اعاني من ترهل الصدر والكرش والخواصر ياليت انكم اتشورون علي بالي اسويه

السلام عليكم ورحمة الله وبركاته

احب اشكر القائمين على هذا المنتدى لاني بصراحه لقيت فيه حماس مو طبيعي وتحفيز

علشان جذي انا ابي اطرح عليكم موضوعي وابي منكم المشوره والراي السديد وابي تحفيز تكفون


اولا انا عمري 29 سنه وزني 76 الان وطولي 174 ونسبة الدهون بجسمي هي 22%
ووزن الدهون فيني 17 كيلو توني موزن بالجهاز ماصارلي مده من يومين

للعلم انا قاعد اسوي رجيم وداخل معهد صحي لي تقريبا 3 اسابيع ومن بداية دخولي وانا استخدم الليبو 6 x وكان وزني قبل الرجيم وبداية التنشيف 83 كيلو

للعلم انا العام الماضي سويت رجيم وبنظام غذائي من رجيم سنتر وبرياضه ايضا وكان وزني بالبدايه 86 الى ان اصبح 69
وضعفت ولكن منطقة الكرش والصدر خفت ولكن لم تذهب وهي واضحه كانت

فضاق خلقي وبطلت رجيم ورياضه و النفسيه زفت كانت

الان انا جاد بازالة هذه الترهلات بجديه

ونظامي الان هو

الاكل الصبح على الريج كاس ماء بها ملعقه خل التفاح وكاس ماء عادي مع حبتين الليبو6 اكس وبعدها بنص ساعه شريحتين توست اسمر وفيهم شريحه جبن خالي الدسم وشريحة مورتديلا دجاج او شريحتين توست وبياض البيض ودائما قلاص عصير برتقال او حليب خالي الدسم
اما الغداء ياأما دجاج او لحم او سمك مشوي مع خضرا وقلاص لبن خالي الدسم وسلطا
والعشاء مرات اتعشا ومرات لا وطبعا العشاء نفس الريوق بالاقلب

اما الرياضه فانا ادخل النادي على طول على جهاز المشي وبعده احياننا الدراجه وبعد ما انتهي اروح لجهاز الخواصر والمعده واللعب خواصر ومعده على الخفيف بس الخواصر بانتظام يوميا
وحاليا داخل حديد شامل لمدة اسبوع اوزان خفيفه لشد الترهلات توني مبلش من امس

اخوني انا اعاني من ترهل الصدر والكرش والخواصر ياليت انكم اتشورون علي بالي اسويه وعندي لكم سوال اقدر استخدم امينو 2222 لتنشيف مع الليبو سكس اكس ولا لأ وشنو هو الي احسن لي
وللعلم وزني بنزول يتراوح بالاسبوع 2-3 كيلو
وللعم بعد انا شريت دراجه هوائيه لاستخدمها باوقات الفراغ على الممشى الي بالمنطقه

وتقبلو تحياتي واتمنى اني ما اكون ازعجتكم

اخوكم ابو محمد

افاااااااا 8 مشاهدات ولا رد اتمنى منكم المشاركه حتى لو رفع الهمه

هلا اخوي

لابد تحتاج الى تمارين تشد فيها يالغالي ......وفي تمارين كثيرة تفيدك في الشد وفي موضوع لاخونا بوراشد في قسم المواضيع المميزة بخصوص تمارين البطن والشد وكل شي :)

وما عليه يالغالي ما عليك من ال8 مشاهدات لا بد في شباب دخلو الموضوع لانه عنوان موضوعك مخالف وان شاء الله المراقب يدخل ويصحح العنوان وقانون المنتدى يقول سياسة غلق المواضيع من بداية عنوان الموضوع اذ لم يكن واضح... وانت جديد فلابأس بس خذ لك طله يالغالي

وان شاء الله الشباب يردون عليك تحلى بالصبر يالحبيب.:)

^^^^^^^^
شكرا لك اخوي المشاركه عاد انا قارئ القوانين ومطبقها بس انا طلبت المشوره وما اعرف عاد

