جالي الم في الكلى والله يعزكم قمت اتبول دم وترقدت في المستشفى بسبب كورس

[mr.topman]

السلام عليكم ورحمة الله وبركاته

شباب انا خذت كورس (دكا-تسترون-بريمو-ديانبل)وصارلي شهر اخذ هذا الكورس واخذ بعد امينو اسد 1000مع بروتين بودر iso mass بس قبل اسبوع جالي الم في الكلى والله يعزكم قمت اتبول دم وترقدت في المستشفى وهم قالو يمكن فيك حصى او التهاب في الكلية وانا بصراحة ما اشرب ماي واجد يمكن كاسين بالكثير باليوم بس للي عندهم خبرة هل في احد مرة عليه هالأعراض؟ وهل سبابها المنشطات ولا قلة شرب الماي؟ وايش تنصوحني لاني انا تحسنت الحين وناوي ارجع اخذها الاسبوع الجاي لان باقي عليها اسبوعين؟ لان بصراحة انا جسمي مرره نحيف
العمر :22
الوزن: 61
الطولك 183

ويعطيكم العافية

[آمير المشآعر]

الحمدالله على السلامه

لو انا منك ماعاد اخذ حتى مكملات لين اتاكد اني طبت ميه بالميه

مافي اغلى من ( صحـــة ) الانسان

عموما انا ماعندي خبره بالهرمونات وان شاء الله الوحوش بيفيدوكـ

بالتـــووفييق ان شاء الله

[منهو انت]

اول شي الحمد الله على سلامتك

بس لو انا مكانك خلاص ما استخدم اي شي مصنع اركز بس على التغذيه الصحيه فقط

والله ولي التوفيق

[عاشق ارنولد]

ياخي نصحيه ابعد عن الهرمونات والمنشطات والمفروض يقوم قلبك من هالشئ
خلك طبيعي ودخل بعض المكملات اذا احتجت لها اذا كان في نقص في التغذية
وبعدين الشئ الي يجي بسرعه يروح بسرعه .....

[mr.topman]

ياخي نصحيه ابعد عن الهرمونات والمنشطات والمفروض يقوم قلبك من هالشئ
خلك طبيعي ودخل بعض المكملات اذا احتجت لها اذا كان في نقص في التغذية
وبعدين الشئ الي يجي بسرعه يروح بسرعه .....

السلام عليكم
اول شي اشكرك واشكر الجميع على الردود

بس بعلمك شي انا مجرب 4 شهور اكل طبيعي ومع بروتين ولا زاد وزني الا نص كيلو حسيت اني اضحك على نفسي
وازيد من الشعر بيت انا مع المنشطات ما زاد وزني الا شوي يعني مو مثل ما كان في بالي وتخيل شكلي طولي 183 ووزني 61 والله مو شي مع ذللك انا متردد
على العموم تحياتي لك وللجميع

[.hamad.]

السلام عليك اخوي ...
تستاهل السلامة وخطاك الشر ..

حسب كلامك ان وزنك ثابت ومايزيد بدون منشطات . يمكن عندك مشكلة في الغدد أو نقص فيتامين معين وهو سبب عدم زيادة الوزن وانا انصحك ياخوي سو تحليل دم بأي مستشفى وتأكد من جسمك على أساس تقدر تعالج النقص الموجود ..
وألفففففففف سلااااااامة ياخوي ..

[mashkaljey]

ماقصرو الشباب وتم تعديل العنوان برجاء مراجعه قوانين القسم قبل كتابه اي موضوع جديد

بالتوفيق

[ازرق اللون]

اخوي سوي تحليلات لوظائف الكبد والكلى واكشف عند طبيب مسالك بولية عشان تحدد وين المشكلة واحرص قبل العودة لاي مكمل مو عاد منشط زيارة وحده لمرضى الفشل الكلوي شفاهم الله وجعل المهم وهمهم تكفيرا واجرا تخليك تفكر الف مرة قبل ما ترجع للمنشطات الحمدلله انها عدت على خير

موفق ان شاء الله والف لاباس

[Sufian Ahmed]

أنا قبل كذا سنة وماكنت استخدم شي كذا طبيعي ، كنت ماشرب ماء واجد فصار البول يقلب اصفر

