Adventures

Konichiwa ^^ ..

نرجع للذكريات :D

المغامرات الي سويتها من اول او الحين ؟ .. يعني تقريبا الاشياء الخطيره الي سويتها ؟ .. موضوع فضايح :p ..

Watashi

- ولد وبنت خالتي كانوا نايمين عندنا .. كنا تقريبا برابع ابتدائي .. طيب نزقح من 6 الصبح .. والبطل الي يقوم اول ( خخخخخ تغير الحال تماما الحين -_- ) .. المهم .. وكنا دايم اذا قمنا نطلع نلعب بالمراجيح الي حول بيتنا .. وذات يوم .. مدري من جاب ذي الفكره .. قلنا خلنا نفترق كل اثنين مع بعض .. وندور بالسكن ( ساكنين بمجمع سكني ) .. ولله من الدلاخه .. طبعا ما كنا ندل اي شي .. يعني كذا على عماها خلنا نفترق ونحوس بضواحي السكن :biggrin: ..
وسوينها .. انا وبنت خالتي ( كبري ) .. وهو واختي ( كبر بعض ) .. وقعدنا نحوس .. اذكر شفت اشياء كثير جديده من مراجيح اخرى والعاب اخرى وناس اخرون .. سبحان الله .. بالصدفه تلاقينا ببعض ( لو ما قابلنا كان اكلنا زق -_- ) .. المهم .. وقررنا اننا نرجع .. وبالصدفه بعد دلينا البيت .. الوالده الله يحفظها كانت قامطه من جوا ومن برا مجهزيتلنا النعله -_- .. وعند الباب كل واحد وعلى " أفاه " :p .. خخخخخخخخخخخخ .. وما عاد سونها ثانيه -_- .. يمكن فتره هروبنا كانت تقريبا ساعتين او 3 ..


- همممم .. هذي صارت قريب .. قبل يمكن سنه او كم شهر .. ابوي كان طالع .. واهلي مب بالبيت .. وكان عندي ولد خالي .. " نفسه الي فوق -_- " .. وذيك الايام كانت ايام الـ"ـزرف " .. يعني كنت كثير اخذ السياره من دون ما يدري ابوي .. الله يخلي لي ولد عمي هو الي علمني اياها :p .. وقلت لمحمد ورا ما نروح التميمي " سوبر ماركت " .. وقال مشينا .. وركبنا السياره .. وانطلقنا .. سبحان الله عند بوابة السكن وانا لاف مع الاشاره ابطلع من حدود بيتنا .. يقول محمد ورا ما تدعس .. وانا الحمار ادعس البنزين كله -_______- .. وتنطل السياره .. هذي اول مره انطل فيها .. عشان كذا كنت عليمي مدري وش اسوي .. وكسرت الطاره يسار واستفهمت :icon6: .. خخخخخخخخخ ولله من الدلاخه بعد .. وفحطت السياره وصكينا بالرصيف .. T_T .. يا اني قمطت ذاك اليوم .. الباقي منيب قايلكم وش صار -_- ..


- امممم .. ماش ذاكرتي تخونيي -___- .. ما اذكر شي غيرهم .. المهم لين ما اتذكر بقولكم عن :

Ottosan

ابوي :biggrin: ..

- تسولف لنا جدتي .. عن عيالها .. وكانت السالفه عن ابوي .. كان في عرس لاحد من قرايبنا .. وكان بالزلفي " المدينه الي انا منها " .. وجدي كان بيروح له .. ومعيي على ابوي .. الظاهر ان ابوي كان صغير مره .. يمكن بثالث ابتدائي .. ابوي كان وده يروح ( الله يخلف علينا .. اموت ولا اروح عرس -_- ) .. المهم .. ابوي كان مصمم الا يروح وش سوا ؟ .. يوم جدي كان يجهز السياره عشان يروح ابوي نقز بالشنطه وتخبى فيها !! ( اكيد كان يفكر بناروتو يوم جته ذي الشجاعه والفكره :09: ) .. وقعد فيها لين ما وصلوا مكان العرس .. عاد تقولنا جدتي ان يوم جدي شافه قعد يضحك وخلاه يجي معه .. بس ولله مدري احسه لعنه لعن مب صاحي وجدتي ما ودها تفشل ابوي :D ..

- سولافة اخرى .. بس عن عماني .. يحبون يلعبون مطاقات .. وانواع الهبل .. يرمون على بعض اشياء ويصقعون اشياء .. المهم وفي يوم من تلك الايام .. كانوا يلعبون .. ابوي وعمي محمد وعمي عبدلله ( ابوي البكر بعدين عمي محمد والاخير عبدلله ) .. كان فيه دولاب بالغرفه ويلعبون حوله .. عمي محمد كان مقابل الدولاب .. المهم مدري وش صار والظاهر واحد منهم صقع بالدولاب والدولاب طاح !!! .. وسجااااااااان الله .. توقعوا وش صار ؟ ..
صح الدولاب يكون فيه فتحات ؟ .. عشان تحط فيها اشياء .. يوم طاح عليه الدولاب ماجاه شي .. لانه ومن حظه كان بنفس مكان الفتحه .. لووووووول يلعن ام الحظ الي زي كذا :biggrin: ..

