رأيته ولم يراني (عماد 18) آرجو الدخول فقط عماد 18
هي أغرب ليله مرت في حياتي وأتعس ليله مرت في حياتي. في يوم السبت الموافق 8/12/2001 م في الساعة العاشرة والنصف وآحدى عشر ثانية. الموقع في أسواق الشعلة وبالتحديد محل مركز النسر للبرامج رأيت عماد18 ومعه زميله على ماأعتقد وهو حاط تقويم في أسنانه ومعهم ولد صغير سمين شوي جالس على الكرسي أول مادخلت المحل علطول ناظرت عماد18 وأقول في نفسي هذا هو عماد18 وبكل تأكيد هو وأنا ناظرته بالصدفه لأن المحل كان مليان شوي وكان عماد18 ينظر آلي وكل مره أناظره يجي ويناظرني وأعتقد أنك ياعماد تقول وش ذا وراه يناظرني مابقى ألا يقلط معي:D . وهذا من دهشتي والله. وأنا ياعماد ناظرت صورتك في موضوعك آللي يقول الدعوة خربانه خربانه على ماأعتقد. وأنا ياعماد18 ودي آكلمك بس في ذيك اللحظة كنت مرتبك وخايف في نفس الوقت أخاف أنك تقوللي متى المعرفه أو تقولي شئ من هذا القبيل وتكتمني :D . المهم طلعت من المحل وجيت أبنزل من على الدرج آللي قبال المحل آللي ينزل تحت للقبو وترددت وأقول في نفسي ورى وماأكلمه وأخش بعينه بس مانيب عاقل:D . وجي وأدخل المحل مره ثانيه وأجي من وراك وتناظرني مره ثانيه وتكلم الولد الصغير آللي جالس على الكرسي أحتريك تناظرني علشان أخش بوجهك بس في النهاية عطيتني ظهرك وقعدت تكلم زميلك آللي بجنبك آللي مركب في أسنانه تقويم. وبعد هاذي اللحظة قلت في نفسي وأنا طالع من السوق والله أن هذا اليوم هو أتعس يوم في حياتي. وفي النهاية أنا حبيت أني أقول قصتي معك وأنت ماتدري وش السالفة :D . وعموما آرجو أنك تذكرتني يوم أني أناظرك وتناظرني. وأخاف أني أكون رأيتك ولم تراني ياعماد18.
الى اللقاء... تحياتي لك... ولنا لقاء بأذن الله.
:) :) :)
والله جيت في وقتها آخوي بلاي ستيشن آنا متورط
والله أنا متورط أنا أول ماأنتهى اللعب بسنيك وغرقت السفينه لعبت براديان أول ماتبدى براديان في غرفه فاضيه ثم الممر آللي فيه الجندي آللي شافه راديان وسوى آتصال مع مساعده ثم تقدم لم الغرفه التاليه وفيه جنديين لازم تهرب من الجنديين وتروح لم المصعد وتطلع فووووق لم السطح آللي فيه حمااام وطيوور المهم والله أني تورطت في السطح ماأدري وش أسوي تكفى آبغى الفزعه منك. تراني كاتب موضوع في منتدى ميتل جير علشان تساعدوني.