لحد ماقدر ونت بكرامة يجيني البول ، اخر شي البول طلع دم مع حرارة جداً والم

السبب طال عمرك طلع من قل الموية ، وسبب الدم الكلية ماحصلت شي تصفية فقامت تطلع دم

الحل رجعت اشرب موية كثييير وبيوم رجعت وضع طبيعي

وللحين الحمدلله مهتم جداً بالماء واستخدم مكملات ولا عندي اي مشاكل الحمدلله

[mr.topman]

أنا قبل كذا سنة وماكنت استخدم شي كذا طبيعي ، كنت ماشرب ماء واجد فصار البول يقلب اصفر

لحد ماقدر ونت بكرامة يجيني البول ، اخر شي البول طلع دم مع حرارة جداً والم

السبب طال عمرك طلع من قل الموية ، وسبب الدم الكلية ماحصلت شي تصفية فقامت تطلع دم

الحل رجعت اشرب موية كثييير وبيوم رجعت وضع طبيعي

وللحين الحمدلله مهتم جداً بالماء واستخدم مكملات ولا عندي اي مشاكل الحمدلله

هلا بسك اخوي
صح كلامك انا بعد بدا اول شي البول عندي وانت بكرامة صار اصفر وبعدين جاني الم في الكلى وبعدين بلت الدم وانا بصراحة ماكنت اشرب الا برواتين حتى في التمرين لما اعطش اشرب بروتين

على العموم الف شكر للكل ما قصرتوا

[الجو111د]

سلامتك اخوي
أول شي يسبب قلة شرب الماء الحصى والألم في لكلي وقد يودي إلى فشل كلوي لاسمح الله
وانت قبل ما تاخذ الكورس كانت عندك مشكلة في لكلي بس للاسف ماكنت داري وهذي الاعراض عشان تظهر تاخذ تقريبا سنة سنة ونص يعني من قبل الكورس
أول شي وقف الكورس وشرب ماء كثير مايعادل 3 إلى 6 لتر في اليوم
وقف البروتين والأمينو لانة بيخلي الكلية تشتغل مضبوط وانت كليتك فيها مشاكل صعب تشغلها مضبوط
ولا تستخدم الامينو او البروتين او الكورس حتى تتأكد ان الكلى طبيعية وسليمة 100%
وهذا افضل .

[toto jeddah]

ابتعد من الهرمونات لانها تؤثر ع الكلى ,,
واشرب ماء ع الاقل 3 ليترات + مدررات البول مثل البيرة والفوار الاصفر ,,
كثر فواكه وابتعد عن المكملات وخاصة البروتينات و الكرياتين ,,

صحتك اغلى من ان يكون جسمك غير مثالي ,,
وصدقني زيادة وزنك تجي بالاكل الدسم والغني بجميع العناصر ,,

بالتوفيق

[THh Rock]

كاسيين مويه بس!!!!!!!!!!!!!!!!!!!!!!!!!!!!!! الانسان الطبيعي المفروض ما يقل عن لتريين فما بالك لو لاعب حديد وياخذ مكملات لا وكورس هرمون كمان والله حرام عليك المفروض تشرب 5 لترات مويه....!!!!!!!

[القوة صاعقة]

اخوي هلا الحمد لله ع سلامة ان شاء الله جات بسيطة , لكن خد مني هده النصيحة لا تأخد مثل هده الاشياء الا بعد اسثشارة طبيب مختص لان احتمال يكون جسمك مو محتاج الي هده اشياء او يحتاج لها بكميات بسيطة , و ايضا عند اخد مكملات لابد و ضروري اسثشارة طبيب مو اخد كلام صديق او كلام المدرب , لان كل انسان يختلف عن تاني ,

نصيحة الي كل شباب خاصة لاعبين كمال الاجسام لا تأخد اي شيء الا بعد استشارة طبيب

وربي يدوم عليكم الصحة

[dhoom550]

الحمد لله على سلامتك
المويه تراها ضرورية للأنسان العادي فمابالك وانت ماخذ مكملات وكورس اكيد لازم تزيد من المويه
انا اعرف واحد جاه الم بالكلى غير طبيعي راح الدكتور والرجال ما ياخذ الا امينو بس قال له الدكتور هاذا من الامينو لانك ما تشرب مويه كثير

المفروض تشرب مويه كثييييييييييييييييييييييييييييييييييييييييييير عشان تساعد على التنظيف
فكثر من المويه وما عليك
ومن ناحيه البول وانت بكرامه اصفر هاذا عادي لانك تاخذ فيتامينات بس اهم شي كثر من المويه

تحيااااتي لك