جالي الم في الكلى والله يعزكم قمت اتبول دم وترقدت في المستشفى بسبب كورس

السلام عليكم ورحمة الله وبركاته

شباب انا خذت كورس (دكا-تسترون-بريمو-ديانبل)وصارلي شهر اخذ هذا الكورس واخذ بعد امينو اسد 1000مع بروتين بودر iso mass بس قبل اسبوع جالي الم في الكلى والله يعزكم قمت اتبول دم وترقدت في المستشفى وهم قالو يمكن فيك حصى او التهاب في الكلية وانا بصراحة ما اشرب ماي واجد يمكن كاسين بالكثير باليوم بس للي عندهم خبرة هل في احد مرة عليه هالأعراض؟ وهل سبابها المنشطات ولا قلة شرب الماي؟ وايش تنصوحني لاني انا تحسنت الحين وناوي ارجع اخذها الاسبوع الجاي لان باقي عليها اسبوعين؟ لان بصراحة انا جسمي مرره نحيف
العمر :22
الوزن: 61
الطولك 183

ويعطيكم العافية

الحمدالله على السلامه

لو انا منك ماعاد اخذ حتى مكملات لين اتاكد اني طبت ميه بالميه

مافي اغلى من ( صحـــة ) الانسان

عموما انا ماعندي خبره بالهرمونات وان شاء الله الوحوش بيفيدوكـ

بالتـــووفييق ان شاء الله

اول شي الحمد الله على سلامتك

بس لو انا مكانك خلاص ما استخدم اي شي مصنع اركز بس على التغذيه الصحيه فقط

والله ولي التوفيق

ياخي نصحيه ابعد عن الهرمونات والمنشطات والمفروض يقوم قلبك من هالشئ
خلك طبيعي ودخل بعض المكملات اذا احتجت لها اذا كان في نقص في التغذية
وبعدين الشئ الي يجي بسرعه يروح بسرعه .....

اقتباس:

---

المشاركة الأصلية كتبت بواسطة عاشق ارنولد

ياخي نصحيه ابعد عن الهرمونات والمنشطات والمفروض يقوم قلبك من هالشئ
خلك طبيعي ودخل بعض المكملات اذا احتجت لها اذا كان في نقص في التغذية
وبعدين الشئ الي يجي بسرعه يروح بسرعه .....

---

السلام عليكم
اول شي اشكرك واشكر الجميع على الردود

بس بعلمك شي انا مجرب 4 شهور اكل طبيعي ومع بروتين ولا زاد وزني الا نص كيلو حسيت اني اضحك على نفسي
وازيد من الشعر بيت انا مع المنشطات ما زاد وزني الا شوي يعني مو مثل ما كان في بالي وتخيل شكلي طولي 183 ووزني 61 والله مو شي مع ذللك انا متردد
على العموم تحياتي لك وللجميع

السلام عليك اخوي ...
تستاهل السلامة وخطاك الشر ..

حسب كلامك ان وزنك ثابت ومايزيد بدون منشطات . يمكن عندك مشكلة في الغدد أو نقص فيتامين معين وهو سبب عدم زيادة الوزن وانا انصحك ياخوي سو تحليل دم بأي مستشفى وتأكد من جسمك على أساس تقدر تعالج النقص الموجود ..
وألفففففففف سلااااااامة ياخوي ..

ماقصرو الشباب وتم تعديل العنوان برجاء مراجعه قوانين القسم قبل كتابه اي موضوع جديد

بالتوفيق

اخوي سوي تحليلات لوظائف الكبد والكلى واكشف عند طبيب مسالك بولية عشان تحدد وين المشكلة واحرص قبل العودة لاي مكمل مو عاد منشط زيارة وحده لمرضى الفشل الكلوي شفاهم الله وجعل المهم وهمهم تكفيرا واجرا تخليك تفكر الف مرة قبل ما ترجع للمنشطات الحمدلله انها عدت على خير

موفق ان شاء الله والف لاباس

أنا قبل كذا سنة وماكنت استخدم شي كذا طبيعي ، كنت ماشرب ماء واجد فصار البول يقلب اصفر

