ما هو أكثر ما يخيفك ؟!

السلام عليكم ورحمة الله وبركاته ^ ^

شنو أكثر شي يخوفك !!
هالسؤال وايد يسئلوني إياه ..
و ينصدمون كلهم لما يعرفون الشيء اللي اخاف منه ..
و انا متأكد انكم انتوا بعد بتنصدمون لما تعرفونه !!

علعموم .. قبل ما تعرفونه .. انا حاط بهالموضوع تصويت ^ ^ فياريت كل من يصوت يقولنا سالفه او سبب الخوف من الشيء اللي صوت له !! ..

و انا بقولكم السالفه ..
لكن اول شيء لازم تعرفون هالشيء اللي اخاف منه ..
انا اخاف من شيئين لكن واحد يتفوق على الثاني بفارق كبير بعض الشيء ..

الشيء الثاني اللي اخاف منه هو القطط !! ( البسه )
بصراحة انا اخاف منها لعدة اسباب .. احداها لأنها تظهر بسرعه و بشكل مفاجئ و غبيه حيييييل ..
مثلا انا اليوم كنت توني طالع من المطبخ .. و بروح لحديقه بيتنا .. ففجأه تطلع قطوه من وراي !! وهي تركض بسرعه حيل .. فأنا وقفت ونطرتها تطوف .. لكن المصيبه انها مو راضيه تطوف و زلقت من سرعتها فصارت تشمخ بالأرض بصوت عالي ( صوت الأظافر يزعج كثيرا !!! ) وهي تصارخ .. طيب والله العظيم انا جالس ماعملت شيء انتظرك تطوفي !! .. و بعدها طافت و بالغصب !! فعلا حيوانات غبيه !!

اما الشيء الأول و الأساسي و هو اكثر مخاوفي اللي راح تنصدمون منه !! هو

الدوااجن !!!!!!!!!!!!!!!!!!!!!

بكافة انواعها .. حمام .. طيور .. ديك .. دجاجه .. كتكوت .. بطه ( وزه ) .. ديك رومي .. نعامه .. كل شيء له ريش و منقار !! ..
طبعا الكل منصدم من هالخوف الشديد لها .. و السبب هو ..

ان مثل ما قلت ان بيتنا فيه حديقه .. و الوالد يحب يعلمنا على الاعتماد على النفس وما شابه .. فلما كنا صغار ( تقريبا كان عمري 7 سنوات ) كان مكلف كل واحد منا انه يروح يجيب البيض من الحديقه الي فيها قفص كبييييييير للدواجن بكل انواعها .. و مش أي بيض .. بيض بط و بيض دجاج و بيض حمام ووووو كثيييييييييييييير !! ..
فلما صار بأحد الأيام دوري .. فرحت انا علشان اخذ البيض .. دخلت و كل شيء كان تمام وعادي !! ..
و فجأه !!
اخواني ( 2 ) اكبر مني .. قفلوا الباب !! طبعا انا تعجبت وقلت لهم " شتسوون ؟ " و فجأه اشوف معاهم مخمه ( عصاة التنظيف ) و يضربون فيها القفص بكل قوتهم و يطلعون اصوااااااات و يصارخون !! .. فما شفت إلا ان كل الدواجن بكل احجامها تهييييييييييييييج !!
فالحمام طار فوقي و الديك ضربني بمنقاره على رجلي و الدجاجه شمختني .. و الحمام ضربني على راسي .. وانا اصرخ بأعلى صوتي !!
و بعدها طلعت من القفص وكنت شبه مخنوق من الفزع !! و جروح بسيطه بكل جسمي من الدواجن ..

طبعا بعدها صارت عندي عقده من الدواجن .. فإلى يومكم هذا إن سمعت صوت حمامه تطير او ديك يركض او دجاجه .. افزع و ارجف تلقائيا !!

