~+ المدارس الثانويه +~

عرض للطباعة

12-09-2005, 09:04 PM
Tokimeki

~+ المدارس الثانويه +~

http://www.catwho.net/inuyasha/school.jpg

+مساء الخير +

بما ان الحين راح تبدي المدارس عندنا بالوطن العربي ( الله يكون بعونكم ) قلت راح اتكلم و اشرح عن النظام الدراسي بالياباني من مختلف النواحي و طبعا راح يفتح نقاشات و اسئله ان شاء الله تستفيدون منها و الاهم ان نستمتع فيها +^o^+

للأسف ما راح اقدر اشرح عن كل المراحل الدراسيه لكن اخترت اهم مرحله و هي المرحله الثانيويه الي يطلقون عليها اسم kotogakko الي تبدء من الصف العاشر الي الثاني عشر .

http://upload.wikimedia.org/wikipedia/en/b/be/Jun1.jpg

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه . يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه .

~+الزي المدرسي +~

يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

http://www.cosmates.jp/shop/images/p...play95_big.jpg

و بالنسبة للصبيان اشهر زي هو زي gakuran

http://www.w6w.net/upload/12-09-2005...1456d68a15.jpg

* الدوام الرسمي *

يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص . تبدء الدراسه في شهر ابريل و تنتهي في مارس للسنه المقبله و يقسم العام الدراسي الي 3 مواسم :

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس

الاجازات و العطل الرسميه

اجازه الصيف ( سته اسابيع )

اجازة الشتاء عند حلول ليله رأس السنه

اجازة الربيع

بالاضافه الي العطل الرسميه لليابان .

يبدء الاسبوع الدراسي من يوم الاثنين الي الجمعه و ايضا سبتين من كل شهر ×__× ;;

* المواصلات *

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

http://www.yutaka-machi.com/P1000702.jpg

* الحصص الاضافيه *

تعرف ب yobiko و هذه حصص تقويه اظافيه تقدر تستمر لاكثر من سنه يأخذها اغلب الطلاب قبل التحاقهم بالجامعه

* داخل المدرسه *

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

http://www.tjf.or.jp/shogakusei/6-1/donna/img/r03.jpg

* القوانين و اللوائح *

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

* حصص الرياضه *

من المواد المهمه عند اليابانين هي التربيه البدينه و لهم زي خاص يسمونه ( TAISOUGI )

http://www.intleducenter.umd.edu/ima.../gym_unif1.jpg

* الغداء *

مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني

علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص .

http://www.welfare.co.jp/product/sho...ges/bentou.jpg

* النشاطات المدرسيه *

كل طالب لازم ان يشترك في نشاط معين و طبعا يؤخذ بشكل جدي ...يعني لو قرر ان يدش نادي التنس تلقاه يتدربون بعد المدرسه بصوره مستمره

http://www.topics-mag.com/edition5/archery02.jpg

* مهرجان الثقافه المدرسي *

يعتبر من اهم الاحداث الي ينطرها كل الطلاب و هذا اليوم الي عاده ما يكون في يوم عطلة نهايه الاسبوع تشارك كل المدرسه بنجاح هذا اليوم الي يمكن تستمر مده الاستعداد حقه لاكثر من شهرين.

http://galileo.spaceports.com/~luap/...nstruction.jpg

هذه نبذه مختصره عن الحياة الثانويه باليابان و اكيد في اشياء ثانيه ان شاء الله راح اتكلم عنها بالمستقبل و اتمنى ان عجبكم الموضوع البسيط و ان شاء الله تستفيدون منه +^-^+
12-09-2005, 09:26 PM
asf4ever

مشاركة: ~+ المدارس الثانويه +~

مساء النور توكي^^
مدام الموضوع عن الثانوية فقلت لازم أرد مع إنه علي أطنان من المذاكرة -___->>>يبالغ
Ahem
الصراحة معلومات أول مرة أعرفها مع إني أحسها مهمة في الأنمي والمانغا ونشوفها بشكل كبير

اقتباس:

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس

ثلاث مواسم أحسن من إثنينة على الأقل ما يخلونك تنسى المدرسة مثل إجازة الصيف عدنا>.>
بس دوامهم متعب فعلا@_@
وعن الزي المدرسي فأظن إنه تحت الركبة لكن في الأنمي يبالغون (أذكر قريت هالكلام في منتدى أجنبي:p )
المووهم
شكرا على الموضوع توكي ونسيت أقول الحمد الله على السلامة
والحين بروح أحل واجب الفيزيا أبركلي:196:
12-09-2005, 09:37 PM
Amidamaru

مشاركة: ~+ المدارس الثانويه +~

السلام عليكم ورحمة الله وبركاته..
موضوع كووول:D وحلو
الظاهر طلعت البارحه استفدتي منها :p

اقتباس:

المشاركة الأصلية كتبت بواسطة Tokimeki

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه . يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه .

شغل عدل ! مب احنا:09:
طب وتخير وحياك :D

اقتباس:

المشاركة الأصلية كتبت بواسطة Tokimeki

~+الزي المدرسي +~
يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

ايه زي البنات عجيب ويحمس الواحد يدرس في اليابانXD
بس انهم يعرفون مدرسة الواحد من زيه ..شي فعلا يدل على نظامهم

اقتباس:

المشاركة الأصلية كتبت بواسطة Tokimeki

و بالنسبة للصبيان اشهر زي هو زي gakuran

ايه هذا اللبس رهيب الصارحه وودي في واحدT_T

اقتباس:

المشاركة الأصلية كتبت بواسطة Tokimeki

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

هذا حال اغلب اليابانين مو بس عيال الثانويه :09:
والأفضل هناك بصراحة هو الدراجة الهوائيه فعلا ..

اقتباس:

المشاركة الأصلية كتبت بواسطة Tokimeki

تعرف ب yobiko و هذه حصص تقويه اظافيه تقدر تستمر لاكثر من سنه يأخذها اغلب الطلاب قبل التحاقهم بالجامعه

سنة كامله! حق تقويه بس..
راح عمره هذا>< بس اهتمامهم بالتعلم قوي فعلا .يعني ياخذ حصص اضافيه تستمر لسنه! عشان يجهز عمره بس.. يستحقون هالتطور فعلا:D

اقتباس:

المشاركة الأصلية كتبت بواسطة Tokimeki

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

يب..
سامع عن هالشي ..لأنهم يحترمون دار العلم ويقدسونها :09:
بس الله يعلم شو يصير داخل :p

اقتباس:

المشاركة الأصلية كتبت بواسطة Tokimeki

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

وهذا اصلا اساس تطور الشعب هناك!
القوانين والالتزام بها
عقبالنا:D

اقتباس:

المشاركة الأصلية كتبت بواسطة Tokimeki

مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني
علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص .

ايه هذا شخصيه معروفه في الأنميXD
بس اغلب اكلاتهم متشابهه:p

اقتباس:

المشاركة الأصلية كتبت بواسطة Tokimeki

اقتباس:

المشاركة الأصلية كتبت بواسطة Tokimeki

هذه نبذه مختصره عن الحياة الثانويه باليابان و اكيد في اشياء ثانيه ان شاء الله راح اتكلم عنها بالمستقبل و اتمنى ان عجبكم الموضوع البسيط و ان شاء الله تستفيدون منه +^-^+

اقتباس:

المشاركة الأصلية كتبت بواسطة Tokimeki

لا موضوع فعلا رووعه :biggthump
تسلم ايدج عليه^^ ومعلومات حلوة فعلا..
والله يخلي اليابانيه ما قصرت وياج الظاهر:09:

بايو
12-09-2005, 09:42 PM
Yamato

مشاركة: ~+ المدارس الثانويه +~

الصراحة يعجبني الزي في الانمي اكثرر (يمكن لانه اقصر @_@)

ويا عصفور.. سير ذاكر احسنلك (حلاته يوم الواحد يتامر على طالب.. خخ)

مشكورة توكي عالموضوع المدرسي.. بس يا ليت كان اقصر.. لوول
12-09-2005, 10:59 PM
HIME-SAMA

مشاركة: ~+ المدارس الثانويه +~

:jap030:السلام عليكم جميعا :jap030:
-----------------------------

يوووو اشلونج توكي

واااااو خوش موضوع :biggthump

ذكرتينا ايام الثانوية :jap005:

اقتباس:

يختلف زي المدارس من مدرسه لأخرى ...

وناسه عيل اختار المدرسه على لبسها اي وحده لبسها احلى :33:

اقتباس:

نادرا اذا شفت احد يروح بسياره بعض المدارس اصلا تمنع انك اتيي بسياره +_+

:jap001: ويييه واحنا مدلعين
حتى لو بيتنا ورا المدسه ما نروح الا بسياره ولا اخر مديل بعد :ds019:

اقتباس:

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

...:ds020: ...

