ما هو أكثر ما يخيفك ؟!

[The Broken Legend]

السلام عليكم ورحمة الله وبركاته ^ ^

شنو أكثر شي يخوفك !!
هالسؤال وايد يسئلوني إياه ..
و ينصدمون كلهم لما يعرفون الشيء اللي اخاف منه ..
و انا متأكد انكم انتوا بعد بتنصدمون لما تعرفونه !!

علعموم .. قبل ما تعرفونه .. انا حاط بهالموضوع تصويت ^ ^ فياريت كل من يصوت يقولنا سالفه او سبب الخوف من الشيء اللي صوت له !! ..

و انا بقولكم السالفه ..
لكن اول شيء لازم تعرفون هالشيء اللي اخاف منه ..
انا اخاف من شيئين لكن واحد يتفوق على الثاني بفارق كبير بعض الشيء ..

الشيء الثاني اللي اخاف منه هو القطط !! ( البسه )
بصراحة انا اخاف منها لعدة اسباب .. احداها لأنها تظهر بسرعه و بشكل مفاجئ و غبيه حيييييل ..
مثلا انا اليوم كنت توني طالع من المطبخ .. و بروح لحديقه بيتنا .. ففجأه تطلع قطوه من وراي !! وهي تركض بسرعه حيل .. فأنا وقفت ونطرتها تطوف .. لكن المصيبه انها مو راضيه تطوف و زلقت من سرعتها فصارت تشمخ بالأرض بصوت عالي ( صوت الأظافر يزعج كثيرا !!! ) وهي تصارخ .. طيب والله العظيم انا جالس ماعملت شيء انتظرك تطوفي !! .. و بعدها طافت و بالغصب !! فعلا حيوانات غبيه !!

اما الشيء الأول و الأساسي و هو اكثر مخاوفي اللي راح تنصدمون منه !! هو

الدوااجن !!!!!!!!!!!!!!!!!!!!!

بكافة انواعها .. حمام .. طيور .. ديك .. دجاجه .. كتكوت .. بطه ( وزه ) .. ديك رومي .. نعامه .. كل شيء له ريش و منقار !! ..
طبعا الكل منصدم من هالخوف الشديد لها .. و السبب هو ..

ان مثل ما قلت ان بيتنا فيه حديقه .. و الوالد يحب يعلمنا على الاعتماد على النفس وما شابه .. فلما كنا صغار ( تقريبا كان عمري 7 سنوات ) كان مكلف كل واحد منا انه يروح يجيب البيض من الحديقه الي فيها قفص كبييييييير للدواجن بكل انواعها .. و مش أي بيض .. بيض بط و بيض دجاج و بيض حمام ووووو كثيييييييييييييير !! ..
فلما صار بأحد الأيام دوري .. فرحت انا علشان اخذ البيض .. دخلت و كل شيء كان تمام وعادي !! ..
و فجأه !!
اخواني ( 2 ) اكبر مني .. قفلوا الباب !! طبعا انا تعجبت وقلت لهم " شتسوون ؟ " و فجأه اشوف معاهم مخمه ( عصاة التنظيف ) و يضربون فيها القفص بكل قوتهم و يطلعون اصوااااااات و يصارخون !! .. فما شفت إلا ان كل الدواجن بكل احجامها تهييييييييييييييج !!
فالحمام طار فوقي و الديك ضربني بمنقاره على رجلي و الدجاجه شمختني .. و الحمام ضربني على راسي .. وانا اصرخ بأعلى صوتي !!
و بعدها طلعت من القفص وكنت شبه مخنوق من الفزع !! و جروح بسيطه بكل جسمي من الدواجن ..

طبعا بعدها صارت عندي عقده من الدواجن .. فإلى يومكم هذا إن سمعت صوت حمامه تطير او ديك يركض او دجاجه .. افزع و ارجف تلقائيا !!