و انتوا ؟ من شنو تخافون وليش ؟

لوول القطط والمرتفعات
القطط بسبب انها في اي فجأه بدون سابق انذار ممكن تقلب عليك
والمرتفعات ،، اظن خوف طبيعي :p

يالرخمة تخاف من دجاجة أنت وخشتك :09:
ياخي حتى ولو هاذي دجاجة شوتها شوته وحده وتخاف معد تطب بيتكم :09:
وحتى لو تخاف من القطط نقول معليه يمكن معك حساسية ضدهم بس دجاجة :31:
أنا ذيك المرة صارلي موقف نفس اللي صارلك بس ما زلت أوري الدجاج العين الحمرا :D
حتى شوف خوينا ديك المجد ما يقدر يرفع راسه علي :09:
<<< يا ويلي أهم شي ما يقرا هذا الرد :D
أما أكثر شي أخاف منه هو الذبان ( ذبابة :D )
<<< طلع أشين منك :09:
ياخي أحس أنه مخلوق جبار أبن أمه اللي يمسكه بيده الثنتين :D
وأتحدا واحد منكم مسكه :D
أما سبب خوفي لأنه دايما يجيني في الليل وأسمع صوت أجنحته
ويغمى علي من الروعه :09:
بس أهم شي لا تفضحنا عند الأعضاء وأنا أخوك :D

هايز ...
انا المرأة الخارقة اللي ما تخاف من حاجة ...انا سوبر وومن وسألو مجنون العجمي :09:
الموهيم
نجي للجد ..انا اخاف من الحشرات لانها وع اع يع ..قرف
بشعة ووسخة ولزقة وكريهة ...:blackeye:
فيه حاجو كمانا تخوفني ..انت ما ذكرتها ...وهي :
الموية ..
نحنا في الحسا عندنا مزارع فيها عيون وبرك سباحة ...
وانا مرة لما كنت صعينونة بغيت اغرق فيها ومن ذاك اليوم تعقدت ..
بس انفكت العقدة
عمومن انا كثير يعرفوني يمدحو شجاعتي لاني انام في البيت لحالي ..
وانزل الطابق اللي تحت الارض في بيتنا في الظلام في نص الليل ..والمرتفعات استانس عليها ...:D وعادي امشي في شارع لحالي من غير ما تجيني هواجس ومخاوف ..

خخخخخخخ ... الله يقطع سوالفك
ما لقيت الا الدجاجة تخاف منها ...
أنا صوت حق الرمتفعات واهو تقريبا اكبر المخاوف لكن ..
في واحد انا حاقد عليه مخوفني .. كل ما يجي بيتنا نقعد نستانس انا وياه ليمن يجي بيروح اقعد أقول يا فلان يبونك ولا مسكر الليتات ويطلعلي من تحت السرير ومن الخزنة ومن ورا الباب .. ولي يومك ونا أخاف يسوي فين هالحركات :smirk: ..

خخخخخخخخخخخخخ شاكر مروركم ^ ^

نعلق على جم رد ..

اقتباس:

---

يالرخمة تخاف من دجاجة أنت وخشتك :09:

---

خخخخخخخخخخخخخخخخخخخخخخخخ .. طالع منو يتكلم !! عيل ذبابه !! و بعدين اصلا انا فيني حساسيه من الريش ^ ^

اقتباس:

---

الموية ..
نحنا في الحسا عندنا مزارع فيها عيون وبرك سباحة ...
وانا مرة لما كنت صعينونة بغيت اغرق فيها ومن ذاك اليوم تعقدت ..
بس انفكت العقدة
عمومن انا كثير يعرفوني يمدحو شجاعتي لاني انام في البيت لحالي ..
وانزل الطابق اللي تحت الارض في بيتنا في الظلام في نص الليل ..والمرتفعات استانس عليها ...:D وعادي امشي في شارع لحالي من غير ما تجيني هواجس ومخاوف ..

__________________

---

هلاع روزريزه ^ ^ .. الحمدلله على سلامتج ^ ^ ..
يب يب نسيت احط المويه .. بس ما اعتقد في كثير يخافون منها ..
شاكر لج مرورج القزمهري ^ ^ << لا تسأليني إيش يعني القزمهري

اقتباس:

---

ما لقيت الا الدجاجة تخاف منها ...
أنا صوت حق الرمتفعات واهو تقريبا اكبر المخاوف لكن ..

---

ههههههههههههههههه .. المشكلة كل اللي يعيبون مو مترقعين !! ..
شنو الرمتفعات ؟ اخاف قصدك المفرقعات ^ ^ .. عاد اهني حدد .. اي مفرقعات .. الطبيعيه ولا الناريه ^ ^ لوووووووووووووووول ..

اقتباس:

---

في واحد انا حاقد عليه مخوفني .. كل ما يجي بيتنا نقعد نستانس انا وياه ليمن يجي بيروح اقعد أقول يا فلان يبونك ولا مسكر الليتات ويطلعلي من تحت السرير ومن الخزنة ومن ورا الباب .. ولي يومك ونا أخاف يسوي فين هالحركات :smirk: ..