والله ناس نظاميين مو احنا ...
زين الطالب عندنا يوصل المدرسه بملابسه XD هذا اذا ما كام نايم بنص الطريج:p

اقتباس:

و طبعا يمنع ان الشخص يأكل غداه في وقت الحصص .

هذول يمنعون الاكل بالحصص:ds001:
اصلا ما تحلى الحصه ولا تقدر تفهم
الا اذا كل وحده بدرجها بطاط خل XD ومعاه بطل فلفل :biggthump

:ds011: تسلمين عزيزتي توكي على هالموضوع الحلو

وبانتظار المزيد منج :05:

Sayonara:ciao:
---------------------------------------------
12-09-2005, 11:32 PM
Al-RaQmi

مشاركة: ~+ المدارس الثانويه +~

مرحبـــــا توكي
كيفك وكيف امورك ؟؟
صدق انكِ احسن وحده ^_^
لاني كنت دائما اتسائل عن طريقة المدارس في اليابان
ومن موضوعك عرفت اشياء اول مرة اسمع فيها *_*

اقتباس:

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه

الحمد لله انا مو مثلهم احنا مدلعين ومرفهين ^_^

اقتباس:

يختلف زي المدارس من مدرسه لأخرى ...

:33: معلومه جديدة

اقتباس:

يبدء الدوام الرسمي الساعه 8:30 صباحا و ينتهي 3:00 مساء

غريبه !! دائما في اغلب الانميات ما يطلعون الا مع غروب الشمس ؟

اقتباس:

و يقسم العام الدراسي الي 3 مواسم

والله شي طيب ^^

اقتباس:

اغلب الطلاب يختارون يا انهم يمشون او عن طريق الدراجات الهوائيه

اه وش يصير عندنا في الصبح كل واحد يجر الثاني للسيارة -_-"

اقتباس:

تعرف ب yobiko و هذه حصص تقويه اظافيه تقدر تستمر لاكثر من سنه يأخذها اغلب الطلاب قبل التحاقهم بالجامعه

هذا يبين سبب ان اغلب العرب مكرشين &_&

اقتباس:

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه

المهم عندنا انك تحظر للصف بجسمك مو مهم شكلك ولا لبسك ولا عقلك :31:

اقتباس:

يمنع ان الشخص يأكل غداه في وقت الحصص

اذكر ايام المدرسة ما يحلا الاكل الا وقت الحصص فشفاش وفول سوداني وعصيرات ......
==
على العموم ان موضوعك تحفه واشكرك على المعلومات الحلوه الي افدتينا فيها ^_^
13-09-2005, 12:58 AM
TNT-BOY

مشاركة: ~+ المدارس الثانويه +~

يعني تتوقعي الواحد له خلق يتكلم عن ثانويته على شان يتكلم عن ثانويات الناس ؟-_-"

يمكن لو كان عندنا خيارات اوسع في التدريس زي اليابانيين راح يكون نسبة الذكاء اعلى

الثانوية اشبه بالحرب بين الطالب وزميله والمدرسين والادارة
وكل يوم اروح المدرسة آملاً اني ارجع بأقل اضرار ممكنة
-=ايام راح افتقدها في الجامعة =- :)

بالنسبة للنظام الياباني :
عجبني انه 6 حصص فقط !
لان الحصة السابعة احيانا تنقلب كابوس وتخرب كل اله جمعته في الحصص السابقة >_<
بالنسبة للزي الرسمي
عند الاولاد مال البحارة رهيب
وعلى فكرة الازرار لها دلالات "المرحلة - الحب - القوة" والاشيا دي
بس انا استانس على زي البحار اله معاه حاشية طويلة وهو الزي الرسمي مال الصيع والعصابات :biggthump

بالنسبة للبنات:
.....اعتقد عرفتو ليش الاولاد متحمسين للدراسة :jap027:
خاصة المناقشات الدراسية اله يعملوها جنب الدرج وله قدام المسبح :biggthump

نظام الدراسة 3 سمسترات ؟
ممتاز جدا !

http://www.yutaka-machi.com/P1000702.jpg

رافقكم الرب ايه الجنود الشجعان :02:

بالنسبة لي مدرستنا قريبة من البيت
احب اتمشى لها لان المشوار يكون صغير ومسلي <<<<<اكيد اولها يمر على مدرسة البنات XD
بس وناسة لما اتمشى مافي طفل\طفلة في الابتدائي ما اتحرش به :biggthump
حتى ان بعضهم اعرف اساميهم من كثر ما اشوفهم وانا رايح

بس طلعتنا الجو العالمي مالنا ما يشجع ارجع اتمشى فأرجع بسيارة صاحبي

مدرستنا متشددين في القوانين بعد
يعني حتى الجيل ممنوع تحط لك قبل ماتجي المدرسة
الشعر الطويل ممنوع
انك تجيب اكل ممنوع <<<< متحسر على اليابانيين XD
انك تتكلم اثناء الدرس.....ممنوع :09:

http://www.welfare.co.jp/product/sho...ges/bentou.jpg
على طول تذكرت مأساة كابامارو مع علبة الطعام :D
بالنسبة لي العلكة والحلاوى ما يحلون اله ايام الدراسة #_#

اقتباس:

وعن الزي المدرسي فأظن إنه تحت الركبة لكن في الأنمي يبالغون (أذكر قريت هالكلام في منتدى أجنبي:p )

لا الشي دا يصير
بس اكيد مو في كل المدارس
على حسب المدرسة وتشددها

اذكر مرة شفت انا برنامج عن اليابان وكانو يطلعو الناس اله في الشارع وهم رايحين للعمل والمدرسة فكنت ملاحظ ان في بنات فوق الركبة وبنات تحت الركبة
طبعا اله تحت الركبة للـLossers وله ركبهم سود :09:

اقتباس:

الصراحة يعجبني الزي في الانمي اكثرر (يمكن لانه اقصر @_@)

مشكورة توكي عالموضوع المدرسي.. بس يا ليت كان اقصر.. لوول

Yamato اشعر بالفخر لمعرفتك يا رجل
:jap047:

اقتباس:

غريبه !! دائما في اغلب الانميات ما يطلعون الا مع غروب الشمس ؟

اعتقد بسبب النشاطات لانه تكون بعد المدرسة

مشكورة توكي
وياليت لو تعطينا اطلاع اكبر على موضوع طول وقصر التنورة وتدعميه بالصور........اوه نسيت ما اقول "من باب الفائدة والتعلم "فقط لاغير !:jap007:

وهذي اغنية منزلنها قبل فترة تتكلم عن الثانوية <<<<<< لحقو قبل ما يجو المراقبين يحذفو اللنك :09:
13-09-2005, 01:59 AM
Kashiwaba

مشاركة: ~+ المدارس الثانويه +~

آخ ذكرتيني بالمأساة اللي تبدي الأسبوع الياي:ds007:
13-09-2005, 02:23 AM
Tokimeki

مشاركة: ~+ المدارس الثانويه +~

مساء النور توكي^^
مدام الموضوع عن الثانوية فقلت لازم أرد مع إنه علي أطنان من المذاكرة -___->>>يبالغ
Ahem

مسااء النور اي انا قلت لازم اغثكم شويه علشان تتهيئون نفسيا :jap006:

الصراحة معلومات أول مرة أعرفها مع إني أحسها مهمة في الأنمي والمانغا ونشوفها بشكل كبير

الحمد الله و هذا الهدف من الموضوع +^^+

إقتباس:

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس

ثلاث مواسم أحسن من إثنينة على الأقل ما يخلونك تنسى المدرسة مثل إجازة الصيف عدنا>.>

والله لو يخلونها 8 مواسم تعرف المثل الي يقول تيتي تيتي مثل ما رحتي جيتي :D ما ينفع هني عندنا احنا مخوخنا غير ما تستقبل :biggthump

بس دوامهم متعب فعلا@_@

بس يونس !! يعني هو يحببونك بالدراسه ....و اصلا يقعدون بالمدرسه اكثر من البيت ....فتعتبر هذه المرحله جزء كبير من حياتهم .