لحد ماقدر ونت بكرامة يجيني البول ، اخر شي البول طلع دم مع حرارة جداً والم

السبب طال عمرك طلع من قل الموية ، وسبب الدم الكلية ماحصلت شي تصفية فقامت تطلع دم

الحل رجعت اشرب موية كثييير وبيوم رجعت وضع طبيعي

وللحين الحمدلله مهتم جداً بالماء واستخدم مكملات ولا عندي اي مشاكل الحمدلله

اقتباس:

---

المشاركة الأصلية كتبت بواسطة Sufian Ahmed

أنا قبل كذا سنة وماكنت استخدم شي كذا طبيعي ، كنت ماشرب ماء واجد فصار البول يقلب اصفر

لحد ماقدر ونت بكرامة يجيني البول ، اخر شي البول طلع دم مع حرارة جداً والم

السبب طال عمرك طلع من قل الموية ، وسبب الدم الكلية ماحصلت شي تصفية فقامت تطلع دم

الحل رجعت اشرب موية كثييير وبيوم رجعت وضع طبيعي

وللحين الحمدلله مهتم جداً بالماء واستخدم مكملات ولا عندي اي مشاكل الحمدلله

---

هلا بسك اخوي
صح كلامك انا بعد بدا اول شي البول عندي وانت بكرامة صار اصفر وبعدين جاني الم في الكلى وبعدين بلت الدم وانا بصراحة ماكنت اشرب الا برواتين حتى في التمرين لما اعطش اشرب بروتين

على العموم الف شكر للكل ما قصرتوا

سلامتك اخوي
أول شي يسبب قلة شرب الماء الحصى والألم في لكلي وقد يودي إلى فشل كلوي لاسمح الله
وانت قبل ما تاخذ الكورس كانت عندك مشكلة في لكلي بس للاسف ماكنت داري وهذي الاعراض عشان تظهر تاخذ تقريبا سنة سنة ونص يعني من قبل الكورس
أول شي وقف الكورس وشرب ماء كثير مايعادل 3 إلى 6 لتر في اليوم
وقف البروتين والأمينو لانة بيخلي الكلية تشتغل مضبوط وانت كليتك فيها مشاكل صعب تشغلها مضبوط
ولا تستخدم الامينو او البروتين او الكورس حتى تتأكد ان الكلى طبيعية وسليمة 100%
وهذا افضل .

ابتعد من الهرمونات لانها تؤثر ع الكلى ,,
واشرب ماء ع الاقل 3 ليترات + مدررات البول مثل البيرة والفوار الاصفر ,,
كثر فواكه وابتعد عن المكملات وخاصة البروتينات و الكرياتين ,,

صحتك اغلى من ان يكون جسمك غير مثالي ,,
وصدقني زيادة وزنك تجي بالاكل الدسم والغني بجميع العناصر ,,

بالتوفيق

كاسيين مويه بس!!!!!!!!!!!!!!!!!!!!!!!!!!!!!! الانسان الطبيعي المفروض ما يقل عن لتريين فما بالك لو لاعب حديد وياخذ مكملات لا وكورس هرمون كمان والله حرام عليك المفروض تشرب 5 لترات مويه....!!!!!!!

اخوي هلا الحمد لله ع سلامة ان شاء الله جات بسيطة , لكن خد مني هده النصيحة لا تأخد مثل هده الاشياء الا بعد اسثشارة طبيب مختص لان احتمال يكون جسمك مو محتاج الي هده اشياء او يحتاج لها بكميات بسيطة , و ايضا عند اخد مكملات لابد و ضروري اسثشارة طبيب مو اخد كلام صديق او كلام المدرب , لان كل انسان يختلف عن تاني ,

نصيحة الي كل شباب خاصة لاعبين كمال الاجسام لا تأخد اي شيء الا بعد استشارة طبيب

وربي يدوم عليكم الصحة

الحمد لله على سلامتك
المويه تراها ضرورية للأنسان العادي فمابالك وانت ماخذ مكملات وكورس اكيد لازم تزيد من المويه
انا اعرف واحد جاه الم بالكلى غير طبيعي راح الدكتور والرجال ما ياخذ الا امينو بس قال له الدكتور هاذا من الامينو لانك ما تشرب مويه كثير

