل الى يدوره او ما يشوفه فطعباً بيعمل حركة و في هالحالة يكون الولد مظلوم ... فهو فقط تماشى مع طبيعته الرجولية الأنسانية ...
و اما عنك انت اخي فبالفعل رد قوي ... مسكت انت ...
باي

للأسف هذا الي صاير الواحد ما يمديه يدخل لمجمع تجاري الا والاعين عليه خاصه اذا كان صاحب وسامة واناقة .

اذا تبون الصراحه .. جزء كبير من اللوم يقع على الفتاة دائما في حوادث المعاكسات .. صراحه الشاب مستحيل يرقم او يتحرش ببنت محتشمة ولابسة عباية على الراس !!! اسألو اكبر صايع راح يردلكم بـــــ ( مستحيل ) ...

الحين نروح للمجمعات وماشاء الله تشوف انواع عروض الازياء بالعبايات والشيلات .. وغيرها الي كاشفة الوجه ومعبية الوجه صبغ دينهل .. يعني كل هذه الاغراءات ولا تبون الشاب يرقم ويتحرش !!

هذا غير الحالات الي طرحها اخونا كاتب الموضوع .. البنت هي الي تتحرش وياما شفت بعيوني السوالف ذي .. لا من نظراتهم الخبيثة ولا من ضحكاتهم مع بعض ..

عموما عجبني واحد من الشباب لما تحرشت فيه وحده .. استلمها مع ربعه تحفيل وضحك وطنازة .. يا كتكات يا كولا يا عبده وخذلك من التعليقات الي تحسفت يومها انها جت للسوق ..

عموما نصيحة الي يروح للمجمعات لا يبالغ بكشخته .. ماشاء الله الشباب الحين من زود حرصهم ما يتركون الذقن يومين الا وملطوه والا سكسكو حتى يبقون حلوين ...

ياحلو ..

مشكلتك هذي ..

اولا انك حلو .. ثانيا انك رايح للسوق

اقتباس:

---

المشاركة الأصلية كتبت بواسطة HArb200

ياحلو ..

مشكلتك هذي ..

اولا انك حلو .. ثانيا انك رايح للسوق

---

ههههههههه


ياخي المواقف هذه كثيرة


والله يعين الشباب

اقتباس:

---

المشاركة الأصلية كتبت بواسطة HArb200

ياحلو ..

مشكلتك هذي ..

اولا انك حلو .. ثانيا انك رايح للسوق

---

يا سلام انقلبت الدنيا مرة

خلاص بتحجب وبقعد في البيت حتى تجي فارسة أحلامي على البيت وتطلب يديني وتدفع مهري :biglaugh: :biglaugh:


ياخوي اطلع على اي مكان، تكشخ ولو جات لك بنت صنها بكلمتين او اتفل في ويهها احسن حتى لو جابت لك الجيش. المهم كرامتك. ولو تقول كيف بتزوج ...؟؟ بنت البلد مب لحالها.. عندك بنات العالم كله من كل اصل وعرق

انا معاك بكل اللي قلته فعلا الحين البنات اهم اللي يغازلون...والشباب مايصدقون
بس زين سويت فيها :biggthump
بس في سؤال تبادر في ذهني...شنو يعني
وسيم القفل..مافهمت شي :09:

اقتباس:

---

المشاركة الأصلية كتبت بواسطة ثريول

فعلا ..
فهذا الزمان سلمك الله .. أربد ..!
أنقلب فيه كل شي . وأنعكس الحال ...
والشرهة مب عليهم صراحة .. الشرهة على اللي هدهم في الأسواق وخلاهم ..
هذا النوع اللي يستاهل أنه ينصور ويطلع في الجرايد ..
يعني بالله .. زميلات تعبانات .. ودش وعلى طول على ميلودي وستار أكاديمي .. وقدوات تطلع لهم كل يوم من العالم الخارجي المرعب وكلهم من اللي خبري خبرك .. وصملة (صملة = مافيه رقابة أو إهتمام ) بدون أي تأنيب ضمير من الأبو أو العائلة .. ما المنتظر ..؟؟


شوف عزيزي ..
من الصعب أنك تمسك الشاب عن أي شي هو يبغيه .. ومن السهل كذلك بأن ينحرف وينجرف ..فلالوم على الوالد في خطا الولد .. لأن سيطرته عليه محدودة ..
لكن من السهل أنك تمسك البنت .. ومن الصعب إنحرافها عن الطريق المستقيم ..وإن حدث .. فلاتلام .. لأنها لاتملك أباً .. بل ثورا من الثيران الساذجة .. :)

تحــــــــياتي وفائق إحترامي .. ثريول

---

صح لسانك اخي العزيز،،،،،

اقتباس:

---

المشاركة الأصلية كتبت بواسطة Soul Calibur2

خير ويش فيها !!!! يعني ما لقيت غير ذولا سطرين وكأنهما زبدة الموضوع كله!!

---

وش أقول كلامك كله صح! :reporter:

بس استغرب كيف هالبنات ما عندهم اخوان ولا أهل؟ :vereymad: , وما ننسى أنه توفير الجوال للبنات المراهقات غلط كبير وبرأيي البنت ما تاخذ جوال إلا بعد ما تتزوج!! عاد من كثر المشاوير والأشغال :31: معظم الأسبوع في البيت وما تطلع إلا مع أخوها ولا أبوها :06:

اخوي Black Box
انا ما اعتقد ان التلفون اهوا السبب...الشي يرجع للبنت شلون تستعمله
مثل النقاب تماما شلون طريقة لبسه تختلف من بنت لي بنت...التلفون جذيه
واعتقد ان السبب في انحراف البنت ( غير ضعف الوازع الديني) اهوا الأهل واهمالهم للبنت وسوء تربيتهم

اقتباس:

---

المشاركة الأصلية كتبت بواسطة الشقراءالكويتيه

اخوي Black Box
انا ما اعتقد ان التلفون اهوا السبب...الشي يرجع للبنت شلون تستعمله
مثل النقاب تماما شلون طريقة لبسه تختلف من بنت لي بنت...التلفون جذيه
واعتقد ان السبب في انحراف البنت ( غير ضعف الوازع الديني) اهوا الأهل واهمالهم للبنت وسوء تربيتهم

---

من قال أنه السبب؟ هو غلط ويساعد على انحراف البنت المفروض الأهل ينتبهون له بس , البنت المحتشمة ما لها حاجة فيه إذا كانت تطلع من بيتها ومعها محرم , وفعلاً إهمال الأهل (بعد ضعف الوازع الديني طبعاً) هو السبب الرئيسي في هالموضوع :08:

الله الله الله..


اشوف ان حادثه وحده..خلت كل شي ينقلب على البنات المساكين وصاروا البنات هم قائدات الشر في هذا العصر الاغبر؟:31:



اولا:
لالالا يا اخواني الاحباء..اصابع اليد مب وحده..مب كل البنات كذا..والحق حق ان يقال ان الرجال هم اكثر نسبه في هذا العمل ..اقصد المغازل...فيه بنات يمكن ايه ليش لأ يسوونها بس العيال اكثر..وعموما كل الطرفين فيه خير..ومش الكل كذا..