وعن الزي المدرسي فأظن إنه تحت الركبة لكن في الأنمي يبالغون (أذكر قريت هالكلام في منتدى أجنبي )

لا هذه الصور صج ....و عندي رفيجاتي يابانيات لبسهم تنوره قصيره ....يعني الانمي مقتبس من الواقع XD اصلا سألت البنت و بالشتاء تغيرون لبسكم ؟ تقولي اييي تكون التنوره نفس الطول بس الخامه تتغير تكون اسمك ...قتلها يعني شنو ما تستبردون قالت بلى بس Fashion comes first ْ:jap031:

شكرا على الموضوع توكي ونسيت أقول الحمد الله على السلامة
والحين بروح أحل واجب الفيزيا أبركلي

الله يسلمك ....واجب الفيزيا ابرك لك:jap018: .....وينك انت ايام دراستي جان سلفتك كل الي عندي :jap006:

موضوع كووول وحلو
الظاهر طلعت البارحه استفدتي منها

يب يب ....و كانت طلعه موفقه XD

شغل عدل ! مب احنا
طب وتخير وحياك

احنا حكم ديكتاتوري غصبن عليك تروح هل المكان رضيت ولا انرضيت :jap014:

ايه زي البنات عجيب ويحمس الواحد يدرس في اليابانXD
بس انهم يعرفون مدرسة الواحد من زيه ..شي فعلا يدل على نظامهم

احس القاك اول واحد مداوم بس علشان ما يطوفه شيء :jap001:
و صج كل مدرسه لها زيها الخاص و يتميز فيه ...و اصلا وايد يختارون مدرستهم علشان زيهم !! * تفكير بناتي بحت *:jap013:

هذا حال اغلب اليابانين مو بس عيال الثانويه
والأفضل هناك بصراحة هو الدراجة الهوائيه فعلا ..

عاد اتصدق هذا هو الصح ! من ناحيه الصحيه و حتى الركضه و المشي شويه تطير النومه ...مو احنا اول ما نوصل نص عين مغمضه و ما ادري متى يستوعب المخ:jap010:

سنة كامله! حق تقويه بس..
راح عمره هذا>< بس اهتمامهم بالتعلم قوي فعلا .يعني ياخذ حصص اضافيه تستمر لسنه! عشان يجهز عمره بس.. يستحقون هالتطور فعلا

ما ادري اذا فهمت عدل ...بس هذه حصص تقويه يعني خلال فترة الدراسه مو لما يتخرج ياخذها ...يعني لما يخلص الدوام يروح مدرسه ثانيه علشان يتعلم * ماكو شغل !! * :ds013:

سامع عن هالشي ..لأنهم يحترمون دار العلم ويقدسونها
بس الله يعلم شو يصير داخل

اذا عرفت قول ;)

لا موضوع فعلا رووعه
تسلم ايدج عليه^^ ومعلومات حلوة فعلا..
والله يخلي اليابانيه ما قصرت وياج الظاهر

سااانكيو دود !! و بس ذليتني ما صارت طلعه :09:

الصراحة يعجبني الزي في الانمي اكثرر (يمكن لانه اقصر @_@)

اهلا ياماتو شخبارك !!

و صدقني راح اتغير رايك لو شفت الواقع :D

مشكورة توكي عالموضوع المدرسي.. بس يا ليت كان اقصر.. لوول

هيههيهي هذا الي قدرت عليه XD
13-09-2005, 03:14 AM
Tokimeki

مشاركة: ~+ المدارس الثانويه +~

يوووو اشلونج توكي

واااااو خوش موضوع

ذكرتينا ايام الثانوية

هلووو هيمي !! شخبار القنفات XD
و اي ايام ثناويه صلي على النبي ...احنا مقارنة معاهم ايام الجاهليه و انت الصاجه :D
.

وناسه عيل اختار المدرسه على لبسها اي وحده لبسها احلى

و هذا الحاصل !! Girls Rules :jap038:

ويييه واحنا مدلعين
حتى لو بيتنا ورا المدسه ما نروح الا بسياره ولا اخر مديل بعد

اي والله و تلقي السياره مافيها الي شخص واحد ...المسافه من بيته للمدرسه دقيقتين بالسياره ياخذله 3 ساعات من كثر زحمة الاوادم :jap014:

والله ناس نظاميين مو احنا ...
زين الطالب عندنا يوصل المدرسه بملابسه XD هذا اذا ما كام نايم بنص الطريج

والله لو طبقو النظام عندنا احس من اول يوم الاوادم اتصارخ : عبووووووود شفت جوتييي ّ!! و لا هااااك و يحذفه جنه بازوكا و بويه على بو غشمره:jap025: و ما تلقيت بعد ما يطوف اسبوع الا الجوتي صار اسوووووووووووود و مشقق و اصلا يقول الله يرحم والديك قطني:jap053:

هذول يمنعون الاكل بالحصص
اصلا ما تحلى الحصه ولا تقدر تفهم
الا اذا كل وحده بدرجها بطاط خل XD ومعاه بطل فلفل

هيههيهيهي يعني ما نقيتي الا الاشياء الي فيها ريحه و على طول يجكونج XD

تسلمين عزيزتي توكي على هالموضوع الحلو

العفوو !!! سانكيو على البووست :biggthump

مرحبـــــا توكي
كيفك وكيف امورك ؟؟
صدق انكِ احسن وحده ^_^

والله يا رقمي بصراحه ما اقدر اناقشك بهذه النقطه لانها حقيقه علميه ما يختلف عليها اثنين :jap001:

لاني كنت دائما اتسائل عن طريقة المدارس في اليابان
ومن موضوعك عرفت اشياء اول مرة اسمع فيها *_*

يعني كسبت اجر صح ؟! يلا زين قاعده ايمعهم :ds011:

الحمد لله انا مو مثلهم احنا مدلعين ومرفهين ^_^

احنا VIP محد يصك علينا :jap037:

غريبه !! دائما في اغلب الانميات ما يطلعون الا مع غروب الشمس ؟

هذا يكون وقت نشاطهم ...يعني تخلص الدراسه الساعة 3 و بعدين كل واحد يروح نشاطه ..مثل السله و التنس و الجودو الخ الخ

اه وش يصير عندنا في الصبح كل واحد يجر الثاني للسيارة -_-"

لا و تلقاهم يعني يبدي الواك 8:30 اهم يقومون 6:30 تقريبا الي يسوي الاكل ماله و الي ياخذ الباص و يستغرق وقت على ما يوصل ...يعني يومهم يبدي من الفير

المهم عندنا انك تحظر للصف بجسمك مو مهم شكلك ولا لبسك ولا عقلك

عليك نور ....! المهم ان يمتع ناضريه بشوفتك و يتأكد الاستاذ ان يومه من التعذيب النفسي و العقلي بده و طبعا هذا غرامه :jap014:

اذكر ايام المدرسة ما يحلا الاكل الا وقت الحصص فشفاش وفول سوداني وعصيرات ......

شفيكم كلكم تاكلون بحصصكم :jap010:

على العموم ان موضوعك تحفه واشكرك على المعلومات الحلوه الي افدتينا فيها ^_^

مشكووور و الحمد الله ان استفدتو منه +^_^+
13-09-2005, 03:19 AM
Tokimeki

مشاركة: ~+ المدارس الثانويه +~

يعني تتوقعي الواحد له خلق يتكلم عن ثانويته على شان يتكلم عن ثانويات الناس ؟-_-"

ما عندي ثانويه و ابي اغث احد ...فمافي غيركم :biggthump

الثانوية اشبه بالحرب بين الطالب وزميله والمدرسين والادارة
وكل يوم اروح المدرسة آملاً اني ارجع بأقل اضرار ممكنة
-=ايام راح افتقدها في الجامعة =-

ايام الثانويه عبط ....بس عندي ايام الجامعه وايد احلا .... :D

بالنسبة للنظام الياباني :
عجبني انه 6 حصص فقط !
لان الحصة السابعة احيانا تنقلب كابوس وتخرب كل اله جمعته في الحصص السابقة >_<

يعني يت على هذه الحصه خل الطبق مستور :jap006:

بالنسبة للزي الرسمي
عند الاولاد مال البحارة رهيب
وعلى فكرة الازرار لها دلالات "المرحلة - الحب - القوة" والاشيا دي
بس انا استانس على زي البحار اله معاه حاشية طويلة وهو الزي الرسمي مال الصيع والعصابات

مال الصبيان قصدك هذا صح

http://www.w6w.net/upload/12-09-2005...36e23e4605.jpg

صج اتحس حق الPunks مع ان احس يضايق و تقريبا عبيط +___+

.....اعتقد عرفتو ليش الاولاد متحمسين للدراسة
خاصة المناقشات الدراسية اله يعملوها جنب الدرج وله قدام المسبح

No Comment :ds013:

رافقكم الرب ايه الجنود الشجعان

لوووووووووول:rofl:

بالنسبة لي مدرستنا قريبة من البيت
احب اتمشى لها لان المشوار يكون صغير ومسلي <<<<<اكيد اولها يمر على مدرسة البنات XD
بس وناسة لما اتمشى مافي طفل\طفلة في الابتدائي ما اتحرش به
حتى ان بعضهم اعرف اساميهم من كثر ما اشوفهم وانا رايح

والله احس وناسه ....بس حلات اليهال يتيمعون عليك و تروح فيها :jap036:و برستيجك يضيخ خصوصا جدام مدرسه البنات :09:

مدرستنا متشددين في القوانين بعد
يعني حتى الجيل ممنوع تحط لك قبل ماتجي المدرسة
الشعر الطويل ممنوع
انك تجيب اكل ممنوع <<<< متحسر على اليابانيين XD
انك تتكلم اثناء الدرس.....ممنوع

صج ؟! غريبه...يعني خصوصا انك تييب اكل :33: ....لا الجيل هني عادي ..يا معود خل يسنعون شعورهم ..كل واحد يروح و شعره على شكل نومه و ستايل مخدته :jap018:

اذكر مرة شفت انا برنامج عن اليابان وكانو يطلعو الناس اله في الشارع وهم رايحين للعمل والمدرسة فكنت ملاحظ ان في بنات فوق الركبة وبنات تحت الركبة
طبعا اله تحت الركبة للـLossers وله ركبهم سود

هيههيهيهي يعني يمكن البنت شريفه و حيويه:jap017:

Yamato اشعر بالفخر لمعرفتك يا رجل

الله يستر :jap014:

وياليت لو تعطينا اطلاع اكبر على موضوع طول وقصر التنورة وتدعميه بالصور........اوه نسيت ما اقول "من باب الفائدة والتعلم "فقط لاغير !