على العموم انا متابع للمنتدى وقراة كل المواضيع الي اتخص التنشف او التخسيس

وعليكم السلام والرحمة قلت لك بالخاص ابشر بالرد :) وحياك اخوي بالقسم وتم تعديل العنوان لان نبي عنوان واضح للمشكلة بارك الله فيك وهذا موجود في قوانين القسم


اخوني انا اعاني من ترهل الصدر والكرش والخواصر ياليت انكم اتشورون علي بالي اسويه

اخوي وزنك ماهو عالي لو انك تبدا في لعب كمال الاجسام وبجدول مرتب مع تمارين معده وخواصر راح تشوف فرق باذن الله خلال فتره لا تزيد عن 3 اشهر وبعد يوم يشد جسمك وتتاهل للحديد اجعل المدرب يرسم لك جدول منظم ومفيد

وعندي لكم سوال اقدر استخدم امينو 2222 لتنشيف مع الليبو سكس اكس ولا لأ وشنو هو الي احسن لي

خلك اخوي على الليبو 6 ما يحتاج تزيد معاه شي انت منت زايد كثير

وموفق خير

اقتباس:

---

المشاركة الأصلية كتبت بواسطة mashkaljey

وعليكم السلام والرحمة قلت لك بالخاص ابشر بالرد :) وحياك اخوي بالقسم وتم تعديل العنوان لان نبي عنوان واضح للمشكلة بارك الله فيك وهذا موجود في قوانين القسم


اخوني انا اعاني من ترهل الصدر والكرش والخواصر ياليت انكم اتشورون علي بالي اسويه

اخوي وزنك ماهو عالي لو انك تبدا في لعب كمال الاجسام وبجدول مرتب مع تمارين معده وخواصر راح تشوف فرق باذن الله خلال فتره لا تزيد عن 3 اشهر وبعد يوم يشد جسمك وتتاهل للحديد اجعل المدرب يرسم لك جدول منظم ومفيد

وعندي لكم سوال اقدر استخدم امينو 2222 لتنشيف مع الليبو سكس اكس ولا لأ وشنو هو الي احسن لي

خلك اخوي على الليبو 6 ما يحتاج تزيد معاه شي انت منت زايد كثير

وموفق خير

---

مشكور اخوي مشكلجي واعذرني ماعرفت اكتب العنوان بشكل يفيد المنتدى

اشكرك على ردك الي راح يساعدني كثير والي احسه مثل ماء بارد ينزل للجوف وتحفيز رائع منك ان شاء الله راح اطبق

لكن اليوم بعد المشي لمده 40 دقيقه رحت اللعب معده وتعبت كثير لان من زمان ماطبقت عدل وبعدها رحت ابي العب حديد شامل وعجزت ماقدرت من التعب وطلعت على طووول :ee2:
المدرب قايلي اسبوع شامل وانا احس عضلاتي مو قويه وخاصه الاكتاف فيه طقطقه من العب اكتاف الحل برايك شنو ؟

شكرا لكم جميعا وبالاخص مشكلجي

اخوي مشكلجي

نظامي الغذائي زين يعني ابقا عليه للعلم انا مرات ما اتعشى ونومي سهر يعني كل النوم بالنهار وحاول اني اعدله لكن ماقدرت ووجباتي تقريبا باليوم فطور وغداء تدري كم الساعه الغداء مرات الساعه 6 ومرات الساعه9 وغير هذا عزوبي هذه الايام يعني الاكل انا الي اسويه

ماقصرو الاخوان بس عزيزي تأكد انه بدون جدول وروتين يومي ممتاز فا صعبه عليك تتقيد بنظام معين

ابتعد عن السهر ورتب يومك وخل كل يوم بيومه ونام بالليل ترى نومة الليل مفيده اكثر من نوم النهار
مو مشكله ماتقدر تنام بالليل اوكي شوي شوي اول يوم ارقد متاخر وبعده شوي وشوي شوي بيكون نومك مرتب وامورك كلها مضبوطه