و انتوا ؟ من شنو تخافون وليش ؟

[Misho0o]

لوول القطط والمرتفعات
القطط بسبب انها في اي فجأه بدون سابق انذار ممكن تقلب عليك
والمرتفعات ،، اظن خوف طبيعي

[Scare_shade]

يالرخمة تخاف من دجاجة أنت وخشتك
ياخي حتى ولو هاذي دجاجة شوتها شوته وحده وتخاف معد تطب بيتكم
وحتى لو تخاف من القطط نقول معليه يمكن معك حساسية ضدهم بس دجاجة
أنا ذيك المرة صارلي موقف نفس اللي صارلك بس ما زلت أوري الدجاج العين الحمرا
حتى شوف خوينا ديك المجد ما يقدر يرفع راسه علي
<<< يا ويلي أهم شي ما يقرا هذا الرد
أما أكثر شي أخاف منه هو الذبان ( ذبابة )
<<< طلع أشين منك
ياخي أحس أنه مخلوق جبار أبن أمه اللي يمسكه بيده الثنتين
وأتحدا واحد منكم مسكه
أما سبب خوفي لأنه دايما يجيني في الليل وأسمع صوت أجنحته
ويغمى علي من الروعه
بس أهم شي لا تفضحنا عند الأعضاء وأنا أخوك

[~*RoSaMaRia*~]

هايز ...
انا المرأة الخارقة اللي ما تخاف من حاجة ...انا سوبر وومن وسألو مجنون العجمي
الموهيم
نجي للجد ..انا اخاف من الحشرات لانها وع اع يع ..قرف
بشعة ووسخة ولزقة وكريهة ...
فيه حاجو كمانا تخوفني ..انت ما ذكرتها ...وهي :
الموية ..
نحنا في الحسا عندنا مزارع فيها عيون وبرك سباحة ...
وانا مرة لما كنت صعينونة بغيت اغرق فيها ومن ذاك اليوم تعقدت ..
بس انفكت العقدة
عمومن انا كثير يعرفوني يمدحو شجاعتي لاني انام في البيت لحالي ..
وانزل الطابق اللي تحت الارض في بيتنا في الظلام في نص الليل ..والمرتفعات استانس عليها ... وعادي امشي في شارع لحالي من غير ما تجيني هواجس ومخاوف ..

[NMD]

خخخخخخخ ... الله يقطع سوالفك
ما لقيت الا الدجاجة تخاف منها ...
أنا صوت حق الرمتفعات واهو تقريبا اكبر المخاوف لكن ..
في واحد انا حاقد عليه مخوفني .. كل ما يجي بيتنا نقعد نستانس انا وياه ليمن يجي بيروح اقعد أقول يا فلان يبونك ولا مسكر الليتات ويطلعلي من تحت السرير ومن الخزنة ومن ورا الباب .. ولي يومك ونا أخاف يسوي فين هالحركات ..

[The Broken Legend]

خخخخخخخخخخخخخ شاكر مروركم ^ ^

نعلق على جم رد ..

يالرخمة تخاف من دجاجة أنت وخشتك

خخخخخخخخخخخخخخخخخخخخخخخخ .. طالع منو يتكلم !! عيل ذبابه !! و بعدين اصلا انا فيني حساسيه من الريش ^ ^

الموية ..
نحنا في الحسا عندنا مزارع فيها عيون وبرك سباحة ...
وانا مرة لما كنت صعينونة بغيت اغرق فيها ومن ذاك اليوم تعقدت ..
بس انفكت العقدة
عمومن انا كثير يعرفوني يمدحو شجاعتي لاني انام في البيت لحالي ..
وانزل الطابق اللي تحت الارض في بيتنا في الظلام في نص الليل ..والمرتفعات استانس عليها ... وعادي امشي في شارع لحالي من غير ما تجيني هواجس ومخاوف ..

__________________

هلاع روزريزه ^ ^ .. الحمدلله على سلامتج ^ ^ ..
يب يب نسيت احط المويه .. بس ما اعتقد في كثير يخافون منها ..
شاكر لج مرورج القزمهري ^ ^ << لا تسأليني إيش يعني القزمهري

ما لقيت الا الدجاجة تخاف منها ...
أنا صوت حق الرمتفعات واهو تقريبا اكبر المخاوف لكن ..

ههههههههههههههههه .. المشكلة كل اللي يعيبون مو مترقعين !! ..
شنو الرمتفعات ؟ اخاف قصدك المفرقعات ^ ^ .. عاد اهني حدد .. اي مفرقعات .. الطبيعيه ولا الناريه ^ ^ لوووووووووووووووول ..

في واحد انا حاقد عليه مخوفني .. كل ما يجي بيتنا نقعد نستانس انا وياه ليمن يجي بيروح اقعد أقول يا فلان يبونك ولا مسكر الليتات ويطلعلي من تحت السرير ومن الخزنة ومن ورا الباب .. ولي يومك ونا أخاف يسوي فين هالحركات ..

لووووووووووووول .. زين يسوي فيك .. ان شاء الله يؤجر على هالأشياء لووووول ..