ثانيا: اشوف بعض الاخوة يقولون لا تعطون بنت جوال الا اذا تزوجت؟؟ خير انشالله :tongue2:
مب كل البنات خفيفات عقول فيه بنات راكزات واركز من العيال بعد ويستحقون جوالاات
ولو كذا السالفه هناك العديد من العيال الذين يستحقون الحرمان من الجوالاات لانهم مزعجينا..احم تعرفون قصدي:33:





واخيرا وليس اخرا: اذا انت شايف نفسك انك حلو... فانصحك ياخي الكريم انتتلثم..نعم!! ان تتلثم..فهؤلاء الثعلبات البشريات يفتنون بجمالك كما يفتن الرجال بجمال النساء:tongue2: :31: ..





استغفر الله اخيرا واعوذ بالله ان نكون منهم..

اقتباس:

---

المشاركة الأصلية كتبت بواسطة Lena

الله الله الله..

ثانيا: اشوف بعض الاخوة يقولون لا تعطون بنت جوال الا اذا تزوجت؟؟ خير انشالله :tongue2:
مب كل البنات خفيفات عقول فيه بنات راكزات واركز من العيال بعد ويستحقون جوالاات
ولو كذا السالفه هناك العديد من العيال الذين يستحقون الحرمان من الجوالاات لانهم مزعجينا..احم تعرفون قصدي

---

خليتي الجوال مكافأة للبنات اللي اعقل من الأولاد!! علميني شفايدة الجوال لبنت ما تطلع إلا مع محرم أو على سبيل المثال تدرس بمنطقة بعيدة عن بيتها غير أنه الشيطان يفتر حول راسها؟! :31: , وترى العيال ألعن من البنات في هالشغلات وهذا شيء لا جدال فيه! :blackeye:

نسبه كبيرة من البنات خفيفات عقل, لذلك ما يستاهلون ينعطون جوال..فإذا كنت أنتي موب من هالنوعيه فهنيئاً لك, لكن يظل كلام الأخ بلاك بوكس صحيح لأنك لا تمثلين الشابات جميعاً هنا.

من امن العقوبه اساء الادب :tongue2: كل الطرفين

اذا على سالفه المغازل
البنات هم الطرف الاكبر صراحة لو كل وحده احتشمت زين
وسدت فمها :31: بطلت ضحك فاضي والمياعيه اللي مالها داعي وماعطته وجه
وفيه عيال يغتر يستانس بهالشئ يعنى كأنها تقول تعال :12:
وفيه طرف ثانى عيال وقحين بمعنى الكلمه يعنى والله لو تسترت والله مايخلونك :afraid:
وترا اللي برا هالا هالا واللي جوا يعلم الله :tongue2:

والجوال
والله عاد اذا مافيه مراقبه على الجوال
يعنى لو اخوها ولا ابوها بعد فتره يأخذ الجوال منها ويخليه عنده يومين ثلاث
يطلع على الرسائل والمكالمات ويكرر هالاسلوب راح يكون حالهم بخير ويسألها عن الاسامي منهم وش اساميهم
انا اعرف بنات الله يهديهم معهم جوالات من غير مايدرون اهلهم عنهم
واذا سألتها من وين جابت تقول ( حبيبى قابوه ) :p
اما برا المدرسه ولا من صديقتها . الخ

اللي فيه شر بيسويه لو حطيته فى قفص :31:
========> مثل جديد :tongue2:

اقتباس:

---

المشاركة الأصلية كتبت بواسطة الشقراءالكويتيه

انا معاك بكل اللي قلته فعلا الحين البنات اهم اللي يغازلون...والشباب مايصدقون
بس زين سويت فيها :biggthump
بس في سؤال تبادر في ذهني...شنو يعني
وسيم القفل..مافهمت شي :09:

---

كان قصدها على اللحية والشنب....انا نفسي شي ما فهمت ؟؟ قفلي كان عادي مرة بس اكيد كانت قاصدة الإستهزاء :mad:

لوووووووووووووووووووووووووووووووووول
الله يعينك ياخوي
بس اول مره اشوف بنات بالوقاحه ذي !
الله يعينك ويحفظك ان شاء الله

زين بس ما صارت هالسالفه فالسيتي سنتر عندنا:D :D

و اقول الله يعينك اخوي:)

اول شي قضية المعاكس وخصوصا معاكس البنات للأولاد .. النقطه هنا رد عليها ثريول بكلام ما بعده كلام الصراحه


ثانيا نقطة الجوال


طبعا الجوال الحين صار بيد كل شخص حتى البزارين صار معهم جوالات


ومنع البنات من الجوالات موب نقص من البنات او لأنه البنات (موب بشريات)



انا امنع شي يكون اداة في ازعاج اختي او بنتي بحيث حتى لو اتصل الرقم غلطان قام يتميلح بصوته حتى بزارين هاليومين صايرين اذا سمعو صوت حرمه سوالي صوت جستن على غفله


وبعدين الحين فيه بنات ما يخافون الله (وواجدين!) يمكن ياخذون رقمها منها على انه عادي بالجامعه ولا بالمدرسه وبالأخير تنشر الرقم


وصارت مع وحده من قريباتي اتصل عليها شعب من حركات التميلح ثلاثه منهم طلعو واحد اخو بنت معها بالجامعه وثنين من عيال عمها


وتخيل معي انه وحده من البنات فضحت كل معلوماتها ودق عليها شخص غريب قال انتي كذا وانت وانتي وان ما سمعتي كلامي ابفضحك طبعا البنت موب زي الولد بهالحاله هنا الحاله حساسه ويمكن تسبب صدمه نفسيه لها


وهذا لا ينكر وجود البنات الخفيفات بعد واللي ما يكونن اهل للجوال ..!


طبعا انا تكلمت من طرف واحد .. ما ننكر انه دور الشباب كبير وله تأثيره لكن ابعطي تصور وابغى جواب على السؤال بالاخير :


تخيل سوق كل حرمه فيه ساتره لجسمها ووجهها بعبايه فضفاضه ما تبرز شي وغطاء وجه ما يوضح شي وكل الحريم (او اكثرهن) يمشن مع محرم


وتخيل انه كل جوال يندق عليه ما ترد بنت او اذا ردت تسكر بوجهه بدون ولا كلمه وان زودها تخلي اخوها ولا ابوها يرد عليه ويهزأه


السؤال: هل فيه شاب راح يتجرأ انه بس يكلم يتميلح او يطلع السوق عشان يغازل ؟


معليش ادري اني طولت بس حبيت اوضح النقاط بدون لبس .. شاكر لكم وقتكم

كل شي يعتمد على التربيه الصح

بس ماانكر ان فيه عقول تعبانه تتأثر باي شي غلط حولها حتى لو التربيه صح
:33: مافيه احد انولد عشان يصير بهالتصرفات
لكل شي سبب بعدين مااظن طريقة الحرمان تنفع هاذي خليناها لضعاف الشخصيه او الجهله اللي مايعرفون كيف يواجهون عيالهم ويعرفون وش الغلط اللي خلى عيالهم ينحرفون لان مهما كان عيالهم بيكبرون ويتزوجون وش بيصير بعيالهم بعدين
اكيد مرضى نفسيين :tongue2:
وطبعا فيه اللي يدلعون عيالهم الين يطلع الدلع من خشومهم هذولا ياان اهلهم عاملوهم بنفس هالطريقه او كانوا محرومين من اشياء كثيره ويوم جابوا بزران قالوا ما نبيهم ينحرمون من شي زي ما صار فينا :33:
وفيه انشغال الاهل.. الخ .

