استفسار..تركت الحديد شهرين !!

[د/عمرو]

سلام عليكم


يا اخوان انا دخلت النادي واستمريت قريب الـ 8 شهور بعدين اصبت بالتهاب في الاربطة
وعانيت منه مدة مايقارب شهرين طبعاً تركت الحديد وقتها
وجسمي رجع كأني مادخلت نادي أبداً يعني رجعت نحيف جداً
طول الـ 8 شهور زدت 6 كيلو
والحين الـ 6 هذي كلها نزلت
والحين ناوي ارجع للنادي لانه حاس يدي تقريبن اتعافت بس في الم بسيط
بس ماعتقد انه حيألمني خلال التمارين

سؤالي هو هل حأحتاج 8 شهور ثانية عشان اوصل للي وصلته اول
ولا لاني لعبت حديد من قبل فأقدر اعوض الي خسرته في شهر او شهرين ؟؟

[بطل أجسام]

انا بعرف اخوي كيف طريقة تمرينك خلال الثمانية شهور .....

اكيد فيه خطأ بطريقة التمرين ............ وهل تتغذى جيدا ...

انا ما انصحك اخوي ترجع للتمرين حتى تشفى تماما ,,
وبعدها تسوي تقوية واعداد جيد قبل البدء بتمارين الضخامة ...

بالاخير رحم الله امرئ عرف قدر نفسه ,, يوجد من الاعضاء من هم افهم مني وان شاء الله بيفيدونك

[د/عمرو]

اهلين اخوي

ليش في خطأ؟؟
يمكن قصدك اني زدت بس 6 كيلو

المهم تماريني كالاتي

اول يوم صدر 5 تمارين + باي 3
تاني يوم ظهر 5 تمارين + تراي 3
يوم راحة
اكتاف 4 تمارين ترابيس 2
ارجل
يومين راحة



بالنسبة للغذاء اربعة وجبات باليوم + بروتين ( مافي نوع محدد كل شوية اجرب واحد )



--------------------------

بالنسبة للرجعة للنادي والله اني بانقهر كل ماشوف وزني نقص وجسمي رجع زي ماكان
فعشان كدا برجع رجعة خفيفة للنادي باوزان خفيفة وانشالله مافي شي

بس ماجاوبتني عسؤالي هل حاحتاج 8 اشهر عشان اجيب الي وصلتله ولا حاجيبه في فترة اقصر بما اني كنت العب حديد سابقاً؟

[AmiTy Ville]

لاخوف عزيزي ان شاءالله

طولك ووزنك وعمرك عزيزي؟؟

وشو تستخدم من مكملات بالضبط ؟؟

اخوي بطل أجسام يقصد انه يمكن ماكنت تطبق التمارين بالشكل الصحيح اعتقد هذا قصده وهنا اذا لم تطبق صح فا هذا غلط طبعا

عزيزي زيد وجباتك الى 6 ولاتسهر وانتظم ف الأكل ونوع الاكل

..

والحين ناوي ارجع للنادي لانه حاس يدي تقريبن اتعافت بس في الم بسيط
بس ماعتقد انه حيألمني خلال التمارين


أكبر غلط عندما تحس ان الالم خلاص انتهى ولايوجد غير الم لايذكر وتروح تتمرن - لانك وقتها راح ترجع للخلف وترجع الاصابه لسابق عهدها

سؤالي هو هل حأحتاج 8 شهور ثانية عشان اوصل للي وصلته اول
ولا لاني لعبت حديد من قبل فأقدر اعوض الي خسرته في شهر او شهرين ؟؟

لا لن تحتاج لـ8 أشهر أقل بكثير ان شاءالله كون جسمك تعود عالحديد وانت تعودت عالتمارين لكن رجوعك سوف يكون اوزان خفيفه جدا + بتلعب شامل من جديد 5 أيام او أسبوع الى اسبوع ونصف ولاتضغط ع نفسك ولاتستعجل اهم شي الصبر والتمرين بتركيز وعدم تسرع

وسلامات عزيزي والله الموفق

[بطل أجسام]

اخوي
AmiTy Ville ماقصر جاوبك الله يعطيه العافية ..

