عرض للطباعة
سلام عليكم
يا اخوان انا دخلت النادي واستمريت قريب الـ 8 شهور بعدين اصبت بالتهاب في الاربطة
وعانيت منه مدة مايقارب شهرين طبعاً تركت الحديد وقتها
وجسمي رجع كأني مادخلت نادي أبداً يعني رجعت نحيف جداً
طول الـ 8 شهور زدت 6 كيلو
والحين الـ 6 هذي كلها نزلت
والحين ناوي ارجع للنادي لانه حاس يدي تقريبن اتعافت بس في الم بسيط
بس ماعتقد انه حيألمني خلال التمارين
سؤالي هو هل حأحتاج 8 شهور ثانية عشان اوصل للي وصلته اول
ولا لاني لعبت حديد من قبل فأقدر اعوض الي خسرته في شهر او شهرين ؟؟
:02::02::02::02::(
انا بعرف اخوي كيف طريقة تمرينك خلال الثمانية شهور .....
اكيد فيه خطأ بطريقة التمرين ............ وهل تتغذى جيدا ...
انا ما انصحك اخوي ترجع للتمرين حتى تشفى تماما ,,
وبعدها تسوي تقوية واعداد جيد قبل البدء بتمارين الضخامة ...
بالاخير رحم الله امرئ عرف قدر نفسه ,, يوجد من الاعضاء من هم افهم مني وان شاء الله بيفيدونك
اهلين اخوي
ليش في خطأ؟؟
يمكن قصدك اني زدت بس 6 كيلو
المهم تماريني كالاتي
اول يوم صدر 5 تمارين + باي 3
تاني يوم ظهر 5 تمارين + تراي 3
يوم راحة
اكتاف 4 تمارين ترابيس 2
ارجل
يومين راحة
بالنسبة للغذاء اربعة وجبات باليوم + بروتين ( مافي نوع محدد كل شوية اجرب واحد )
--------------------------
بالنسبة للرجعة للنادي والله اني بانقهر كل ماشوف وزني نقص وجسمي رجع زي ماكان
فعشان كدا برجع رجعة خفيفة للنادي باوزان خفيفة وانشالله مافي شي
بس ماجاوبتني عسؤالي هل حاحتاج 8 اشهر عشان اجيب الي وصلتله ولا حاجيبه في فترة اقصر بما اني كنت العب حديد سابقاً؟
لاخوف عزيزي ان شاءالله
طولك ووزنك وعمرك عزيزي؟؟
وشو تستخدم من مكملات بالضبط ؟؟
اخوي بطل أجسام يقصد انه يمكن ماكنت تطبق التمارين بالشكل الصحيح اعتقد هذا قصده وهنا اذا لم تطبق صح فا هذا غلط طبعا
عزيزي زيد وجباتك الى 6 ولاتسهر وانتظم ف الأكل ونوع الاكل
..
والحين ناوي ارجع للنادي لانه حاس يدي تقريبن اتعافت بس في الم بسيط
بس ماعتقد انه حيألمني خلال التمارين
أكبر غلط عندما تحس ان الالم خلاص انتهى ولايوجد غير الم لايذكر وتروح تتمرن - لانك وقتها راح ترجع للخلف وترجع الاصابه لسابق عهدها
سؤالي هو هل حأحتاج 8 شهور ثانية عشان اوصل للي وصلته اول
ولا لاني لعبت حديد من قبل فأقدر اعوض الي خسرته في شهر او شهرين ؟؟
لا لن تحتاج لـ8 أشهر أقل بكثير ان شاءالله كون جسمك تعود عالحديد وانت تعودت عالتمارين لكن رجوعك سوف يكون اوزان خفيفه جدا + بتلعب شامل من جديد 5 أيام او أسبوع الى اسبوع ونصف ولاتضغط ع نفسك ولاتستعجل اهم شي الصبر والتمرين بتركيز وعدم تسرع
وسلامات عزيزي والله الموفق
اخوي
AmiTy Ville http://www.montada.com/montada/statu...ser_online.gif ماقصر جاوبك الله يعطيه العافية ..