المفروض البنت ما تطلع الا بمحرم او مع امها او اختها اذا كانت كبيره ومتزوجه مثلا لان الاخ او الاب مااظنه فاضي لها :blackeye:
بكذا مااظنها بتتعرض لمشاكل.
بالنسبه للجوالات وش فرقه عن التلفون يعني؟ الخربان خربان حتى لو احرموه من كل شي.

عجيب,ما في فرق بين التلفون والجوال :33: ؟؟

أولاً الجوال صغير وممكن انها تستخدمه بغرفتها بدون ما يدري أحد..عكس التلفون اسلاك وجهاز وحوسه..ولو راح لغرفتها كلن بيدري..غير انه اي احد يقدر يطلعلك جوال..ولكن موب اي احد يقدر يركب لك تلفون بالبيت..


ثانياً فيه مسجات للطفارى :p


ثالثاً الجوال يحمس الوحده تغازل, لأن لو استخدمت التلفون بيقولون انها جايه من العصر الحجري.


أنا أحيي رد أنجلينا الخالي من العنصريه, وأيضاً رد مؤيد, ذكر فيه نقطه كنت بقولها..

لكن على وجه سؤال..

الحين كلنا نشوف هالشباب الي يغازلون..كثااار مره..هم الحين وش يغازلون, جدران؟:31:

في كل مغازله طرفين شاب وشابه..

الشاب ماطلع يغازل الا لأن الشابه معطيته الضوء الأخضر لهالشي..

اولاً لو ما تبي كان تغطت وتحشمت زين, ثانياً ما أحد غصبها تاخذ الرقم وترد على الجوال.


وفيه ايضاً مسألة البنت المفروض ما تستلم جوال في سن المراهقه على الأقل..كل الأسباب الي ذكرها مؤيد صحيحة..وأيضاً البنت ممكن تسوي هالشي كتجربه, يعني تقول باخذ هالرقم واكلم مره واستهبل وخلاص..لكن الشيطان يلعب براسها وتعجبها الشغله وتكمل عليها..


وبالأخير يجب أن نتذكر أن كيد الشيطان أقوى من أي تربية تتكلمون عنها..والواحد لازم يحمي نفسه وأهلة قبل لا يقع الفاس في الراسhttp://messenger.arabic.arabia.msn.c...cons/49_49.gif

اقتباس:

---

المشاركة الأصلية كتبت بواسطة Black Box

خليتي الجوال مكافأة للبنات اللي اعقل من الأولاد!! علميني شفايدة الجوال لبنت ما تطلع إلا مع محرم أو على سبيل المثال تدرس بمنطقة بعيدة عن بيتها غير أنه الشيطان يفتر حول راسها؟! :31: , وترى العيال ألعن من البنات في هالشغلات وهذا شيء لا جدال فيه! :blackeye:

---

هذي علة الرجال...ياخذون الكلام بمعناه الحرفي:31:
لا! انا ما قلت خلاص هي الجائزه..هذا كان تعبير محازي ..بعدين ما جيت طاري مكافأه :blackeye:


له فوائد كثيرة:o اذا كنت عند اقاربي ولا صديقه لي يدقون اهلي علي عشان يلا الحين بناخذك..
والكثير والكثير من الازمات الي يحلها الجوال..

الحمدلله والشكر مب كل بنت الشيطان يقدر يلع عليها:blackeye: زي ما قالت اندومي الي خربان خربان باي طريقه مب لازم الجوال





ثانيا يا شوشه ماستر :blackeye: ..لا مب اغلبه البنات خفيفات عقل..ما اتكلم عن نفسي..اعرف بنات كثير كثير مؤدبات..بس المشكله دايم الي ينتشر قصص البنات الغير مؤدبات فطبع بالعقول ان الاغلبيه خفيفات عقول..

اه نسيت اقول..مؤيد..والله لو على كذا البنت ما راح تاخذ شي..:blackeye: قسم


لان الاولاده الخربانين متقعدين في كل ناحيه بالسوق بالجولاات وبكل مكان....مدري فهمت قصدي..؟


انت تقول عشان ذولا الي دقوا على وحده تعرفها..يعني عشان تصرفات عيال طايشه ننحرم؟:blackeye:

بكذا كل شي بيصير خطر علينا.. لا مؤيد لازم نكون اقوى واعقل من ذولي ونعيش حياتنا يا ما دقوا علي هالاشكال بس مارد عليهم..تقول تخيل الولد ياخذ مواصفات البنت من هالبنت الخربانه..يا اخي صدقني يقدرون يسوون هالشي بدون جوال..

يعني هالبنت هذي تعطي مواصفات هالبنت صديقتها لاخوها وعيال عمها وينشرونها باي مكان مثلا النت.. كب لازم جوال

ما قلت لكم الخربان خربان:blackeye:


تراني انا مب احاول اكون عنصريه يا شوشه بس وش اسوي لازم ادافع عن بنات جنسي عشاني افهمهم و افهم ظروفنا اكثر مما افهم جنس العيال..ولا ترى كلنا واحد واعرف انه فيكم الخير..:blackeye:

اخوي

هذي ضريبة الجمال الزايد :أفكر:
اقرى المعوذتين لايحسدونك :)

اعرف شباب 24 ساعه فراره في هالمجمعات
ولاحصلو شي
واحد طويل وضعيف والثاني قصير ومتين اذا شفتهم مع بعض
يطري علي رابح صقر ونبيل شعيل ايام الغزو يوم يغنون راجعين يااغلى بلد

انديني

عاد الأب والأخ موب فاضين مره وحده .. ودايم يعني موب مره او مرتين

هذي مشكله من التربيه يعني مربين الولد ومعودينه انه ماله علاقه فيكم والأب ما عنده اي غيره يخلي حرمته وبناته يروحون للسوق بدون محرم


المفروض انهم يصيرون ما يروحون للسوق بدون محرم الا اذا احتدو انه ما يكون فيه احد يوديهم ويجيبهم ويرافقهم وعلى الأقل الأخ الصغير يكون معهم اذا صار ..


