" مساعده " مالقيت حل, زيادة الوزن ماطاعت تجي !!

السلام عليكم

أخواني, عمري 18 سنه . . لكن تواجهني مشكلة النحف طلعت عيوني :bigeyes: !! >> وزني في حدود 50, وطولي في حدود 165 - 170

أكلي زين ولله الحمد, وشهيتي مافيها شيء غريب أو مشكلة . . لكن الوزن مايزيد أبد !!

دخلت نادي كمال أجسام على بالي راح أزيد وزني . . كنت اتمرن على خفيف وبنفسي لأن النادي الي أنا فيه ما في مدرب يوجهك !! :02:

لكن مع ذلك مازدت ولو القليل !!

رحت الدكتور وقال مافيك إلا العافيه, وقعد يقولي وش تبي بالسمنه خلك كذا .. قلت له اطلع من مخي احسن لك :D >> أبيه يطلع عله فيني عشان أعرف إنه كان فيني مشكلة, لكن طلعت من دون فايده !!

.. :: ..

طلبي, أبي بروتين(Weight Gainers ) أو فاتح شهيه يزيد وزني . . مع العلم إني أتمرن لكن على خفيف ومو على الدوام

وياليت تساعدوني وتشورون علي بـ نصايحكم وتجاربكم :)

و ياليت اذا ماعليكم أمر, نظام غذائي مقترح يزيد الوزن

وماهي الأنواع الأساسيه التي تدخل في زيادة الوزن >> يعني أحتاج بروتين أو كربوهيدرات ..الخ ؟!

هلا فيك عزيزي وان شاءالله تستفيد وتفيد

الكارب والنشويات والدهون هذي كلها عناصر تساعد على رفع الوزن لكن يشترط انك تاكل اكل مو طبيعي وتمرين ومجهود جيد جدا

وجباتك تكون 5 - 6 وجبات يوميا

معلومه كل ماتمرنت وبذلت مجهود وتعبت كل ماصرت يوعان وتبى تاكل وهذا شي ايجابي

ايظا هناك مكملات غذائية امثال الغينر لكن انا اقول خلها بعد شهر عالاقل من استمرارك بالتمرين وزيد وجباتك ولاتسهر واذا كنت تدخن اتركه لانه عامل منشف للجسم

تسخينك يشترط بدون حرق يعني لاتهرول ولا تركض

في مواضيع كثيره عن التغذيه بقسم المواضيع المميزه خذلك لفه وبتستفيد ان شاءالله

صدقني سهل تمتن لكن صعب تضعف وانا بالسابق كنت ضعيف جدا وانا من النوع اللي مستحيل يمتن بسرعه بس الاستمراريه والتغذيه الكثيره والجيده والتمرين المستمر رفعت وزني تدريجيا

سويلك جدول وروتين معين يومي وصدقني بتضبط امورك

لاتستعيل وان شاءالله موفق

مثل ما قالك الوحش وازيد علية


ان كانت نفسيتك للكل مرة تحت خذ حبوب اسمها مسيقور لفتح الشهية سعرها حوالي 15 ريال

والبروتين خذ الترو ماس او السيرياس ماس هذولا افضل منتجين لرفع الوزن والعضلات ولا تبعد عن غيرهم بالتوفيق

ايه الميسوقور ممتازه اسال مجرب ولا تسال طبيب

المشكلة إني مو في السعوديه, ودورت صوره للـ ميسوقور --> لكن عجزت ألقى شيء عنه

ياليت اسمه بالإنجليزي وصوره له . . وهل هو متواجد في الخارج أم في الخليج فقط ؟!

أهلا اخي العزيز ...

المسيقور متواجد في الخارج وفي الخليج العربي عزيزي ... لكن للأسف ما عندي صورة له ان شاء الله الشباب عندهم صورة تشوفها...