المفروض تشرب مويه كثييييييييييييييييييييييييييييييييييييييييييير عشان تساعد على التنظيف
فكثر من المويه وما عليك
ومن ناحيه البول وانت بكرامه اصفر هاذا عادي لانك تاخذ فيتامينات بس اهم شي كثر من المويه

تحيااااتي لك

اقتباس:

---

المشاركة الأصلية كتبت بواسطة القوة صاعقة

اخوي هلا الحمد لله ع سلامة ان شاء الله جات بسيطة , لكن خد مني هده النصيحة لا تأخد مثل هده الاشياء الا بعد اسثشارة طبيب مختص لان احتمال يكون جسمك مو محتاج الي هده اشياء او يحتاج لها بكميات بسيطة , و ايضا عند اخد مكملات لابد و ضروري اسثشارة طبيب مو اخد كلام صديق او كلام المدرب , لان كل انسان يختلف عن تاني ,

نصيحة الي كل شباب خاصة لاعبين كمال الاجسام لا تأخد اي شيء الا بعد استشارة طبيب

وربي يدوم عليكم الصحة

---

الله يسلمك ويخليك
بالنسبة لاستشارة الدكتور,,,انا دايم اقوله اقوله اني اخذ بروتين بودر يقولي عادي ويوم تنوما في المستشفى قلت لهم اني اخذ ستوريد وانا اصلا ادرس برا فقالي السبب مو من الكورس قالي الكورس له اآثر جانبية بس الي فيك الحين مو منه وقالو لي بس اقطعه ورحت مستشفى ثانية قالي يمكن من الكورس على العموم انا ما اعرف كيف طريقة استشارة الطبيب لان ما اتوقع في دكتور بقولك خذ كورس بس نفس ما قلت لك قالي الكورس لها اعراض على الكبد والقلب اكثر من الكلية في المستقبل والله يشفي الجميع ويدوم عليهم الصحة والسلامة تحياتي لك وللجميع:)

طيب انت من اخذ المنشطات حسيت بتاثيرهن يعني حسيت بطاقتهن وله لا ؟ ثانيا البول *الادرار*
كان زيتي وله لا؟ بالنسبه لكمية المياه الي تشربه فهيه حتى لو ماتلعب كمال اجسام راح تنضر لان كليتك محتاجه للتصفيه من السموم الي يطرحه الجسم

اقتباس:

---

المشاركة الأصلية كتبت بواسطة sami1989

طيب انت من اخذ المنشطات حسيت بتاثيرهن يعني حسيت بطاقتهن وله لا ؟ ثانيا البول *الادرار*
كان زيتي وله لا؟ بالنسبه لكمية المياه الي تشربه فهيه حتى لو ماتلعب كمال اجسام راح تنضر لان كليتك محتاجه للتصفيه من السموم الي يطرحه الجسم

---

هلا بيك اخوي,,,
اكيد حسيت بتأثيرهن وطاقتهن حتى المدرب حقي انهبل مو مصدق اني في وقت بسيط قمت اشيل هالأوزان وحسيت ان جسمي بدا يطلع شوووي وبالنسبه للأدرار والله اني ما اذكر اخوي بس الحين من كثر ما اشرب ماي الادرار لونه مثل الماي ويعض الاحيان اصفر خفيف

تحياتي لك واهنيك على صورة التوقيع:biggrin2:

اقتباس:

---

المشاركة الأصلية كتبت بواسطة mr.topman

هلا بيك اخوي,,,
اكيد حسيت بتأثيرهن وطاقتهن حتى المدرب حقي انهبل مو مصدق اني في وقت بسيط قمت اشيل هالأوزان وحسيت ان جسمي بدا يطلع شوووي وبالنسبه للأدرار والله اني ما اذكر اخوي بس الحين من كثر ما اشرب ماي الادرار لونه مثل الماي ويعض الاحيان اصفر خفيف

تحياتي لك واهنيك على صورة التوقيع:biggrin2:

---

اها انا الصراحه سالتك هل اساله لان داخل على كورس ديكا + تيستوستيرون الديكا 2 مره اخذه والتيست ايضا لكن او مااخذتهن صار ادراري زيتي سالت كالولي عاديه لكن انا اشرب مياه كثيره

وخايف الصراحه من هل شغله انا قبل صار عندي الم في الكليه قبل مااخذ المنشطات رحت حللت تحليل كامل قالولي الكليات سليمه 100 % والصراحه لحد هذا اليوم احس في ثقل والم خفيف في الكليه ومااعرف شو ااعمل صراحه

استوقفني موضوعك كثيراً ،

وأحببت مشاركتك أسطرك التي تلمّست من خلالها أنّك تمرّ بحالة هلع وذعر بجانب المرض ..

