ثمانية اسئله للخبراء

السلام عليكم ورحمة الله وبركاته

كيف الحال ياخوان نسال الله ان تكونو بصحه وعافيه

ياخوان انا قبل 7 شهور ممكن من الان كان وزني وطولي والخ كالاتي

العمر : 17

الطول : 180

الوزن : 125

والان

العمر : 18 وشهر ونص <<< دقيق الولد :D

الطول : 180

الوزن : 89 <<<<:biggthump

الصحه : ماعاني من اي امراض ولله الحمد

و الحين انا ابي انزل وزني لطبيعي او تحت الطبيعي عشان ابني عضل صافي لاني احاول ابني عضل صافي ومازيد وزن كبير (( مابي اكون لاعب كمال اجسام )) لكن اريد جسم قوي مقسم متوسط لاني امارس الملاكمه والجيوجتسو (( مثل المصارعه الرومانيه تقريبا )) والجسم الكبير يعيق فيهم

1: اشتريت الليبو 6 اكس امس وبكره ببداء فيه او بعد بكره لكن المشكله اني شفت كلام يخوف بصراحه مثل احد الاخوان قال بانه منعوه عندنا بالامارات من قوته وبانه اقوى من المنتج الي اسمه ليبو 6 بلاك (( الي شركه يقولون بانه اقوى شي )) ويقولون بانه دقات القلب تسرع واذا سرعة لازم توقفه والخ والخ ....

صراحه قمت اخاف (( معني لو اخذته انا عارف اني بوقفه باقل من شهر )) لاني اريد انزل 11 كيلو تقريبا واقدر اجيبها باقل من شهر ومضمون بعد :biggthump فاخذه ولا لا ؟

2 : بعد هذا النزول الي سويته انا كنت امشي كثير فجسمي الان صار مب مترهل كثير كانه جسم شخص متين ماتغير احسه منفوخ الجلد ماطاح ابد الا لو انحني 90 درجه يطيح وصراحه مستغرب منها :33:

ويوم سالت الكابتن وبعض الشباب اني اكيف امارس الحديد وانا بهذا الجسم قالو عادي يوم تمارسها بيروح كل هذا وبيطلع العضل (( الحين هذا الكلام مؤكد لاني ماعرف وين بيروح الجلد الزايد ))

3 : انا العب سيكل 30 دقيقه لكن بجهاز المشي اهرول 10 دقايق وامشي سريع 10 دقايق لو ازيد من 20 دقيقه الي 60 دقيقه بيعطي نتائج ممتازه ولا ؟ لاني اريد اقصى تمارين ممكنه ماريد استخدم الليبو اكثر من اسبوعين ونص او ثلاثه بالكثير واريد اطلع بافضل نتيجه

4 : قوة العضلات ممكن زيادتها بدون زيادة الحجم لاني ابي اقصى قوه فكيف ؟

5 : الجلوتامين يساعد بزيادة الطول لمن هم مابين 18 و 22 ولا لاني قرأت انه يزيد هرمون النمو بعامة الجسم بشكل خيالي

6 : بعض الناس المقسمين اجسامهم عندهم الخصر طالعه عضامه على شكل V هذي تطلع من كثرة تمارين الخصر ولا ؟

7 : هل الكرياتين يصلح لشخص مايبي ضخامه كبيييره مثلي يعني ولا

8 : هل الليبو 6 اكس في حالة استخدمته فعال بمنطقة البطن والخصر ؟

والسموحه على كثرة الاسئله ياخوان

1: المفروض كنت تاخذ الليبو 6 العادي بحكم انك اول مره تاخذه عموما هو والليبو6 العادي يشترط ان تكون 18 وفوق - هو قوي بس مب اقوى من البلاك بس يمكن لان احد الاخوان تفاجئ بتجربته او الاحتمال الثاني انه اخذه بالطريقه الصحيحه وما اخذ البلاك بطريقته الصحيحه

عموما بعض النصائح حول المنتج من الشركة المنتجه


ممنوع استخدام اي منتج تنشيف آخر بنفس الوقت


ممنوع استخدامه لمن عمرة أقل من 21 سنه



ممنوع اصحاب الضغط والقلب والسكر والهبوط استخدام المنتج



ممنوع استخدام الافيدرين مع المنتج



عدم تناول شرب الشاي والقهوه والمشروبات الغازية وغيرها من المكملات الغذائية أو الأدوية التي تحتوي على الكافيين أو فينيليفرين أو أي المنشطات على الاطلاق اثناء تناول lipo 6 black

لا تستخدم هذا المنتج لمدة أطول من 8 أسابيع



التقليل من السكريات والدهون

التوقف عن استخدام 2 اسابيع قبل الجراحة

التوقف فورا إذا واجهت سرعة ضربات القلب ، والدوخة والصداع الشديد أو ضيق في التنفس.