يا كابتن المسيقور بكل صيدلية في الممكلة خشس اي صيدلية قلة ابي فاتح شهية مسيقور يعطيك ايها بـ 15 ريال

علبة لونها سماوي وحباتها صغار

مشكورين على التعاون . . وحسن إستجابكتم ,,

لكن يا أخواني أنا مو موجود في الممكلة . . أنا في مقيم في أوروبا حالياً , ,

لذلك أنا أسأل عن اسمه الإنجليزي بالضبط و صورته

+

هل هناك مشروب أو بودره تعمل على زيادة الوزن ( يعني تكون مساعده على الزيادة ) . . لكن مايكون له دخل في العضلات والحديد .. بحيث إني أشربه ولكن من دون تمرين >> لأني راح أنقطع عن التمرين فتره بسبب الظروف وراح أركز على زيادة الوزن ثم أرجع للتمرين مره أخرى

يعني لو تنصحوني في باودر أو بروتين عمله الأساسي زيادة الوزن ولو يكون بطعم الشكولاته يكون أفضل ..

Mosegor

http://img31.picoodle.com/img/img31/...lm_f4b1fed.jpg

والاحجام تختلف


ومسمن عندك السيرياس ماس يستعمل للرياضيين والي نحيف ويبي يسمن وهذا هو طايحين فية البنت الي يبون يزيدون الوزن وهو ممتاز الصراحة ولا يضر لو تستخدمة بدون رياضة

الله يعطيكم العافيه . . طيب أخواني هل في مشكلة لو استخدمت الـ سيرياس ماس بدون تمارين .. ؟!

واذا كان فيه مشكلة . . ياليت تنصحوني بشراب أو بروتين ( بودره ) تعمل على زيادة الوزن ..!!

؟؟؟

يعني ابقولك خذ شي يضرك ؟؟

يا صاحبي لو يضرك ما قلت لك خذة انت انسان تبي تزود وزنك صح ولا غلط خلاص اوكي خذ سيرياس ماس ؟؟؟؟؟

أخوي " الرسمي " لاتفهمني غلط وأنا أخوك . . ماكان قصدي التشكيك في كلامك

الي فهمته من كلامك إن الميسجور هو الي طايحين في الناس ويؤخذ بدون تمارين
أما الـ " سيرياس ماس " فهو للرياضين, لكنك ماحددت هل يستوجب تمارين أو لا ؟! >> هذا كان المقصد من سؤالي

الله يرضالي عليك

هذاك لة شغل غير وهذا لة شغل غير ما يقارن مع بعض

المسيقور هذا فاتح للشهية حبوب صغيرة جدا اصغر من الفصفص ويؤخذ للي ما عندة شهية للاكل سعرة 15 ريال في الصيدليات الي عندنا

السيرياس ماس بودرة فيها بروتين وكارب ودهون واحماض امينية يعني اكلة لكنها على شكل بودرة لكنة لا يغني عن الاكل

الاكل هو الاهم

انت كنت انسان ضعيفة شهيتك خذ لك مسيقور ان كنت انسان تاكل لكن ما يبين عليك خذ لك سيرياس ماس لكن واظب على اكلك لانة يسد نفسك شوي

تسلم لي والله ع التوضيح . . والله يجزاك خير

أنا كنت خايف ومتردد على السيرياس ماس إنه لازم يكون معاه تمرين حتى مايضر بالجسم . . لكنك ريحتني

هل هذا هو المنتج بالضبط >> http://www.cheap-supplements.co.uk/o...2-7kg-tub.html ؟ + ياليت طريقة استعماله وكم مره يؤخذ في اليوم ( مع مقدار كل جرعه ؟! )

لا ما عليك خذة وانت مرتاح وانا قد جربتة ولو تاخذ الكيس ازين لك لانة فية 5 كليو ونص واوفر

http://www.bodytemple.co.uk/images/l...mass-545kg.jpg

طيب أخوي ياليت اذا ماعليك أمر تقولي طريقة الإستعمال . . ؟!

>> ودامك مجربه, وش أحسن نكهة في رأيك :D ؟! + هل هو ثقيل على المعده ؟!