تسلم اخوي الكبتن عالرد
الطول 163
الوزن الحالي 47 <<بنيتي صغيرة
وقبل ماوقف حديد بسبب الاصابة كنت 53
عمري 22
البروتينات استخدمت مايوبلكس ديلوكس ثم بروتين البيض من اوبتيموم ثم ميقا ماس <<الميقا ماس ماكملته بسبب الاصابة
بالنسبة للالم
طول الالم معاي والمفروض انه يتعافى على كلام الدكتور ان التهاب الاربطة ياخذ بالكثير شهر
انا صارلي قريب الشهرين الحين ولسا في الم خفيف فقلت يمكن يبغاله مزاولة ليومي الطبيعي عشا يروح
بالنسبة للوزن ترى لاتحاتي الحال من بعضه :) .. وزني كان بالبداية 52 كيلو وطولي 173 ولكن الان اعلى من 70 والحمد لله .. وانا مثلك ازيد بصعوبة واخسر الوزن بسهولة .. ولكن بعد التمرين المستمر لاحظت ان مجرد العودة للتمرين بعد اصابة او توقف تعيد نفخ العضله كما كانت خصوصاً لو كانت الفترة قصيرة بين شهر الى شهرين ! .. وخلال شهر او اقل بالكثير بتلاحظ الفرق وان الاوزان الي تقدر تشيلها كما كانت واكثر .
انا بأول سنة تمرين زدت مايقارب الـ10 الى 15 كيلو مع اني كنت اركز على الاكل الصحي والدائم ولكن مشكلتي كانت في التقطيع في اخذ المكملات الغذائيه .. فلازم تركز على التمرين المنتظم واخذ قسط كافي من الراحه واخذ مكملاتك بالشكل الي يناسبك .. وحاسب من العودة الى التدريب بعد الاصابة بدون الشفاء التام !! ، ترى ممكن ترجع الاصابة بشكل اسوء من السابق لاسمح الله .
الله يوفقك .
دام في الم ولو خفيف فا يعني لازم تنتظر شوي والافضل انك تراجع الدكتور مره ثانيه ليتبين الموضوع اكثر لانه طول على ماتقول
الميجا ماس اذا كانت 4000 فهي ممتازه وماعليك عزيزي فقط خلي الالم ينتهي بشكل تام بعدين لكل حادث حديث ويوم تحس انه انتهي جرب تشيل وزن خفيف ف البيت وشوف هل في الم ولا لا
وان شاءالله الامور طيبه عزيزي فقط شوية صبر
يعطيك العافية اخوي فاينل فانتسي افدتني خصوصاً ان الحال من بعضه
وانتظر اي ردود بقية
يعطيك العافية اخوي AmiTy Ville ماقصرت
انشالله بصبر شوي مع اني جالس اعد الايام والدقايق عشان اتعافى بس وش اسوي صبر والله والمستعان
بس انا جربت اشيل كم وزن في البيت عندي دامبلز سويت تمرين صدر وبطن وافخاذ وباي وتراي وماحسيت بألم
باقي اجرب اكتاف وظهر بس خفت اجربها لكن انشالله اجربها واتأكد اذا في الم او لا
اهلا اخي الحبيب الحمدلله على سلامتك انا ما نسيتك :)
كيف حال اصابتك ان شاء الله تحسن الاوضاع ؟ انا اخبرتك ان راح تستمر شهرين لان اصبت بمثل اصابتك سابقا
للعلم كل ما انام على مكان بطريقه خطأ احس بالالم الخفيف يرجع لكن الحمدلله ليس كاول مره اصبت بها ولله الحمد
الاصابه كانت في بدايه العام والى الان احس بالم في حال نمت بشكل خطأ ولكن الحمدلله ليست كاول مره
بالنسبة لأسألتك ابشر اخوي بالخير راح ترجع تشيل اوزان اكبر من يوم اصابتك وهذا من واحد مجرب ومصاب سابق :)
اهم شي اخوي العزيمة والثقه وان تنتبه وانت تلعب انك تسخن بشكل ممتاز قبل البدأ برفع الاوزان يعني لا تقل فتره تسخينك عن 20 دقيقه ما بين هروله ومشي واوزان خفيفه جدا لتحريك وتسخين العضلات ولا تنسا ان تخبر اي احد يساعدك في الاكتاف ان كانت هناك اصابه سابقه حتى ينتبه لك واهو يلعب معك
بالنسبة لي استخدمت النايتركس وبصراحه كان ممتاز يمكن لانه يعطي تدفق للدم في العروق وبالتالي تدفق الدم الرقبه والحمدلله مثل ما قلت لك راح ترفع اوزان اكبر من السابق وبالنسبة لعضلاتك راح تظهر اكبر من السابق بفتره قصيره وصدقني خلال شهر فقط لو انك اتبعت نظام جدولك دون تفويت يوم راح تشوف جسمك رجع خلال شهر عضلاته بارزة
اما بالنسبة لوزنك انصحك بفاتح شهية لان الكثيرون يعانون من قله الشهية والحديد يبيلها واحد ياكل الزلط وما يشبع :)
اهم شي يا غالي مثل ما نصحوك الاحبه ومثل ما قلت لك شد حيلك وموفق خير والعب اخي وان شاء الله الالم راح يختفي ولا تفكر فيه ابدا العب بدون ان تخشى رفع اوزان ولكن ارفع بالترتيب يعني ابدا بالاوزان الي كنت تستهين فيها وارفع وبعدين زيد وزيد وزيد لحد ما تشوف نفسك ترفع الوزن السابق واكثر
والله يوفقك
يعطيك العافية مشكلجي ..اقتباس:
المشاركة الأصلية كتبت بواسطة mashkaljey
بس بغيت اسأل اذا يسمح الاخ عمر :] .. احد ينصحني بحبوب تفتح الشهيه وتكون مجربه وامنه ؟ .. مع العلم بأني متوقف عن التمرين منذ مده ليست قصيرة بسبب اغلاق نادي الجولد جيم لدينا وانتظار النادي الجديد القريب من منزلي الي بيفتح ابوابه خلال الثلاث شهور القادمة .. فهل احد يقدر ينصحني بشيء احافظ فيه على وزني وازيد على كمية الاكل لان اكلي غريب جداً لان مرات اكل كثير ومرات اشبع بعد لقمتين او ثلاث وهذا شي مرهق .