اجباري الحركه على الاقل المشي السريع ونص ساعه والافضل الهروله مع التمارين السويديه او الكارديو


عموما جرعاته هي 4 حبات يوميا وكبداية تاخذ حبتين يوميا فقط
حبه قبل الافطار بـ45 دقيقه وحبه ظهرا

وتزيد حبه بعد يومين وتزيد الحبه الاخير بعد يومين اخرين ويصبح عددهم 4 يوميا

للحيطه زيد اليومين وخلهم اربع ايام وبعدين زيد

طبعا حبتين قبل الافطار وحبتين الظهر

2: مع التمارين وبذل المجهود راح يتغير كل شي لكن بشرط التغذية السليمه والتمرين المنتظم والراحه والنوم المنتظم وشوية صبر وثقه وحماس

3: دراجه ومن ثم مشي الى مشي سريع ثم الهروله وانت ماشي صح لاتزيد ولاتجهد نفسك خصوصا اذا انت يوميا تتمرن بس لو بتزيد 10-20 دقائق اضافيه لامشكله لكن ماتوصل هروله 60 دقيقه !! المشي لاباس من زيادته

4: التكرار هو اللي يقوي العضله لكن ماعليك انت اصلا راح تكتسب القوه مع تمارينك عموما وزن خفيف وتكرار عالي ممتاز لك او حتى وزن فوق الخفيف قريب للمتوسط

5: لايزيد الطول ولايزيد الهرمون بشكل خيالي مثل ماتقول عموما راجع موضوعي عن الجلوتامين تلقى الرابط تحت التوقيع

6: هذي عضلة الجناح هي اللي تبينلك ان الجسم ماخذ شكل V والخصر ف الاساس صغير ومن فوق يكبر تدريجيا ومع التمارين كل شي يصير

7: الكيرياتين = ضخامه

8: هو مخصص لمنطقة البطن والخصر اساسا

مسموح عزيزي وحاظرين قد مانقدر

مشكوور ياخ ديزاييه عالرد والاجؤبه الوافيه

وانا الحين تذكرت العضو هذاك يقصد الليبو 6 بلاك مو الليبو 6 اكس

لكن بخصوص السؤال الـ 6 انت اظني فهمتني اني اقصد الجسم كامل يعني انه يكون الجسم من تحت صغير شوي وبعدين يكبر تدريجيا للاعلى وانا مب هذا الي اقصد

شوف الصوره كمثال

http://1.bp.blogspot.com/_3dfY6_1ZPr...c/s320/abs.jpg

لو تلاحظ باخر الجسم العلوي عنده مثل العظم طالع على شكل V ولهسبب منزل بنطلونه او شورته

كيف الواحد يسويها هذي ينزل الدهون كثير ويركز عالخصر مثلا ولا ؟

والسموحه الغالي تعبناك

ايوا انت تقصد اسفل البطن ,, والله ياخوي هذي ناس تطلع عندهم وناس لا واغلبها تمارين سفليه بطن وخصروتدخل معاها تمارين الفخذ بشكل خفيف عموما هي تنشيف دقيق لكن لو تلاحظ النجوم السوبر ستار كثيرين ماعندهم هالشي وفي ناس مايتمرنون وفيهم هالخط

عن نفسي ماحبه اعع :)

مشكور ياخ ديزاييه على الردود الوافيه واسمحلي ياخ ديزاييه نسيت اهم سؤال اذا مافي ازعاج

بخصوص حبوب الليبو 6 اكس شكلها الطبيعي هذا ؟

http://up4.m5zn.com/9bjndthcm6y53q1w.../isvwk4i5v.jpg

وجزاك الله خير عالمتابعه والردود الوافيه

up up up up up

هي صحيح انها هي هذي لكن مستغرب من لونها البني !!

انا ماستعملتها ولكن عالنت هذا شكلها شو هالرابط

http://www.nutrex.com/lipo6x.html

يعطيك العافيه اخوي ديزاييه كفيت ووفيت بارك الله فيك .. :)

اعذروني ع المداخله البسيطه ولكن حبيت افيد الاخ نعم هذا لون الليبو6 اكس الطبيعي انا استخدمتها من قبل وكذالك اخوي استخدمها مع ان المحلين اللي شرينا منهم مختلفين وكانت الحبوب بنفس هذا اللون ..