ماقصر بو رآشد

عزيزي ايظا عندك الفيول غينر برو هذا اقوى رافع وزن دهون متواجد والتوتال فات فيه تقريبا 30 جرام او اكثر اذا ماخاب ظني وراجع هالموضوع في تفصيل عنه
http://www.montada.com/showthread.php?t=647197

السيرياس ماس ايظا ممتاز لكن التوتال فات فيه 4.5 اما الفيول مثل ماذكرتلك فوق ويحتون الاثنين على نفس باقي العناصر تقريبا

بالنسبة للنكهات عزيزي معروف ومايباله كلام هم ثلاث نكهات حلوه ( اتكلم عن اغلب المكملات ) الشوكلاته والفرواله والفانيلا

واي بروتين غينر نعم تلقاه ثقيل هالمعده شوي خصوصا اذا خذيت بعد الاكل مباشره

طبعا اغلب المكملات من مرتين الى ثلاث مرات يوميا

والسيرياس ماس سوكبين في كل مره

صباحا قبل الافطار او الافطار بساعه مع حليب منزوع او قليل الدسم وبعد التمرين مباشره مع ماء بارد وقبل النوم بساعه او ساعتين مع حليب منزوع او قليل الدسم

بالنسبة لحبوب فاتح الشهيه سواء الموسيجور او السيبرو فيتا فا لهم اثار جانبيه مثلا الكسل والنوم وشوي من الكآبه عند بعض الناس وتحتوي على نسبة من الكحول غير هذا تنفع مع ناس وناس لا

فا رأيي انك مع التمرين والمجهود غصبن عنك راح تنفتح شهيتك وتاكل هذا غير اذا انت معزم ومقسم وجباتك الى 6 وجبات وانا كنت مثلك سابقا وانا من النوع اللي مستحيل يمتن لكن مع الاصرار كل شي يصير

ولك الحريه بأتخاذ اللي تشوفه مناسب ولايهونو البقيه

امنياتي لك بالتوفيق

السلام عليكم أخوي . .

أشكرك على ردك الوافي والي زودني بـ معلومات حلوه , ,

لكن أخوي ودي بـ مشورتك أنت أيضاً :

أنا راح أخذ Weight Gainers من دون تمارين . . لأني راح أقطع النادي فتره بسبب الظروف, وراح أركز على زيادة الوزن بشكل أساسي ومن ثم أرجع للنادي

فـ هل برأيك الأفضل لحالتي " السيرياس ماس " أو " SUPER PRO GAINERS FUEL " ؟
>> لأن من كلامك فهمت إن SUPER PRO GAINERS FUEL مركز وثقيل, فهل هذا يحتاج تمارين للحرق ؟!


شاكر لكم تعاوتكم . .

اقتباس:

---

المشاركة الأصلية كتبت بواسطة Mr.Hemo

السلام عليكم أخوي . .

أشكرك على ردك الوافي والي زودني بـ معلومات حلوه , ,

لكن أخوي ودي بـ مشورتك أنت أيضاً :

أنا راح أخذ Weight Gainers من دون تمارين . . لأني راح أقطع النادي فتره بسبب الظروف, وراح أركز على زيادة الوزن بشكل أساسي ومن ثم أرجع للنادي

فـ هل برأيك الأفضل لحالتي " السيرياس ماس " أو " SUPER PRO GAINERS FUEL " ؟
>> لأن من كلامك فهمت إن SUPER PRO GAINERS FUEL مركز وثقيل, فهل هذا يحتاج تمارين للحرق ؟!

شاكر لكم تعاوتكم . .

---

الكباتن ماقصرو معك بس انت اهلكتم بالأسئله وانا اشوف انه كلامهم واضح
وانت الي هذا الوقت مافهمت ؟؟

خذ فاتح الشهية وفكنا تكفي لايزعلون علينا الكباتن:biggthump

مثل ما قالو لك الشباب ووضح لك الاخ واي بروتين

مساله انك تاخذ مكمل وتنتظر النتائج اخوي انا اقولك وفر على نفسك مبلغ وقدره وروح اشتر لك فاتح شهية لان المكمل يمكن يعطيك زياده لا تزيد عن 4 كيلو مع التغذيه وانت بالاساس تحتاج التغذيه لان المكمل بيكمل النواقص اللي بالتغذيه فهمت شلون يعني يا اخوي وفر على نفسك اي مكمل وروح اشتر فاتح شهية قيمته اقل من ربع قيمة البروتين

لكن تقعد بالبيت بتزيد كرش وترهل بالصدر وتحتاج بعدها فتره تنشيف وتعب وما الى ذلك زيد وزنك وانت تلعب حديد افضل لك

موفق