" مساعده " مالقيت حل, زيادة الوزن ماطاعت تجي !!

[Mr.Hemo]

السلام عليكم

أخواني, عمري 18 سنه . . لكن تواجهني مشكلة النحف طلعت عيوني !! >> وزني في حدود 50, وطولي في حدود 165 - 170

أكلي زين ولله الحمد, وشهيتي مافيها شيء غريب أو مشكلة . . لكن الوزن مايزيد أبد !!

دخلت نادي كمال أجسام على بالي راح أزيد وزني . . كنت اتمرن على خفيف وبنفسي لأن النادي الي أنا فيه ما في مدرب يوجهك !!

لكن مع ذلك مازدت ولو القليل !!

رحت الدكتور وقال مافيك إلا العافيه, وقعد يقولي وش تبي بالسمنه خلك كذا .. قلت له اطلع من مخي احسن لك >> أبيه يطلع عله فيني عشان أعرف إنه كان فيني مشكلة, لكن طلعت من دون فايده !!

.. :: ..

طلبي, أبي بروتين(Weight Gainers ) أو فاتح شهيه يزيد وزني . . مع العلم إني أتمرن لكن على خفيف ومو على الدوام

وياليت تساعدوني وتشورون علي بـ نصايحكم وتجاربكم

[Mr.Hemo]

و ياليت اذا ماعليكم أمر, نظام غذائي مقترح يزيد الوزن

وماهي الأنواع الأساسيه التي تدخل في زيادة الوزن >> يعني أحتاج بروتين أو كربوهيدرات ..الخ ؟!

[AmiTy Ville]

هلا فيك عزيزي وان شاءالله تستفيد وتفيد

الكارب والنشويات والدهون هذي كلها عناصر تساعد على رفع الوزن لكن يشترط انك تاكل اكل مو طبيعي وتمرين ومجهود جيد جدا

وجباتك تكون 5 - 6 وجبات يوميا

معلومه كل ماتمرنت وبذلت مجهود وتعبت كل ماصرت يوعان وتبى تاكل وهذا شي ايجابي

ايظا هناك مكملات غذائية امثال الغينر لكن انا اقول خلها بعد شهر عالاقل من استمرارك بالتمرين وزيد وجباتك ولاتسهر واذا كنت تدخن اتركه لانه عامل منشف للجسم

تسخينك يشترط بدون حرق يعني لاتهرول ولا تركض

في مواضيع كثيره عن التغذيه بقسم المواضيع المميزه خذلك لفه وبتستفيد ان شاءالله

صدقني سهل تمتن لكن صعب تضعف وانا بالسابق كنت ضعيف جدا وانا من النوع اللي مستحيل يمتن بسرعه بس الاستمراريه والتغذيه الكثيره والجيده والتمرين المستمر رفعت وزني تدريجيا

سويلك جدول وروتين معين يومي وصدقني بتضبط امورك

لاتستعيل وان شاءالله موفق

[آبو رآشـد]

مثل ما قالك الوحش وازيد علية


ان كانت نفسيتك للكل مرة تحت خذ حبوب اسمها مسيقور لفتح الشهية سعرها حوالي 15 ريال

والبروتين خذ الترو ماس او السيرياس ماس هذولا افضل منتجين لرفع الوزن والعضلات ولا تبعد عن غيرهم بالتوفيق

[mashkaljey]

ايه الميسوقور ممتازه اسال مجرب ولا تسال طبيب

[Mr.Hemo]

المشكلة إني مو في السعوديه, ودورت صوره للـ ميسوقور --> لكن عجزت ألقى شيء عنه

ياليت اسمه بالإنجليزي وصوره له . . وهل هو متواجد في الخارج أم في الخليج فقط ؟!

[اللورد الأحمر]

أهلا اخي العزيز ...

المسيقور متواجد في الخارج وفي الخليج العربي عزيزي ... لكن للأسف ما عندي صورة له ان شاء الله الشباب عندهم صورة تشوفها...