- ومن سوالفيهم .. عمي عبدلله ومحمد زرفوا الدتسن ودزوا فيه الى اعالي التلال وقعدوا يطعسون .. وهم بالابتدائيه -___- ..



نرجع لـ :

Watashi

- بعزايم الحريم الي تصير عند خوالي او جدتي من امي .. ما كان مسموح للتماسيح بالدخول -___- .. خخخخخخخخ وانا ومحمد الا ندخل بالغصب .. كنا نجي من ورا الحديقه الي يكونون فيها الحريم ليتعشون .. طاولات وكراسي والبوفه وذي الخرابيط ..

طبعا عزيمه حريم انواع الثرثره والقلق والازعاج >>>> احم هذا الواقع :D .. فـ باليالله ينتهبون لنا .. وش كنا نسوي ؟ .. نبطح ونتخبى تحت وحده من الطاولات -___- .. لا والمشكله يكون فيها حريم " انواع القز " :09: .. بس انا اذا كنت افكر بناروتو .. ما اخاف من شي :p .. وكثير نزرف لنا كم قطعه كيك " تراني ما احب الكيك ما عدا كيك الفراوله .. وما احب الفراوله بعد بس اكل الي تحت -___- " ..

ترا ما كنا صغار مره .. كنا بالمتوسطه اخر مره سويناها :biggrin: .. وفي احد المرات قزتنا حرمه .. بس اشوا قعدت تضحك وما قالت شي T_T ..

على طاري ذي العزايم .. كنا دايما اذا قضت العزيمه نلعب بالعصيرات والاكلات الي بقت منهم .. ونخلطهم ببعض .. اذكر من جد كنا نتحمس وانواع الهواش مع الشغاله عشان ما تشيلهم .. ههههههههه ..


- فتره جت الرياض " قريبه " .. انتشرت البانشيات بشكل كبير " الدبابات الي بارع كفرات " .. انا ومحمد دبرنا فلوس وجبنا وحده " شلون ؟ Dont Ask " :08: ..

وشرينا وحده .. وما في الا قوة تفحيط وتنطيل وسرعه ^____________^ .. من جد كانت فله .. طبعا امهاتنا دايم يقولون لا تطلعون ولا تروحون بعيد ومن ذا الكلام .. بس ذيك الايام كنت انام عنده كثير .. وكل صبحيه طلعنا .. كم مره وقفتنا دوريات .. بس اشوا يمشونا .. وابشركم ما انقلبنا :biggthump ..


وكثير مواقف غيرها وازحف .. بس اخليها لنفسي :08:


So Wut About U ?

هههههههههه .. والله مواقف حلوة , الله يعين اهلك عليك :09: ..
تانيا تعال هني , انا كنت رح أسوي موضوع مثل هاد بس إنتا سبقتني .. هئ هئ هئ :17: .. انا الحين مش فاضي بس إن شاء الله ممكن بكرة أكتب شوية مواقف , ترى عندي مواقف ولا بالأحلام .. تشكر على الموضوع الرائع :biggthump , وبالمناسبة شوف موضوعي لانه اضفت عليه إضافة جديدة ;)

اقتباس:

---

يوم طاح عليه الدولاب ماجاه شي .. لانه ومن حظه كان بنفس مكان الفتحه .. لووووووول يلعن ام الحظ الي زي كذا :biggrin:

---

نفس الشي صار معي وانا بعمر 8 سنين تقريبا :08: ... اتذكر كنت على المقاس بالضبط :biggthump


مواقفك حلوة انت وولد خالتك ...... بالنسبة لي ما يحضرني شي الحين, لكن إن شاء الله إذا تذكرت كم موقف حلوين جيت كتبتهم هنا


سلام

:09: انا مادري اذا مواقف هاذي ولا لأ or whatever المهم ..

انا لما كنت أيام الأبتدائي .. المدرسه كانت بعيده فكان الطريج يأخذ 40 دقيقه .. عاد كنت أطالع سيارات وايد ولا يطق براسي عن الباصات .ز فمع مرور الأيام كان باص ورانا .. وكنت طالعه من طرف المنظره في السياره .. سألت أبوي " الباصات ما تنقلب ؟ " ولا بنفس اللحظه الباص أنقلب ورانا وطاح عالجنب وهو بنص الشارع -_- مادري شلون صارت