[د/عمرو]

تسلم اخوي الكبتن عالرد


الطول 163
الوزن الحالي 47 <<بنيتي صغيرة
وقبل ماوقف حديد بسبب الاصابة كنت 53
عمري 22

البروتينات استخدمت مايوبلكس ديلوكس ثم بروتين البيض من اوبتيموم ثم ميقا ماس <<الميقا ماس ماكملته بسبب الاصابة


بالنسبة للالم
طول الالم معاي والمفروض انه يتعافى على كلام الدكتور ان التهاب الاربطة ياخذ بالكثير شهر
انا صارلي قريب الشهرين الحين ولسا في الم خفيف فقلت يمكن يبغاله مزاولة ليومي الطبيعي عشا يروح

[FinalFantasy9]

بالنسبة للوزن ترى لاتحاتي الحال من بعضه .. وزني كان بالبداية 52 كيلو وطولي 173 ولكن الان اعلى من 70 والحمد لله .. وانا مثلك ازيد بصعوبة واخسر الوزن بسهولة .. ولكن بعد التمرين المستمر لاحظت ان مجرد العودة للتمرين بعد اصابة او توقف تعيد نفخ العضله كما كانت خصوصاً لو كانت الفترة قصيرة بين شهر الى شهرين ! .. وخلال شهر او اقل بالكثير بتلاحظ الفرق وان الاوزان الي تقدر تشيلها كما كانت واكثر .

انا بأول سنة تمرين زدت مايقارب الـ10 الى 15 كيلو مع اني كنت اركز على الاكل الصحي والدائم ولكن مشكلتي كانت في التقطيع في اخذ المكملات الغذائيه .. فلازم تركز على التمرين المنتظم واخذ قسط كافي من الراحه واخذ مكملاتك بالشكل الي يناسبك .. وحاسب من العودة الى التدريب بعد الاصابة بدون الشفاء التام !! ، ترى ممكن ترجع الاصابة بشكل اسوء من السابق لاسمح الله .

الله يوفقك .

[AmiTy Ville]

دام في الم ولو خفيف فا يعني لازم تنتظر شوي والافضل انك تراجع الدكتور مره ثانيه ليتبين الموضوع اكثر لانه طول على ماتقول

الميجا ماس اذا كانت 4000 فهي ممتازه وماعليك عزيزي فقط خلي الالم ينتهي بشكل تام بعدين لكل حادث حديث ويوم تحس انه انتهي جرب تشيل وزن خفيف ف البيت وشوف هل في الم ولا لا

وان شاءالله الامور طيبه عزيزي فقط شوية صبر

[د/عمرو]

يعطيك العافية اخوي فاينل فانتسي افدتني خصوصاً ان الحال من بعضه


وانتظر اي ردود بقية

[د/عمرو]

يعطيك العافية اخوي AmiTy Ville ماقصرت

انشالله بصبر شوي مع اني جالس اعد الايام والدقايق عشان اتعافى بس وش اسوي صبر والله والمستعان

بس انا جربت اشيل كم وزن في البيت عندي دامبلز سويت تمرين صدر وبطن وافخاذ وباي وتراي وماحسيت بألم

باقي اجرب اكتاف وظهر بس خفت اجربها لكن انشالله اجربها واتأكد اذا في الم او لا

[mashkaljey]

اهلا اخي الحبيب الحمدلله على سلامتك انا ما نسيتك

كيف حال اصابتك ان شاء الله تحسن الاوضاع ؟ انا اخبرتك ان راح تستمر شهرين لان اصبت بمثل اصابتك سابقا

للعلم كل ما انام على مكان بطريقه خطأ احس بالالم الخفيف يرجع لكن الحمدلله ليس كاول مره اصبت بها ولله الحمد

الاصابه كانت في بدايه العام والى الان احس بالم في حال نمت بشكل خطأ ولكن الحمدلله ليست كاول مره