بتعديل نومك راح يتعدل عندك فطورك وغدائك وايظا عشائك اللي ماتتناوله والرجيم ليس معناته انك تمتنع عن الاكل بالعكس كل لكن بحذر وبعيدا عن مسببات السمنه

بالتوفيق ان شاءالله

لكن اليوم بعد المشي لمده 40 دقيقه رحت اللعب معده وتعبت كثير لان من زمان ماطبقت عدل وبعدها رحت ابي العب حديد شامل وعجزت ماقدرت من التعب وطلعت على طووول :ee2:
المدرب قايلي اسبوع شامل وانا احس عضلاتي مو قويه وخاصه الاكتاف فيه طقطقه من العب اكتاف الحل برايك شنو ؟

مساله التعب عادي جدا هذي لياقه تحصل عليها مع الوقت وبتشوف نفسك تمشي ساعه والوضع عادي خاصه انك تستخدم الليبو والمعروف عنه يعطي نشاط بسبب الكافيين اللي فيه

بالنسبة للطقطقه انتبه يا اخوي من الاكتاف الطقطقه تعني مشكلة بالكتف احتمال الاصابه وارد حاول تتاكد ما المشكلة والفحص الطبي باذن الله بسيط

نظامي الغذائي زين يعني ابقا عليه للعلم انا مرات ما اتعشى ونومي سهر يعني كل النوم بالنهار وحاول اني اعدله لكن ماقدرت ووجباتي تقريبا باليوم فطور وغداء تدري كم الساعه الغداء مرات الساعه 6 ومرات الساعه9 وغير هذا عزوبي هذه الايام يعني الاكل انا الي اسويه

مشكلة كبيرة عدم انتظام الاكل هذا سبب الكرش الواحد ياكل بغير وقت وينام بغير وقت لازم تنظيم وقتك ضروري انت لاعب كمال اجسام يعني تبي تبني جسمك صح ما يفيد هالكلام ابد اللي تسويه خطأ لازم تعوض بالاكل والراحه والتمرين الجيد طيب تتغدا 9 ومتى تروح تحرق هاللي ماكله ؟ تعب فوق تعب انصحك تعدل جدولك اليومي وحتى لو عزوبي ما يمنع نومك يتعدل ابدا

اقتباس:

---

المشاركة الأصلية كتبت بواسطة AmiTy Ville

ماقصرو الاخوان بس عزيزي تأكد انه بدون جدول وروتين يومي ممتاز فا صعبه عليك تتقيد بنظام معين

ابتعد عن السهر ورتب يومك وخل كل يوم بيومه ونام بالليل ترى نومة الليل مفيده اكثر من نوم النهار
مو مشكله ماتقدر تنام بالليل اوكي شوي شوي اول يوم ارقد متاخر وبعده شوي وشوي شوي بيكون نومك مرتب وامورك كلها مضبوطه

بتعديل نومك راح يتعدل عندك فطورك وغدائك وايظا عشائك اللي ماتتناوله والرجيم ليس معناته انك تمتنع عن الاكل بالعكس كل لكن بحذر وبعيدا عن مسببات السمنه

بالتوفيق ان شاءالله

---

شكرا اخي على نصايحك وماقصرت والله

بالنسبه لسهر والله هذه مشكله صارلها معاي فوق 8 سنوات والله اني ماقدر اعدل نومي اعدله اسبوع يرجع ينتكس مره ثانيه واللحين بعد مع الليبو زادت الطين بله ما اقدر انام الا وجه الصباح

الله يعين ان شاء الله ولكن ابي ابدأ من داخلي وابي احاول اير كثير اشايء غير صحيحه بطبعي

الف شكر لك وللاخ مشكلجي ويعلم الله اني ادعيلكم من قلبي بالتوفيق والسداد

اقتباس:

---

المشاركة الأصلية كتبت بواسطة mashkaljey

لكن اليوم بعد المشي لمده 40 دقيقه رحت اللعب معده وتعبت كثير لان من زمان ماطبقت عدل وبعدها رحت ابي العب حديد شامل وعجزت ماقدرت من التعب وطلعت على طووول :ee2:
المدرب قايلي اسبوع شامل وانا احس عضلاتي مو قويه وخاصه الاكتاف فيه طقطقه من العب اكتاف الحل برايك شنو ؟

مساله التعب عادي جدا هذي لياقه تحصل عليها مع الوقت وبتشوف نفسك تمشي ساعه والوضع عادي خاصه انك تستخدم الليبو والمعروف عنه يعطي نشاط بسبب الكافيين اللي فيه

بالنسبة للطقطقه انتبه يا اخوي من الاكتاف الطقطقه تعني مشكلة بالكتف احتمال الاصابه وارد حاول تتاكد ما المشكلة والفحص الطبي باذن الله بسيط

نظامي الغذائي زين يعني ابقا عليه للعلم انا مرات ما اتعشى ونومي سهر يعني كل النوم بالنهار وحاول اني اعدله لكن ماقدرت ووجباتي تقريبا باليوم فطور وغداء تدري كم الساعه الغداء مرات الساعه 6 ومرات الساعه9 وغير هذا عزوبي هذه الايام يعني الاكل انا الي اسويه

مشكلة كبيرة عدم انتظام الاكل هذا سبب الكرش الواحد ياكل بغير وقت وينام بغير وقت لازم تنظيم وقتك ضروري انت لاعب كمال اجسام يعني تبي تبني جسمك صح ما يفيد هالكلام ابد اللي تسويه خطأ لازم تعوض بالاكل والراحه والتمرين الجيد طيب تتغدا 9 ومتى تروح تحرق هاللي ماكله ؟ تعب فوق تعب انصحك تعدل جدولك اليومي وحتى لو عزوبي ما يمنع نومك يتعدل ابدا

---

اشكرك لردك الوافي يامشكلجي

بالنسبه لسهر ان شاء الله ناوي اني اغير كثير بس مع الوقت ماراح اقدر بيوم وليله

اما بالنسبه لطقه هذه اراجع فيها عظام ولاوين اروح بسراحه احس ان العضله مو قويه في عند يمشكله بعالجها ان شاء الله وبسيطه

الله يجزاكم خير والله انكم ماقصرتو معاي ولا مع غيري على راسي والله

اخوي لمعدل الشحوم اي شخص مع الجهد والتمرين ينزل 3 كيلو بين قوسين(شحم) اسبوعيا واكثر من كذا مياه
ولكن بالنسبة لي انا بالتنشيف ابعد عن العصيرات والله لا سيما البرتقال وحتى بالتضخيم ما اشربه بالذات البرتقال بما انه قلوي احسه يحبس مويات بجسمك والحليب يعني يمكنك تشربه بمقصد انك تبي كالسيوم؟ لكن الجبن كافي ان شاء الله والسلطات اذا فيها بقدونس (فبالبقدونس اعلى نسبة كالسيوم 198) من كل انواع الحليب والاجبان فلذلك حاول تغير بالي تاكله يعني يمكن يعطيك نتيجة( ومن ناحية انك مليت وطفشت انت الحين استمر على الحديد شهر او اكثر وراح تشوف تغيرات تبي تسرك بالحيل وخل لعبك تضخيم ونشافة بنفس الوقت بحيث انك ما تلعب باوزان خفيفة يعني تلعب بالاوزان الي توصل به لـ 12 تكرار هذا باثقل مجموعة يعني(بالعادة أثقل وزن آخر مجموعة) فدائم خلك كذا لا تلعب الا 12 والوزن الي ما توصل به 12 لا تلعب فيه ومن ناحية الليبو فيستخدم معه امينو ولا تستخدم معه بروتين

اقتباس:

---

المشاركة الأصلية كتبت بواسطة arnold classic

وخل لعبك تضخيم ونشافة بنفس الوقت بحيث انك ما تلعب باوزان خفيفة يعني تلعب بالاوزان الي توصل به لـ 12 تكرار هذا باثقل مجموعة يعني(بالعادة أثقل وزن آخر مجموعة) فدائم خلك كذا لا تلعب الا 12 والوزن الي ما توصل به 12 لا تلعب فيه ومن ناحية الليبو فيستخدم معه امينو ولا تستخدم معه بروتين

---

اشكرك اخي العزيز لردك الرائع واتمنى منك اتوضح لي هذا الي بالاقتباس ماعليش تراني جديد على هذه اللعبه

شكرا لك

بالنسبة وين تروح لفحص الكتف عادي اي دكتور واهوا راح يعطيك اشعه للكتف للنظر في حالتك

وان شاء الله الامر يكون بسيط

اقتباس:

---

المشاركة الأصلية كتبت بواسطة mashkaljey

بالنسبة وين تروح لفحص الكتف عادي اي دكتور واهوا راح يعطيك اشعه للكتف للنظر في حالتك

وان شاء الله الامر يكون بسيط

---

شكرا لك يامشكلجي بمره ان شاء الله بيوم الراحه وانا متفائل خير ان شاء الله خير احسه ضعف بالعضله بس والله كريم

اشكر اهتمامك ياغالي ومو غريبه عليك ابدا

يا اخون اليوم شريت liquidlcarnitine

الي خو الكارنتين السائل امحوه لي يساعد بحرق الدهون بالاضافه لليبو سكس اكس

راح ابدأ استعمله قبل دخولي لنادي وبعده بمقدار ملعقة اكل واحده قبل وبعد التمرين

ابي رايكم يا اخوان يفيدني ولا لأ

اخوي وضح ؟ تستخدم منتجين حرق مع بعض ؟ ام بدل الليبو تستخدم ال كرانتين ؟ ياليت توضح اكثر لاني ما فهمت ؟

اقتباس:

---

المشاركة الأصلية كتبت بواسطة mashkaljey

اخوي وضح ؟ تستخدم منتجين حرق مع بعض ؟ ام بدل الليبو تستخدم ال كرانتين ؟ ياليت توضح اكثر لاني ما فهمت ؟

---

اخوي مشكلجي انا استخدم الليبو وماقطته ولكن ابي اضيف عليه الكرانتين لزيادة حرق لدهون واسرع وخاصه ان منتج الليبو مافيه مادة الكرانتين

شوف يا غالي

حوارق الدهون كلها تعجل في عملية الحرق سواء بالعناصر الموجوده فيها او من ناحية تاثيرها على الجسم

يعني لو انت تلعب هرولة ساعه كامله من غير ليبو 6 فانت عند استخدامك لليبو 6 شغل هالساعه تجد نفسك عملته في ربع ساعه ؟

عرفت المقصد الان من الحوارق يعني في ناس تفكر اخذ حارق دهون واقعد بالبيت وناس تقول اخذ بدال حارق واحد اثنين او ثلاث ترى كل هالكلام ماهو دقيق حتى لو اثبت في بعض الحالات صحته !!

بعدين يمكن يا اخي منتج يمشي على جسمك والثاني لا لازم تعرف اللي عطاك واللي ما عطاك استفاده !!

فاستخدم انت منتج وشوف عمله واذا تمام معاك استمر عليه واذا مو تمام غيره في انواع كثيره من الحوارق نزلت بالسوق لكن سمعة الليبو 6 وسمعة ال كرانتين واسعه جدا

لهذا بتاخذ بنصيحتي بقولك استعمل واحد وشد على نفسك بالتمرين واذاك بتستعمل الاثنين براحتك انت حر لكن يمكن تاخذه ما يعطيك اللي تحتاجه غير خساره مالك ووقتك

شكرا لك اخوي مشكلجي والله شقولك الليبو سكس اكس جايب مفعول كويس معاي كثير ولمن العجله شريت المنتج الكرانتين وخلصت وانا ترى شاد حيل على نفسي بالتمراين مشي وهروله 45 دقيقه وبعدها حديد شامل وبعدها العب تمارين بطن يوم وترك طبعا والله يجيب الي فيه الخير