والموقف الثاني كان في بولندا وهالشي صار قبل 3 سنين.. عندنا شلة شباب غير قانونين وانا منهم :shrug: والشي الغير قاوني اننا نرسم على الطوف .. المهم أذكر كانت الساعه 9 بالليل .المهم الشباب ميميعن الspray لوول ولقينا طوفه ومكانها أستراتيجي مبينه عالشارع العام .. :09: عاد اشتغلنا هناك واثنين كانو يراقبون .. عددنا بالأساس 5 ..المهم كنا قاعدين عالرسمه أسبوع .. والعاده الشرطة ما تفتر هالحزه .. بس فجأه ما نشوف الا شرطة يايه ! عاد ههه شوفوا الأكشن :D أحلى يوم كان .. كنا خايفين بس بنفس الوقت أكشن :09: لووول بما انه المنطقة الي كنا فيها its full of short Cuts .. المهم كلنا تفارقنا بصوب .. والشرطة توهقت شكلها .. فوقفوا السياره واثنين طلعوا من الشرطة ولحقوا اثنين من العصابه .. والشرطي الي كان يقود السياره لاحقني المهم .. كنت أركض طاير ههه ! ما عمري ركضت هالسرعه .. الناس كانت تطالع من البلكون لووول .. عاد لقيت شبك وصعدت فوق وكملت طريجي والشرطة وقف في بداية الزاويه الضيقه . ومشى شكله كان يبي يصيدني من مكان ثاني .. المهم ضيعناهم وانا ضعت بعد ! .. لأنه هالمنطقة يديده كانت علي ! فلحسن حضي اعرف اتكلم بولندي فقت أسأل كم واحد وين منطقة besketska .. ومن واحد لي واحد وصلت هناك (( طبعا بتقولون ليش ما دليت المنطقة مادام انا ياي من هناك )) لني ييت بالباص ويا الشلة وما كنت اهتم بالطريج نتكلم عن طريقة الخطه .. المهم بعد ما سألت حوالي 6 أشخاص دليت المكان .. :o الناس خوافه هناك .. سألت واحد اذا يقدر يوصلني وهو يتجاهلني ههه وشكله مرتبك .. تدرون المنطقة هناك كله سرق خاصه الشباب .. فمعذور اذا كان خايف وخاص التوقيت مو مناسب ههه 10 بالليل كان .. في النهايه وصلت الى بر الأمان ههه وطاقتي صراحه منتهيه ! احس اني بطيح عند الباب ..


هممم وبس .. هذي من المواقف الي ما أضن اني راح انساها :31:

نايس ميموريز..

بالنسبة لي.. ما في شي.. -_-

ههههههههههه سويت :09:

ذكرياتك حافله, تسرق سيارة الوالد و تهيت و من هالحركات... لما كنت صغير ما كنت اسوي جذي @@ بس و مع ذلك الله لا يوريك المواقف اللي تصير :boggled:



أذكر اول سنه درست فيها بمدرسه ابتدائيه كنا ساكنين فبيت جديد و بمنطقه جديده بعد, والبيوت فيها توها مبنيه... فكانت فيه ساحات و براحات كلها تراب حيل وسيعه قبال البيت و حواليه, كنت اكره المدرسه بشكل!

المهم جا اليوم اللي كنت فيه مريض... و تعال اسمع الصياح! "مااااااااااابي ادراااااااااااس... راسي بينفجر!" توقعت الموضوع بياخذ وقت على ما اقنع اهلي اني مابي اروح, بس رضو @@ يا كبرها فرحتي! كان تقول امي "بس اللي ما يداوم ماله مصروف... :28: "

... :17:

استنيت خواني لحد ما داومو و قمت من افراشي رايح لامي @@ "يماااااااااااه... جوعان!", قالت "رح وراك الثلاجه مليانه~" قلت "لاااااا لا... جوعان جوعان ما اشتهي من الثلاجه ابي من المطعم :08:" بعد فترة اقناع رضت تعطيني ربع دينار _-------------_

رحت المطعم فرحان! شعلي غايب و فالها... بس جد كنت تعبان و مريض >_< المطعم كان بعيد... و يبيلي امشي مشوار و اقطع الساحات اللي قبال البيت على ما اوصل... اذكر من رواقه المزاج كنت اصفر~

الا اسمع صوت سياره! ما عدى وقت كثير الا و بينت غبرة السياره و من الصوت ميزت انها دتسن! و طلعت فعلا دتسن... تمشي يمي و موجهه لوراي, بتعديني يعني... لما قربت الدتسن اتضح لي انه رجال يسوق, و مركب عياله ورى بالبدي @@ و العيال فالينها! يضحكون و يتنططون و السياره تمشي, كانو ولد و بنت...

لما قربو بين ان الولد ماسك بايده نباطه! و معاه صخره... يبيله نيشان بس يعين عليه و يرميه :31: اول ما وصلو لي شافوني, كان البنت تستانس... عبالي من حلاة وجهي اعجبتها و الا شي :08: الا تقول "هذا هذااااااااا!! صيده!"

:boggled: نعم ؟

كان الولد من دووووون اي تردد... يعين علي و جا بيرميني الاخ بالنباطه!

نحشه يا ولد!!...

... بس وين ؟ و ما حوالي شي ؟ ساااااااحه فاضيه خاليه مافيها شي, وين بنحاش ؟

وقفت مكاني... مبتسم :biggrin: في أمل اني بكسر خاطره, و اقول لا لا مستحيل يرميني مستحيل...

الا البنت تضحك و تقول "يالله يالله بسرعه!! :laughing: "

O____________________________________O"""

و قرشااااااااااااااااع!!!

.....

ظلمت الدنيا بوجهي... عدتني السياره على اصواتهم يضحكون, الولد يقول صدته! و البنت ميته ضحك...