---

لووووووووووووول .. زين يسوي فيك .. ان شاء الله يؤجر على هالأشياء لووووول ..

شاكر و حسين مروركم ^ ^ << مليييييغ

هههههههههههههههههههههههه
عقدوك اخوانك من الدواجن :09:
بس ما توقعت اشوف ولد ياخاااف منهاااا :D
امممممم خل نشووف وش نخاف منه وش نخااف منه :33:
همممممم
خل نقول الحشراااات
واااااي <_<"
بغض النظر عن قرفهااااا :o
يعنى واهم سبب اغلبها تعض :blackeye: وبعضها عضتها سامه :(
غير هذع بتشوه مكان الغظه :09: خخخخخخ على العموووم اي شي يعظ ما احبه
بس امسكه عادى واذا جا يعض ارميييه :D هههههههه
مثل الببغاء القطوه الحشرات اي شى ^^
تشخرات & تسلمات

سكير شيد ،، لو قلتلك "بو" وش تسوي XD ؟

أنا ما اخاف من ولا شي في القائمة << أحلى يا شجاع ×.×

بس أنا أخاف من المستقبل (&) , يعني أخاف من اللي جاي ، من اللي حيسير ×.× ، الله يعين بس

على فكرة بروكين ، صراحة والله أخوانك لازم تروح تدعي اليوم عليهم في المسجد :09: << يلعن أبو التحريش :09:

يعني من جد بالله دا مزح :ouch:

هههههههههههههههههه

الاولاد يخافون من المرتفعات والبنات من الحشرات

خلاص الحينه اذا تبون تعذبون ولد ..سيرو فروه على اعلى قمة جبل افرست :D

وانته ياابوويه حالتك صعبه ههههههههههههههههه تخاف من ديااايه لوووووووووول

الله يكون بالعون :09:

مشكوووووووور اخوويه ع الموضووع الناايس

فغي انتظاار اليديد ^^

بدايه ثاانكس بروكن عل الموضوع :09:

طيب والي يخافون منها كلها شيسوون -_-"

انا اخاف من الدواجن بس مو مرره :09:

والحشرات ماقول غير يع يع اكرهها موووت ><"

الكلاب عندي عقده منها ماقول غير يازين اشكالها في التلفزيون -_-

القطط تخرع خصوصا لاكانت سودا ><"

وعلى قولتك غبيه حييل وراعية هواش :D

والدليل توقيع دنجر :09:

اخاف من الظلام وماانام الا اذا كان في نور خفيف -_-"

المرتفعات رعب رعب رعب خصوصا لاطالعت تحت وشفت الدنيا تدور @.@

واخاف من المويه ولا اقول اكره السباحه ><"

والسبب من اختي ماقوووول غير :28:

كانت بتعلمني السباحه قالت لي روحي عند الجزء العميق في المسبح

وانا اطلعك بس انتي لاتشيلين هم ><"

الزبده انها خلتني ونسيتني وحاولت اطلع ماقدرت T.T

حسيت برعب فضيييييييييييييييييييييييييييييييييييييييييييييييييييع :bigeyes:

بغيت اروح فيها T.T

اكره السباحه درجه اولى -_-

واكره الحشرات درجه ثانيه -_-

واكره الباقي درجه ثالثه :09:

مشكــــور على الموضوع


بصراحه انا اخاف من كل شي
الا الدواجن

اخاف من الكلاب خوف مو طبيعي
واظن الكل يخاف منهم

واخاف من المرتفعات
والقطط خاصة السوده


والله يستر
% مادري ليش عايشه %

انا بخاف من الحشرات ..واكتر حاجة بخاف منها البرص >_<

مممم .. أكبر مخاوفي صوت صفاره الحرب ...
لو صارت حرب ( الله لا يقدر ) انا بنجلط من صوت الصفاره قبل ما اموت بالصاروخ :stickyman:

والسبب ..

وقت حرب الخليج كان عمري 3 سنين وكنت أسمع صوت الصفاره وابكي (بقوه:bigeyes: )

وكنت أعتقد ..

