ياااا حسرة XD

ههههههه بدون سلام ولا مقدمات


صارلي موقف ما مر عليه عشر دقايق من الحين بالضبط وللحين ميت ضحك مو قادر اسكت هههههه

وانا على الجهاز الحين السالفه تقرقع بقلبي ابي اقولها لاحد .. مافي الا انتم يالمنتدى قدام وجهي الله يعينكم

ابد باختصار السالفه .. انا وصديق لي عندنا طموح نسوي وكالة تصميم واعلان :biggrin: ( بعد ما تسمعون الموقف راح تقولون مو وجيه وكاله انتم ))

صارلنا تقريبا شهرين واحنا نجمع بالمصممين حتى نغطي كافة المجالات .. فوتوشوب و ثري دي ومونتاج فيديو حتى هندسه صوت !!!

وبعد كفاح طويل من تجميع المجموعه ..سمينا المجموعة

مجموعة Odinya للتصميم والابداع

وانواااااع الحماس مشعللين


ويجينا اليوم أول مشروع لشركتنا الكبييييرة


طلب مننا دكتور بكلية الطب تصميم بحجم A0 يعني حول المترين مساحته

المشروع الاول كان جدا خطير ودقيق .. لازم نسلم البضاعة ( التصميم مطبوع :p) الساعه 10 بالليل لانه راح يحتاجه ضرووري الساعه 7 الصبح من بكره ..


وهذي خدمه جديده بشركتنا توصيل طلبات مجاني in:

وابد المشروع الاول صار بوجهي انا وصديقي .. سوينا التصميم بساعتين تقريبا خلصناه الساعه 9 وجلسنا نص ساعه نتخيل الفلوس الي راح ناخذها بالبدايه ومستقبل شركتنا المزدهر :laughing:


صارت تسع ونص .. وكلفت خويي يروح للمطبعه ويطبع التصميم بعدين يروووح طيران لبيت الدكتور ويسلمه التصميم


وعند السيارة قبل ما يروح خويي.. صار بينا نقاش قوي كم نطلب فلوس على التصميم هذا ...

مع العلم انه دكتور بجامعه ودكتور بمستشفى وسعودي بعد شوف كم راتبه يطلع .. يكفي جواله ولا عمره انقطع :12:

لذلك قلنا لازم نطلع الفلوس من خشمه

وراحت ربع ساعه بس عشان نتفق على المبلغ ..

بعدها راح طيران خويي وطبع التصميم .. بـ 90 ريال .. :28:


ههههه والله يرجه من وراي راح سوى فاتورة رسمية عليها شعارنا وزحمه وكتب عليها 400 ريال :laughing:


ويروح على طول لبيت الدكتور .. ولما نزل من السيارة ...



قدام بيت الدكتور .....





كان اليوم المغرب نازل مطر ..... :31:


ومع الهواء القوي ... طـــــــــــــــــــــــــار التصميم ويطيح ببركة ماي من مطر :17:


وطارت معه كل امالنا وطموحاتنا :(


هههه السالفه ما انتهت الى هنا .. لاننا التزمنا بالوعد وقلنا لأول زبون ان التصميم راح يوصله اليوم ...

دق خويي على الدكتور عشان يطلعله ...


وعرض له التصميم وكله مبلل ماي والالوان خربت واختلطت مع بعض :biggrin:


وقاله الدكتور / .. ايش هذا

صديقي / التصميم :08:


الدكتور / وش صار فيه ..

صديقي / ابد طاح بالماي .. اعذرنا من جد منحرج منك :08:

الدكتور / وش اسوي فيه .. وهقتني الحين وش بسوي بكره ..

صديقي ( نسيت ما اقولكم ان وجهه صبيه ما يستحي :laughing: )/

والله تعبنا على التصميم .. وخســــرنا على طباعته .. وشاء الله وقدر انه يطيح بالماي ..

بعد ما حقد الدكتور وبغى يذبح خويي .. انكسر خاطره وعطى خويي 50 ريال :biggrin:


ههههههه وخويي شين وقوة عين .. قاله الطباعه كلفتنا اكثر من كذا

وراح الدكتور .. ورمى التصميم بزباله الشارع .. وقال لا يهمك اذا احتجت تصميم ماراح انساكم مرة ثانيه ...


===========



وهكذا يكون الفشل بداية مجموعتنا الطموحه ...:( وأول تصميم لنا ينرمي بالزباله ...:(


جمعت الشباب وخطبت فيهم خطبة عشواء .. سوف تخلد في تاريخ الشركه للأبد ..

وقلت لهم ولا يهمكم .. صحيح ان اول مشروع لنا فشلنا فيه وانرمى بالزباله .. لكن الفشل بداية النجاح .. ومن كانت بدايته بالزباله كانت نهايته بالمحرقه .