طحت عالارض ما قدرت اوقف انا... و ما طلع مني غير "آي.... >_________________________<" بعد ما راحو... الحقير, ضربني بالنباطه بفخذي! و انا مريض... احس طلعت روحي ×________________×

انسدت نفسي للمطعم و ارجع لبيتنا... و انا بصيييييييييييح!! ما علمت احد, رحت اسبح بشوف الضربه شلونها >_< الا طلع مكانها كدمه كبيييييييييره زرقا و الدم مو راضي يطلع... ندمت على الساعه اللي قلت فيها بغيب, و الساعه اللي قلت يالله للمطعم!




بعد فتره, بالصدفه رحت لنفس المطعم... و القى نفس الولد جالس مع واحد من ربعه و متكي الاخ! ما صدقت انه نفسه لحد ما دخلت المطعم بنفسي @@ الا صج هو! حتى شافني و تخرع :31: كان حارق قلبي طول هالفتره و ناوي عليه نيه! ابي اعوره نفس ما عورني ابيييييه يصيح! كنت اقدر اروح بكل بساطه و اطقه... بس لا, ابي اذله >___________________<

قعدت اتلفت الا كان فيه صندوق مشروبات غازيه بزاوية المطعم @@ كله بطول ميراندا, رحت لا شعوريا اخذت بطل و بسرعه للولد و...

قرشااااااااعوووووه!!!

على راسه!... كسرت البطل على راسه... عورته! قاعد يصيييييييح!! بردت حرة قلبي! :17:

بلحظه استوعبت انا شسويت @@ مدري شلون تفجر البطل على راسه بهالسهوله... ما ضربته حيل! الظاهر لان البطل كان حار... الولد ما صار فيه شي براسه بس طلع برى المطعم منحاش و متغرق و الموجودين يضحكون عليه...

:biggrin: ... تهزأ...

بس ما حس باللي حسيته انا! :17: وقتها كنت للحين احس بضربته :boggled:




عاد اللي صدمني ان الولد جا و معاه ابوه لبيتنا... طلع جارنا و انا مدري! صالحنا مع بعض و صرنا حبايب, بس حقدي على اخته للحيييييييين بقلبي لانه فعلا طلعت نحيسه و من طبعها دلوعه :boggled:

الحين ويييييين... من خيرة الربع صاير... يعني صج مالك صاحب الا بعد الهواش :p




و بث :09: مأساه مو مغامره ها ؟ هههههههههههه بس و الله مع هالولد اروع الذكريات :laughing:

و ثانكيو عالموضوع ^_______________________^

هلا فيــــــك ..:أفكر:

هههههههههههه ذكرياتك حلوة والله يعطيك العافيـة على الموضوع ..انا حصل معي موقـف لايمكن انساة وصار ايام المطر في الرياض قبل شهر تقريبـاً ..

كنا طالعين انا ومجموعـة من العيال كان عددنا 5 ومعنـا سيارة Maxixma 2001 كانت طلعتنا بهدف التمشيـة في الجو الحلـو بعد المطـر كانت الساعـة على ما اعتقـد مابين الساعـة 11 والساعـة 1 .. وقتها كنا في طريق الملك فـهـد اقترح واحد من الشباب انا نروح الملـز نتمشى هناك وافق راعي السيارة وطلـع مع المخرج كان الوضع عادي حتى الان لكن قبل ما ندخل في حي الملز قررنا نترك الملز ونتجة لحي ثاني ازيـن منـة فـطلعنا مع الكبري ومشينـا ومن شارع لشارع الى وصلنا حي النهضـة عند الملعب المشهور "الدائري" جلسنا نتفرج على اللي يلعبـون شوي ثم قمنـا وركبنا السيارة رحنا لشارع قريب من الملعـب اسمة شارع الحرس رحنا نتمشى فيـة ...... :D :D

المهم هنا

بدأ الموقـف خوينا الله يصلحـة اللي يسوق المكسيمـا شاف الشارع وسيـع ومافيـة أحـد قام ونطل نطلـة خفيفـة بالسيارة واكرر نطلـة خفيفـة لكـن بسبب المطـر زحفت السيارة بقوة :shock22: :shock22:



واتجهت لـ ماصورة الاضاءة والمشكلـة انا كنت عند الباب اللي متجهـة نحو الماصـورة :17: :17: وقتهـا شفت المــوت لـكـن الله رحمنـا واللي يسوق عرف كيف يتصـرف ويهجـد السيارة :biggthump .. كان هذا اخر موقف حصل لـي طبـعـا موقف مخيـف :jester: :jester:




واكرر شكري لـك على الموضوع التحفــة :) :)


MacHo

:)

شتاينر ..

مواهاهاها سبقتك :D .. ومنتظرين رجوعك ^^ ..


Megaman

لوووووول حتى انت ! .. من جد حظكم حلو ^^ .. الحمدلله جت سليمه ^_^ ..


Faros X

هلا ولله ^^ ..

لوووووووووول فله اجل .. عشان كذا تحب JSRT .. خخخخخخخخ .. طلعت واحد منهم :biggthump ..

كووول تعرف بولندي بعد :icon6: ..



Yamato

معقوله ؟ .. ولا وحده -___- ؟ !