لينا


والله فوائد الجوال اللي قلتيها تقدرين تستفيدين منها بدون جوال خاص يعني جوال امك مثلا موب انتي تطلعين وترجعين مع امك دايما


او جوال الأخ او الأب اللي بيصير معكم .. واذا صرتو بالبيت عاد عندكم الثابت ..!


واما اذا كنتي عند صديقه ولا قريبه اكيد فيه جوال امها او عندهم ثابت ..!


والشيطان يا حبيبتي ما فيه احد بهالدنيا ما يلعب عليه الا من رحم الله


ثمن شكلك ما قريتي الصوره الأخيره اللي حطيتها عشان كذا قلتيلي انهم متقعدين ومدري ايش ..


بعدين ليه مسميتها حرمان وهي حمايه .. وهو موب عشان ذاك الموقف بس لأنه مثال ويصير كثيير كثيير بعد ..


والحاصل انه كل شي خطر اما اذا اخذنا بالأسباب بنفس الصوره اللي حطيتها بالأخير واللي ابغاك ترجعين تقرينها وتردين علي من طريقها ..!!


بالنسبه لمواصفات البنت طيب عطتهم اياها .. بدون رقم جوال وش بيسوون ؟!


تقولين ينشرونها بالنت .. ينشرونها وين ؟ ووش بيستفيدون ؟! ووش بيسوون فيها


اذا على فضيحه فما فيها اي فضيحه ومحجورين على انفسهم واتحداك يسوون شي خصوصا لا صارت البنت محتشمه ومحترمه وبنت عائله محترمه معروفه بالصلاح والهدايه وعبايتها محتشمه ولا تطلع السوق الا مع اخوها ولا ابوها ولا اي محرم ثاني .. خالها عمها ....


اما اذا معها جوال وتطلع للسوق بدون محرم وصديقاتها كثيرات وكل يوم عند وحده عاد هنا كل شي ضدها والفضيحه بتصير ضدها ويمكن تصير اكبر وفيها تلفيقات لليل ويمكن غصب انها تنقاد لهم خصوصا مع الصدمه اللي بتصير ..!


المشكله انه انتم يهالبنات معتبرين ذا حجر لو تفكرون وتدورونه بمخكم تعرفون انه هذا من مصلحتكم اولا واخرا ..

اقتباس:

---

ثانيا يا شوشه ماستر :blackeye: ..لا مب اغلبه البنات خفيفات عقل..ما اتكلم عن نفسي..اعرف بنات كثير كثير مؤدبات..بس المشكله دايم الي ينتشر قصص البنات الغير مؤدبات فطبع بالعقول ان الاغلبيه خفيفات عقول..

---

نسبه الي يغازلون كبيره جدا..ومثل ما قلت اذا فيه عيال يغازلون فنفس العدد موجود بالطرف الثاني الي هم البنات..

وأي وحده تاخذ رقم وتتصل وترد فهي خفيفه عقل..

بكذا يكون عددهم كبير..

ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

الصراحه الوقاحه وصلت في بعض البنات لدرجه ما أتصورها

مثل مره تدق علي وحده كنت أكلم عقب ما خلصت دقيت قالت أسفه غلطانه
دقت مره ثانيه وسكرت ما رديت
قامت ترسلي رسايل
أنا الصراحه توقعت أنه واحد من الشباب يستهبل علي لأني ما توقعت أن يعض البنات يوصلون لهالحقاره
وعقب كم من يوم أخذت جوال واحد من أخوياي أبعرف من هاللي يستهبل علي لكن طلعت بنت :أفكر:

يعني هالأشكال تستاهل جوال
بالأخير أرسلت لها رساله قلت أنتبه لا يخلص الرصيد :p

وعلى طاري الرصيد سوا بلوه صار كل من هب ودب طلع جوال
الله يعين على البلاوي اللي تطلع هالأيام

اقتباس:

---

المشاركة الأصلية كتبت بواسطة RPG_master

=ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

---

والله شف ما توصل بأي حال من الأحوال للنسبه اللي أنت ذكرتها

ترا اللي فيهم خير واجد ولا تقدر تحدد الأكثر

بس 1% الصراحه ظلمت البنات :33:

اقتباس:

---

المشاركة الأصلية كتبت بواسطة RPG_master

ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

---

الخير كثير ومهما شفت ناس لهم صفه معينه فهذا مايعنى ان الكل لهم هذي الصفه
وزي ماتقول دايما لاتعمم :tongue2: انا اقولك الحين لاتعمم :bigeyes:

شئ غير مستغرب حدوثه !! لأن هذه الواقعة إحدى نتائج الاختلاط والانفتاح الزائد عن الحد المعقول .

وأنا زرت الإمارات قبل فترة ورأيت فيها العجب العجاب ، وشاهدث فيها المنكر والخراب .

ولا حول ولا قوة إلا بالله ..... شباب الإسلام ساهون في الشهوات ولاهون في الملذات ، غارقون في مستنقع الدنيا البالي وساقطون في وحل الحياة الفاني ، ونسوا الأمر العظيم والخطب الجسيم ، الأمر الذي لا يعرف صغير ولا كبير ولا يفرق بين غني وفقير .

ويا أخي الكريم لا تستغرب حدوث مثل هذه الافعال ، لأن الباب لا يزال مفتوحاً وسيدخل من خلاله المزيد والمزيد من الفساد والضلال الذي يأتينا من قاذورات الغرب ويتم إرساله لنا في أحسن صورة وأبهى منظر حتى يعتقد البعض بأنه أمر عادي ولا بأس فيه ، وإذا لم نكن صخوراً تصطدم فيها تيارات الغرب وتتفتت عليها ضحالة الأفكار فلا تستغرب حدوث مثل هذه الأمور .

ويا أخي الكريم أنت تقول أنك كنت تنتظر أختك وبنات عمها ، وهذا يعني أنك تختلط معهم وهذا أمر محرم لا يحق لك فعله .... إذاً كيف تستغرب من أمر والأمر الذي أنت فيه أخطر وأعظم !!

ونسأل الله تعالى أن يصلح أحوال المسلمين في كل مكان ...... آمين

والله المستعان

اقتباس:

---

المشاركة الأصلية كتبت بواسطة RPG_master

ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

---

أخالفك بنسبة 99% ..
لأن كلامك فيه نوع من الظلم والإجحاد للبنات .. لأنه على كلامك أحنا في مجتمع غربي بحت ولسنا في الجزيرة العربية ..

عيد مراجعة هالنسبة وتخيل المجتمع مع هالنسبة .. تجيك بنات المدرسة كلهم من الماشيين عكس المطلوب .. بإستثناء طالبه أو طالبتين ..
ولو وجدت هالحالة .. فالأكيد بأن 99% من الآباء والأمهات من نفس الفئة .. وإن حدث .. فلن تضطرب قلوبهم إذا شافوا بناتهم مع غريب أو نازعات للحجاب ..