صحيح اننا سوينا التصميم هذا في ظروف صعبه وامكانات معدومه .. ويكفي اللابتوب الي صممنا عليه متسلفينه من واحد من الربع :boggled:..



لكن ولا يهمكم انا اعدكم باذن الله بمستقبل مشرق .. بس انتم خلوكم وراي واتكلوا علي ولا تصميم راح ينقط بزباله بعد كذا :31:


احنا شباب موهوبين ومافي احد معطينا وجه .. وش نسوي هذا قدرنا الله قطنا هنا : ( لكن اتكلوا علي انا بطلعكم من هذا المستقبل المظلم ..
-------------


وهذه بداية مجموعتنا الكريمة .. اول تصميم لنا ينرمي بالزباله


ملاحظة /

نسيت ما اقولكم ال 90 ريال حقت الطباعه تسلفها خوينا من امه :o

شركتنا صارت مديونه والله يستر ما نعلن افلاسنا ونخسر كل حلالنا :17:

ههههههههههه
صبابا
بالتوفيق العيب مش في الفشل لكن العيب في الاستسلام للفشل http://montada.com/images/smilies/new_icons/31.gif
ولا يهمك اودين عادي بل جيتس كانت بدايته فاشله اهم شي استمر
صحيح وين التصميم ارفقه خلينا نشوفه يستاهل 400 ريال او لا http://montada.com/images/smilies/new_icons/33.gif
مره اخرى يجب عليك ان تتفق مع الزبون على السعر قبل البدء في العمل http://montada.com/images/smilies/smile.gif

لوول..
عيل انرمى بالزبالة يا فتى الاستشارات... :biggrin: (معليش على ضحكة الشماتة.. ترا الحال من بعضه.. احيانا)

وعلى قولة مراقبنا ام اس ام

اقتباس:

---

مره اخرى يجب عليك ان تتفق مع الزبون على السعر قبل البدء في العمل

---

لازم يكون في مقدم.. مثل ما في مؤخر... :28:

ومشروعك عليه العوض.. خيرها في غيرها... ما دام بتقود فلول المصممين.. :33:

يحليلك ..

موب مشكلة ان اول تصميم ينقط بالزبالة , عادي يصير فيني أيضا نفس الحالة ..
فعدة تصاميم تم رفضها و نقعد نصمم شي جديد و احلى كل مرة ..

المشكلة وين تكون ؟
ان كان المشروع ما يعتمد على الكمبيوتر بشكل اكبر فما نقدر نتراجع عن الخطأ
و لازم يكون الشخص متدرب عليها كحرفة وطنية قومية , و أي غلطة يحاكم و تقطع رقبته ..

و معليش , خيرها بغيرها و تكبر الشركة و تاكلون وحدة غيرها :p ,,

يلا ما عليكم تعوضونها ان شاء الله , ويا معود لو مكانك جان قطيته بالزبالة مثل ما قط التصميم :p

طريق الالف ميل يبدا بخطوة , keep going guys والله يوفقكم ^^

خخخخخخخخخخخخخخخخخ :biggrin:

اقتباس:

---

ههههه والله يرجه من وراي راح سوى فاتورة رسمية عليها شعارنا وزحمه وكتب عليها 400 ريال

---

هذي العقوبة :p .

سوبر مان /

هذا نظامنا اصلا احنا متفقين اننا ناخذ دفعه اولى قبل كل شي .. لكن هذا اول مشروع لنا وما شعرنا باننا مستقرين فاما جت على بالنا ..


وبالنسبة للتصميم .. كاتب عليه رقمنا عند الشعار .. وبعدين اخاف تشوفه وتفهم غلط اني ارقمك يالحلو :33: :p


Yamato //

اضحك اضحك وتشمت بتشوف ان شالله هوليود عربية بنسوي بالمستقبل :17:


darkitp /

شفت كيف يا دارك طاحت مطايحي .. انا طحت بصخر الحين وخسرت بالسوق ..



عندك سلف؟



D-Ken/

ههههه انت فاهمني .. انا اكثر شي رفع ضغطي انه رمى التصميم بالزباله .. احنا شركة اودينيا ينقط لها تصميم بالزباله !! والله اهانه صراحه ... بس وش نسوي سخرية القدر :31:


ScOrpi[0]n/

تصدق يمكن عشان كذا :33:



مشكورين يا شباب على ردودكم وزيارتكم الطيبه :)

صح ما باركتولي اول مرة استعمل الابتسامة هذه ---> XD

احس اني كشخه و برستيج لما استعملتها :cool:

هههههههههههههههه

ماشاء الله مسوين شركة وانا ما ادري :D

المهم اخوي ODIN في مثل يقول طريق الألف ميل يبدأ بخطوة

لهذا خليك متنفائل :biggthump

سلام

مسكين ODIN تعال أنا بعطيك ميزانية زينة. باخذها من أموال الدولة و إن شاء الله ما نقصر معاك.