ان الصوت دليل على ان في شخص رح ينتحر من سطح البنايه .. مابعرف كيف وصلت لمثل هذا الاستنتاج الخطير !!! :stupid:



ثانيا .. وقت كنت صغيره .. (من 2 _ 4 سنين ) كنت أخاف من الكميره بشكل غير طبيعي .. وأغلب صوري ببكي فيها او على وشك البكاء .. والباقي ألتقطت من دون علمي .. ولحد هلء مابستلطف الكميره :lollypop:





طبعا بخاف من الصرصور .. عقده حياتي الصرصور .. وخاصه الصرصور الاشقر .. ووععع :crazy:

أنا اكبر مخاوفي السحالي والثعابين وبعدين الحشرات المقرفة كلها >_< ...

Nothing ..

السلام عليكم The broken legend

أنا بخاف من المرتفعات
ومن خوفي الجديد أنا بخاف اتطلع تحت بالسوبر ماركت (جبان)
صرت أرجف من كلام +DaNgEr GiRl+

اقتباس:

---

خلاص الحينه اذا تبون تعذبون ولد ..سيرو فروه على اعلى قمة جبل افرست

---

الله يهديك يعني إذا حطينا صرصور جنب إيدك وهو عم بيلمع وعم بيحرك قرونه
شو احساسك؟؟
هذه عقوبة للبنات ههههههههههه

كنت حط\حطي الفئران (يععععععععععع)
المهم عرفتم شو بيخوفني
وفي أعضاء ما توقعتها منهم

مشكور بروكين على الموضوع
بصراحة أنا ما أخاف من الأشياء إلي كتبتهم
الدواجن <<<< كان عمري 6 سنين أعلمهم الأدب
الحشرات<<<<< ما يبيلها كلام
الكلاب<<< و لا مرة شفت كلب ><
القطط <<<< ما أحسهم يخوفون
الظلام <<<< وناسة حق اللعب ^^
المرتفعات <<< أضحك <<<< وناسة لما أطيح من فوق أحس بطني يتحرك ^^

أكثر مـــــا إخوفني

أممممممممممممممممممممممممممم :أفكر::أفكر::أفكر:

الحقيقة لا شىء ممـــــا ذكرت

حلوة فكرة الموضوع
بس ما توقعت إن في أحد على وجه الكرة الأرضيةيخاف من الدواجن
أنا أخاف من الحشرات
سلام ستيف

الحشرات وبدون منازع ^^

هلا اخوي بروكين :D
ان شاء الله انكـ بخير

ياخي في احد يخاف من الدياي :09:
من موقفكـ صدقناكـ <<< قلعتكـ صدقت ولا لأ :09:

المهم بصراحهـ آنا اخاف من الحشرات وخصوصاً الزهيوي :31:
شنو كريهـ ><

بس اخاف من الجلاب وانتوا بكرامهـ اكــــثر ><
ياخي مرهـ واحنا نمشي ولا جدامنهـ جلبين
جان اصارخ وانحااااااااااش انا ><
شوي ولا عيال خالتي واقفين والجلاب اهما المناحشين مو عيال خالتي ×_×
وبصراحهـ في بيت عندنهـ راس .. وعندهـ داعوس
لما كنت اصغير كلا امر منهـ اذا طلعت << ركز على اصغير :09:
واي واحد يمر بالدعاوس .. يقعد ينابح هالجلب ×_×
وصوتهـ يخرعني ×_×


تسلم عالموضوع الجميل ولا تحرمنا من مواضيعكـ ^^
الله يوفقكـ
سلام
^ـ^

السلام عليكم والرحمه ^^
كيف الحال والتحوال ..^^..

صح اخاف من الحشرات -.-"
لكن لاااع المرتفعات ترعبني اكثر T-T

فيتو + مرتفع = انكمااااش وتلاشي @.@

اخر مره كنت اشوف من الدور الرابع للمبنى في الجامعه
المنظر تحت لاع ومافي شبك في الشباك
جاني الاحساس الانكماشي المرعب T-T

اريجاتووو بالمرررره ثكرا على الموضوع بروكين
خوفك من الدواجن عجيب هعهعهع
بس لايسمعك ببغائي وتجرح له مشاعيره الركيكه >.>

بالتوفيق ان شاء الله جميعا ^^

جااناا ^^

حشرات

النمله اخاف منها خخخخخخ

:sad:أنا عن نفسي........ مو أخاف من الحشرات أتقرف منها بس أخاف من الظلام و الكلاب

بيتنا القديم الي في اللفة
كل ما ارقد و احلم الاقي نفسي هناك :D:D:D

أنا اخترت المرتفعات بالرغم من أني لا أخاف منها كثيراً , لا أدري لماذا الخوف من هذه الأشياء البسيطة !!