الآن السؤال ... هل هذا حال المجتمع ..؟
الأ تلاحظ أنه أقرب إلى حال أهل ماساتشوستس أو ميسسوري أو موناكو ..!!؟

وبخصوص الجوال .. من رأيي انه شرٌ ليس له فائدة إن أستخدم على الدوام .. صحيح مفيد بل مطلوب لبنات الجامعة أو الموظفات لكنه في وقت معين .. يعني مب طول اليوم .. مب من عقب العشاء إلى آخر الليل .. :o

بصراحة .... من طلعت الجوالات والإتصال بين البنات والشباب صار سهل جداً في الغرفة أو في المطبخ أو خارج البيت .. فزادت النسبة بشكل رهيب ... وما أزيد على كلام الشباب .. وصلوا الرسالة ..


تحــــــــياتي

اقتباس:

---

المشاركة الأصلية كتبت بواسطة Iam here

والله شف ما توصل بأي حال من الأحوال للنسبه اللي أنت ذكرتها

ترا اللي فيهم خير واجد ولا تقدر تحدد الأكثر

بس 1% الصراحه ظلمت البنات :33:

---

هي والي تعرفهم ما يوصلون 1% من بنات الخليج "لذلك" ما تقدر تعمم على ان بنات الخليج كلهم عاقلات.

هذا المقصود.

اقتباس:

---

المشاركة الأصلية كتبت بواسطة عابد 25

شئ غير مستغرب حدوثه !! لأن هذه الواقعة إحدى نتائج الاختلاط والانفتاح الزائد عن الحد المعقول .

وأنا زرت الإمارات قبل فترة ورأيت فيها العجب العجاب ، وشاهدث فيها المنكر والخراب .

ولا حول ولا قوة إلا بالله ..... شباب الإسلام ساهون في الشهوات ولاهون في الملذات ، غارقون في مستنقع الدنيا البالي وساقطون في وحل الحياة الفاني ، ونسوا الأمر العظيم والخطب الجسيم ، الأمر الذي لا يعرف صغير ولا كبير ولا يفرق بين غني وفقير .

ويا أخي الكريم لا تستغرب حدوث مثل هذه الافعال ، لأن الباب لا يزال مفتوحاً وسيدخل من خلاله المزيد والمزيد من الفساد والضلال الذي يأتينا من قاذورات الغرب ويتم إرساله لنا في أحسن صورة وأبهى منظر حتى يعتقد البعض بأنه أمر عادي ولا بأس فيه ، وإذا لم نكن صخوراً تصطدم فيها تيارات الغرب وتتفتت عليها ضحالة الأفكار فلا تستغرب حدوث مثل هذه الأمور .

ويا أخي الكريم أنت تقول أنك كنت تنتظر أختك وبنات عمها ، وهذا يعني أنك تختلط معهم وهذا أمر محرم لا يحق لك فعله .... إذاً كيف تستغرب من أمر والأمر الذي أنت فيه أخطر وأعظم !!

ونسأل الله تعالى أن يصلح أحوال المسلمين في كل مكان ...... آمين

والله المستعان

---

لا تقول انه الإمارات دولة خراب وفساد قول انها منفتحة زيادة عن اللازم

دولة الإمارات العربية هي دولة ذات نظام فيدرالي أي يسمح لكل إماراة بأن تتخذ طابعها الخاص!! فمثلا اماراة راس الخيمة تطبق الشريعة الإسلامية على مناطقها وشبابها و بناتها ما شاء الله عليهم متدينين وصالحين. نفس الشيء اماراة الشارقة بس الأخيرة أقل شوية من الأولى بس قوانين الإحتشام مطبقة في الإماراتين ;)

دبي.... أكثر الإمارات تحرر بس مب لدرجة الإنفلات والتفسخ اللي تتصوره لأن مراكز الوعظ منتشرة فيها أكثر من باقي الإمارات

وقولتك اني اختلط مع بنات عمي فهو اختلاط ما يوصل للدرجة للي تتوقعها :09: بس أوديهن مع اخواتي للسوق و احطهم فيه وخلاص يعني هي بس شغلة توصيل من البيت للسوق والعكس وهن اصلا ما يجين إلا مرة وحدة في السنة من جدة!! فهذا شيء عادي يمكن انت تسوي بعد خاصة اذا كانوا ما لهم أخ

على سالفة التلفونات

تروا استوت مشاكل بسبب التلفون ابو كاميرا

قبل مدة استوت قضية في دبي كان 9 ازواج بيطلقون زوجاتهم بسبب صورهن في العرس اللي انتشرت بين الناس بسبب وحدة دنيئة صورتهن من دون اذنهن وقامت تنشرها بين الشباب وهم الحين قربوا يتوصلون من تكون

اقتباس:

---

المشاركة الأصلية كتبت بواسطة RPG_master

ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

---

وانت واللي تعرفهم من المؤدبين للأسف ما تمثلون 1% من شباب الخليج :05:

يا دين الله:31: ..

تقرون و -تفهمون- قبل لا تردون :marchmell ؟

اقتباس:

---

المشاركة الأصلية كتبت بواسطة Undine

وانت واللي تعرفهم من المؤدبين للأسف ما تمثلون 1% من شباب الخليج :05:

---

والله من ناحيه الشباب الصراحه نسبة الشباب المؤدبين اكثر من البنات بواجد..

اقتباس:

---

المشاركة الأصلية كتبت بواسطة سعـــ2002ـــودي

والله من ناحيه الشباب الصراحه نسبة الشباب المؤدبين اكثر من البنات بواجد..

---

جب لي إحصائيات اذا عندك ..!


واذا ما عندك تراه موب موضوع تخمين :o ...

دافعتم عن انفسكم يوم قلت هالجمله بس البنات مالهم حق يدافعون؟ :33:

ادري ان المؤدبين واجد وبرضو البنات :06: يا شين العنصريه :ciao:




شوشه هيد :05: ههههههه فاهمه قصدك بس كنت -بوضح نقطه- :33:

توضحين نقطة على أساس ايش؟


ما فهمتي قبل وشكلك ما فهمتي للحين بعد:31:

اقتباس:

---

المشاركة الأصلية كتبت بواسطة MoaeD

جب لي إحصائيات اذا عندك ..!


واذا ما عندك تراه موب موضوع تخمين :o ...

---

لا مهوب تخمين بس على حسب الي اشوفه انا والله..

يعني انا بمدرستنا في والله كثار ملتزمين واسال اخوياي بمدارس ثانيه ويقولون ايه عندنا كثير..
واذا سالت اختي تقول قليل والله الملتزم واذا بنات خالتي يقولون ما فيه خير شر..


وانا ادري انك بتقول النسبه ما تنحسب على المدارس بس..بس انا ذا رايي واعتقد انه الصح..

:33: اعتقد اللي قلته واضح

اقتباس:

---

دافعتم عن انفسكم يوم قلت هالجمله بس البنات مالهم حق يدافعون؟

ادري ان المؤدبين واجد وبرضو البنات يا شين العنصريه

---

وش اللي ما فهمته عشان افهمك؟:05:

1% ما تحس انها قليله بزياده؟ اذا لا ..اجل هالكلام يمشي على الشباب بعد :33:

اقتباس:

---

1% ما تحس انها قليله بزياده؟ اذا لا ..اجل هالكلام يمشي على الشباب بعد

---

وانا متى قلت هالكلام:31: ؟

بوضح للمره الثالثة

اقتباس:

---

ومرة ثانيه اقولك انتي وكل الي تعرفينهم من المؤدبات للأسف ما تمثلون 1% من بنات الخليج.

