رأيته ولم يراني (عماد 18) آرجو الدخول فقط عماد 18

[سلطان الكيوب]

هي أغرب ليله مرت في حياتي وأتعس ليله مرت في حياتي. في يوم السبت الموافق 8/12/2001 م في الساعة العاشرة والنصف وآحدى عشر ثانية. الموقع في أسواق الشعلة وبالتحديد محل مركز النسر للبرامج رأيت عماد18 ومعه زميله على ماأعتقد وهو حاط تقويم في أسنانه ومعهم ولد صغير سمين شوي جالس على الكرسي أول مادخلت المحل علطول ناظرت عماد18 وأقول في نفسي هذا هو عماد18 وبكل تأكيد هو وأنا ناظرته بالصدفه لأن المحل كان مليان شوي وكان عماد18 ينظر آلي وكل مره أناظره يجي ويناظرني وأعتقد أنك ياعماد تقول وش ذا وراه يناظرني مابقى ألا يقلط معي . وهذا من دهشتي والله. وأنا ياعماد ناظرت صورتك في موضوعك آللي يقول الدعوة خربانه خربانه على ماأعتقد. وأنا ياعماد18 ودي آكلمك بس في ذيك اللحظة كنت مرتبك وخايف في نفس الوقت أخاف أنك تقوللي متى المعرفه أو تقولي شئ من هذا القبيل وتكتمني . المهم طلعت من المحل وجيت أبنزل من على الدرج آللي قبال المحل آللي ينزل تحت للقبو وترددت وأقول في نفسي ورى وماأكلمه وأخش بعينه بس مانيب عاقل . وجي وأدخل المحل مره ثانيه وأجي من وراك وتناظرني مره ثانيه وتكلم الولد الصغير آللي جالس على الكرسي أحتريك تناظرني علشان أخش بوجهك بس في النهاية عطيتني ظهرك وقعدت تكلم زميلك آللي بجنبك آللي مركب في أسنانه تقويم. وبعد هاذي اللحظة قلت في نفسي وأنا طالع من السوق والله أن هذا اليوم هو أتعس يوم في حياتي. وفي النهاية أنا حبيت أني أقول قصتي معك وأنت ماتدري وش السالفة . وعموما آرجو أنك تذكرتني يوم أني أناظرك وتناظرني. وأخاف أني أكون رأيتك ولم تراني ياعماد18.

الى اللقاء... تحياتي لك... ولنا لقاء بأذن الله.

[جيم سنتر]

شفيك سلطان ؟!؟!؟!؟!؟

ليه عماد ملك وانا ما ادري زيك زيه وذا شفته يعني ينقالك شفت توم كروز يا رجال خلها على الله .


((والناس تتشابه))

[عماد 18]

لا تكون انت الطويل و اللي لابس فانيلة بيج و بنطلون اسود و اللي شوي و يقول ممكن اصور معك ؟
بصراحة انا شكيت قلت وش يبي هذا ؟
كل شوي جالس يقز فيني و كل ما التفت عليه التفت هو ..
طيب ليش اتعس ليلة عاد ؟؟
شايف ابليس لا سمح الله ..
انا فعلا كنت هناك في هالوقت عشان جهازي ما ادري وش فيه قام يخور و جاي اخذه ..

[سلطان الكيوب]

طيب منهم آللي معك ياعماد18 وش يقربون لك؟ وهذاك اليوم هو أتعس يوم لأني شفت واحد من شباب المنتدى ومن الأعضاء اللي تتجاوز ردوده ومواضيعه فوق 5000 موضوع ورد ومن الشباب آللي آحب أني أقراء مواضيعه وآرد عليه في نفس اللوقت. وتستاهل أكثر من كذا أخوي عماد. ومشكور على الرد آخوي جيم سنتر ومدري متى أشوفك أخوي جيم سنتر بس.

تحياتي لك...