بالنسبة لأسألتك ابشر اخوي بالخير راح ترجع تشيل اوزان اكبر من يوم اصابتك وهذا من واحد مجرب ومصاب سابق

اهم شي اخوي العزيمة والثقه وان تنتبه وانت تلعب انك تسخن بشكل ممتاز قبل البدأ برفع الاوزان يعني لا تقل فتره تسخينك عن 20 دقيقه ما بين هروله ومشي واوزان خفيفه جدا لتحريك وتسخين العضلات ولا تنسا ان تخبر اي احد يساعدك في الاكتاف ان كانت هناك اصابه سابقه حتى ينتبه لك واهو يلعب معك

بالنسبة لي استخدمت النايتركس وبصراحه كان ممتاز يمكن لانه يعطي تدفق للدم في العروق وبالتالي تدفق الدم الرقبه والحمدلله مثل ما قلت لك راح ترفع اوزان اكبر من السابق وبالنسبة لعضلاتك راح تظهر اكبر من السابق بفتره قصيره وصدقني خلال شهر فقط لو انك اتبعت نظام جدولك دون تفويت يوم راح تشوف جسمك رجع خلال شهر عضلاته بارزة

اما بالنسبة لوزنك انصحك بفاتح شهية لان الكثيرون يعانون من قله الشهية والحديد يبيلها واحد ياكل الزلط وما يشبع

اهم شي يا غالي مثل ما نصحوك الاحبه ومثل ما قلت لك شد حيلك وموفق خير والعب اخي وان شاء الله الالم راح يختفي ولا تفكر فيه ابدا العب بدون ان تخشى رفع اوزان ولكن ارفع بالترتيب يعني ابدا بالاوزان الي كنت تستهين فيها وارفع وبعدين زيد وزيد وزيد لحد ما تشوف نفسك ترفع الوزن السابق واكثر

والله يوفقك

[FinalFantasy9]

اهلا اخي الحبيب الحمدلله على سلامتك انا ما نسيتك

كيف حال اصابتك ان شاء الله تحسن الاوضاع ؟ انا اخبرتك ان راح تستمر شهرين لان اصبت بمثل اصابتك سابقا

للعلم كل ما انام على مكان بطريقه خطأ احس بالالم الخفيف يرجع لكن الحمدلله ليس كاول مره اصبت بها ولله الحمد

الاصابه كانت في بدايه العام والى الان احس بالم في حال نمت بشكل خطأ ولكن الحمدلله ليست كاول مره

بالنسبة لأسألتك ابشر اخوي بالخير راح ترجع تشيل اوزان اكبر من يوم اصابتك وهذا من واحد مجرب ومصاب سابق

اهم شي اخوي العزيمة والثقه وان تنتبه وانت تلعب انك تسخن بشكل ممتاز قبل البدأ برفع الاوزان يعني لا تقل فتره تسخينك عن 20 دقيقه ما بين هروله ومشي واوزان خفيفه جدا لتحريك وتسخين العضلات ولا تنسا ان تخبر اي احد يساعدك في الاكتاف ان كانت هناك اصابه سابقه حتى ينتبه لك واهو يلعب معك

بالنسبة لي استخدمت النايتركس وبصراحه كان ممتاز يمكن لانه يعطي تدفق للدم في العروق وبالتالي تدفق الدم الرقبه والحمدلله مثل ما قلت لك راح ترفع اوزان اكبر من السابق وبالنسبة لعضلاتك راح تظهر اكبر من السابق بفتره قصيره وصدقني خلال شهر فقط لو انك اتبعت نظام جدولك دون تفويت يوم راح تشوف جسمك رجع خلال شهر عضلاته بارزة

اما بالنسبة لوزنك انصحك بفاتح شهية لان الكثيرون يعانون من قله الشهية والحديد يبيلها واحد ياكل الزلط وما يشبع

اهم شي يا غالي مثل ما نصحوك الاحبه ومثل ما قلت لك شد حيلك وموفق خير والعب اخي وان شاء الله الالم راح يختفي ولا تفكر فيه ابدا العب بدون ان تخشى رفع اوزان ولكن ارفع بالترتيب يعني ابدا بالاوزان الي كنت تستهين فيها وارفع وبعدين زيد وزيد وزيد لحد ما تشوف نفسك ترفع الوزن السابق واكثر

والله يوفقك

يعطيك العافية مشكلجي ..