---

الي اقصده انها هي وصديقاتها المؤدبات الي ذكرتهم بردها ما يمثلون 1% من بنات الخليج..بمعنى آخر : انها هي والي تعرفهم مجرد عدد قليل ما يحق لها انها تعمم على بنات الخليج كلهم استناداً الى هذا العدد..


الزبدة هذا الموضوع سخيف ما يستحق النقاش حوله..ما فيه احد يقدر يحدد عدد او نسبه وايضا ما فيه فايدة من تحديد هالشي..


النقطه المهمه الي تكلمنا عنها بهالموضوع هي هل الجوال فعلا ضروري للبنت او لا..:31:

يعني هالحين الهوشة هذي كلها عشان منوا السبب في المغازل .

مستحيييييل ولا يمكن ومهو من المنطق إنكم تحطون جهة وحدة كسبب للمعاكسات .

الــــولـــد لو ما لقى البنات اللي يدورون هالحاجات ما كان غازل .
والبنت لو ما شافت الأولاد اللي يصيدون البنات ما كان غازلت . :33: <---- يقالك يفكر بالمشكلة هالحين :D


وأنا أشوف رد البنات اللي بالموضوع أستغرب من بعضهم . لأنهم ينكرون إن البنت تكون هي صاحبة النسبة الأكبر في هالموضوع . :06:

يعني بالعربي أي بنت من هالمنتدى تلبس مخصر أكييييييد الشباب مزعجينها .. لأنوا مظهرها الخارجي يقول تعال .. وتفكير الشباب لما يروحون لها وش يكون : ان هالبنت دامها أظهرت مفاتنها فأكيد تبي اللي يعاكسها . :33: :33:

بس خلو هالبنت نفسها تلبس عباية شرعية عالرأس ووسيعه وقفازات وشراريب وتمشي بعيد عن الشباب .

أقسم بالله ما يقرب نها أحد .

============

يعني خل نمسك عناصر الموضع هالحين :

1 - شاب يغازل .
2 - بنت لابسه مخصر .
هالأثنين راح يلقون طريق لبعض .


لــكــن .
1 - نفس الشاب اللي يغازل فوق .
2 - نفس البنت اللي فوق اللهم لابسه عباية شرعية .
هالأثنين ما راح يلقون طريق لبعض . <----------------------- هالحين أنا وش خلاني أدخل هنا .. أبي أنهي الرد ما عرفت . :D


المهم الزبدة .

الولد لو ما لقى تشجيع من البنت على المغازل ما راح يغازل .


يعني من هنا نرى أن البنات هم رعيان النسبة الأكبر من المغازلات .. :ciao: <- - - - - - إننننحش يا ولد :D

اقتباس:

---

شئ غير مستغرب حدوثه !! لأن هذه الواقعة إحدى نتائج الاختلاط والانفتاح الزائد عن الحد المعقول

---

أنا معاك في هذي النقطة..الأختلاط والإنفتاح الزائد..يسبب كثير من المشاكل..!!

اقتباس:

---

وأنا زرت الإمارات قبل فترة ورأيت فيها العجب العجاب ، وشاهدث فيها المنكر والخراب .

---

شفت العجب والعجاب والمنكر والخراب..>>>سجع ذا..!
شوف أخوي لو تشوف اللي تشوفه في الإمارات ما راح يطلع من أبناء البلد كل هالخراب..كله من الأجانب واللي ما خذين جنسية الإمارات ..خصوصا هذول أصحاب الجنسية..يسووون بلاوي الدنيا ويقولون هذا إماراتي وبالأخير يطلع متجنس..ولا له دخل بعرق البلد..!!..وصحيح شباب بنات الإمارات عليهم حركات بس ما توصل لذاك الخراب ..هذول بيكونون نسبة ضئيلة ضاله وتافه وهذي النسبة بتلقاها في أي بلد..مو بس في الإمارات.
----------------

اقتباس:

---

المشاركة الأصلية كتبت بواسطة Soul Calibur2

دولة الإمارات العربية هي دولة ذات نظام فيدرالي أي يسمح لكل إماراة بأن تتخذ طابعها الخاص!! فمثلا اماراة راس الخيمة تطبق الشريعة الإسلامية على مناطقها وشبابها و بناتها ما شاء الله عليهم متدينين وصالحين. نفس الشيء اماراة الشارقة بس الأخيرة أقل شوية من الأولى بس قوانين الإحتشام مطبقة في الإماراتين ;)

---

راس الخيمة..إممممم..ولا مرة شفت عليهم شئ..خصوصا البنات..!
الشارقة..والله الشيخ سلطان يحاول يطبق قانون الإحتشام في الجامعة..بس مو على المواطنات..بل على القوم الوافدين ..ما خذين مرة راحتهم في اللبس الضيق والقصير..ولما نزل القرار..عاندوا أكثر ..الله كريم..!

اقتباس:

---

دبي.... أكثر الإمارات تحرر بس مب لدرجة الإنفلات والتفسخ اللي تتصوره لأن مراكز الوعظ منتشرة فيها أكثر من باقي الإمارات

---

دبي هذي غاسلة يدي منهــا..ومن الأجانب اللي فيها ..الله ياخذهم قول آمين..!

-----------

اقتباس:

---

يعني من هنا نرى أن البنات هم رعيان النسبة الأكبر من المغازلات

---

nope :bigeyes:
أنا ما بكون منحازة بس في شئ إكتشفته مؤخرا..أول كانت نسبة الشباب اللي يغازلون أكثر ..بس الحين..أشوف العكس البنات صارت نسبتهم أكبر..بصراحة البنت اللي تسوي كذا ..جريئة لدرجة الوقاحة..ولو لقت من يردعها من الشباب بتكف عن هذي الحركات لكن لو العكس ..والله عددهم بيزداد وهذا اللي أشوف الحين..مثال>>>> مرة أنا وأخوي نتمشى على الكورنيش..إلا تجي شلة بنات((الشلة هذي لزوم عشان كل وحدة تسند ربيعتها))..المهم هالشلة المتشللة فكريا ودينيا ..صاروا يروحون ويرجعون ويضحكون طبعا على طرف أخوي((وشو يبون فيني أنا :أفكر: ))..أخوي طنشهم على البراد ..وقالي والله مو ماخذ راحتي خلينا نروح..بالعادة أنا اللي أقول الجملة:09: لا شفت المكان مزدحم..بس سبحان مغير الأحوال..!!!