Tidus

لوووووووووووول.. عليهم نجاسه ذوليك -__- .. شي مره حلو انكم صرتوا اصحاب .. شي ما كنت متوقعه ابدا !! ..

غريبه جتك الجراه تصكه بقوطي :laughing:


Macho

يا شين التفحيط -___- .. بس بنفس الوقت فله :biggrin:



والف شكر على مروركم ^^ ..

اقتباس:

---

المشاركة الأصلية كتبت بواسطة Trapped Inside

Konichiwa ^^ ..وشرينا وحده .. وما في الا قوة تفحيط وتنطيل وسرعه ^____________^ .. من جد كانت فله .. طبعا امهاتنا دايم يقولون لا تطلعون ولا تروحون بعيد ومن ذا الكلام .. بس ذيك الايام كنت انام عنده كثير .. وكل صبحيه طلعنا .. كم مره وقفتنا دوريات .. بس اشوا يمشونا .. وابشركم ما انقلبنا :biggthump ..


وكثير مواقف غيرها وازحف .. بس اخليها لنفسي :08:
So Wut About U ?

---

ذكرتني بواحد قلق ازعج دين اهلي ليلة عيد الاضحى و مستدلخ بدبابه و لابس لي فيها جاكيت مموه - جيشي - لمدة ساعتين
و جالس يسعسع عند حارتنا المشكلة مو من سكانها هو :vereymad: !
و كنا انا وعيال عمي مجتمعين ويننج اليفن و فلة و جالسين في الملحق لذا انواع الازعاج كنا ساكتين له الى الساعة 12 و طبعا لازم ننام عشان صلاة العيد و الاخ ما زال مستدلخ
و اجيك و اطلع عليه و اعطيه ذيك النظرة الي بغى يطيح منها من الدباب طبعا قمط و ما عاد رجع بعدها
المهم طبعا طار النوم و رحنا نتعشى من بيتزا ان الساعة 1 بالليل و احنا راجعين الا نشوفه الى الحين جالس يستدلخ لكن بمنطقة ثانية
الزبدة
لا يكون انت اللي عطيته ذيك النظرة :biggthump ؟
ترا وقتها لما طلعت عليه كان شكلي ارهابي من جد شعر طويل و حوسة على دقن مو مرتب لاني كنت بضحي و نظرة قاتلة :icon6:

ما اذكر شي حاليا >_<

بس ذكرياتكم حلوة ^_^
كمشور طرابط

-السلام عليكم ورحمة الله وبركاته-
-ههههه ذكريات روعة ماشاء الله..أضحك الله أسنانكم وضروسكم كلها :D -

-موقفين على السريع بذكرهم..-

-الموقف الأول:كنت يمكن بثاني أو ثالث إبتدائي,وكان عندنا عزيمة ببيت جدي,فعمامي مجتمعين وعيالهم..وعمي كان مشتري مجموعة من المسدسات والبنادق..ألعاب مو حقيقيه بالرغم إن العايله إجراميه :p ..فالمهم كنت حاط عيني على بندقية طويلة وودي أنثر فيها كل البزران المجتمعين وأبرد حرتي بولد عمتي الي مو لاقي غيري يستقوي علي..فأخذتها وبديت الشغل..نثرتهم كلهم ولا حتى دانتي يعمل نص شغلي :icon6: ..ولا بنت عمتي الكبيره تلحقني وأنا طــــيران...ومانتبهت لزواية الجدار الحادة أمامي...فطـــراااااخ..وشفت الموت أمامي بصراحة وإلى الآن أذكر كيف إنشق رأسي :31: .....وإلى الآن الأثر في جبهتي..وبارز ويلفت النظر,كأني من شخصيات الإنمي :08: -


-الموقف الثاني بذات الوقت كان كما أعتقد,وكنت رايح لعرس أحد أقاربنا,وأنا كنت مهجد البزران والزعيم والأب الروحي لهم وقتها :icon6: ..فالمهم كان فيه عصابه شباب كبار يحذفون صخر على رعاياي,وفلقوا راس واحد من جنودي..فمسكت جسم ثقيل معدني أسود حاد..على الأرض وحذفته عليهم وهربت,بعدها أشوف شيئ يطير بالهوا ويطيح على راسي من ورا..وقعدت أنزف مثل الموقف الأول :31: ..وإلى الآن الأثر براسي وبارز على شكل خط صغير-


-تذكرت الموقفين لإن أمس واحد من الزملاء بالفصل,كان قاعد خلفي ويتمسخر,يقول الي راسه منفلق من ورا,هذا دليل إنه كان يهرب من معركه,وأول مالتفت عليه وشاف الأثر الثاني براسي..الأخ سكت تلقائي :09: -


-آآآخ..إختبارات.ودراسة سحقاً..للمدرسة..دعواتكم ياشباب>مو كاتب الرد ألا علشان يطر دعوات :08: -

-في أمان الله-

[CENTER]يا حليله ابوك.. so cute يبي يروح للعرس.. اجتماعي جداً.. من يومه برعم :p


مغامرات لطيفة.. وطبيعية .. كل واحد مر بها اكيد.. لكن انا ماسرقت السيارة - صبور .. او ممكن دجاجة - .. :06:


لكن.. من يوم ماابصرت النور.. كنت مرجوج.. ملقوف.. اعشق شي اسمه البقالة.. ونتج عن هذا المواقف التالية :

1- في بيتنا المؤقت في حي الربوة.. قبل 17 سنة.. تقريباً.. كان آخر ما تحتاجه عائلتنا الفتية.. هي ان يطلع

ولدهم الملقوف - انا- في عز الظهر.. ويدخل مطعم بخاري.. ويطلب ايسكريم كواليتي .. :31:

نشبت لحق الكاشير الين وداني البقالة اللي جنبهم واشترى لي اسكريم فأتجهت عائداً

بعد ما رجعت للبيت.. حبسني الوالد - الله يرحمه - في الحمام - اعزكم الله - وقبل ما يطلع عصر الآيسكريم قدامي

في المغسلة.. :( وجلست اصيح.. واطق الباب.. افتحوا لي.. ومدري كيف.. وفتح الباب خالي.. ومع كذا.. ماتأدبت.


2- نفس الحي.. هالمرة حركة انتقامية الظاهر.. - مدري عن عقلي يومني صغير شيطاني - طلعت من البيت

في العصر.. وانا حاط هالآيسكريم في بالي.. بالقوة.. وضيعت الدنيا.. لا مطعم بخاري.. ولا بقالة ولا شي..

خيّم الليل بسكونه.. وانا تائه.. دخلت عمارة توها عظم.. وطلعت.. الين صادني عمي بالصدفة.. ورجعنا البيت

والقى امي المسكينة تبكي.. تحسبني انخطفت :( ومحد عاقبني وقتها.. لأنهم عرفوا.. عاقبة العقاب :31: .


3 - في نفس البيت.. رقيت فوق الدور الثاني.. كان عمي متسدح ويدخن.. فقام اعطاني سيجارته وقاللي..

خذ عادي.. ماتحرق.. وانا بطبعي ملقوف وحب الإستطلاع عندي وقتها كان يفوق حب شركة الاتصالات للسرقة..

فأخذت السيجارة.. ونزلت للصالة.. لقيت امي تصلي.. وعلى حظي البايخ الوالد كفشني ماسك ماتبقى من السيجارة

فسألني من وين جبتها.. قلت بكل براءة : عمي عمر.. قال طيب.. وطفاها في يدي :boggled: .


4 - ايام الإبتدائية.. سرقت سنكرز من بقالة.. وصادني الهندي.. وجلس يضحك علي مع اخوياه.. :vereymad:

يعني.. احس ان هذا اقسى عقاب لأي سارق.. انك تكفشه وتضحك عليه . :31:


باقي الكثير.. لكن سأذكرها لاحقاً [/CENTER]

E-mad

ههههههههه .. ياهو ملحوس بعد .. على ليلة العيد يهجول -___- .. ابو المزاج الي عليه ..

لا تخاف مب انا :laughing:


Mista Koo

اذا تذكرت تعالنا ^^ ..

العفو ^^ ..


Darkness withiN

هلا بالي اسمه كوول مثل اسمي :icon6: :09: ..

لوووووووووووووووووووووووول .. يا حليلك :08: ..

تصدق .. انا عندي بعد تقريبا نفس جرحك على جبتهي .. وللحين باين شوي .. كنت اركض وانا مره صغير .. وصقعت حافة الباب T_T ..

الموقف الثاني : طلعت Gangsta ولله :jester: ..



King Kubaj

هلا ولله ^^ .. شرفتنا ..

هههههههههههههه .. تصدق .. انا ما اتوقع تجيني الجراة اسرق من بقاله -__- ..

عمك شكله زاحف :icon6: :D ..



الف شكر على تفاعلكم .. فله اقرا زحفكم :laughing: ..

ومنتظرين البقيه :28:

جانا ^^ ..

العن ام الفله ياحسام قصدي Trapped Inside

مواقفكم كل واحد يضحك اكثر من الثاني ..

انا باكتب موقف على السريع لأنه عندي مدرسه ..

انا صف خامس ابتدائي كانت اخرب سنه في حياتي جربت انواع الزحف كله الين ما السفايف خلصت ..

كنا الصبح اول ماينزلنا الباص عند باب المدرسه نروح ورى البقاله الي جمب المدرسه وكنا ندخن ..

المهم انا يوم كنت ادخن بس ادخن علشان شوفوني اني كبير و وداجر وراعي سوالف ..

وكنت أدخن بس هوى يعني مو صدر ... الا مره واحد كبير يكلم الشباب الي حوليه انتوا اشبلاكم تعطون

هالبزر دخان الا اقوله والله البزر انت وأشكالك وما وعيت الا ويجيني ذاك الكف الي خلاني اشوف نجوم الصبح الساعه 6 : 30 .. هههههه

ومن بعدها ما قربت الدخان ولا جيت ذاك المكان ..

لحد يفكر اني الحين ادخن الحمد لله كانت ايام سودا وراحت ..

هههههه.. حمد.. عندي احساس انه هالكف احد افضل الأشياء اللي حصلت لك في حياتك..

