الوينيج ايليفن 9 نزلت!!!

الوينيج ايليفن 9 نزلت!!!
بعد تعب ومعاناة الحقيقة تسربت بعض النسخ الى المحلات وقدرت احصل نسخة منه قبل ساعة تقريبا (بعد منتصف الليل) عن طريق صديقي الهندي الي يشتغل في المحل.. المحلات راح تبيع اللعبة في الصباح فالي يبا اللعبة يسير الصبح المحلات ويشتريها قبل ما تخلص.. بس للاسف النسخة الي حصلتها فيها خلل ما اقدر ادخل الايديت و الترينينج يمكن السوني عندي تعبان.. المهم.. الصراحة لعبت لين الحين مبارتين في المباراة الاولى ما حسيت انه في فرق في اللعب بس بعد شوي بديت احس في الفرق خاصة في الانيميشن والحركات الجديدة وابشركم المنتخب البرازيلي صاير اقوى بس رونالدينهو طاقاته نفس الشي تقريبا وادريانو طاقاته ارتفعت وايد صار احسن من رونالدو! ما جربت الفرق الثانية بس ان شاء الله عن قريب..
من ناحية الجرافيك ما حسيت انه في فرق كبير.. يعني فرق بسيط.. بس ما في تباطىء في اللعب ابدا.. واللعبة يابانية مع بعض الاشياء المكتوبة بالانجليزي يعني ممكن تفهم على اللعبة عادي..
اللعبة تبين انها صارت اصعب خسرت المبارتين الي لعبتهم.. المباراة الاولى اخترت البرازيل ولعبت ضد برشلونة وخسرت 2-0 والمبارة الثانية لعبت ضد الارجنتبين وخرست 3-0 لين الحين ما يبت وولا هدف..
الخبر السيء هو انه مافي منتخبات خليجية تقدر تلعب معاهم الا المنتخب السعودي..

اذا حد عنده اي استفسار يسالني.. انا حاضر.. :)
يالله انا رايح العب لي شوي بسهر لين الصبح :biggthump

فين في السعودية؟:D :D :D

ممكن اتحط لنا فيديو من اللعبه

لا مب في السعودية بس اكيد بتحصله في السعودية في المحلات باجر الصبح..
بالنسبة للفيديو ما اقدر لانه ماعرف في هذه السوالف..

انت وينك من الكره الارضية؟؟؟؟؟؟؟؟؟؟؟؟؟؟؟

انت في الامارات؟

اللعبه افضل من we8le

اشلون الكرات العرضيه

اخوي قريبآ
راح يخرب كمبيوترك
النسخه ذي سيئه لاتلعبها وايد
بس ممكن ان اللعبه تكون معدله فقط

نعم من الامارات.. المكان الي حصلت اللعبة فيه هو امارة عجمان..
اللعبة بشكل عام احسن في كل شي من ناحية اللعب وابشركم يبت اول هدف لي..

ههههه.. اللعبة هو جزء التاسع متاكد 100%
كيف يخرب كومبيوتري هو على البلاي ستيشن..

عجمان !!!!!!!!


اي محل اخوي ...


الروضه


او


يسريا

؟؟؟


ويييييييين خبرني ... انا بييييك و بشتري

كلام فاضي بسكم جذب اللعبة راح تنزل 4/8 و انا يوميا اراجع المواقع اليبانية و الصينية و التايلندية و التايوانية و انا راعي محل و أخوي موجود بالصين 24 ساعة و لنه بالكوبي و التسرب للألعاب من عمر اللعبة راح تنزل 30/7 بالكويت و هذي النسخة كاملة عند تومب رايدر بالكويت و بلاش أفلام هندية !! لأنك لو صاج صور بالموبايل من شاشة التلفزيون و حط صورها اقنع الشباب :) و اله ما تعرف بعد !!!