من جد مدري وش وراكم بهالنسبه ناشبين فيها من اول الموضوع


والمشكله متحمسين معاها جايين يردون تراها موب ذي النسبه -__-


مستحيل تكون هذي هي النسبه .. الخير ما زال موجود لكن راح يختفي شوي شوي ما دام فيه ناس يعتقدون انه هذي هي الحريه الحقيقيه وهذا هو التقدم والتطور واللي يطلق عليه "العولمه"


كل مال الناس ياخذون راحتهم اكثر من ناحية الدين وكل هذا بسبة العلمانيين لعنهم الله وابعدهم عن طريق المسلمين هم اللي يحرضون ويتكلمون ووصلت جرأتهم إلى انهم يفتون ويستدلون بأدلة كاذبة عن الرسول او أدلة بغير معناها من القران كأنهم مفسرين ويقيسون على اشياء بظاهرها ليست كما في باطنها كأنهم فقهاء ..


هذي هي طريقتهم ينبحون في كل مكان ليجذبو معهم من يجذبو من من يفكرون بعقول الاخرين لا عقولهم ويصدقون ما يقال بدون جدل أو نقاش مهما كان وممن كان هذا الكلام ..


جعلنا الله وأياكم ممن اهتدى بهدي رسول الله واستن بسنته وممن لم يبتلى بفتن الدنيا وشبهاتها وابعدنا عن كل سوء يا أرحم الراحمين ..

اقتباس:

---

المشاركة الأصلية كتبت بواسطة MoaeD

من جد مدري وش وراكم بهالنسبه ناشبين فيها من اول الموضوع

---

سالفة النسبة >>>لتوضيح نقطة في الموضوع>>>راي فقط لاغير.. :33:

اقتباس:

---

مستحيل تكون هذي هي النسبه ..

---

دارية ..
بس من يدري ..تزيد وإلا تنقص ..؟!

اقتباس:

---

المشاركة الأصلية كتبت بواسطة سعـــ2002ـــودي

لا مهوب تخمين بس على حسب الي اشوفه انا والله..

واذا سالت اختي تقول قليل والله الملتزم واذا بنات خالتي يقولون ما فيه خير شر..

---

اختك وبنات خالتك ذولي يعرفون كل بنات المدرسة :tongue2:
اقل شئ فى المدارس 500 بنت ماشاء الله اجتماعيات بزيادة :أفكر:
الحمد الله اللي فيهم خير كثير من كل الطرفين وانا بنظر عينى اشوف :)

ياوصخ الواحد بيموت علشان يرقم وحده وانت طبوا عليك خمس :31:


امزح لحد يعطيني محاظره

تبي الصدق طبيعي غريزة الرجال اذا شاف المخصر والوجه انواع المكياج والدلع الماصخ فهذا دليل ان البنت تبي تترقم

وهذا دليل ان اغلب الدجه من البنات

اما الي محترمه نفسها وعباتها فوق الراس فصدقني والله محدن جايها

ويمكن السبب وراء دجة البنات التالي

1- الابو الفاهي والا الأخو السبهه والا الأم الداجه الي تخلي بناتها يطلعون من البيت بدون حسيب ولارقيب

والسواق تحت امرهم

2- وجود الجوال بيد البنت اموت واعرف وش تستخدمه فيه البنت اذا تزوجت وصارت مع رجلها ذيك الساعه يعطيها جوال اما بزر في الثانويه والا المتوسطه وش تبي فيه!!!!!!!!!!!!

3- النت وتحديدا المحادثه فأولها كلمه واثانيها سوالف بالتلفون واخرها ديت

4- وهي اهم شي قنوات الدجه الي بالفضائيات

وسلامتكم

إنما الأمم الأخلاق ما بقيت:tongue2:

اللي دخل بالإمارات واللي طبو بالشباب واللي صرفو :p

اقتباس:

---

هي والي تعرفهم ما يوصلون 1% من بنات الخليج "لذلك" ما تقدر تعمم على ان بنات الخليج كلهم عاقلات.

هذا المقصود.

---

طيب أنت اللي تعرفهم من البنات الداجات ما يوصلون 1% من بنات الخليج فلذالك خص لا تعم :أفكر:

<<<لا وبيجيب الاب توب الليله :p

اقتباس:

---

المشاركة الأصلية كتبت بواسطة Iam here

طيب أنت اللي تعرفهم من البنات الداجات ما يوصلون 1% من بنات الخليج فلذالك خص لا تعم :أفكر:

<<<لا وبيجيب الاب توب الليله :p

---

وش تبي انت :31: ؟!

انا ما حطيت نسبه ولا عدد ولا قلت ان عدد الداجات أكثر..بس قلت لا تحكمين من العدد البسيط الي تعرفينهم.

الي أبي اقوله ان العدد كبير موب مثل ما يتوقعون الي قالوا عكس كذا..

وان الجميع يتفق على أنه لو ان البنات ما يبغون يترقمون كان لبسوا واحتشموا زين..يعني انهم سبب رئيسي في وجود المعاكسات

عموماً يا سيد مشعلاني,,انت طبيت بالبدايه بنقطه فاهمها غلط والجميع لحقوك,لذلك رح توكل لا تطب مره ثانيه وتعمل مشاكل:p

ترى الدنيا بعدها فيها خير ..

وانتو كليتو الريال بقشوره ..

مثل ما شفتو اولاد "داجين" شي بعد بنات "داجات"

وانتو ما غلطتو في شي وولا هو غلط في شي ..

حد من البنات يتسببون على عمارهم بلبس وخرابيطهم.. وحد منهم يلاحق الاولاد.. وحد من الشباب مب فارقه وياه بيغازل حتى وحده كبر امها ..

واحنا ما علينا منهم ..

النقاش ماله معنى ..

وكل واحد عليه بنفسه ..

والله يحفظكم من هالبلاوي ..

اقتباس:

---

المشاركة الأصلية كتبت بواسطة RPG_master

وش تبي انت :31: ؟!

انا ما حطيت نسبه ولا عدد ولا قلت ان عدد الداجات أكثر..بس قلت لا تحكمين من العدد البسيط الي تعرفينهم.

الي أبي اقوله ان العدد كبير موب مثل ما يتوقعون الي قالوا عكس كذا..