والله كنت راح احط لبس الBuruma مال الرياضه حق البنات ...بس بعدين تذكرتك قلت لاااع و الف لااااع :jap001:

وهذي اغنية منزلنها قبل فترة تتكلم عن الثانوية <<<<<< لحقو قبل ما يجو المراقبين يحذفو اللنك

لوووووووووووووووووووووول !!!! اتعقد XD

آخ ذكرتيني بالمأساة اللي تبدي الأسبوع الياي

و هذا الهدف من الموضوع:ds001:
13-09-2005, 03:49 AM
Yurilin

مشاركة: ~+ المدارس الثانويه +~

السلام عليكم ورحمة الله وبركاته ^.-
مساء النور حبيبتي ^-^
************
موضوعج رااااااائع جدا ^.-
وعجبني اسلوبج ^.-....بس امبيه شنو هذا !!!!!!!
والله انهم غريبين ^^"...او احنا الغريبين مايندرا ^-^"
الدوام الدراسي من الساعة 8 ونص الى 3 O.O!!!!
ولا العطلة الصيفية 6 اسابيع بسO-O!!!!!
و العام الدراسي من ابريل - اغسطس ...ومن سبتمبر الى ديسمبر ...ومن يناير الى مارسO_O!!!!! شنو هذا ^^"!!
هههههههههههXD ....... ملابسهم حلوة ^.- + الاكل يشهي الواحد :D
اقول ليش ياربي بالانميات تختلف ملابسهم ... وخاصة في sailor moon ملابس ليتا غير مينا غير عن ري ^-^"ههههههXD
**********
معلومات حلوة وقيمة ^.-
تسلمين حبيبتي عالموضوع الرائع جدا -.^
ونتمنى لج التقدم الدائم بإذن الله ^-^
Au revoir^.-
13-09-2005, 08:39 AM
solid snake leg

مشاركة: ~+ المدارس الثانويه +~

السلام عليكم toki و مشكورة على الموضوع
مع أني لست من المهتمين بالحياة في اليابان:33: لكن هذا الموضوع مثير للاهتمام

اقتباس:

المشاركة الأصلية كتبت بواسطة Tokimeki

ما عندي ثانويه و ابي اغث احد ...فمافي غيركم :biggthump

شرررررر:vereymad:

اقتباس:

المشاركة الأصلية كتبت بواسطة Tokimeki

ايام الثانويه عبط ....بس عندي ايام الجامعه وايد احلا .... :D

الله يسمع منك أنا السنة حتكون أول سنة لي لكن مش جامعة معهد عالي
13-09-2005, 09:53 AM
OrOcHiMaRu SaMa

مشاركة: ~+ المدارس الثانويه +~

السلام عليكم ورحمة الله وبركاته ....^^

كيفك اختي ان شاء الله تكوني بخير وصحة

ما شاء الله تبارك الرحمن ......... موضوع رائع ومرتب ...الله يعطيكي العافية

بالتوفيق اختي

See You....^^
13-09-2005, 01:44 PM
Kaze

مشاركة: ~+ المدارس الثانويه +~

السلام عليكم ورحمة الله وبركاته << تحية الاسلام >_>

ايه طوكي عفية شو هل النشاط الظاهر فيج عقدة مدارس XD

تبي ترجعين ايام الثانوية

الا اقول طوكي شنو سوالفكم الي تسوونها بالثانوية :09:

اقتباس:

بما ان الحين راح تبدي المدارس عندنا بالوطن العربي ( الله يكون بعونكم )

مالي شغل انا بطالي :09:

اقتباس:

قلت راح اتكلم و اشرح عن النظام الدراسي بالياباني من مختلف النواحي و طبعا راح يفتح نقاشات و اسئله ان شاء الله تستفيدون منها و الاهم ان نستمتع فيها +^o^+

ايه من قدج ثقافة يابانية , تصدقون ما تحسون ان توكي فيها عرج ياباني XD

اقتباس:

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه . يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه

ايه مالت علينا هني T_T المدرسة على حسب التخصص وال منطقة
يعني الواحد اذا يبي التخصص الفلاني لازم يروح المدرسة الفلانية ومافي الاذي الي درس التخصص هذا واذا تبي غيرها لازم تبدل مناطق والله قهر ><

اقتباس:

يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

هيهيه لا انا عندي اللباس المدرسي المسمى عند البنات المريول احلى بوايد XD
عاد حنا بالبحرين نسميه نريول وانتوا شنو تسمونه XD

اقتباس:

و بالنسبة للصبيان اشهر زي هو زي gakuran

ايه والله شغل عدل التفصيل وخاصة انه كووول يصلح حق طلعات مجمعات XD
هيهيه لما اضعف بلبس واحد :09:

اقتباس:

يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص .

ايه عفية هذا الدوام ^^ مو احنا نقوم مع طلعت اهالينا الصبح ونرجع معاهم كان رايحين نشتغل ><

اقتباس:

الاجازات و العطل الرسميه

اجازه الصيف ( سته اسابيع )

اجازة الشتاء عند حلول ليله رأس السنه

اجازة الربيع

بالاضافه الي العطل الرسميه لليابان .

هيهيه بس هذولة الاجازات XD
حنا بدول الخليج ناخذ تقريبا 3 اشهر اجازة صيفية وغير الاجازات الثانية بس حنى يالشباب ما نقصر نعطي روحنا اجازات من عندنا XD
مره من المرات غابيت يومين عن المدرسة وكان في ظغط بالتدريس ان كانوا يبون يجربون علينا نظام جديد وكان مافي وقت فكان كل شيء بالسريع فقلت آخذ يومين اجازه وارجع ولما رجعت سالني الاستاذ ليش غايب ( يبي عذر ) رديت عليه حاله نفسية وشرحت انه هذا النظام مو شيء ومسوي اكتآب المهم تفليفيت عليه حصو كامله وكنت بالعمد علشان اطوف حصة الرياضيات لاني اكرها XD

اقتباس:

* المواصلات *
اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

الله يخلي الاهل XD

اقتباس:

* داخل المدرسه *

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

اقول الحذاء الثاني على حساب المدرسة ولا على حساب الطلاب ؟ XD

اقتباس:

* القوانين و اللوائح *

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

ايه عفية ><
انا كنت بالثانوية سنتين وفي آخر فصل ما دخلوني المدرسة
ليش ؟
شعرطويل XD

اقتباس:

* حصص الرياضه *

من المواد المهمه عند اليابانين هي التربيه البدينه و لهم زي خاص يسمونه ( TAISOUGI )

هيهيهيه حنا في المدرسة يعطونه كورة وسوو فيها الي تبون بس جيبوها آخر الحصة XD

اقتباس:

* الغداء *

مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني

علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص

خلف الله علينا هذا الاكل ولا بلاش
مو احنا شوارمه و برجر XD
او طعمية مثل الصخر اكيد سراب فاهم قصدي لانا من نفس المدرسة XD

اقتباس:

* النشاطات المدرسيه *

كل طالب لازم ان يشترك في نشاط معين و طبعا يؤخذ بشكل جدي ...يعني لو قرر ان يدش نادي التنس تلقاه يتدربون بعد المدرسه بصوره مستمره

حذي النشاطات مو موجوده عندنا بس الي موجود فريق الكشافه -___-"

اقتباس:

* مهرجان الثقافه المدرسي *

يعتبر من اهم الاحداث الي ينطرها كل الطلاب و هذا اليوم الي عاده ما يكون في يوم عطلة نهايه الاسبوع تشارك كل المدرسه بنجاح هذا اليوم الي يمكن تستمر مده الاستعداد حقه لاكثر من شهرين

المهرجانات والحفلات انا في البيت نايم XD

مشكوره توكي على هذه المعلومات الجميلة وواصلي تميزك والى الامام دائما

Angle
13-09-2005, 03:41 PM
kuru-neko

مشاركة: ~+ المدارس الثانويه +~

السلام عليكم

هلا توكي

اقتباس:

بما ان الحين راح تبدي المدارس عندنا بالوطن العربي ( الله يكون بعونكم ) قلت راح اتكلم و اشرح عن النظام الدراسي بالياباني من مختلف النواحي و طبعا راح يفتح نقاشات و اسئله ان شاء الله تستفيدون منها و الاهم ان نستمتع فيها +^o^+

شو يعني تقهرينا ان شاء الله هذي اخر سنة لي وراح أفتك من المدرسة (ادعولي أنجح)

اقتباس:

* الدوام الرسمي *

يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص .

حظهم عندهم وقت ينامون فيه مو احنا من الساعة ست واحنا قايمين بانتظار الباص

اقتباس:

* المواصلات *

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

http://www.yutaka-machi.com/P1000702.jpg

الصراحة انا تعجبني هالوسيلة بس المشكلة منو متفيج يقوم الصبح ويسوق سيكل !!

اقتباس:

* الغداء *

مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني

علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص .

http://www.welfare.co.jp/product/sho...ges/bentou.jpg

مو احنا سندويش فلافل يابس وعصير ميلكو والوقت نصف ساعة :(

اقتباس:

هذه نبذه مختصره عن الحياة الثانويه باليابان و اكيد في اشياء ثانيه ان شاء الله راح اتكلم عنها بالمستقبل و اتمنى ان عجبكم الموضوع البسيط و ان شاء الله تستفيدون منه +^-^+

مشكوووووووووووووووورة اختي توكي وتسلمين على الموضوع الرائع والحقائق المهمة اللي قدمتيها ، ونحن بنتظار الاشياء الثانية!:ciao:
13-09-2005, 06:53 PM
Rory

مشاركة: ~+ المدارس الثانويه +~

ما أنكر إنه نظام التعليم عدنا وخاصه الثانوي -زفت- بس يعني نظام الإجازات عدنا ولا أروع! الله يعينهم .. على كل ها الكراف والتعب .. وآخر شي إجازة 6 أسابيع ..

بس شو الحلو في مدارسهم .. إنها حياة كاملة تقريبا .. تجربة يديدة .. ومع إنها صعبة والدراسة شوي شديدة بس في وايد أشياء تسليهم .. مثل المهرجانات وها الخرابيط ..
أما نحنا فــ نحمد الله إذا كان في يوم مفتوح واحد -ماله معنى أو هدف محدد (المهم مافي حصص)- في السنة .. يعني محد حتى يفكر إنه يساهم فيه أو يشارك .. لأنه ممل :31: ..

بس والله حبيت الــ gakuran مالهم .. شكله كيوووت! وخاصة عالـ bishies عاد :09:!
أبغي يكون عندي واحد .. T_T
يعني من شفت Gokusen/Gokusen 2 وأنا معجبة بها اللبس .. :o
http://www.tokyojupiter.com/blog/caps/gokusen03_06.jpg
يعني Shin .. is super kakoooiii in his gakuran

أما لبس البنات .. فعادي .. مليت منه من الأنمي :blackeye:!

anywaysss ..
موضوع كيووت وياي في وقته!
ثانكس Toki-chin! :D
13-09-2005, 07:15 PM
Yamato

مشاركة: ~+ المدارس الثانويه +~

Yamato اشعر بالفخر لمعرفتك يا رجل

The same on this side dude

توكي.. المدارس اليابانية لازم دايما يطلع فيها واحد حلو البنات تلاحقه وهو ما يهتم.. ووحدة ما تهتم فيه.. وواحد بيرف يريد الكل.. @_@

هذا عالاقل اللي شفته بالانميات -__-

ياختي تكلمي شوية عن عن اللبس بتفصيل اكثر @,_@
13-09-2005, 07:39 PM
عاشقة الدار

مشاركة: ~+ المدارس الثانويه +~

سلام ورحمه
..................
واااااااااو موضوع روع الصراح واحلي فقرة الاكل ( :eating:اكلهم يهبل يميميميميمييييييي :eating: )

وفمان الله:hello:
13-09-2005, 07:52 PM
!!!!!

مشاركة: ~+ المدارس الثانويه +~

ماشا الله عليج اختي مثل ماعودتينا مواضيعج روعة وقمة في التميز والابداع
يعجبني كل شي عن اليابان خاصة مدارسهم ..
لازم انسميج ملكة التميز ;)

مشكورة اختي على الموضوع الحلو واتمنى اتواصلي عطائج للمنتدى ^^
13-09-2005, 11:05 PM
Tokimeki

مشاركة: ~+ المدارس الثانويه +~

موضوعج رااااااائع جدا ^.-
وعجبني اسلوبج ^.-....بس امبيه شنو هذا !!!!!!!
والله انهم غريبين ^^"...او احنا الغريبين مايندرا ^-^"
الدوام الدراسي من الساعة 8 ونص الى 3 O.O!!!!
ولا العطلة الصيفية 6 اسابيع بسO-O!!!!!
و العام الدراسي من ابريل - اغسطس ...ومن سبتمبر الى ديسمبر ...ومن يناير الى مارسO_O!!!!! شنو هذا ^^"!!

هلا حبيبتي شلونج يوري تشان ^-^
اي عندهم اشياء تستغربين منها بس تصدقين حلوه :D اخس شيء عندهم الدراسه حدها صعبه ×___×

هههههههههههXD ....... ملابسهم حلوة ^.- + الاكل يشهي الواحد
اقول ليش ياربي بالانميات تختلف ملابسهم ... وخاصة في sailor moon ملابس ليتا غير مينا غير عن ري ^-^"ههههههXD

و هذا بعد شيء انا حبيته فيهم ....بس ادري انا مع حظي الي يكسر الصخر لو اروح ادرس هناك والله ما انقبل الا في مدرسه هدومها سووووبر خايسه +___+

معلومات حلوة وقيمة ^.-
تسلمين حبيبتي عالموضوع الرائع جدا -.^
ونتمنى لج التقدم الدائم بإذن الله ^-^
Au revoir^.-

سااانكيو !! و بالتوفيق للجميع و مشكوره على البوست ^^

مع أني لست من المهتمين بالحياة في اليابان لكن هذا الموضوع مثير للاهتمام

صج !؟ عيل انا عكسك احب اعرف كل شيء عنهم و بالتفصيل الممل بعد :biggthump

شرررررر

At Your Service :ds001:

الله يسمع منك أنا السنة حتكون أول سنة لي لكن مش جامعة معهد عالي

مبرووك !! و ان شاء الله راح تستانس و راح اتحس بفرق واضح و عاد قولنا بعدين ^___^+

السلام عليكم ورحمة الله وبركاته ....^^

كيفك اختي ان شاء الله تكوني بخير وصحة

ما شاء الله تبارك الرحمن ......... موضوع رائع ومرتب ...الله يعطيكي العافية

بالتوفيق اختي

العفو سنيك و الحمد الله ان الموضوع عجبك +^-^+ و مشكور على المرور :D

ايه طوكي عفية شو هل النشاط الظاهر فيج عقدة مدارس XD

تبي ترجعين ايام الثانوية

الا اقول طوكي شنو سوالفكم الي تسوونها بالثانوية

هلو " عنجل " شخبارك و وينك ما اتبين :ds003:

لااااع ما ابي ارد ولا عندي عقده و لا بطيخ ...الحين انا عايشه بنعيم :jap037:

و سوالفي الثانويه مكتوبه في ملف + محطوطه في خزنه + فجرتها قبل ما تسأل فلا تحاول :jap018:

ايه من قدج ثقافة يابانية , تصدقون ما تحسون ان توكي فيها عرج ياباني XD

هيههيهيهي اي توهم معطيني الجنسيه :09:

ايه مالت علينا هني T_T المدرسة على حسب التخصص وال منطقة
يعني الواحد اذا يبي التخصص الفلاني لازم يروح المدرسة الفلانية ومافي الاذي الي درس التخصص هذا واذا تبي غيرها لازم تبدل مناطق والله قهر ><

اتصدق حتى ما اذكر اني فكرت اي ثانويه راح ادش ..على المنطقه + الربع وين راح يدشون :biggthump

هيهيه لا انا عندي اللباس المدرسي المسمى عند البنات المريول احلى بوايد XD
عاد حنا بالبحرين نسميه نريول وانتوا شنو تسمونه XD

اي شيء ×____× هدوم الثانويه ملوتنا حلوه !! الله يهديك الي يشوفنا جنا سيلانيات مسترجعين :09:

ايه والله شغل عدل التفصيل وخاصة انه كووول يصلح حق طلعات مجمعات XD
هيهيه لما اضعف بلبس واحد

يعني ما راح تلبس :D

ايه عفية هذا الدوام ^^ مو احنا نقوم مع طلعت اهالينا الصبح ونرجع معاهم كان رايحين نشتغل ><

انت شوف مبنى مدرستهم اول شيء و قارنه بمدرستنا T____T الله كريم :bigeyes:

مره من المرات غابيت يومين عن المدرسة وكان في ظغط بالتدريس ان كانوا يبون يجربون علينا نظام جديد وكان مافي وقت فكان كل شيء بالسريع فقلت آخذ يومين اجازه وارجع ولما رجعت سالني الاستاذ ليش غايب ( يبي عذر ) رديت عليه حاله نفسية وشرحت انه هذا النظام مو شيء ومسوي اكتآب المهم تفليفيت عليه حصو كامله وكنت بالعمد علشان اطوف حصة الرياضيات لاني اكرها XD

بعد الاستاذ شكو يتفلسف و يسأل يدري ان السبب الرئيسي ان مالنا خلق ويوهم شنو الا يبينا نعترف بصوت و صوره :o

و من صجك اول ماده رياضيات +___+ ما اقدر استوعب @_@ انا احط مواد الادبي خصوصا العربي ..لان وجوده بالساعه الاولى او الاخيره هو ذاته ×__× فأنام بالاولى احسن لي:jap049:

اقول الحذاء الثاني على حساب المدرسة ولا على حساب الطلاب ؟ XD

انت خل يقبلونك و ان شاء الله الجوتي هذيه مني :09:

انا كنت بالثانوية سنتين وفي آخر فصل ما دخلوني المدرسة
ليش ؟
شعرطويل XD

احنا يعاقبون علشان الاضافر طويله +___+ و مره يعني قالتلي الابله ...عقاب لج ما راح تحضرين الساعه الاولى :wow: !! انا بمخي انت من صجج :bigeyes: لا بالله كل يوم يايه و اضافري توصل لي ركبي :biggthump

هيهيهيه حنا في المدرسة يعطونه كورة وسوو فيها الي تبون بس جيبوها آخر الحصة XD

هيههيه احنا ما ادري ليش ابلات البدينه كلهم بطات و شمتنهم :33:

خلف الله علينا هذا الاكل ولا بلاش
مو احنا شوارمه و برجر XD
او طعمية مثل الصخر اكيد سراب فاهم قصدي لانا من نفس المدرسة XD

اصلا ما يمديك تشتري و بعد عناء طابور المقصف الا طق الجرس:jap053:

مشكوره توكي على هذه المعلومات الجميلة وواصلي تميزك والى الامام دائما

ساااانكيو و ان شاء الله +^-^+
13-09-2005, 11:27 PM
Tokimeki

مشاركة: ~+ المدارس الثانويه +~

شو يعني تقهرينا ان شاء الله هذي اخر سنة لي وراح أفتك من المدرسة (ادعولي أنجح)

مثل ما انا عانيت انتو بعد عانو * هيهيهيهي * :D

حظهم عندهم وقت ينامون فيه مو احنا من الساعة ست واحنا قايمين بانتظار الباص

لا ترا هم اهم يقعدون امبجر ...الي يسوي له ريوقه و الي عنده تدريب قبل ما تبدي المدرسه و الي لازم يلحق على الباص و مرات ياخذ وقت ...يعني ناس نشيطين بمعنى الكلمه +^_^+

الصراحة انا تعجبني هالوسيلة بس المشكلة منو متفيج يقوم الصبح ويسوق سيكل !!

انت بس شوف المناظر الي يمرون عليها و Sakura و الجو الحلو ...يعني مو بس ينزل عليك نشاط الا يخليك سونيك :09:

مو احنا سندويش فلافل يابس وعصير ميلكو والوقت نصف ساعة

هيهيهيه تكبر و تنسى :D

مشكوووووووووووووووورة اختي توكي وتسلمين على الموضوع الرائع والحقائق المهمة اللي قدمتيها ، ونحن بنتظار الاشياء

العفو...العفو ...و ان شاء الله راح اسوي الupdate عن قريب +^__^+ سانكيو على البوست + موفق :biggthump

ما أنكر إنه نظام التعليم عدنا وخاصه الثانوي -زفت- بس يعني نظام الإجازات عدنا ولا أروع! الله يعينهم .. على كل ها الكراف والتعب .. وآخر شي إجازة 6 أسابيع ..

احنا احلا ما فينا العطل! لا و اذا كنت بمدرسه امريكيه بعد احلا و احلى تاخذ من الصوبين XD

بس شو الحلو في مدارسهم .. إنها حياة كاملة تقريبا .. تجربة يديدة .. ومع إنها صعبة والدراسة شوي شديدة بس في وايد أشياء تسليهم .. مثل المهرجانات وها الخرابيط ..

وااايد !! يعني صج حياة و تعتبر مرحله ما راح ينسونها هذا ليش اهي مهمه بنسبه لهم +^_^+

أما نحنا فــ نحمد الله إذا كان في يوم مفتوح واحد -ماله معنى أو هدف محدد (المهم مافي حصص)- في السنة .. يعني محد حتى يفكر إنه يساهم فيه أو يشارك .. لأنه ممل ..

مو ممل الا سوبر ممل + يفشل و على قولتج احلا ما فيه ان ماكو حصص :o

بس والله حبيت الــ gakuran مالهم .. شكله كيوووت! وخاصة عالـ bishies عاد !
أبغي يكون عندي واحد .. T_T

حدا مالهم كيووت !! و اصلا احس يخلي الجيكر bishie (*,*)

يعني من شفت Gokusen/Gokusen 2 وأنا معجبة بها اللبس ..

يعني Shin .. is super kakoooiii in his gakuran

احب هذا الدوراما !! تضحك +^-^+ بس الحين انا قاعده اشوف Mars شفتيها ؟! هي كوريه بس يستاهل الواحد يتابعها :biggthump

أما لبس البنات .. فعادي .. مليت منه من الأنمي !

لا حرام عليج كيوووت ! اي انا مليت من الSailor uniform بس في عندهم هدوم ثانيه حدها كاوايييييي ~

anywaysss ..
موضوع كيووت وياي في وقته!
ثانكس Toki-chin!

Douitashimashite Rory Chiwan

توكي.. المدارس اليابانية لازم دايما يطلع فيها واحد حلو البنات تلاحقه وهو ما يهتم.. ووحدة ما تهتم فيه.. وواحد بيرف يريد الكل.. @_@

هذه قاعده معروفه و راح تنهار البشريه اذا ما صارت :33: ...اتوقع تنت راح يحظر رسالة ماجستير عن هذا الموضوع :D

ياختي تكلمي شوية عن عن اللبس بتفصيل اكثر @,_@

يعني انت تبي ينصك موضوعي مو عارف شلون هاااع :jap014:

ماشا الله عليج اختي مثل ماعودتينا مواضيعج روعة وقمة في التميز والابداع
يعجبني كل شي عن اليابان خاصة مدارسهم ..
لازم انسميج ملكة التميز

هيههيي شدعوه بس مشكوووره وايد على الكلمات الي تشجع +^__^+

مشكورة اختي على الموضوع الحلو واتمنى اتواصلي عطائج للمنتدى ^^

ان شاء الله و انت مشكوره على المشاركه +^_^+

واااااااااو موضوع روع الصراح واحلي فقرة الاكل ( اكلهم يهبل يميميميميمييييييي )

هذا احنا اول شيء نفكر فيه الاكل XD

Saaaankyuuu
14-09-2005, 12:53 AM
takumi

مشاركة: ~+ المدارس الثانويه +~

مشكوره اختي على الموضوع الحلوو :D

و موضوعج ياي بوقته كنت صج ابي اعرف شنو نظامهم المدرسي لاني احب اليابانيين واايد ^__^:biggthump

و ملابسهم احلى شي يهبلون كل مدرسه و ملابسها:icon6: ‘ مو عندنااا الابتدائي و المتوسط مثل المريوول 9 سنوات مثل الملابس يلوع جبدنا من الملابس :sorry: :aargh4: ، اما الثانويه صار تغيير باللبس بس هماً مو حلوو و ويع:31: .

مشكوره اختي و مع السلامه :ciao:
14-09-2005, 03:05 AM
© Fancy Kitty ©

مشاركة: ~+ المدارس الثانويه +~

اقتباس:

يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

ايوا هذا الزي اللي دايم يجيبونه في الانيمي
امممممم حلوه يعرفون الطالب من زيه المدرسي :D
من جد نظاام

اقتباس:

و بالنسبة للصبيان اشهر زي هو زي gakuran

احنا بالنسبة للصبيان اشهر زي هوا الثوب هه هه :ds013:
وفي جميع المراحل من روضة الى 3 ثانوي :09:

اقتباس:

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس

3 مواسم؟؟؟ ياحرااااااااام :laughing:

اقتباس:

اجازه الصيف ( سته اسابيع )

خخخخ هذول طيبين.. مافي اي اعتراض عندهم :09:

اقتباس:

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

هذي المعلومة جديدة
اما ممنوع سيارات :33:
احلى شي الواحد يمشي بدراجة
عشان أأخر نفسي عن الدوام واقول للمعلمة الكفرات حقت الدراجة نسمت في الطريق :rolleyes:

اقتباس:

تعرف ب yobiko و هذه حصص تقويه اظافيه تقدر تستمر لاكثر من سنه يأخذها اغلب الطلاب قبل التحاقهم بالجامعه

احنا حصتين تقوية في الاسبوع ويادوبك
عاد ايش لو كان سنة :ds013:

اقتباس:

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

وأيش الغرض من دا الشي :D
اشوف هذي الحركة في كثير من الانيمي

اقتباس:

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

بس انا قبل كذا شفت طلبة ثانويات وشعورهم كلها مصبوغة
اللي بني واللي برتقالي ..وفي فسفوري كمان :blackeye:

اقتباس:

من المواد المهمه عند اليابانين هي التربيه البدينه و لهم زي خاص يسمونه ( TAISOUGI )

احلى حاجة النوم في هذي الحصة
نعتبرها حصة فراغ عندنا :D

اقتباس:

و طبعا يمنع ان الشخص يأكل غداه في وقت الحصص .