أنا أخاف من الفيل بصراحة ! يعني حتى لو كان مسيطر عليه , لكن له شيء من الرهبة لو كان ليس محبوساً !!

اخـاف من ربــي

انا الصراحة اخاف من الحشرات و بمجرد ان اعرف ان المكان الي انا متواجده فيه توجد فيه حشرات أبدأ بالحك بدون شعور و ما اعرف اسوي اي شي الا اذا ذهبت الحشرات من المكان.
العقدة عندي الحشرات في الليل خاصة هنا عندنا البلد كله غابات فغابات مليانة حشرات و المشكلة الاكبر انه والدي يحب يفتح الشبابيك طول النهار و علما يجي الليل البيت كلة حشرات و انا لازم اقاتل الحشرات بس اخاف تتدخل بشعريز
عموما الموضوع ممتع و خليت بعض الاعضاء يعترفون بمخاوفهم و اولهم انت يا Broken Legend

الصراحه موضووع ناري جدا جدا :D

انا عن نفسي اكثر شي الفيران والجرزان بشكل عام

هذي الي ما اطيقها في حياتي يوم اشوفها تقول شايف جني ولا شيطان صدق فلم رعب الفيران والجرزان :D

يييييييي شو بخاف من الحشرات من (الصراصير) ييييع وكمان الزواحف وكل الحيوانات هه والعتمه والمرتفعات كمان

السلاموو عليكوووووووم

والله موضووع تووحفاا

امم

انا ووجهي اخاف من الحشرآت..

اما الكلاب عادي<<الحمدلله تخاف من الحشرات وما تخاف من الكلاب

البسس"القطط" موو كثيير

الدواجن..الظلام والمرتفعات نوو ما اخاف

يسلموو عالموضووع..

سلامووز

العفو والله يحيكم كلكم ^ ^ وسامحوني على التأخير بالرد

انا اكثر شي اخاف منه الكلاب

لانه يوم انا شباب(11سنه)

صار ليي فلم مطارده
وكان شكل الكلب مو ناوي على خير

في النهاية عضاني في ضهري
من ذاك اليوم وانا من اشوف كلبي يفكر
يتحرك اركض قبله اضمن مستقبلي

بس بعدي اتعلف بالكلاب يعني ارمي حجر واشرد منهم
واذا عني حطبه ولا لوح اصير البطل الشجاع
اضربه واشرد

لا ادري ما يخيفوني لان كل ما يجري ليه من مفاجات ان كانت بلظلمة او او النهار او من الحيوانات يكون لي ردة فعل قوية واتغلب عليه فاعتقد اني لا اخاف شيئا مما ذكرته

السلم عليكم كيفكم يا احلى منتدى بالعالم

واللة اصدق اولا تصدق ان ما اخاف من اي شي ...........

الخوف شي طبيعي <----يتفلسف

بس اخاف (مو خوف يعني تقدر تقول اشمئزاز) من الحشرات (انواع معينه تنعد على الاصابع الخمس)

أنا أخاف من المرتفعات لو كانت بين4 - 5 متر
لكن فوق كدى عمري ما خفت

انا احب اعذب الحشرات :D .. لكني بختار المرتفعات :D

و يالرخمة على قولة بعض الناس .. دجاج :D !

صراحة أنا أخاف من الكلاب و الحشرات الغريبة العجيبة بس لو كلاب صغيرة عادي بس انا صوت للحشرات

تحسني مدلع خخخخخخخخخخخخخخخخخخخخخخخخخخ

المرتفعات لاني مره طحت من جبل الهملايا<<<<<<<<كذاب

الكلب ابن الكلب انا بموت من الرعب منة وعلى العلم انى كنت بحبة

nothing from thoes !! i really think narrow places are scary

أخاف من شبسايا وفيمتو :jap031:

المرتفعات و الحشرات T_T

الحشرات ياجماعة
وأكثر شيء









العنكبووووووووووووووووووت

ههههههههههههههههههههههه غريبه اول مره اشوف ناس تخاف من الدجاج الموهم انا هم راح تنصدمون لني اخف
من الحشرات بس موكلهوك اقصد العنكبوت ههههههههه ما احبا

تخاااف من الدقاق @.@؟!
تقصد اللي عندها ريش أبيض دي الغبية مجرد ما تقرب منها تصيح وتركض @.@؟!
تراك نكتة :09: !

أنا أخاف من الحشرات @.@!
والزواحف @.@!