بس بغيت اسأل اذا يسمح الاخ عمر :] .. احد ينصحني بحبوب تفتح الشهيه وتكون مجربه وامنه ؟ .. مع العلم بأني متوقف عن التمرين منذ مده ليست قصيرة بسبب اغلاق نادي الجولد جيم لدينا وانتظار النادي الجديد القريب من منزلي الي بيفتح ابوابه خلال الثلاث شهور القادمة .. فهل احد يقدر ينصحني بشيء احافظ فيه على وزني وازيد على كمية الاكل لان اكلي غريب جداً لان مرات اكل كثير ومرات اشبع بعد لقمتين او ثلاث وهذا شي مرهق .

[AmiTy Ville]

سيبرو فيتا اشوف الكل يمدحها
وموسيجور في كم واحد قال طيبه لكن الوجه يتم مثل ماهو عليه

وهناك ايظا الـtres-orix FORTE ممتازه وبها ايظا فيتامينات لكن بها قليل من الفيتامينات المنومه شي بسيط

والفيتامينات لها ايجابياتها ايظا والفيتامين B 6 ممتاز

كلام دكتور يقول ان الموسيجور والبريكاتين مالهم ادله علميه وان لهم اضرار جانبيه !!

انا ماجربت صراحتن بس نسمع عنهم لا أكثر

بيني وبينك عسل أصلي عالريق له كلآم ثاني ومن ثم التغذيه المنتظمه والمقسمه ويمدحون الحلبه وانت ادري مايحتاي نقولك عن التغذيه

انا نفس موضوعك اخسر وزن بسرعه وبصعوبه بالغه اطلع 5 كيلو لكن وقت الجد والانتظام غصبن عنه يطلع طبيعي

بالتوفيق عزيزي

[mashkaljey]

ما قصر اخوي ديزاييه سابقا

الموسيجور انا جربته ممتاز بعد استعمالك له باسبوع !! ليش باسبوع لان اول اسبوع بس راقد بفراشك تقوم شوي وترد تنام تاكل وتنام لحد ما يتعود جسمك عليه يصير اوكي

ويقولون في الوصفه يعدل المزاج لكن انا تعكر المزاج عندي كل ما استخدمه

وبالنسبة لك فاينل ترى ما بتحتاج تستخدمه فتره طويله فقط يمكن اول اسبوعين وبعدين تقطعه لانه يفتح الشهيه على طول واذا ردت الشهية تعبانه تكمل باجي العلبه

بالتوفيق

[FinalFantasy9]

بالنسبة لحبوب المسيجور هذي .. هل هي موجودة في الصيدليات او في GNC ومحلات المكملات ؟ ..

وعندي مشكلة ثانية .. قريت ان هالحبوب فيها نسبة كحول وهذا الي يخليها تنعس وتحسس الواحد بالخمول ! .. فلو فيها كحول مايجوز اخذها .. فهل ممكن تعطوني رد شافي بما ان الاخ مشكلجي شاف الصنف وجربه ويقولنا هل مكتوب عليها ان فيها كحول وهل تعرفون موقع يأكد هالمعلومة ؟ .
<< حلوة "صنف" كأنه كوكايين مب حبوب فتح شهيه ..

وبعد قريت بعد بحثي بالنت بأن الحبوب قد تصيب الشخص بالعصبيه وهذا اتوقع ممكن يأثر علي لاني الفترة هذي صاير اعصب بسرعه ومب ناقصه لوول .. امس بس نازل لواحد من السيارة كنت بطب ببطنه مب ناقصه اخذ حبوب واصير مجرم لوول .