لوووول انا مااقدر اركز من غير لبان ( علكة ) :09:

اقتباس:

* مهرجان الثقافه المدرسي *

يعتبر من اهم الاحداث الي ينطرها كل الطلاب و هذا اليوم الي عاده ما يكون في يوم عطلة نهايه الاسبوع تشارك كل المدرسه بنجاح هذا اليوم الي يمكن تستمر مده الاستعداد حقه لاكثر من شهرين.

محد يحضر هذا اليوم عندنا في المدرسة عشان كدا اتلغى من عندنا تماما :09:

اقتباس:

هذه نبذه مختصره عن الحياة الثانويه باليابان و اكيد في اشياء ثانيه ان شاء الله راح اتكلم عنها بالمستقبل و اتمنى ان عجبكم الموضوع البسيط و ان شاء الله تستفيدون منه +^-^+

شكرا اختيييي عالموضوع الجميييييل ^^
واللهي اعطانا معلومات فعلا
بس اقول الحمدلله انو مدارسنا مو شديدة زيهم

بيس :ciao:
14-09-2005, 07:59 AM
Anime Girl

مشاركة: ~+ المدارس الثانويه +~

السلام عليكم

اوهـايــو :)
اختي ** توكي ** ماشاء الله عليج
اخيرا احد كتبت عن مدارس اليابان
تسلمين عالموضوع الحلو
===
والkotogakko هي اصلاً مرحلة العذاب
ومايسمى ب " قبر الطلاب " :09:
+++
واحلى مافيه ازيائهم تهبل :jap031:
قصدي ال Sailor Fuku"
وخصوصا البلايز شيء
مو احنا " مراييل " :31: الله يرحم الحال -_- "
وملابس الاولاد حلوة بعد .. اذا شفتها
مادري ليش اتذكر البابا حق الكنايس :33: :09: !!
=====

اقتباس:

اجازه الصيف ( سته اسابيع )

:bigeyes: بس الله يعينهم مايمديهم يتهنون !! :02:

اقتباس:

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

مافيه احلى من المــشي خصوصا يوم تجين مع ربيعاتج :D .. مايصلح بروحج :02:

اقتباس:

* داخل المدرسه *

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

http://www.tjf.or.jp/shogakusei/6-1/donna/img/r03.jpg

شفتوا الترتيب واللباقه , ياناس !!

اقتباس:

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

افا ليش ؟ :ds002: خصوصا احنا يابنات
منعيش بدون حركات شعر !! بس المكياج يحق لهم ^^
++++
اريقاتو كوزايمس
اختي
توكي-شان
عالتقرير الروعه والفريد من نوعه :jap004:
==========
TNT-BOY

اقتباس:

وعلى فكرة الازرار لها دلالات "المرحلة - الحب - القوة" والاشيا دي

معلومه جديده :33:

اقتباس:

احب اتمشى لها لان المشوار يكون صغير ومسلي <<<<<اكيد اولها يمر على مدرسة البنات XD
بس وناسة لما اتمشى مافي طفل\طفلة في الابتدائي ما اتحرش به :biggthump
حتى ان بعضهم اعرف اساميهم من كثر ما اشوفهم وانا رايح

هيههيهيهي طلع اخوي مو الوحيد اللي مأذي بنات الابتدائيه :jap006:
وشفيكم انتم الظاهر الثانويه تسوي كذا بالعيال ؟؟!!

اقتباس:

وهذي اغنية منزلنها قبل فترة تتكلم عن الثانوية <<<<<< لحقو قبل ما يجو المراقبين يحذفو اللنك :09:

مشكور على اغنية الراب
فـــلــــــه :biggthump
وخصوصا انها عن الثانويه :D
=======
ThanX
sayonara
:jap038:
14-09-2005, 10:38 AM
H U N T E R

مشاركة: ~+ المدارس الثانويه +~

ذكرتيني بايام الثانوية :jap040:

اقتباس:

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه . يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه .

عندنا ما يحتاج معدل يحتاج واسطة

اقتباس:

* الدوام الرسمي *

يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص . تبدء الدراسه في شهر ابريل و تنتهي في مارس للسنه المقبله و يقسم العام الدراسي الي 3 مواسم :

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس

اما هاذي عاد فانهم مساكين
صح انها 6 حصص
بس الى الساعة 3 والله حرام

انا اذا جت الحصة 7 يجي وقت القيلولة :jap052:

لا وبعد 3 فصول :jap009:

اقتباس:

* المواصلات *

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

على شان اول ما اصل المدرسة اكون سابح في العرق :jap018:

اوه نسيت اختلاف الجو

اقتباس:

* النشاطات المدرسيه *

كل طالب لازم ان يشترك في نشاط معين و طبعا يؤخذ بشكل جدي ...يعني لو قرر ان يدش نادي التنس تلقاه يتدربون بعد المدرسه بصوره مستمره

هذا اللي خلاهم يبدعون

يا خذون كل شي بشكل جدي

يا اخ TNT

اقتباس:

بالنسبة لي مدرستنا قريبة من البيت
احب اتمشى لها لان المشوار يكون صغير ومسلي <<<<<اكيد اولها يمر على مدرسة البنات XD
بس وناسة لما اتمشى مافي طفل\طفلة في الابتدائي ما اتحرش به :biggthump
حتى ان بعضهم اعرف اساميهم من كثر ما اشوفهم وانا رايح

عندنا وعندك خير

بس العكس

اذا رحت اجيب خواتي من المدرسة

تلقى محطة سبيس تون فاتح هناك خاصة بنات الباص يغنون باص المدرسة

وايضا تلقاهم متجمعات على السيارة يطقونها و يسلمون على خواتي كانهم اول مرة يشوفونهم

وفي الاخير اشكر toki على الموضوع

واتمنى انك تكتبين عن مرحلة الابتدائي
14-09-2005, 02:25 PM
Handasan

مشاركة: ~+ المدارس الثانويه +~

اقتباس:

المشاركة الأصلية كتبت بواسطة Tokimeki

يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

يزين لبسهم مب لبسنا الى يلوع الجبد><
ولا الالوان المريول >.> تجيب المرض
اعوذ بالله ماصرنا اوادم ><

اقتباس:

المشاركة الأصلية كتبت بواسطة Tokimeki

يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص . تبدء الدراسه في شهر ابريل و تنتهي في مارس للسنه المقبله و يقسم العام الدراسي الي 3 مواسم :

^-^ هييييي ..لو يطبقون النظام على السعوديه

اقتباس:

المشاركة الأصلية كتبت بواسطة Tokimeki

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

-_-ماشاء الله نشاط زايد

اقتباس:

المشاركة الأصلية كتبت بواسطة Tokimeki

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

هذا النظافه ^_^ وترتيب
مو احنا >-<
------
هذي بعظ اكلات لقيتها ^-^ طبعا من بعد اذن توكي بحطها
http://www.animesclub.com/upload/files/452525.jpg
http://www.animesclub.com/upload/files/gdsgsdg.jpg
http://www.animesclub.com/upload/files/jhjhgj.jpg

----------

TNT-BOY

اقتباس:

المشاركة الأصلية كتبت بواسطة TNT-BOY

رافقكم الرب ايه الجنود الشجعان :02:

ههههههههه ^0^

اقتباس:

المشاركة الأصلية كتبت بواسطة TNT-BOY

وهذي اغنية منزلنها قبل فترة تتكلم عن الثانوية <<<<<< لحقو قبل ما يجو المراقبين يحذفو اللنك :09:

^-^ يحلو الاغنانيه خطيره...
ارقتوه تنت بوووي
14-09-2005, 02:38 PM
Handasan

مشاركة: ~+ المدارس الثانويه +~

>< نسيت لااضيف شي النشيد الوطني الياباني:D
-----------

كيمي غا يو - مولاي
君が代は

千代に
八千代に
細石の
巌となりて
苔の生すまで
Kimi ga yo wa
Chiyo ni
Yachiyo ni
Sazare ishi no
Iwao to narite
Koke no musu made
ندعو لمجدك

أن يدوم ألفًا،
ثمانية ألف جيل،
حتى الحصى
يصير صخرًا
مغطىً بالنجيل.
14-09-2005, 08:42 PM
A.N.G.E.L

مشاركة: ~+ المدارس الثانويه +~

اقتباس:

المشاركة الأصلية كتبت بواسطة Tokimeki

http://www.catwho.net/inuyasha/school.jpg

+مساء الخير +

بما ان الحين راح تبدي المدارس عندنا بالوطن العربي ( الله يكون بعونكم )

:02: :02:

اقتباس:

المشاركة الأصلية كتبت بواسطة Tokimeki

لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه . يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه .

هذا اصعب نقطة ><

اقتباس:

المشاركة الأصلية كتبت بواسطة Tokimeki

* داخل المدرسه *

اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )

http://www.tjf.or.jp/shogakusei/6-1/donna/img/r03.jpg

بس أنا ودي اعرف ليش..؟؟

هل هو نوع من احترام للمدرسة...

أو نظافة!!

========

ماشاء الله موضوع حلو..

ووخاصة جاء بوقت مناسب له...

تسلمين توكي ولا تحرمينا من مواضعك المميزة^^
15-09-2005, 03:23 AM
عبرات الزمن

مشاركة: ~+ المدارس الثانويه +~

:: مــراحــب ::
Way to go GIRL .. موضوع ممتـــع :biggthump
أخبارك Tokimeki ما شفتك من زمااااااان .. واحشتني ^_^
نبدأ الفلسفة

اقتباس:

يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه . و من اشهر زي مدرسي و معروف من قبل محبين الانمي هو زي " البحاره " او "Sailor Fuku"

يا عمري على الأزياء .:. بـــراد و هــواء .:.
يا اختي لو تشوفي _ المريول _ إلي عندنا أصفر ومع الشمس الذهبيـة أصلا" الإسم لوحده :blackeye:

اقتباس:

الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس
اجازه الصيف ( سته اسابيع )

شايفــه الكلام هذا ما يناسب أبدا" 6 أسابيع يدوب قلنا يا هادي _ ولمدارسنا حسناتها _ ^.^

اقتباس:

الطلاب اييبون معاهم غداهم الخاص الي يطلقون عليه ( BENTOU ) يعني
علبه الغداء

فاكــرة كابامارو لما يصرخ _ علبــة غدااااااااااااائي والقريدس المقلــي _ وفاكرة شكل العلبة كيف كان
روعــــة Tokimeki موضوع جميـــل والتوقيع أروع :biggthump
15-09-2005, 06:03 PM
d.o.d.y

مشاركة: ~+ المدارس الثانويه +~

خخخخخخخخخخخخخ هذا عند اليابان وامريكا بس احنا يمكن في الاحلام^^
ياي لو مدارسنا كذا كان ما طلعت منها^^ مو ناقص الا نت وتلفزيون^^
15-09-2005, 09:59 PM
weiss_girl

مشاركة: ~+ المدارس الثانويه +~

موضوع جدا جدا جميل ومدهش خاصه من كثر ما اشوف انيم المدارس حفظت بعض قوانين مدارسهم..
بس من ناحية اللبس مش دايما لباس sailor هو اللبس العام فمثلا في انيميات كانوا البنات يلبسون مريول يكون مثل الجاكيت والكارافيتا او ربطة عنق مثل:
http://www.absoluteanime.com/his_and...ces/yukino.jpg
http://www.absoluteanime.com/ceres/aya.jpg
http://www.absoluteanime.com/full_me...ic/_kaname.jpg
http://www.absoluteanime.com/fushigi_yugi/_miaka.jpg
بس يشتركون ان التنورة تكون مكسرة..
والأولاد بعد لهم ملابس مختلفه
http://www.absoluteanime.com/ceres/aki.jpg
http://www.absoluteanime.com/detecti...an/_jimmy2.jpg
http://www.absoluteanime.com/full_me...c/_sousuke.jpg

اقتباس:

اجازه الصيف ( سته اسابيع )

وانا اقول ليش ما امداهم في الصيف يروحون البحر ويردون وعلى طول تبدا المدرسه اجازتهم وايد قصيره ودراستهم طويله

اقتباس:

اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+

اصلا اللي يوصل بالسيارة يعتبر عندهم من الاغنياء مثل هاناو في ماروكو الصغيره وبعضهم يكونون يايين بالقطار من مناطق ثانيه..
زاده عيل اليابانيين ضعاف مب مثلنا وبعد لازم نروح المدرسه بسيارة كشخه وياويله اللي ينزل من على بيكب او تاكسي يتفشل اخر فشيله والبنات بعد يتدلعون لما ينزلون ما ينزلون إلا لازم جدام باب المدرسه بالضبط عشان البرستيج ولزومه، وطبعا ماننسى البودي جارد (الخدامه) عشان تشيل الشنطه (الثقيله وايد وتكسر اصابع اليد) ولما بتطلع تاخذ عباية البنيه عشان ماتتوصخ في المدرسه!!! (صج فسق وفشار على الفاضي)

اقتباس:

القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+

لول البنات عندنا كانوا كيوت بشعرهم الطويل والشرايط البيضاء اما الحين اللي صابغه شعرها اشقر+احمر واللي بس مكتفيه بالخصل والعدسات الملونه اللي تلوع الجبد رماديه مادري وشو الوان غريبه كأنه لو ذبانه طايحه على عيونها!!! والحواجب اللي حافينها صايره كأنه حد راسم لهم بالقلم الرصاص واللي حاطه حلق على خشمها صايرين كانهم مومو في peach girl

اقتباس:

مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني

علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص .

احنا لو يبنا معانا نطارتنا بل شنو بيعلقون علينا انا يهال في الروضه ،من ناحية الاكل في الصف اوف مانقصر مع العلوج والحب صفوفنا مزبله وكل شي على الفراشه المسكينه اما اليابانيين هم بأنفسهم ينظفون الصف ويمكن المدرسه بعد
مشكوره على الموضوع الممتاز.
22-09-2005, 10:13 PM
DREAMCATCHER

مشاركة: ~+ المدارس الثانويه +~

هلا توكي http://smilies.sofrayt.com/^/aiw/happy.gif
مشكورة على الموضوع ..... أنا قريته من زمان بس اليوم
نزل علي النشاط وقلت برد http://smilies.sofrayt.com/%5E/r/supergrin.gif
والله كل شي عجبني في نظامهم أكل وشرب >>> أهم شي http://smilies.sofrayt.com/%5E/r/biggrininvert.gif
ولبسهم الثانوية الله هذا امنيتي >>>> وأعتقد لبس المتوسطة نفسنا صح
مادري شفته في لايف اكشن :33: .
وبالنسبة للتنورة >>>> صار موضوع مهم والله :09:
أعتقد الثانويات الكاثوليكية يلبسون تنورة طويلة تحت الركبة
والباقيين مدري يمكن على حسب عادات المنطقة والمدرسة اذا كانت محافظة أو فري ;) .
-------------------------------------------------
وعندي سؤال يهمني ودايما أسأل نفسي عنه
وهو المسلمون في اليابان
ومدام الموضوع يتكلم عن الثانويات .....
هم لهم مدارس خاصة وشلون لبسهم مثل الباقيين أو مدارسهم وحده يعني
يدرسون مع الباقيين ؟؟؟
واذا ما قدرتي اتجيبين معلومات مو مشكله عادي :)
سلام
26-09-2005, 04:07 PM
orochimaru-sama

مشاركة: ~+ المدارس الثانويه +~

مشكورة توكي على الموضوع الحلو اللي بين لنا حياة اليابانين في المدارس طول عمري وانا ابي اعرف طريقتهم وما اقول الا مالت علينا وعلى مدارسنا
03-10-2005, 10:23 AM
عاشقة الدار

مشاركة: ~+ المدارس الثانويه +~

سلام
هههههههههههههههه انا الحين شابكه من الثنويه ههههههههههههه
وابله طاق سوالف داخل
وموضوعج ولله روع
ومشكور
05-10-2005, 08:07 PM
Squall 9

مشاركة: ~+ المدارس الثانويه +~

ماشاء الله تعريف كامل للمدارس الثانويه اليابانيه ^^

انا كنت اعرف عنهم شوي :09: والحين زادت معلوماتي عنهم ^^

ماشاء الله انظمتهم حلوه واااااايد ^^ بس يقولون الدراسه صعبه >< :bigeyes:

على العمــوم يعطيك العافيه ^^ ولاتحرمينا من جديدك

الساعة الآن 08:27 AM

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة لا تعبر عن رأي موقع منتدى المنتدى .

User Editable Threads, Thread Admins and Group Moderators provided by Threadmins and Group Moderators (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.