سيبرو فيتا اشوف الكل يمدحها
وموسيجور في كم واحد قال طيبه لكن الوجه يتم مثل ماهو عليه
وهناك ايظا الـtres-orix FORTE ممتازه وبها ايظا فيتامينات لكن بها قليل من الفيتامينات المنومه شي بسيط
والفيتامينات لها ايجابياتها ايظا والفيتامين B 6 ممتاز
كلام دكتور يقول ان الموسيجور والبريكاتين مالهم ادله علميه وان لهم اضرار جانبيه !!
انا ماجربت صراحتن بس نسمع عنهم لا أكثر
بيني وبينك عسل أصلي عالريق له كلآم ثاني ومن ثم التغذيه المنتظمه والمقسمه ويمدحون الحلبه وانت ادري مايحتاي نقولك عن التغذيه
انا نفس موضوعك اخسر وزن بسرعه وبصعوبه بالغه اطلع 5 كيلو لكن وقت الجد والانتظام غصبن عنه يطلع طبيعي
بالتوفيق عزيزي
ما قصر اخوي ديزاييه سابقا :)
الموسيجور انا جربته ممتاز بعد استعمالك له باسبوع !! ليش باسبوع لان اول اسبوع بس راقد بفراشك تقوم شوي وترد تنام تاكل وتنام لحد ما يتعود جسمك عليه يصير اوكي
ويقولون في الوصفه يعدل المزاج :) لكن انا تعكر المزاج عندي كل ما استخدمه
وبالنسبة لك فاينل ترى ما بتحتاج تستخدمه فتره طويله فقط يمكن اول اسبوعين وبعدين تقطعه لانه يفتح الشهيه على طول واذا ردت الشهية تعبانه تكمل باجي العلبه
بالتوفيق
بالنسبة لحبوب المسيجور هذي .. هل هي موجودة في الصيدليات او في GNC ومحلات المكملات ؟ ..
وعندي مشكلة ثانية .. قريت ان هالحبوب فيها نسبة كحول وهذا الي يخليها تنعس وتحسس الواحد بالخمول ! .. فلو فيها كحول مايجوز اخذها .. فهل ممكن تعطوني رد شافي بما ان الاخ مشكلجي شاف الصنف وجربه ويقولنا هل مكتوب عليها ان فيها كحول وهل تعرفون موقع يأكد هالمعلومة ؟ .
<< حلوة "صنف" كأنه كوكايين مب حبوب فتح شهيه :09: ..
وبعد قريت بعد بحثي بالنت بأن الحبوب قد تصيب الشخص بالعصبيه وهذا اتوقع ممكن يأثر علي لاني الفترة هذي صاير اعصب بسرعه ومب ناقصه لوول .. امس بس نازل لواحد من السيارة كنت بطب ببطنه مب ناقصه اخذ حبوب واصير مجرم لوول .