[كوتو موتو]

هههههههههههههههههههه
الله يفضحكم بس اسمعوا وش صار معي انا
مره دخلت مقهى وكتبت www.mont
مادري الا وطلع العناوين حقه المنتدى المهم
واضغط عليها والا وقالي مرحبا بعودتك كايتو كيد؟؟؟؟؟؟؟؟؟؟؟؟؟
انا رحت فيها الحين قلت اكيد ان كايتو كيد جاي الى هذا المقهى قبلي
واتلفت يميني ويساري وبغيت اقول كايتو كيد بصوت عالي ":" ":"
بس قلت لا ياولد

[عماد 18]

الطويل هذا صديق لي اما السمين فواحد من اقاربي جاي مع اهله للمجمع ..
بس ما جاوبت علي ؟؟

[سلطان الكيوب]

لا يا عماد أنا كنت لابس ثوب بس مالبست شماغ. وأنا طولي تقريبا مثلك وكتوفي عراض وماني بدب ولا نحيف أنا جسمي وسط. وأنا أول مادخلت حصلتك واقف قبال الكرسي آللي عند الباب وآول مادخلت كلمت الهندي سيد وكنت الحقيقه أسئله عن ميتل جير النسخه اليابانيه. ومن يوم شفتك قعدت أطالع فيك وقلت أنا شايف هذا بس وين شايفه مدري؟ وطلعت من المحل وتذكرت أنك عماد آللي بالمنتدى ودخلت مره ثانيه للمحل عشان أكلمك وأعلمك أني سلطان الكيوب وأني معكم في المنتدى ويوم دخلت رحت يمين المحل عند ألعاب البلاي ستيشن2 الآوروبي وجلست أطالع فيك وتطالعني؟ هاااه ... تذكرتني. وكان شعري يلمع حاط كريم فيه

وياأخ كوتو موتو ههههههه حلوه منك والله أعضاء المنتدى تلقاهم وتقابلهم وتشوفهم بس ماتدري أنهم من أعضاء المنتدى...ههههههه .

[جيم سنتر]

ههههه عماد شموديك للرياض ما وراك دراسه بالقصيم عاداك دجو وصرت داج ":" ":" ":"

[سلطان الكيوب]

هههههههههاها ها ها ها ها ها ها هاااااااااااااااااااي ياجيم سنتر

[عماد 18]

ما اذكرك ..
الجايات اكثر ان شاء الله ..
على العموم اهم نقطة ..

انا جسمي عادي و الا سمين و الا دب و الا عصل ؟؟؟

[سلطان الكيوب]

والله يا عماد جسمك حلوووووو ومنتب طويل مره آللي جالس جمبك آطول منك بشوي ومنتب سمين وجسمك رياضي 100%

[عماد 18]

الله يسلمك اخووي تعال قل هالكلام في هالموضوع لان بعض الشباب خلوني دب اذا ما عليك كلافة :
http://www.montada.com/showthread.ph...8&goto=newpost
على فكرة كاني تذكرتك بس ابسالك لك شنب و الا مثلي ؟

[سلطان الكيوب]

ههههههه أنا راح أدافع عنك مو مشكله آخوي عماد. وبالنسبه للشنب آكييييييييييييييد شئ آساسي عندي شنب مو كثير ولا شوي هو وسط.

[1X1=1]

يا شباب انا كنت معاكم في المحل على ما اذكر هذا المحل الي تكلمون عنه هو في الامارات صح
وشفتكم يا عماد وسلطان كيوب

[Xenon]

والله حرام يا عماد18 الرجال يشوفك وانت تجطله حس ياخي...

والله ماشاء الله المعجبين وراك وراك...

أقول اللي اذا احد راح للمحل يسلملي على سيد ... من ذا المحل شريت أول جهاز بلاي ستيشن2 من سنة وزيادة.

____

والى اخوي اينشتاين

وين رحت بعيد اي اماراته انت الثاني ذا محل بالرياض بمجمع الشعلة ....


وشكرا.