بس هو الكرانتين مايضر لو استخدمه مع الليبو ولا فيه مشاكل وابتعد عنه واستخدم بس واحد وانت بصراحه حيرتي قلتلي براحتك وماني عارف محتار اللحين :02:

من ناحية الضرر اخوي والله ما ادري ما جربت استخدم حوارق مع بعض لكن اكيد يتعارضون في الوقت لان اللي اعرفه الليبو على معده فارغه يعني كيف بتستعمل منتجين مع بعض وتروح للعب

والاهم من هالسؤال هو كيف راح تعرف ان المنتج هذا نفع معاك او لا لان مو شرط انه حارق يمشي معاك

تدري يا اخوي مشكلجي انا شريته وخلصت اللحين ولكن ابي اكمل على الليبو 6x الى ان انهي العلبه واشتري غير العلبه بعد واخلصها يعني اكمل على الليبو 8 اسابيع وبعدها اريح شهر او اثنين واستخدم هذا الحارق الكرانتين

والله يعيننا ويعينكم بعد زين منكم تتحملونا ومادام انا متابع معاكم هنا فانا متحمس كثير ووراج يالكرش الى ان انهيها الى الابد

شكرا لك اخوي العزيز وبيض الله وجهك

صدقني يمكن ما تحتاج الى علبه ثانية يكفيك اللي معاك وبتشوف نتائج

لان اهم شي التمارين اما الحوارق فهي مساعده على تسريع عملية الحرق فقط لاغير يعني اهتم بالتمارين وشد على نفسك خلال 3 اشهر من التمرين المستمر بتشوف نتائج ترضيك

بالنسبة للحوارق نعم تتعارض فا يفضل واحد فقط اما بعد ماتنتهي تتوقف فتره بعدين تشوفلك غيره مثل ماتفضلت وانا اقولك صدقني مايحتاي تاخذ غيره في حال انه مشى معاك بيكفيك واحد لكن عليك بالمجهود والحرق وانتبه لتغذيتك وراحتك ونومك

صحيح هناك البعض لم ينجح معه الليبو وانتقل الى منتج اخر ونفع لكن هذا مش معناته انه ماضبط معاه يمكن الشخص ما استعمله بالطريقه الصحيحه

عموما الليبو6اكس يؤخذ قبل الوجبات لتستفيد منه بالطريقه الصحيحه

بالتوفيق

اقتباس:

---

المشاركة الأصلية كتبت بواسطة mashkaljey

صدقني يمكن ما تحتاج الى علبه ثانية يكفيك اللي معاك وبتشوف نتائج

لان اهم شي التمارين اما الحوارق فهي مساعده على تسريع عملية الحرق فقط لاغير يعني اهتم بالتمارين وشد على نفسك خلال 3 اشهر من التمرين المستمر بتشوف نتائج ترضيك

---

يمكن اذا شفت نتايج عجيبه تركه وكملت على تمارين ومن هذه الناحيه اخذ ولد يعجبك عزيمه واصرار ولله الحمد ومو ناوي اركد الا لما اروح الكرش حتى لو بعد 5 شهور عادي

مشكووور على نصايحه ياكابتن وجميله على الراس من فوق ماقصرت والله

اقتباس:

---

المشاركة الأصلية كتبت بواسطة AmiTy Ville

بالنسبة للحوارق نعم تتعارض فا يفضل واحد فقط اما بعد ماتنتهي تتوقف فتره بعدين تشوفلك غيره مثل ماتفضلت وانا اقولك صدقني مايحتاي تاخذ غيره في حال انه مشى معاك بيكفيك واحد لكن عليك بالمجهود والحرق وانتبه لتغذيتك وراحتك ونومك

صحيح هناك البعض لم ينجح معه الليبو وانتقل الى منتج اخر ونفع لكن هذا مش معناته انه ماضبط معاه يمكن الشخص ما استعمله بالطريقه الصحيحه

