ان مانزلت وزني خلال 6 شهور راح يخصمون من راتبي 5000 ريال

السلام عليكم ورحمة الله وبركاتة

اول شي أهنئكم على المنتدى الطيب وان شاءالله تكون صلتي معاكم دايمة ..

اول شي اعرفكم بنفسي اخوكم علي عمري20 سنة

مشكلتي اني اداوم عسكري ومرتاح في شغلي طبعاً عقب ماقضيتها 6 شهور دورة وقبل مادخل العسكرية كان وزني 148 والحين وزني 130 طولي طبعاً 180 وماكنت متوقع اني بانزل هالكثر كنت متوقع اكثر انزل .. وبس عقبها وزني وقف كل يوم رياضة كيلو وأكل خفيف والوزن ثابت مايتحرك

خلاصة الموضوع
بديت والله اتحطم نفسياً من وزني وعطوني تحذير ان مانزلت وزني خلال 6 شهور راح يخصمون من راتبي 5000 ريال وغير التقارير الي راح تنكتب تعهدات كثيرة وقفت عليها وتعبت كثير والله

انا مسجل في صالة جم واتمرن يومياً ساعة تمارين البطن والمشي تقريباً نص ساعة .. لكن مافي فايدة من اسبوع ل ين اسبوع اوزن اشوف الوزن تقريباً نص كيلو او اقل راايح مني ..

من ينصحني بأستعمال شنو .. حبوب كورسات وماعندي مشاكل بدفع بس والله ابغي اضغف وانزل من وزني ويكون مثلي لو لين 90 انا بارتاح أتمنى من نخوتكم يالربع اخوكم تعب والله ..

:cray::cray:

استعمل كورسات تنشيف وانا عن نفسي اسمع عن ليبو سكس بلاك .. يمدحونهه


والاخوان انشالله مابيقصرون

الله يعينك ياخي والله شغله واتورطت فيها

ادخل على المواضيع المميزه وبتلاقي بعض الاجابات الشافيه

والشباب ما يقصرون ان شاء الله

وعليكم السلام ورحمة الله وبركاته
اخوي لاتتحطم ولاشي .
انت يبالك نظام دايت لو تروح قسم المواضيع المميزه بتحصل الي يرضيك خصوصا الاخوان هناك ماشالله مسوين انضمه للتخسيس(دهون)
ايضا عليك باستعمال حارق للدهون وافضل حارق هو ليبو6اكس

وفترة 6 شهور كاافيه جدا

موفق باذن الله وان شالله توصل لغايتك

اخوي التنشيف مو سهل ويبيله همه وصبر يعني معقوله تبي تنزل الى ‏90‏ خلال شهر بس؟؟‏!‏‏!‏ انا انصحك انك تستمر على تمارين اللياقة وتبعد عن الدهنيات وتقطعها نهائيآ... وتستمر ع السلطة والخبز الاسمر والرز ‏ الابيض....بس لازم تكثر من الماء علشان لايصيبك جفاف... والتمرين القاسي وكثرة التعرق مهمة جدا ‏ وهناك بعض المنتجات المساعدة مثل الليبو6... بس وانا اخوك انصحك تبتعد عن كورسات التنشيف الهرمونية لان صحتك ابدأ

مرحبا يعطيكم العافية يالربع بس الليبو 6 ينباع في محالات البروتينات ؟ والاثقال وشلون استعمالة ومالة اي تاثير ؟

الليبو 6 بلاك ماينفع لاقل من 21 سنه والعادي فوق 18,,,,

الليبو 6 تحت المجهر والتجربة , إيجابياته وسلبياته . . .

لا تتحطم ولا شي
استخدم اليبو 6 بلاك
انا عن نفسي استخدمته وشفت نتايج حلووووه كثير
نزلت بشهر 10 كيلو وعليك بالدايت ابعد عن الغازات والدهون والسكريات وان شاء الله راح ينزل وزنك

ليش يا كابتن لاتتحطم ولا يحزنون وابشر الاخوان ماقصروا ومالك الى طيبة الخاطر بس عندى كم سؤال
ابي اعرف وجباتك ايش تاكل وكم وجبة باليوم قبل لا اقلك ليبوا ولا غيره لانه مهم بس نبي نعرف اكلك والمشروبات الغازية بيبسى كولا وغيره كيف انت فيها تكثر ولا على خفيف يعنى يا كابتن تبي الحل عطنا نظامك بالاكل لان دخلت عسكرية وميدان وكرف واخر شي 18 كيلوا في شي غلط
واخر سؤال صحتك يالغالى ان شاءالله تمام يعنى مافي سكر ضفط قولون اى هالمشاكل ان شاءالله

الله يعطيكم العافية يالربع والله شوفو صار لي اسبوع وجباتي كلها سلطات الخص والصبح طبعاً شوي فطور عادي مش دسم ..

الغدى ماتغدى بس عشى خس مع زبادي وبعض الاحيان الغدى نفس الشي ..
غازيات في الاسبوع يمكن مرتين او ثلاث
ابغي نظام امشي علي اكل شرب رياضة + الليبو او اي منتج ثاني ,, ؟

والله مليت من جسمي كل يوم يتكلمون متى بتضعف ومعنويتي كل يوم تنزل من الرياضة وماشوف شي ينزل ,, مليت بالعربي ..