بس تضمني للشركة التي أسمها "إمبراطورية ODIN" :biggrin:


و نسوي تحالف و نقضي على الأعداء <<< متأثرة من الأنمي. :biggrin:

هههههههههههههه ....يعني الحين انتو مطلوبين 40 ريال لام الرجال!! ....الله يعينكم .....

بس المشكله ما لقيتو غير صاحبكم هذا يوصل التصميم :p .... ما حصلتو واحد اكشخ منه >_<

بس اللي استفاد بالاخير تدرون من ؟ ......الزباله طبعا لانها حصلت على التصميم ببلاش ههههههههههههه

ههههه
هذا اللي ما عنده حظ
ومثل ما يقولون لو كان الحظ رجلا لقتلته
على العموم تعيش وتاكل غيرها :D

طلعت خطييير وأنا ما أدري XD
الله يفك ازمتكم وديونكم
بس إن شاء الله تكبر شركتكم وتصير (ديونكم بالملايين):P
بس هذا أخرة الظلم تعب ساعتين بـ400 يالمستغلين -_-
&
Keep up the good work

يالله :bigeyes: فشيلة من أولها ><
بعدين المطر شلون طاح على التصميم :31: ومش معقول ما عندكم نسخة سابقة تسوون غيره وتعطوه للدكتور ..
على كل حال الله يعينكم :28: :أفكر: والمرة الجاية بطلوا من خدمات التوصيل خل الزبون يجي يستلم بنفسه :p
والديون 40 ريال :09: طلعوها من مكافأة الجامعة .

اودينيا؟ ذكريات والله ..

بس يحليلكم والله كسرتو بخاطري .. لو انا .. كنت الصراحه بصيح من القهر T_T

ههههه ويحليله ربيعك متدين من امه .. T_T

يلا الله يوفقكم .. وان شاء الله هالشي ما بيستوي مره ثانيه .. وانتبهو عاد ..

وبس من هالـ clumsiness ..

ااااااااهههههههههههههههه

اي بطنيXD

اسفه اسفه اسفه غصب عني اضحك يالله XD ههههههههههههههههههههه

فيني ضحكه وصيحة بنفس الوقة T.T........!!

يالله سبحان الله ولا فيلم هندي|X !!

يوم وصلت مقطع طيران الورقه بالماء وقفت ثواني مفتحه عيوني..اسوعب الي صار..
ثم انفجر ضاحكه احس غير مصدق :17:

والله انكم كسرتو خاطري-______- ههههههههههههه

مالومك على ضحكك احس من كثر مانت منصدم..('-'*)

من جد احسكم تمثلون حكمة : " بداية طريقة النجاح هو الفشل"..

وبدام عندكم المواهب فخلاص انشالله قدها وقدود..

احسه اختبار من ربي لصبركم وعزمكم..

انشالله بكرا تكسرون الدنيا وينكسر راس الدكتور ويقول يا حسرتاه ليتني دافع لهم كان الحين عندي خصومات لاني قدرتهم :28:

وعاد وظفوني بشركة اودنيا لو سمحتم يعني (&)..ابي راتب سنع <====تعمقت في الخيال..

الله يعوضكم خير..

بس بكل حقيقه... موقف ........... فلتةXD !!

رزق الغراااااااااااب في الترااب

خخخخخخخخ

ههههههه :D
ما يهم خيرها بغيرها ان شاء الله :)

by the way..:31:

remind me..who's that person who teached me the ctrl+A then ctrl+c lesson?

? u made a copy of the work:31:


but i admire ur spirit anywayz,establishing great companies need such a way of thinking
(thumb up)

لا ياشباب بعضكم تسائل ليش ما احتفضنا بنسخه من التصميم ..


اكيد التصميم محفوظ وموجود عندي بالجهاز .. بس لاحظوا الي صار

الدكتور كان يبيه الساعه 10 بالليل .. عشان بكره الصبح الساعه 7 يبدأ المؤتمر ولابد يشارك فيه


والمطابع تقفل الساعه 11 بالليل ... وطاح التصميم المطبوع بالماء الساعه 11 الا ربع والمطابع ما تفتح الا بكره الساعه 9 الصبح ... يعني مافي امل نطبعه مرة ثانيه وبكذا راح :)

وفيه تسائل ثاني الي هو 400 ريال استغلال وكثيرة على تصميم !!! :boggled:


يا شباب والله ما ابالغ ان السعر هذا يعتبر رمزي ورهيد بالنسبة لبقية وكالات الاعلان .. اقل شي ياخذون على التصميم الكبير مثل هذا 800 ريال .. وبدون طباعه بعد !!!