التدخين وباااء.. والحمدلله اغلب اللي اعرفهم مايدخون.. على عكس مرحلة المتوسطة والثانوي..

^
^

صادق اخوي كوباج .. اكثر اللي يدخنون حالياً هم طلاب الثانوي والمتوسـط لكن الثانوي اكثر "والله يكفينـا شـر الدخـان "

ذكرتموني بأن 90% من الربع لهم تجارب التدخين والشيشة
الحمد لله ما جربت ولا حتى فضولي فكر فيها (الله ياخذني في الساعة إلي أجرب فيها)

أما عن مواقفي
فمرتن كنا نحوط بالحارة بسياكل وكان عندي السيكل الأزرق الجديد إلي كنت أحسه طويل وكنت دفش بعد
فطلعنا أنا وإثنينة من الربع في وقت العصر لنجوب المنطقة ونتأكد من سلامة الرعية
فالله يسلمك من أول ما طلعت كانت فيه لفة وأنا كنت أخر واحد فقبل اللفة أسمعلك صوت سيارة
إحم شو ردة الفعل المناسبة أضرب بريك ولأ ألف ولا....طااااااااااخ
لو كنت قدام بنص متر فالله يرحمني ولكن ربك ستر وضربت بباب السايق
but that is not all
طلعت السيارة سيارة عمي الملقب بـ(ملك الموت)T_T
فطلع من السيارة وأنا تيبست من الخوف منه ولاكنه طلع خايف أكثر مني:laughing:
يلس يطمن علي وحتى إنه سكان السيكل إنعوى وعدله لي
وسييييدة أرجع بيت عمي وأكمل قعدة
بس بعدنه لما وصلت البيت كلام من هنا وهناك وإكتشفت إنه يدتي في السيارة
يعني بتم تفكر فيني ليين×_×
بس الحمد لله إنه السالفة عدت على خير
ومرة كنت في بيك أب(وانيت)ننقل أثاث وأغراض وكنت راكب ورى فطاااااخ
إحساس رهيييب بدعمة أخرى ولكن ربك ستر وما صار شيء
وأعتقد إنه ذكرت أول عن مغامرتي هالسنة للدخول من المدرسة من أعلى الجدار
وفشل الخطة وكشفها من قبل عمي الملقب بـ(ملك الموت)XD
وأذكر بعد مرة أخذنا الصمغ تبع عمال مفروشات
ورحنا فيه لقلعة متهدمة مو باقي منها شيء(يسمونها البري)
وأخذنا بعد كبريت وقمنا نتفنن بالكتابات بالصمغ ونحرقها وتطلع بشكل كووووول
ولكن واحد الله يهديه إيده كانت فيها صمغ وقام يشعل النار فوصلت إيده
فقام يلوح بإيده ويسوي أي شيء في سبيل إطفاء الحريق الكبير في إيده
وردة فعلنا!!!!!!!!!!!!!!!
كل واحد قاعد ينقع من الضحك وخويه بيحترق:laughing:
بس الحمد لله الله ستر وطفى إيده بالرمل وما صابها شيء
همممممممم موقف ثاني....
لما كنت صغير كانت عدنا في البيت أنا وخواني حرب مع الدبابير فياقاتل ويامقتول وقمنا بالقتال
ولكن في مرة من المرات كنت أطالع واحد من الاعداء فإذا به يخرج سلاحه(الإبرة)
ويأتي بسرعة البرق وأنا مكتوف الأيدي بلا سلاح
فأاااااااخن وأشيله بإيدي وأرميه
لقد أصاب حاجبي الأيمن T_T
فقام إخوتي ببعض العمليات لإنقاذ حياتي فخرجت من المعركة بعين متورمة وبعدين إنتقل السم فصارت
العيني متورمتين فقمت ألبس نظارة شمسية حفاظا على شكلي الجذاب >.>

هذا إلي قدرت أتذكره for now
ولكن مواقف كل واحد فيكم أخرب عن الثانية XD
فعلاAdventures
لوووووووول
شكرا حبوسو على الموضوع^^

مواقف حلوة والله أول موقف حصل معي لمن كنت بسكن مستشفى الملك خالد للعيون كنت وقتها صغير يا دوب 6 سنين وضعت وقتها -____-

انا ذكرياتي ماتخلص والمغامرات ... بقول شوي منها وبعدين بكمل

-- في البندرية ... بالخبر ... كنت طالع برا ... من الزهق ... كنت صغير , ولابس بجامه كلها دباديب , شوي إلا ذاك المصري يطالعني , ويطالع قدام ... يطالعني ويطالع قدام ... ويلتفت علي ويركض , وأنا النحشه ... مايدري ان البيت هذا هو قدامي ... أو بالأصح العماره كنت ساكنين بشقه ... ماادري من وين طلعت السرعه هو كان بعيد ومايدري ان هذي عمارتنا وزين لحقت ودخلت ... ونجوت ...


