وجبة وخلطة جميلة وعجيبة ومفيدة !!

السلام عليكم

حبيت اطرح في هذا الموضوع وجبة بسيطة ممكن تصلح كسناك بين الوجبات او كذلك ممكن تاخذها كفطور الصبح لو مالق خلق تفطر او تبي شي سريع سريع وكل المكونات الغذائية فيه ويشبع في نفس الوقت

المتطلبات -- بروتين ويفضل الوي بروتين -- زبدة الفول السوداني -- شوفان -- ماء -- وعاء فاضي :D

نجيب الوعاء يكون حجمه صغير مش كبير او مايهم لانه الكمية هي الاهم

ممكن نحط سكوب ونص او سكوبين لو حبينا من البروتين داخل الوعاء بعدين نجيب الشوفان ونضع 4 او 5 معالق كبيرة في نفس الوعاء وبعدين نأخذ ملعقة شاء ونضع ملعقتين كبيرتين كاملين من زبدة الفول السوداني في الوعاء ونضع ربع كوب من الماء ونبتدي نرعص او نقلب فيه لكي يختلطون ببعض نخلط شوي بعدين نضع ربع إلى نصف كوب ماء مرة اخرى حسب الرغبة واحنا نخلط ونخلط لين يتكون لنا خليط خاثر تقريباً جميل جداً وطعمة رائع ورهيب

يكون فيه نسبة عالية من البروتين ونسبة عالية من الكربوهيدرات المطلوبة والاتية من الشوفان وزبدة الفول السوداني اللي كذلك فيها بروتين بالاضافة للدهون المطلوبة وبكذا شبعنا روحنا بوجبة بسيطة ومفيدة وقوية في نفس الوقت

حتى ممكن تاخذها قبل التمرين بساعة للطاقة مفيدة جداً

تحياتي وبالهناء والشفاء

الخلطه شكلهـآ عجيبه وتعطيـك بوووور .. راح اجربها ..
خووش وصفه ياشيف ههه .. يعطيك العافيه يابطلنا ولاحرمنا من نصايحك ياوحش ..

مشكــــور على هالخلطة

اخي البرسا ممكن تشرح لنا ما هو الشوفان وزبدة الفول السوداني جزاك الله خيرا
والجملة هذي ما فهمتها
وبعدين نأخذ ملعقة شاء ماذا تعني بشاء؟؟

تسلم على الوصفه اخوي
وفي ناس يضيفون القشطة او الكريمة المخفوقة او الزبيب للحصول على سعرات اعلى

مثل هذي الوجبات لها قيمة غذائيه ممتازة ومفيدة للصحة بشكل عام

اقتباس:

---

المشاركة الأصلية كتبت بواسطة agdmon

اخي البرسا ممكن تشرح لنا ما هو الشوفان وزبدة الفول السوداني جزاك الله خيرا
والجملة هذي ما فهمتها
وبعدين نأخذ ملعقة شاء ماذا تعني بشاء؟؟

---

الشوفان = كويكر

http://img.alibaba.com/photo/1006192...White_Oats.jpg


اما زبدة فول السوداني اذا ما تعرف شكلها اسال راعي الجميعة

اقتباس:

---

وبعدين نأخذ ملعقة شاء

---

ملعقة شاي

شآآي >> شلون احط ملعقة شاهي الربيع مع الخلطة يعني ؟

الشوفان ما قصر اخونا وضعه لكم وفي ماركات اخرى

بخصوص الكريمة بيكون فيها فات اكثر وسعرات اكثر لا تصلح للي يلعب تقسيم او فتنس او يبي يقطع

بخصوص الملعقة المقصد هو شاي وليس وضع شاي في الخلطة

بخصوص زبدة الفول السوداني هي كما في الصورة

http://www.salem-news.com/stimg/febr...almonella1.jpg


او في ماركات اخرى هي مجرد صورة ونستخدمها في امور عدة اهمها مع التوست الاسمر

http://www.alien-earth.org/news/imag...nut-butter.jpg

الاخ مذووب ما تقول انك تركت الحديد وماتقدر تاكل الوجبات الخمس في اليوم وتركت اللعبة ليش توجع راسك بالخلطة ^_^

تحياتي

طيب اخوان الشوفان او الكويكر هل هو كورن فليكس؟او نيسكويك؟
اتمنى تتحملوا اسئلتي ومشكورين

اقتباس:

---

المشاركة الأصلية كتبت بواسطة agdmon

طيب اخوان الشوفان او الكويكر هل هو كورن فليكس؟او نيسكويك؟
اتمنى تتحملوا اسئلتي ومشكورين

---

أخوي الكويكر هي أشهر شركة مصنعة للشوفان

والكورن فليكس عبارة عن حبوب غذائية

وبالنسبة للخلطة

أكثر من ممتازة :biggthump

ينقل لقسم المواضيع المميزة

أخوي البرشا الخلطة قيد التنفيذ ومشكور مقدما...

شكرا أخي متميز

مشكوور على الخلطه انشاء الله اجربها

مشكوووووووور
انا اكره الشوفان مع انه اكثر شيء المتدرب ياخذه

وصفـة عجيـبة وفعـلاً جربتهآ وتعـطي بآور ممتـآز ،
بس آلمشكـلة آلطعـــم !!!!!!!!!!!!!!!!!! يآ رآآآآآآآآآآآآآآجل ..
الطعـم سيء لـ أبعـد حـدود ، عن نفـسي يعـني !
آستمـريت ع آلوصفـة آسبـوع وخلآص وقفـت ..
وآستخـدمت بـدله موزة قبـل التمريـن مبآشـرة !

خلطه جدا رائعه
يعطيك الف عافيه

خلطة عجيبه بس اخاف يصيرلي مغص في اول مره .
خلطتك ذكرتني بخلطه كنت اجربها لما كنت بالثانوي كان قالي واحد انها تعتبر بروتين والمفروض اسويها الحين بس الواحد ما عنده وقت يشتري ويخلط واعتقد الاغلب يعرفها .
حليب كامل الدسم كي دي دي + ملعقة عسل كبيره + موز+بيضة وتحطهم بالخلاط واشربه الصبح بعدها تحس ما تبي تاكل شىء . من باجر بسويها , تدري خلطتك ذكرتني فيها كنت ناسيها لوول

يعطيك العافية ... توني سويتها واخذتها بروح النادي اشوف شنو النتيجة

السلام عليكم اخوي واحد ينصحني يقول قبل التمين خذ بياض البيض وحلليب كامل الدسم وشربوه ثمن كل ملعقتين شوفان وروح اتمرن وإذا جيت من النادي سوي نفس الطريقه وشرايكم فيها؟

شكرا اخي ....

.. شكرا وماقصرت على موضوعك المتميز .. إن شاء الله راح أجربها من الإسبوع اليــاي ..

واصل ابداعاتك .. ياشيف البرسا :)

يعطيك العافيه يابطل ولاحرمنا من نصايحك