احنا 400 ريال وطباعه وتوصيل للمنازل بعد :08:

ومستعد احلف ان مستوانا بالتصميم افضل منهم بمراحل بعد ..


اصبروا بس بتشوفون سيارة صغيرة ثلاث كفرات مكتوب عليها اودينيا للتصميم والابداع تجوب جميع انحاء المملكة وتزاحم سيارات كنتاكي وهارديز ..


فلا عاشت ايدي الجبناء (&) .......

انا معك في نقظة ان الوكالات الاعلانيه غاليه اسعارها.. فعلا شفت هالشي...

ههه ماشاء الله عليك ...تضحك!! ...لو انا كان اللحين طقني اكتئاب حاد :boggled:

اما الدكتور ..ماعنده احساس ..كان المفروض ينتظر لين مايروح خويك....وبعدين يقطه بالزبالة :09:

على العموم ...دايما طريق البداية شائك وصعب....والله يوفقكم ان شاء الله

خخخخخخخخخخخخخخخخخـ :09: ..



اودين ماغيـره يكتب ((XD )) ههههه :biggrin: . .


حـركااات اودين مسـوي وكالة اعلان اجـل :biggrin: في تقـدّم والله :09: ..

اجل هذا بتاع صـورة الكنز والا موب هو :09: .. ؟

الله يوفقـكم بس :) ..


طيب لكـم موقع في النت :08: ؟ . .

سلاام :biggrin:

بصراحة وبدون زعل !
الغلط منكم :أفكر:

خذها مني نصيحة وانا اخوك

لازم يكون هناك اتفاقية بينكم على السعر
و تأخوذن نصف السعر كعربون على الاتفاق لكي لا يتراجع عن الدفع و تتعب على الاخير
و شي آخر يجب ان تتعمله انك ما تتسلف من ابوك او امك لمشروع عملك :أفكر: لأنه بموجب القانون الاتحادي رقم كذا و ستين في بند الاسهم و الاتفاقيات التجارية أي شخص يكون مساهم قبل المشروع , ياخذ نصيبه من الارباح العامة ....... :)

و شي مهم كثير وهو لأ تعتمد على احد لكي يؤدي عملك :09:

هههههههههههههههههههههههههههههههههههههههههههههههههههههه
والله قطعتوا قلبي من حالتكم بعد التعب آخرتها 50 ريال :17:


ياخوي احمد ربك وزين أنكم في البدايه ما توفقتوا على الأقل تكسبون خبرة .!!!
والخبرة بالسلبيات والامان للتصاميم لا يصير فيها شي وتاخذون حذركم

Lena


ايه من جد غاليه .. نضرب مثال الربيعان الي مشهور عندنا بالدمام

رحت له ذاك اليوم وسألته ابي شعار حق مدرسه كم يكلف؟


قالي 2500 ريال !! قلتله ليش؟ يقول ايه واحنا بعد مو مختصين بالشعارات يعني ماراح يطلع شيء احترافي روح لمكاتب التصميم يضبطونه اكثر ..

واخرتها صممته انا لمدرسة اختي ببلاش -___-

little-angel

ههه ايه الدكتور ما يراعي ابد رماه قدام الولد ما انتظر شوي

حياك الله اختي ونورتي الموضوع



Pepsi Kun


ببسي حبيبي :biggrin: وينك ياخي اخيرا رديت على موضوعي ما بغيت

ياخي انا احبك مادري ليه


لاحد يفهم غلط ههههههه حب في الله

نورت الموضوع يا حبيبي



DreaM


هههه اكيد شي مو جديد ان الغلط مننا

وان شالله نتعلم عشان المرات الجايه

وحياك الله يا دريم اخو الغالي :)



بو راشـد


ههههه بو راشد فاتك .. قبل امس جاني خويي وعطاني 25 ريال قال هذا حقك :laughing: انا لحد الان مدري يستهبل والا من جده .. لاني جلست اضحك واطنز عليه الى ما رجع الفلوس بجيبه هههههه

وحياك الله ياخوي :)

اقتباس:

---

المشاركة الأصلية كتبت بواسطة ODIN

Lena








بو راشـد


ههههه بو راشد فاتك .. قبل امس جاني خويي وعطاني 25 ريال قال هذا حقك :laughing: انا لحد الان مدري يستهبل والا من جده .. لاني جلست اضحك واطنز عليه الى ما رجع الفلوس بجيبه هههههه

وحياك الله ياخوي :)

---

رفيجك حده مأنبه ضميره هههههههههههههههههههه :09:

:D :D بدون تعليق:D :D

وبالمناسبة أية ابتسامة XD؟؟؟؟؟

بس ما تعتقد يا بدر ان اسم الشركة مشابه لاسمك اللي اهو odin وهو إله من آله الاغريق او شي جذي ؟