لأنه مرة عمي شاف وحدة من ذوات الست أرجل وقالي قم اقتلها..
أنا قمت وبالقزمة -الله لا يهينك- وأركض وراها ومأطب أرمي القزمة عليها إلا تتوقف عن التحرك @.@!

أقرب منها.. وتطب على وجهي :jap031:...

وكمان أخاف من الحمير @.@!

لأنه ناس من حارتنا لما كنت أنا وبنات أعمامي نروح نرمي الزبالة للزبالين كانوا سايقين حمار إلا ويجروا ورانا :jap045:..
عاد كانت تهون باب الحوش كان مفتوح لكن أم المخ يا شيخ صرنا نجري قدام الحوش بدوائر وهم يلحقونا..

كنت أبغى أموووت يومها لكني صمدت :09:..

ايوا كمان أخاف من الخرفان والماعز ومن على شاكلتهم ><!
لأنه مرة جبنا ماعز بنذبحه وربطناه بالحوش.. انفك رباطه إلا وينطحني من ظهري هالدلخ..
وما كنت أعرف الفرق بين الخرفان والماعز فكرت الثنين @.@!

ترا أخاف من أشياء كثيرة :D...
وفيه خوف كبيييير أموت لو صار ماهو بالخيارات @.@!

أقعد بغرفة أو أنام والباب مفتوح :bigeyes:..

ترى والله صدق ما أعرف ليه حتى أنام أقعد عند الباب وألعب وياه مضارعة وبعد ما اتأكد إنه مقفول أكيد أنام :D..

عاد أنا الصراحه أخاف من الكلاب والحشرات

وييييييييه معقولة محد يخاف من القطاوه ..
ههههههههههههه

ya 7aram wallah 7ase feek
ana al9ra7h b5af kteeeer mn alfrashah

ليش لا؟؟
اختي الصغيرة يوم تشوف دجاجة تخاف!!
شيء عجيب

(الخوف مب عيب)

انا بصراحة ما اخاف إلا من الحشرات و بالذات الصرصور >>>>>الله ياخذه حِرشة
و اموت على القطط و الاشياء الباجية عادية

انا صارت معاي قصص مع الزهيوية (الصرصور)
بس بقول قصة وحدة لما كنت بالحمام طلع لي < الملعون >
و انا ما اقدر اوصل للباب و انا ابعد و هو يقرب
ليمن وصلت للباب و انحشت >>>> الحمدلله

و بعدها ما احب اقرب منه حتى لو ميت >>>>> شكله يقرف

شكراً عالموضوع

دجاجة مرة وحدة اش الخوف ده بس انا اخاف من الحشرات خاصتا الوزغة
بس الحشرات مقرفة اشكالها مريعة اما الدجاج يقلبي يجنونو

مشكووور اخوي ع الموضوع
انا من ناحيتي
اخاف من كل شيء
اخاف من الدواجن
و من المرتفعات
ومن الحشرات
و اكثر شيء
اخاف من الظلام
و من البحر ^_^

أنا أخاف من الظلام:12:<<<<وهذي نقطة ضعفي^^
وهذي قصتي:D
يوم من الأيام دخلت غرفتي ففتحت النور:biggrin2:...وبعدين كانو أخواني يبغون يلعبو معاي:p فسكرو النور والباب.....:ds005:
وصرت أشوف أشكال من هينا وهينا:eek2:<<<تخوف.....وصرت أصرخ:jap033: حتى فتحو الباب..;)
وهذه قصتي:pمع خالص تحياتي:cold girl

السلام عليكم ورحمة الله وبركاته
موضوع شيق جداً:D
وعن نفسي أكثر شي أخاف من >>>المرتفعات:umm2:

قصتي ياقصتي
يوم من الأيام العادية رحنا العزيزية مول
طبعا ياكثر المصاعد درج
أنا عادي أطلع بس أنزل أخـــــــــــــــاف خوف :jap018:
فجين بنرجع البيت كلهم نزلوا إلى أنا جلست فوق :jap019:
يقولولي أنزلي أقلهم خايفة والله مت خوف وكل مايمر ناس من جنبي يقولوي خايفة أقول لاء:wow:
وأنا فنفسي أصرخ من الخوف أمـــــــــــــــــــــــــــــــــــــــــي :jap005:

من الخوف
وفي النهاية إشتغل مخي حتى أنزل من الدرج:D
النهــــــــــــــــــــــــاية:D