وان الجميع يتفق على أنه لو ان البنات ما يبغون يترقمون كان لبسوا واحتشموا زين..يعني انهم سبب رئيسي في وجود المعاكسات

عموماً يا سيد مشعلاني,,انت طبيت بالبدايه بنقطه فاهمها غلط والجميع لحقوك,لذلك رح توكل لا تطب مره ثانيه وتعمل مشاكل:p

---

ههههههههههههههه

طيب مثلاً لو قلتلك لا تحكم على الشعب السعودي أنهم عاقلين لأن اللي تعرفهم ما يمثلون 1%

هذا يعني اني اقول ان الشعب السعودي داج وأن كلامك غلط

انا ما قلت أن البنات مالهم دخل ولا السبب الرئيسي لهالشي الشباب والبنات مالهم دخل

لا بالعكس اتفق معك ان البنات هم البلا بهالشي بس فيه بنات كثيييييير فيهم خير هذا اللي انا اقوله

اقتباس:

---

المشاركة الأصلية كتبت بواسطة Iam here

ههههههههههههههه

طيب مثلاً لو قلتلك لا تحكم على الشعب السعودي أنهم عاقلين لأن اللي تعرفهم ما يمثلون 1%

هذا يعني اني اقول ان الشعب السعودي داج وأن كلامك غلط

---

ياخي شرحت لك ردي أربع مرات الى الآن وكنت أرجو انك فهمت المقصد من كل هالشرح لكن يبدو أنه العكس صحيح:31:

سالفه المغازله...من الطرفين ولو ان البنات اهما الحين اللي قامو يتمردون
يعني ممكن الشباب يسون مثل ما سوا اخونا Soul Calibur2
جان تعدلوو البنات اذا كل شخص بيستحقر كل بنت تتعرض له..والعكس بعد
راح تنحل المشكله!!!

ماشاالله الحين صاروا البنات هم السبب ... لا اله الا الله :05:

لحظه فهموني الحين انا لما اطلع مع ابوي و متغطيه و يا حليلي محترم نفسي و مع ذلك يجيني كلام ... يعني انا غلطانه ؟؟ :jester:

اقول كيف الحال ؟؟ http://webpost.net/me/memy/staring.gif

اقتباس:

---

والله من ناحيه الشباب الصراحه نسبة الشباب المؤدبين اكثر من البنات بواجد..

---

اقتباس:

---

نسبه كبيرة من البنات خفيفات عقل

---

انا معاكم ان في بنات يسوون كذا بس هذا ما يعطيني الحق او يعطيكم الحق تقولون انكم مؤدبين اكثر مننا ... ترى ياما شفت بنات مؤدبات و انا اعني مؤدبات و يصير لهم هذا الشي ... فلا تقعدون تقولون نسبه كبيره ولا الشباب مؤدبين اكثر ... انتوا وش دراكم ؟ .. انتوا شفتوا بنتين ولا ثلاثه و صارت نسبه كبير !؟ ليه عادينهم ؟؟
فلو سمحتوا لا تقررون من نفسكم ..
و زي مافي بنات يسوون كذا في مثلهم عيال ... و في الطالح و الصالح
فلا تتفلسفون و تقولون ان البنات هم السبب ليه بزران ما تعرفون تمسكون نفسكم .. الغلط من الطرفين
و هالكلام للجميع ..

يا وسيم انت ;)

اخوي عشان تفتك و تريح نفسك اقترح عليك الاتي:

احلق شعرك زيرو و اترك لحيتك تنمو مثل ما هي تبي و اذا ما نفع هذا فاقترح عليك انك تدق في الشاورما و الهمبرجر حتى يصير جسمك دائري :09: صدقني مع الاقتراح الاخير ما راح تتعرض لمضايقات من هذا النوع ابدا :p

الصراحه الموضوع الحين تحول الى تفاهه
يجيك واحد يقول البنات السبب
وتجيك وحده تقول الشباب السبب
ياولاد الحلال البنات والشباب فيهم الزين والشين
فيهم الطالح والصالح
فيهم اللي اهله ربوه عدل واللي اهله ماربوه
فيهم المحترم وفيهم الغير محترم
يعني فضوا هالسالفه

اقتباس:

---

لحظه فهموني الحين انا لما اطلع مع ابوي و متغطيه و يا حليلي محترم نفسي و مع ذلك يجيني كلام ... يعني انا غلطانه ؟؟ :jester:

---

يعني تبين تقولين لي انه ما فيه فرق بين المحتشمه والمتبرجه من ناحيه الإزعاج الي يوصلها؟

المحتشمه بيقل عنها الإزعاج بنسبه اكثر من 90% واذا احد ازعجك فهذا الشي نادر حدوثه جداً ونسبه ضئيله جدا من الشباب بيزعجونك..

الي قلناه وبأختصار والي اتفق عليه اغلب الي ردوا أن البنت المتبرجه هي الي تطلب المعاكسه, والمحتشمه ما راح احد يقرب لها..

أما مسأله حنا مؤدبين اكثر ومدري وشو:p هذي سوالف ابتدائي مع أحترامي لجميع الي جابوا طاريها, ومثل ما قال ولد البوكواره مسأله تافهة جداً.

اقتباس:

---

المشاركة الأصلية كتبت بواسطة RPG_master

أما مسأله حنا مؤدبين اكثر ومدري وشو:p هذي سوالف ابتدائي مع أحترامي لجميع الي جابوا طاريها, ومثل ما قال ولد البوكواره مسأله تافهة جداً.

---

من جد :blackeye:

اقتباس:

---

المشاركة الأصلية كتبت بواسطة MoaeD

من جد :blackeye:

---

ههههههههههههه..(الضحكه تشمل اقتباسك لرد شوشه)..

أقول كيف الحال بس :p ؟

تمام ..

اخبارك انت

و الله يخير الحمدلله :D
وينك مختفي من المسنجر ؟

تشات :shock: .. دواكم عند عماد :nurse:

[/QUOTE]احلق شعرك زيرو و اترك لحيتك تنمو مثل ما هي تبي و اذا ما نفع هذا فاقترح عليك انك تدق في الشاورما و الهمبرجر حتى يصير جسمك دائري صدقني مع الاقتراح الاخير ما راح تتعرض لمضايقات من هذا النوع ابدا
__________________[QUOTE]



يا ريال يقولون ان البنت ما بيفرق عندها اصلع ولا هندي بعد المهم انها تلاقي كلمة تمدحها في اي شيء:tongue2: !!! واقتراحك الثاني يمكن ما يفيد لأنه حتى من البنات الدفشات صايعات ولا يشوفون في هالدنيا إلا واحد نفس حسين الجسمي :jester: :jester: يا خوي الشريعة تحرم خروج البنات من البيت بغير ضرورة ولو خرجن يحتشمن ولا يكلمن انسان غريب
يعني تريد يصير العكس؟؟؟ ابدا لا وان شاء الله ما ألاقي نفسي مضطر سويها في يوم


ولد البوكوارة:

لللأسف الفضائيات و الفلوس هي الي تربي الشباب والشابات هالأيام ويكفيني نتايج الجهنمية حق سوبر ستار 70 مليون صوت!!!!!!!!

الأهل !!!! حاطين رؤوسهم في الرمل

اقتباس:

---

المشاركة الأصلية كتبت بواسطة RPG_master

يعني تبين تقولين لي انه ما فيه فرق بين المحتشمه والمتبرجه من ناحيه الإزعاج الي يوصلها؟

المحتشمه بيقل عنها الإزعاج بنسبه اكثر من 90% واذا احد ازعجك فهذا الشي نادر حدوثه جداً ونسبه ضئيله جدا من الشباب بيزعجونك..

---

اقول عربجي ملاحظ انك في كل رد حاطلي نسبه يالمحلل النفسي <<<<<<<< وش يبي :p

وانتهت صلاحية هذا الموضوع