-- بالنمسا , جلسنا هناك 3 شهور واسبوع تقريبا , كان معنا في العمارة الي ساكنين فيها شباب سعودين وتعرفت عليهم وصاروا ربعي , كل يوم طلعات وفله , في يوم من الايام ,عزمنا ... على ايش ؟ نروح نرقى تلة كبيرة او هضبة يرقونها الناس بالقطار ... واحنا رحنا مشي ! ضعنا ... تهنا ... طلعنا الصبح ... تحدينا نفسنا نرجع قبل عشر الليل ... والفعل وصلنا عشر إلا شوي ... وماصرنا " حمير " والكل مكرم , لانا تحدينا نفسنا لو تاخرنا عن الساعه 10 بالليل بنصير حمير , طبعا الاخل ولا على بالهم , وضعنا رساله قدام باب كل شقه احنا طالعين وبنتأخر وبس ... .


-- في نخيل الأحساء , بين البراري , احم ... لا بين النخيل ... لحقنا ثور ! والنحشه ... زين رقينا فوق الاسمنت ولا جانا!

--في احدى المسابح ... غرقت ... ماكنت اعرف اسبح يوم انا صغير , تعلمت السباحه بصف خامس ابتدائي .. ولااحد انتبه وانقذت نفسي ... جلست اتمشى تحت الماي كاني موسوس لين ماوصلت السلم ... زين مااخنقت بس مت خوف .

-- في المانيا , رحنا رحله سياحيه لـ مغارة بجبل نرقاه بالتلفريك , المهم دخلناه قمة في البرودة , تمشي على طريق من خشب معمول داخله طبعا مافي شئ يمسك انتبه , المشكله لو طحت مو تطيح من فوق ... خلاص كله جليد تتزحلق إلى فتحه عميقه مجهوله حذرونا منها ... وبغيت اطيح ونجوت بأعجبوبه .

-- في نفس البلد , وعلى جبل مرتفع أيضا , أخوي يمشي على حافه جبل الهاوية جنبه بايعها ويسولف ويمشي بثقه الي يحط رجل قدام رجل زي الازياء , وشوي يطيح !!! مانشوف إلا راسه ويحاول يرقى ... يحمد ربه كان في تحت ضخور او جرف صغير بارز حط رجوله عليه ... وابوي رفعه وعطاه خانقه خناق ! بس ربك ستر

-- بالنمسا , انقذني ابوي مثل ماانقذ اخوي من الموت , كان في قطار يمشي , هذا الي يمشي بين الشوارع والمحلات وبتذاكر ... انا ماانتبهت له واطلع بوجهه ! واسمع صوت " طوووط طوووط " إلا واحد يركض ويطب بسحني , حركتات !


-- مره من المرات وهذي سالفه مستحيل أنساها , كنت انا وعيال خالي نلعب بالمسدسات بمحلق بيت اهل , وخالي هو شبابي صغير قبل لايتزوج , مواصل يومين ومعصب ومهددنا إنا مانزعجه .. واروح انا من عند الدريشه واطلع المسدسات ام صوت عالي , ماخليته ينام , شوي إلا واحد ماادري من وين جاء ... طويل ورافعني من ورا بيد انا وولد خالي والباقين انحاشوا ... دخلنا الغرفة ... ويا إنه جانا طق ! بس الحين صار تمام احسن خال عندي راح شرا لي شريط بلاي ستيشن 1 اصلي على ايامه وعزمني ماكدونالد ... والحين كلا سوالف وياه ... بس انا شخصيا مستحيل انسى الضرب الي جاني !¬ :laughing:


-- بالمانيا ... اخوي يخاف من الكلابه وانتوا معززين ومكرمين عنها , مر جنب كبير جنبه لوحده , ويطلع لسانه الكلب , اخوي يطلع لسانه يدوره ويعضه ويصرخ ويطب يلم العجوز الغريبه الي جنبه , ياإني ضحكت ضحك ذاك اليوم !

-- في الهاف مون , كنا رايحين انا وعمي وعيال عماني وعماتي ... المهم 3 وصلوا لقمه طعس التحدي من زمان , وماادري وش على بالنا لما يجنا ننزل ماخذين مسافه ونركض من بعيــد , شوي لما بدينا ننزل رجولنا تسبقنا زي بعدنان ولينا , وشوي إلا ثلاثه من بعيد جالسين يتدحرجون بسرعه غصبن عنهم كانهم ورق عنب !
صراحه صفقت صفقه قوية , وفمي امتلا تراب بقووة ! بس شكلنا ... حفله !




احس اني طولت عليكم .... لو بغيتوا زياده في :laughing:

لوووووووووووووووووووووووووووووووووووووووول فله ولله المواقف XD ..

حمد اخر من توقعته يزحف انت XD ..

مادا مادا .. اعوذ بالله .. ولله من طرزان مب مثلك .. خخخخخخخخخخخ .. اكيد نبي زياده ^__________^ .. مواقفك افل شي :laughing: ..

اسفوووووووه .. هلاولله ^^ .. من زمان عنك -___- ..

سلملي على ملك الموت :p ..

بووووب ..

هلا ولله وغلا .. اسفرت وانورت ^^ .. اخبارك عساك طيب ؟ .. شرفتنا بحضورك ^_^ ..


الف شكر على تفاعلكم وحضوركم ^___^