راح تنزل بالكويت يوم 30-7

انت متأكد؟

اوكي اذا انتوا مب مصدقين..
خلاص قول لي شو اصور بالضبط؟ انت اختار وانا بصور لك اوكي؟

اقتباس:

---

المشاركة الأصلية كتبت بواسطة bebebe

اوكي اذا انتوا مب مصدقين..
خلاص قول لي شو اصور بالضبط؟ انت اختار وانا بصور لك اوكي؟

---

مصديقينك يالغالي

بس ابيك والله لايهينك تصور لنا صوره لـ

طاقات اللاعبين

مثل

روبن و بلاك عشان اخوي شنايدر :biggthump

واكون لك شاكرآ ولاتنسى ادريانو

المهم اي شي يدل على صحة الخبر

انتو من صدقكم تصدقون يعني اللعبه راح تنزل بتاريخ 4/8 وحتى لو قبل بس مو الحين وحتى مانزلت على النت لحد لأن فكيف هذا الهندي يعني سوبرمان

رئيس كونامي؟؟؟

ياخي العبها على غيرنا..

انا لعبتها بس قبلك بشهر ,,, في نفس الحلم الي تحلم فيه :D

يا شباب شفيكم عى الاخو خير يا طيرنزلت ماهي مشكلة لازم يكوون كذاب :vereymad: انتو ماتستحوون



ومشكوور جونينو بس انا اسمي شفاينشتايغر وليس شنايدر مع العلم هما لاعبان بمنتخب المانيا:D :D :D


بالنسبة للاخ DSL ارجو منك انك تغير توقيعك باسرع وقت ممكن لان لايمكن الشلهووب مارادونا قوية مرررررره
وثانيا غير صورة نتيجة 3-0 كخ بعد 5 سنوات قدروا تفوزووووووووون كااااك
تبي احطلك صورة الدعيع و يعمل حركات جمباز في كاس الخليج 2-1 كيكيكيككييكييككي
نسيت هاااهاهاهاهاههاهاهاهاههاههاههاا 8-0

اخوووي هل موجودة في دبي يعني بضبط في خوانيج

شوفوا
احنا ننتظر اخوي bebebe لــمده 10 سـاعـات ابتداء من الساعه الـ6 صباحآ
كانه وضــع الـصـور فـأن الــخــبــر صــحـيـح
واذا لم يضعه فأن اللعبه لم تنزل
والــخبــر كــاذب

اخوووي يمكن ادقووول wwe 2006 متى بتنزل

لله يعافيك شنو سرعه شفشنكو و اتو ؟؟؟؟؟؟ لا تنسانا لو سمحت

متى تنزل في البحرين

اقتباس:

---

المشاركة الأصلية كتبت بواسطة SchweinsteigeR

يا شباب شفيكم عى الاخو خير يا طيرنزلت ماهي مشكلة لازم يكوون كذاب :vereymad: انتو ماتستحوون



ومشكوور جونينو بس انا اسمي شفاينشتايغر وليس شنايدر مع العلم هما لاعبان بمنتخب المانيا:D :D :D


بالنسبة للاخ DSL ارجو منك انك تغير توقيعك باسرع وقت ممكن لان لايمكن الشلهووب مارادونا قوية مرررررره
وثانيا غير صورة نتيجة 3-0 كخ بعد 5 سنوات قدروا تفوزووووووووون كااااك
تبي احطلك صورة الدعيع و يعمل حركات جمباز في كاس الخليج 2-1 كيكيكيككييكييككي
نسيت هاااهاهاهاهاههاهاهاهاههاههاههاا 8-0

---

أخوي أحترم نفسك ما كفتكم الثلاثة :D بعدين

الشلهوب ماردونا العرب يكفيك بس أن العالم معترفين فيه

بعدين أن كنت كويتي أستح على وجهك أحد ينهزم على أرضه من كوريا ب 5 مدري 4 :D :D روق يااااااا شيخ
المهم تأهلنا ^^
وننتظركم في المانياً :ciao: :ciao:


نرد لموضوعنا أخوي الشريط توه مانزل وأن كان راح ينزل قبل موعده فأظن أنه راح ينزل يوم الأربعاء :33:

اقتباس:

---

المشاركة الأصلية كتبت بواسطة Dawaw

أخوي أحترم نفسك ما كفتكم الثلاثة :D بعدين

الشلهوب ماردونا العرب يكفيك بس أن العالم معترفين فيه

بعدين أن كنت كويتي أستح على وجهك أحد ينهزم على أرضه من كوريا ب 5 مدري 4 :D :D روق يااااااا شيخ
المهم تأهلنا ^^
وننتظركم في المانياً :ciao: :ciao:


نرد لموضوعنا أخوي الشريط توه مانزل وأن كان راح ينزل قبل موعده فأظن أنه راح ينزل يوم الأربعاء :33:

---

اهاهاههاهاهاهها ضحكتني نسيت كاس الخليج كيكيكيكيكيككيك الدعيع شصاار فيه ككيكيكيكيكيكي :D :D محمد نور
انتو صارلكم 5 سنوات ماقدرتوا تفوزون علينا الحين جاي تتكلم كاااااااااااااااااااااك ترى يارضكم
لاتروحون كاس العالم احسن لكم ولا نسيت 8-0 المحللين السعودين احنا خايفين بس من ا لكاميرون المانيا سهلة اخاف البرازيل كااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااك :D :D :D

نرد لموضوعنا اخوي الشريط راح ينزل الخميس او الجمعة يعني اليوم او باكر و بالكثير السبت:33:

انا بحط الصور بس عطوني شوية وقت لاني الصراحة مب شاطر في هذهالسوالف بس انتظر اخوي يصحا من النوم ويقول لي شو اسو عشان اصور من التلفزيون واحطه لانه كلما اصور تطلع الصورة مب واضحة ابد ابد.. بس افضى راح احط الصور مع اخوي.. بعدين الي عايشين في الامارات ممكن يسيرون المحلات ويشترون اللعبة اما خارج الامارات فانا ما عندي اي فكرة نزلت ولا ما نزلت.. بس اقول لكم لا ممكن تشرتون اللعبة من المحلات الموجودة في عجمان في دبي والشارجة وغيرها بعدها ما نزلت.. بس في العين نزل.. اصلا راعي المحل الهندي قال انه يايبنه من العين..
طاقة جيرارد على ما يبدو زادت في بعض الامور البسيطة..

ترا في ويننج اليفن مكتوب عليها 9 وهي نازله من زمان

واحذروا منها لانها تعديل من ويننج اليفن 8 فقط

ويننج اليفن 9 الرسميه لم تنزل بعد

يعني تاكد اخوي من النسخه:biggthump

وهل هي يابانيه والغلاف ايش مرسوم عليه

:ciao:

السلام عليكم شبـــاب ...

كلام الأخ bebebe صحيح ... و اللعبة نزلت ...

قبل دقائق إتصلت بمحل الروضة في عجمان .. و سألته عن اللعبة هل نزلت أم لا .. قال اللعبة الأصلية موجودة الآن و لكن عند المورد الذي يأتي بالأشرطة من العين .. و قال إنه إتصل اليوم بالمورد و سأله عن النسخ الكوبي فقال له إنه سيرد عليه بعد ساعتيـــن ...

و قال لي العامل في المحل ( نواز ) .. إتصل العصر الساعة 4:30 فمن الممكن تكون اللعبة موجود عندي ...

و أنا الآن أنتظر على أحر من الجمر ...


:ciao: مع السلامـــــــــــــــــــــــــة ...

اخيراً انزلت اللعبة :D :D :D

في الامارات فقط و في الكويت راح تنزل اما اليوم بالليل او بكرا

كلام الشباب صحيح انزلت بالامارات 100\100

اما بالسعوديه ( عندنا ) في كلام يقول انها يمكن تنزل 4\9\2005

هذا الكلام أخذته من منتدى نادي الهلال ( الزعيم)

:sad2: :sad2:

لازم انسافر علشان الشريط :afraid: :sad2: :196:

مشكوووووووووووووووووووووووووور

اللي من السعودية لا يخاف انها تتاخر .
لان جيم ماستر يحملها من النت اول ما تنزل وينزلها بالاسواق


اخوي ممكن اسالك عن الاطقم للفرق الانجليزية هل هي اصلية ؟


وشكراً

كل الكلام اللي قلته معروف من زمان

واذا صارعندك دليل ان عندك الشريط بعدين افتح موضوع