تقدر تجرب دوا اسمه زيداتين هو يستخدم للناس اللي فيهم حساسية و تفتح الشهية بشكل قوي :32:اقتباس:
المشاركة الأصلية كتبت بواسطة FinalFantasy9
وعندك فيتامين بي والافضل انك تاخذه عن طريق الابر (نفس ابر الانسولين) لانه مفعوله اقوى من الحبوب طبعا مع استشارة طبيب
http://www.myhomeremedies.com/topic.cgi?topicid=14
بعض الوصفات اللي تقدر تسويهم بالبيت لفتح الشهية
اهلا اخي فاينل
الحبوب مادورت عليها بالكويت تصدق ؟؟ كله اشتريها من السعودية !! معقوله السعودية تترك منتج يباع في الصيدليات ومرخص من وزاه الصحة وبه كحول ؟
على فكرة صحيح المذكور به نسبه كحول لكن لا اعتقد انها الكحول التي نعرفها للمشروبات الروحيه :) اعتقد انها كحول من نوع اخر وما اقدر افتي لك لاني مالي اختصاص بامور الصيدليه والادوية بشكل خاص مع اني استخدم ايظا حبوب لتنظيف الكبد اسمها LIV 52 ومكتوب عليها تفتح الشهية وهي طعمها مثل الاعشاب كالكمون وهالامور
وبالنسبة للعصبيه انا قلت لك نعم تصيبني بالعصبيه واذا في احد جمبك الله يعينه :)
وعلى العموم مثل ما قلت لك انا اشتريها من صيدليات ومن السعودية يعني 100% مافيها كحول لو فيها كحول ما خلوها جماعه الامر بالمعروف كان بططو روسهم :)
طبعا من الصيدليه عزيزي .. وافضل شي عزيزي تختصر موضوعك وتروح اكبر صيدليه عندكم وتسأل وتستفسر لأن الصيدلي ملم اكثر مننا في هالأمور وراح يعطيك نبذه عنهم
والله الموفق
اقتباس:
المشاركة الأصلية كتبت بواسطة mashkaljey
أخوي مشكلجي والله اني انبسطت يوم شفتك رديت :biggthump
قلت جا الي فاهمني :D
انا الحمدلله تمام الحين يعني راح الالم تقريبن بس في حالة وحدة يجيني في حالة اني اسحب شي ثقيل
يعني بالعربي تمارين الظهر كلها ماراح اقدر اسويها:cray:
لانه فيها سحب
بس باقي التمارين جربت اسويها عن طريق البش اب والدامبلز وحتى تمرين الاكتاف كله كان تمام
بالنسبة لخطتي
برجع الصالة واتمرن اوزان خفيفة اسبوعين وبعدها ببدأ استخدم مكملات بستخدم ميجا ماس 4000+كرياتين+ملتي فيتامين :biggthump اش رايك ينفع ؟
وبالنسبة للتسخين انشالله زي ماقلتلي بسخن فترة طويلة
بالنسبة لفاتح الشهية ماحبيته
قلت افتح شهيتي بنفسي خصوصن ان المسيقور يجيب النوم وانا عندي دوام وكذا ماينفع
فبحاول اشد على نفسي وازود عدد الوجبات مع ان المشكلة الوحيدة الي تواجهني في الاكل انه مافيا حيل اشتري من المطعم لاني عزوبي:biggthump
وانشالله بحاول ارد جسمي زي ماكان ويعطيك الف عافية أخوي مشكلجي ويجعلها ربي في ميزان حسناتك :)
اهلين اخوي الحبيب
بالنسبه لتمارين الظهر والسحب فانا لم اعاني منها يمكن مكان العضله المصابه عندك تختلف عن مكان العضله المصابه لدي والله اعلم
على كل حال استمر بخطتك وبالنسبة للمكملات التي ذكرتها ممتازه
وهناك موضوع عن التغذيه يعني ينفع بشكل ممتاز للعزوبية :) والمتزوجين ايظا :)
واعتقد كاتب الموضع اسمه العنيد وما ادري وين راح هالعضو
على العموم
_______
اشتري شوفان + حليب قليل الدسم او خالي الدسم + زبادي قليل الدسم + خبز اسمر او في من المطرود اللي يجيك نخالة بالحبوب + لحوم باردة مثل المرتديلا + صدور دجاج + علب تونة بالماء + شوي خيار وجزر + شوي موز وبرتقال وتفاح وممكن فواكه اخرى + بطاطا حلوة " فندال " + جوز غير مملح + خس وغرنبيط وبروكلي + زبدة الفول السوداني + شدة بيض
كله على بعضه يمكن يطلع عليك 300 ريال ويمكن اقل
الاشياء اللي يبيلها طبخ هي صدور الدجاج كلها بتسلقها 10 دقايق في الماء الساخن او ربع ساعة
الفندال بيحتاج 20-25 دقيقة من السلق
باقي الامور كلها تاكلها دايركت وتضبط روحك وتاكلك 5-6 وجبات وتكفيك لاسبوع او عشر ايام وفي اشياء يمكن تزيد عندك اكثر ^_^
________