أتمنّى أن تطمئن نفسك ، فالحصوات الكلويّة ستزول بإذن المولى وكأنّ شيئاً لم يكن ، ولكن !!

اهتم كثيراً بشرب الماء وبالأخصّ في الأحايين التي تكون فيها المعدة خاوية ..

أنا مبتدئ في ممارسة الرياضة عموماً ، ومع ذلك قد مررت بحالة مشابهة لحالتك قبل حوالي ثلاثة أعوام ،

فبعد معاناة مع الآلام تبيّن إصابتي بثلاث حصوات كلوية بحجم تقريبي 0,5 سم لكلٍّ منها ..

كنت أتردّد على أقسام الطوارئ لثلاث مرّات أحياناً ، والتبوّل دموي والألم يصل بي إلى فقدان الوعي أحياناً ..

وخلال أشهر نزلت إحدى الحصوات والبقيّة لم أعد أشعر بألمها نهائيًّا ..

ولم أستخدم غير مدرّات البول - أعزّك الله - مع الإكثار من شرب الماء ومغلي ومنقوع الشعير وبذرة الخلّة ،

وعند الألم كنت أستخدم تحميلة فولتارين :cray: ( بس اترك هالسيرة سرّ بيني وبينك :wink2: )

أسأل الله لك السلامة والعافية ، وطهور بإذن الله ..

[QUOTE=ابونواف4;6789014]

استوقفني موضوعك كثيراً ،

وأحببت مشاركتك أسطرك التي تلمّست من خلالها أنّك تمرّ بحالة هلع وذعر بجانب المرض ..

أتمنّى أن تطمئن نفسك ، فالحصوات الكلويّة ستزول بإذن المولى وكأنّ شيئاً لم يكن ، ولكن !!

اهتم كثيراً بشرب الماء وبالأخصّ في الأحايين التي تكون فيها المعدة خاوية ..

أنا مبتدئ في ممارسة الرياضة عموماً ، ومع ذلك قد مررت بحالة مشابهة لحالتك قبل حوالي ثلاثة أعوام ،

فبعد معاناة مع الآلام تبيّن إصابتي بثلاث حصوات كلوية بحجم تقريبي 0,5 سم لكلٍّ منها ..

كنت أتردّد على أقسام الطوارئ لثلاث مرّات أحياناً ، والتبوّل دموي والألم يصل بي إلى فقدان الوعي أحياناً ..

وخلال أشهر نزلت إحدى الحصوات والبقيّة لم أعد أشعر بألمها نهائيًّا ..

ولم أستخدم غير مدرّات البول - أعزّك الله - مع الإكثار من شرب الماء ومغلي ومنقوع الشعير وبذرة الخلّة ،

وعند الألم كنت أستخدم تحميلة فولتارين :cray: ( بس اترك هالسيرة سرّ بيني وبينك :wink2: )

أسأل الله لك السلامة والعافية ، وطهور بإذن الله ..

هلا بيك اخوي,,,,
اول شي الشر ما يجي وما تشوف شر بعد انت:biggrin2:
انا صارت لي مثل حالتك رحت للطواء مرتين بس انا كنت على المغذي مع المهدئات مورفين
وبعد يومين تحسن حالي الحمدلله وراح الام والدم وعطوني مسكن الم عادي غريبة انت عطوك تحميلة حتى من قوة المسكن الي عطوني اياه كنت انام بعد 10 دقايف لما اخذها وهم قالو احتمال حصى او التهاب لان الحصى ما طلعت في الاشعة وكذا وعطوني مضاد حيوي لمدة عشر ايام بس الله يهدية الي غير الموضوع وكتبب السبب من الكورس انا سئلت الدكتور وقالي مو من الكورس واذا كان من الكورس احتمال بسيط
واشكر الجميع على المرور:)