الوينيج ايليفن 9 نزلت!!!

[bebebe]

الوينيج ايليفن 9 نزلت!!!
بعد تعب ومعاناة الحقيقة تسربت بعض النسخ الى المحلات وقدرت احصل نسخة منه قبل ساعة تقريبا (بعد منتصف الليل) عن طريق صديقي الهندي الي يشتغل في المحل.. المحلات راح تبيع اللعبة في الصباح فالي يبا اللعبة يسير الصبح المحلات ويشتريها قبل ما تخلص.. بس للاسف النسخة الي حصلتها فيها خلل ما اقدر ادخل الايديت و الترينينج يمكن السوني عندي تعبان.. المهم.. الصراحة لعبت لين الحين مبارتين في المباراة الاولى ما حسيت انه في فرق في اللعب بس بعد شوي بديت احس في الفرق خاصة في الانيميشن والحركات الجديدة وابشركم المنتخب البرازيلي صاير اقوى بس رونالدينهو طاقاته نفس الشي تقريبا وادريانو طاقاته ارتفعت وايد صار احسن من رونالدو! ما جربت الفرق الثانية بس ان شاء الله عن قريب..
من ناحية الجرافيك ما حسيت انه في فرق كبير.. يعني فرق بسيط.. بس ما في تباطىء في اللعب ابدا.. واللعبة يابانية مع بعض الاشياء المكتوبة بالانجليزي يعني ممكن تفهم على اللعبة عادي..
اللعبة تبين انها صارت اصعب خسرت المبارتين الي لعبتهم.. المباراة الاولى اخترت البرازيل ولعبت ضد برشلونة وخسرت 2-0 والمبارة الثانية لعبت ضد الارجنتبين وخرست 3-0 لين الحين ما يبت وولا هدف..
الخبر السيء هو انه مافي منتخبات خليجية تقدر تلعب معاهم الا المنتخب السعودي..

اذا حد عنده اي استفسار يسالني.. انا حاضر..
يالله انا رايح العب لي شوي بسهر لين الصبح

[emadplus]

فين في السعودية؟

[fozan]

ممكن اتحط لنا فيديو من اللعبه

[bebebe]

لا مب في السعودية بس اكيد بتحصله في السعودية في المحلات باجر الصبح..
بالنسبة للفيديو ما اقدر لانه ماعرف في هذه السوالف..

[DanteSparda]

انت وينك من الكره الارضية؟؟؟؟؟؟؟؟؟؟؟؟؟؟؟

[fozan]

انت في الامارات؟

اللعبه افضل من we8le

اشلون الكرات العرضيه

[جونينيو]

اخوي قريبآ
راح يخرب كمبيوترك
النسخه ذي سيئه لاتلعبها وايد
بس ممكن ان اللعبه تكون معدله فقط

[bebebe]

نعم من الامارات.. المكان الي حصلت اللعبة فيه هو امارة عجمان..
اللعبة بشكل عام احسن في كل شي من ناحية اللعب وابشركم يبت اول هدف لي..

[bebebe]

ههههه.. اللعبة هو جزء التاسع متاكد 100%
كيف يخرب كومبيوتري هو على البلاي ستيشن..

[the_sniper]

عجمان !!!!!!!!


اي محل اخوي ...


الروضه


او


يسريا

؟؟؟


ويييييييين خبرني ... انا بييييك و بشتري

[-Gunners-]

كلام فاضي بسكم جذب اللعبة راح تنزل 4/8 و انا يوميا اراجع المواقع اليبانية و الصينية و التايلندية و التايوانية و انا راعي محل و أخوي موجود بالصين 24 ساعة و لنه بالكوبي و التسرب للألعاب من عمر اللعبة راح تنزل 30/7 بالكويت و هذي النسخة كاملة عند تومب رايدر بالكويت و بلاش أفلام هندية !! لأنك لو صاج صور بالموبايل من شاشة التلفزيون و حط صورها اقنع الشباب و اله ما تعرف بعد !!!

[fozan]

راح تنزل بالكويت يوم 30-7

انت متأكد؟

[bebebe]

اوكي اذا انتوا مب مصدقين..
خلاص قول لي شو اصور بالضبط؟ انت اختار وانا بصور لك اوكي؟

[جونينيو]

اوكي اذا انتوا مب مصدقين..
خلاص قول لي شو اصور بالضبط؟ انت اختار وانا بصور لك اوكي؟

مصديقينك يالغالي

بس ابيك والله لايهينك تصور لنا صوره لـ

طاقات اللاعبين

مثل

روبن و بلاك عشان اخوي شنايدر

واكون لك شاكرآ ولاتنسى ادريانو

المهم اي شي يدل على صحة الخبر

[madrid-4-ever]

انتو من صدقكم تصدقون يعني اللعبه راح تنزل بتاريخ 4/8 وحتى لو قبل بس مو الحين وحتى مانزلت على النت لحد لأن فكيف هذا الهندي يعني سوبرمان

رئيس كونامي؟؟؟

ياخي العبها على غيرنا..