ولكن بالنسبه للصوره اللي في الموقع لا اعلم ربما كانت الحبوب بهذا اللون وقت تصنيعها او مخلينها باللون الشفاف عشان تبين المكونات الداخليه داخل الكبسوله .. الله اعلم

عموما لو حبيت تتأكد اكثر وتقتنع انتظر المزيد من الاجابات .. وموفـّـق

مداخله في محلها وتشكر عليها انا بصراحه استغربت لاني ماجربت هالمنتج بس من شفت اللون متغير عن اللي عارضينه قلت ننتظر ونشوف ارآء باقي الاعضاء

يعطيك العافيه ديزاييه لحرصك على الاعضاء فديتك

انا بعد نفس الشيء اول ما شريته استغربت من اللون لأن صورة الكبسوله اللي ع العلبه تختلف
ولكن بعد ماشفتها عند اخوي تطمنت وايضا نتائجها خلتني اتأكد انها طبيعيه لأن لو أنها مضروبه كان ماجابت نتائج .. :)

اعتقد صاحب الموضوع تطمن ان شاءالله ,, كل الشكر للعزيز جديد بقراطيسه

ديزاييه تسلم عالرد والافاده ومكتوب بالعلبه انه في اختلاف بس هذا اختلاف كبير شوف الفرق بين الموقع وبين الي صورتها انا خخخ

وياخ جديد بقراطيسي تسلم على المداخله والافاده وبشر كيف النتائج معاك بعد استخدامه ينزلك كم كيلو بالاسبوع واستعملته مثل ماهو مكتوب صح ولا خففت

بكره الصبح بيكون اول يوم لي استخدمها ان شاءالله وببشركم بالنتائج بعد اسبوع

ومشكورين شباب عالافادات

اخوي بالنسبه للاستعمال اعتقد شرحتلك راجع مره ثانيه وبالنسبه للنزول يختلف من شخص لاخر بحكم الجسم ومدى تفاعله لكن الاغلبيه نزلو 3 بالاسبوع مع بذل المجهود

ياهلابك اخوي .. :)

صراحه بالنسبه لليبو6 اكس انا جربته قبل ما اجرب الليبو6 العادي لأني ماحصلت العادي واظطريت اخذ الاكس ..

وبالنسبه لتجربته انا حقيقه جربته وانا كنت قريب من وزني الطبيعي فماكانت النتائج مثل ماكنت متوقع ..

يمكن لأني كنت قريب من وزني الطبيعي .. ويمكن ان جسمي ماتقبله بشكل كبير ( لأن كل جسم يختلف عن جسم )

فيه ناس اخذوه وتقبله جسمهم بشكل كبير يعني مثلا نزلو 7 كيلو وفيه ناس ماتقبلته اجسامهم بشكل كبير مثلي ( نزلت 3 كيلو )

ويمكن ايضا لأني ماستخدمته بشكل صحيح 100% , لأني ماكنت حقيقه اترك وقت كبير بين الجرعات يعني في العلبه يقولك اخذ حبتين قبل الفطور بنص ساعه وحبتين قبل الغدا بنصف ساعه
يعني تقريبا بين وجبة الفطور والغدا لايقل عن 5 ساعات او 4 .. والشغله الثانيه انه يقولك اخذه على معده فارغه
لكن انا كنت اقوم متأخر الظهر تقريبا ساعه 12 واخذه وبعد نص ساعه افطر فطور خفيف .. ولمن تجي الساعه 2 اخذه وبعدين اتغدا .. يعني كنت مخلي الجرعات متقاربه - والشي الثاني لما اخذ الجرعه الثانيه معدتي ماتكون فارغه 100% لأني توني فاطر من وقت بسيط ..

وفي النهايه ايضاً انا ماكملت العلبه كلها باقي فيها تقريبا مايكفي اسبوع .. يمكن لو استخدمته راح ينقصني كيلو اضافي ليصبح المجموع 4 كيلو ( صراحه نتيجه معقوله بالنسبه لي ) لكن مثلا اللي وزنه 100 وطالع وتكون نتيجة العلبه ناقص 4 كيلو ماراح يحس بفرق .. لكن حمد لله فرقت معاي وان شاء الله جسمك يتقبل الليبو6 اكس بالشكل اللي يرضيك ..

وبالتوفيق طال عمرك

هيه بستعمله مثل المكتوب وان شاءالله بكره بيكون اول يوم وبعطيكم النتائج لاول اسبوع وان شاءالله فوق 3 كيلو

تسلم ياخ ديزاييه والاخ جديد بقراطسيه على الافادات والسموحه تعبناكم

لاشكر على واجب حبيبي وحاظرين للطيبين ..

بالتوفيق