عموما الليبو6اكس يؤخذ قبل الوجبات لتستفيد منه بالطريقه الصحيحه

بالتوفيق

---

نورت الموضوع ومداخلكتك زادتني اصرار على الي بلشت فيه

انا تماريني ممتازه وابذل مجهود قوي وحلو والتغذيه كمان ماشي صح ولكن النوم هو مشكلتي وان شاء الله اتغلب عليه هاليومين

مشكوووووور ياكابتن واسعدتني بردك وتفاعلك مع موضوعي

يا اخوان اليوم وزني 75 واحس انت البطن شاده وخفانه عن اول من بعد اسبوع تمارين لها 3 مرات

راح اكون متابع بموضوعي هذاكل جديد يطري علي

الله يوفقك واخوي شوف لا تقيس وزنك الا بعد شهر عن شهر افضل لك او في حال غيرت المكمل الى نوع اخر

واخذ القياسات لمحيط البطن والصدر والاكتاف والباي والارجل كامله

موفق

اقتباس:

---

المشاركة الأصلية كتبت بواسطة الاخر1

شكرا اخي على نصايحك وماقصرت والله

بالنسبه لسهر والله هذه مشكله صارلها معاي فوق 8 سنوات والله اني ماقدر اعدل نومي اعدله اسبوع يرجع ينتكس مره ثانيه واللحين بعد مع الليبو زادت الطين بله ما اقدر انام الا وجه الصباح

الله يعين ان شاء الله ولكن ابي ابدأ من داخلي وابي احاول اير كثير اشايء غير صحيحه بطبعي

الف شكر لك وللاخ مشكلجي ويعلم الله اني ادعيلكم من قلبي بالتوفيق والسداد

---

بالمناسبة صديقي الليبو 6 لازم تستخدمه شهرين وتريح شهر وبعدين تقدر اتعيد استعماله مره ثاني والنوم لازم تاخذ من 7 إلى 8ساعات يوميين والاكل يكون على مقسم 6وجبات

مثال : اذا الحمية الغذائية كانت 2000 سعره حراري فلازم اتقسم الالفين سعره علىطول اليوم :biggthump

اقتباس:

---

المشاركة الأصلية كتبت بواسطة mashkaljey

الله يوفقك واخوي شوف لا تقيس وزنك الا بعد شهر عن شهر افضل لك او في حال غيرت المكمل الى نوع اخر

واخذ القياسات لمحيط البطن والصدر والاكتاف والباي والارجل كامله

موفق

---

الله يسلمك يامشرفنا العزيز ابشر القياسات اخذه على طول ومسجلهم وفي تحسن كبير الفرق اللحين 10 سانتي بالكرش والصدر 5 واما الباي والكتف مو مهتم فيهم بالقياس لانهم عادي مافيهم دهون

واما الميزان ما اقدر اصبر عنه حاطه بغرفتي والبدخله والطلعه اوزن حتى اني اول شي اسويه من اصحى من النوم الميزان

شكرا لك لاهتمامك

اقتباس:

---

المشاركة الأصلية كتبت بواسطة bu mohd

بالمناسبة صديقي الليبو 6 لازم تستخدمه شهرين وتريح شهر وبعدين تقدر اتعيد استعماله مره ثاني والنوم لازم تاخذ من 7 إلى 8ساعات يوميين والاكل يكون على مقسم 6وجبات

مثال : اذا الحمية الغذائية كانت 2000 سعره حراري فلازم اتقسم الالفين سعره علىطول اليوم :biggthump

---

اهلا عزيزي

اللعلبه تبي اتخلص واعتقد راح اخذ ثانيه واقف وبعدها اشوف اذا تمام وقفت واذا باقي شي اوقف شه مثل ماتفضلت

وبالنسبه لحرق السعرات لا اتوصي حريص خويك يبيض الوجه وبتشوفون النتايج قريب جدا

بالتوفيق للجميع اشكرك ياغالي