شاكر و حسين مروركم ^ ^ << مليييييغ

[رعبه]

هههههههههههههههههههههههه
عقدوك اخوانك من الدواجن
بس ما توقعت اشوف ولد ياخاااف منهاااا
امممممم خل نشووف وش نخاف منه وش نخااف منه
همممممم
خل نقول الحشراااات
واااااي <_<"
بغض النظر عن قرفهااااا
يعنى واهم سبب اغلبها تعض وبعضها عضتها سامه
غير هذع بتشوه مكان الغظه خخخخخخ على العموووم اي شي يعظ ما احبه
بس امسكه عادى واذا جا يعض ارميييه هههههههه
مثل الببغاء القطوه الحشرات اي شى ^^
تشخرات & تسلمات

[Misho0o]

سكير شيد ،، لو قلتلك "بو" وش تسوي XD ؟

[TiTaN]

أنا ما اخاف من ولا شي في القائمة << أحلى يا شجاع ×.×

بس أنا أخاف من المستقبل , يعني أخاف من اللي جاي ، من اللي حيسير ×.× ، الله يعين بس

على فكرة بروكين ، صراحة والله أخوانك لازم تروح تدعي اليوم عليهم في المسجد << يلعن أبو التحريش

يعني من جد بالله دا مزح

[Nnoshah]

هههههههههههههههههه

الاولاد يخافون من المرتفعات والبنات من الحشرات

خلاص الحينه اذا تبون تعذبون ولد ..سيرو فروه على اعلى قمة جبل افرست

وانته ياابوويه حالتك صعبه ههههههههههههههههه تخاف من ديااايه لوووووووووول

الله يكون بالعون

مشكوووووووور اخوويه ع الموضووع الناايس

فغي انتظاار اليديد ^^

[G Girl]

بدايه ثاانكس بروكن عل الموضوع

طيب والي يخافون منها كلها شيسوون -_-"

انا اخاف من الدواجن بس مو مرره

والحشرات ماقول غير يع يع اكرهها موووت ><"

الكلاب عندي عقده منها ماقول غير يازين اشكالها في التلفزيون -_-

القطط تخرع خصوصا لاكانت سودا ><"

وعلى قولتك غبيه حييل وراعية هواش

والدليل توقيع دنجر

اخاف من الظلام وماانام الا اذا كان في نور خفيف -_-"

المرتفعات رعب رعب رعب خصوصا لاطالعت تحت وشفت الدنيا تدور @.@

واخاف من المويه ولا اقول اكره السباحه ><"

والسبب من اختي ماقوووول غير

كانت بتعلمني السباحه قالت لي روحي عند الجزء العميق في المسبح

وانا اطلعك بس انتي لاتشيلين هم ><"

الزبده انها خلتني ونسيتني وحاولت اطلع ماقدرت T.T

حسيت برعب فضيييييييييييييييييييييييييييييييييييييييييييييييييييع

بغيت اروح فيها T.T

اكره السباحه درجه اولى -_-

واكره الحشرات درجه ثانيه -_-

واكره الباقي درجه ثالثه

[lOst EmotioN]

مشكــــور على الموضوع


بصراحه انا اخاف من كل شي
الا الدواجن

اخاف من الكلاب خوف مو طبيعي
واظن الكل يخاف منهم

واخاف من المرتفعات
والقطط خاصة السوده


والله يستر
% مادري ليش عايشه %

[shyam]

انا بخاف من الحشرات ..واكتر حاجة بخاف منها البرص >_<

[memo_b]

مممم .. أكبر مخاوفي صوت صفاره الحرب ...
لو صارت حرب ( الله لا يقدر ) انا بنجلط من صوت الصفاره قبل ما اموت بالصاروخ

والسبب ..

وقت حرب الخليج كان عمري 3 سنين وكنت أسمع صوت الصفاره وابكي (بقوه )

وكنت أعتقد ..

ان الصوت دليل على ان في شخص رح ينتحر من سطح البنايه .. مابعرف كيف وصلت لمثل هذا الاستنتاج الخطير !!!



ثانيا .. وقت كنت صغيره .. (من 2 _ 4 سنين ) كنت أخاف من الكميره بشكل غير طبيعي .. وأغلب صوري ببكي فيها او على وشك البكاء .. والباقي ألتقطت من دون علمي .. ولحد هلء مابستلطف الكميره





طبعا بخاف من الصرصور .. عقده حياتي الصرصور .. وخاصه الصرصور الاشقر .. ووععع

[palma]

أنا اكبر مخاوفي السحالي والثعابين وبعدين الحشرات المقرفة كلها >_< ...