[آبو رآشـد]

يا كابتن المسيقور بكل صيدلية في الممكلة خشس اي صيدلية قلة ابي فاتح شهية مسيقور يعطيك ايها بـ 15 ريال

علبة لونها سماوي وحباتها صغار

[Mr.Hemo]

مشكورين على التعاون . . وحسن إستجابكتم ,,

لكن يا أخواني أنا مو موجود في الممكلة . . أنا في مقيم في أوروبا حالياً , ,

لذلك أنا أسأل عن اسمه الإنجليزي بالضبط و صورته

+

هل هناك مشروب أو بودره تعمل على زيادة الوزن ( يعني تكون مساعده على الزيادة ) . . لكن مايكون له دخل في العضلات والحديد .. بحيث إني أشربه ولكن من دون تمرين >> لأني راح أنقطع عن التمرين فتره بسبب الظروف وراح أركز على زيادة الوزن ثم أرجع للتمرين مره أخرى

يعني لو تنصحوني في باودر أو بروتين عمله الأساسي زيادة الوزن ولو يكون بطعم الشكولاته يكون أفضل ..

[آبو رآشـد]

Mosegor



والاحجام تختلف


ومسمن عندك السيرياس ماس يستعمل للرياضيين والي نحيف ويبي يسمن وهذا هو طايحين فية البنت الي يبون يزيدون الوزن وهو ممتاز الصراحة ولا يضر لو تستخدمة بدون رياضة

[Mr.Hemo]

الله يعطيكم العافيه . . طيب أخواني هل في مشكلة لو استخدمت الـ سيرياس ماس بدون تمارين .. ؟!

واذا كان فيه مشكلة . . ياليت تنصحوني بشراب أو بروتين ( بودره ) تعمل على زيادة الوزن ..!!

[آبو رآشـد]

؟؟؟

يعني ابقولك خذ شي يضرك ؟؟

يا صاحبي لو يضرك ما قلت لك خذة انت انسان تبي تزود وزنك صح ولا غلط خلاص اوكي خذ سيرياس ماس ؟؟؟؟؟

[Mr.Hemo]

أخوي " الرسمي " لاتفهمني غلط وأنا أخوك . . ماكان قصدي التشكيك في كلامك

الي فهمته من كلامك إن الميسجور هو الي طايحين في الناس ويؤخذ بدون تمارين
أما الـ " سيرياس ماس " فهو للرياضين, لكنك ماحددت هل يستوجب تمارين أو لا ؟! >> هذا كان المقصد من سؤالي

[آبو رآشـد]

الله يرضالي عليك

هذاك لة شغل غير وهذا لة شغل غير ما يقارن مع بعض

المسيقور هذا فاتح للشهية حبوب صغيرة جدا اصغر من الفصفص ويؤخذ للي ما عندة شهية للاكل سعرة 15 ريال في الصيدليات الي عندنا

السيرياس ماس بودرة فيها بروتين وكارب ودهون واحماض امينية يعني اكلة لكنها على شكل بودرة لكنة لا يغني عن الاكل

الاكل هو الاهم

انت كنت انسان ضعيفة شهيتك خذ لك مسيقور ان كنت انسان تاكل لكن ما يبين عليك خذ لك سيرياس ماس لكن واظب على اكلك لانة يسد نفسك شوي

[Mr.Hemo]

تسلم لي والله ع التوضيح . . والله يجزاك خير

أنا كنت خايف ومتردد على السيرياس ماس إنه لازم يكون معاه تمرين حتى مايضر بالجسم . . لكنك ريحتني

هل هذا هو المنتج بالضبط >> http://www.cheap-supplements.co.uk/o...2-7kg-tub.html ؟ + ياليت طريقة استعماله وكم مره يؤخذ في اليوم ( مع مقدار كل جرعه ؟! )