اوك يا كابتن هالنظام انا مجربه شخصيا وراح تخسر من 10 الى 12 كيلوا بالشهر بس تقيد بالى فيه واى استفسار حاظر هذا شي الشي الثاني خلك مستمر بالرياضة وبالصاله مثل منت الشي الثالث مثل ماقلولك الكباتن استخدم مع النظام الغذائي الى بعطيك رابطة الان ليبوا6بلاك وبتحصل فقسم البيع اخوان عروضهم ومن ضمنها الليبو للبيع او باحد محلات المكملات رابع شي يا كابتن اول يوم تبدا فيه النظام اوزن نفسك وبنهاية الاسبوع اوزن وشوف النتيجة وخبرنا وربك يوفقك ويعطيك الصحة والعافية

هذا الرابط ادخل عليه

الوحوش ماقصرو معاك ,,,,

اجري الصبح 5 او 6 ايام في الاسبوع ثلاثة ارباع ساعه قبل الفطور ,,,

العب تمارين سويديه نصف ساعه او اكثر بليوم بعد او قبل التمرين

تمارينك فقط لياقه العدات 15 15 15 15 مع اوزان خفيفه

تتمرن 5 ايام وتلعب معده مثلا 30 30 30 30 او 4 في 25

البايسكل تلعبه ايضا

التغذيه تبعد عن الكارب والدهون خالص وتاكل فقط بروتينات وخضار وفواكه


الليبو 6 العادي اخذه مع امينو 2222 تابلت واذا حابب اضيف واي بروتين افضلك

][][ تمارين لتصغيرالارداف ( المؤخرة ) والفخوذ ][][ ~~ بالصور


السعرات الحرارية وبعض القيم الغذائية للأطعمة الأكثر استهلاكاً

(( قائمه بالسعرات الحراريه لكل انواع المأكولات ))

ادخل و استفد . نسبة البروتينات في المواد الغدائية و اهميتها

(نظام غذائي + جدول تمارين) للتنشيف فقط |مجرب + نتائج ممتازة|


التزم بلتغذيه الصحيحه وتمارين الكارديو بجانب مكلاتك + الصبر والمثابره وعدم الاخفاق بشيئ حاول تحط بعينك الهدف المعيين الي انته تبي توصله وانشالله تحققه وبلتوفيق ,,,,

الله يحن عليك ويوفقك يا رب
غالي كتر وجباتك خليها من 5 الى 7 وجبات هيك بتخلي عمليات الاستقلاب عندك شغالة على طول ( الهدم والبناء ) ما تقلل الوجبات هادا المفهوم غلط لانو الجسم ما بيعرف انو التلاجة تبعد عنك عشر امتار اذا خففت وجباتك وجبة او تنتين بيفكر الدماغ انو في مجاعة بيصير يفرز هرمون اسمو lpl وظيفة الهرمون زيادة خزن الدهون في الجسم لانو الدهون اكبر مصدر طاقة للجسم
اهم شي الجري الصباحي قبل الافطار لانو معدلات الاستقلاب بتكون بالقمة والجسم استنفذ تقريبا العناصر الغذائية اللي بالدم في الليل ( نام 7 الى 8 ساعات) ويكون الجري بنظام الفواصل يعني اول عشر دقائق هرولة مشان تحمية بعدين تجري دقيقة فتح بأقصى طاقة وتمشي دقيقة بعدين تجري 2 دقيقة وتمشي 1 او تعكسهم ما تخلي فيهم نظام مرة المشي اطول مرة الجري السريع اطول مشان معدل نبضات القلب يكون مرتفع حتى يصير في حرق
وغير نظامك كل اسبوع او اكتر بشوي يعني اسبوع جري فواصل اسبوع نط حبل اسبوع تمارين سويدية لانو الجسم بيحاول يتكيف مع التمارين مشان يخفف من نسبة الحرق
وتمرن 5 ايام بالاسبوع اوزان خفيفة وغير تمارينك كل اسبوع او اسبوعين
اهم شي تحسب سعراتك الحرارية عشان تعرف انك بتحرق اكتر من اللي بتاكلو باليوم
وان شاء الله فترة بسيطة وبتلاقي تحسن ( جسمك من النوع اللي خسارة الدهون صعبة شوي)
بس لا تاكل هم اهم شي شيل الهم عن بالك توكل على الله حق التوكل والشباب ما قصرو الله يجزيهم الخير
ولا كل ساعة تنط على الميزان خلص اعمل جهدك وشيل الموضوع من راسك بعرف انو صعب ولكن لازم تحاول
مافي شي بيجي بالسهل وما في شي صعب بالنسبه للمسلم الحق
الله يسرها عليك ويصير وزنك 80 كمان مو بس 90 وتحافظ عليه وتعمل جسم رائع كمان
( معليم بيطلعنا انا والشباب اول راتب طبعا ) عم امزح معك بدنا بس تدعيلنا

لا تتحطم العكس موضوع سهل بس يعتمد عليك عزم وشد حيلك بتوصل للوزن الي تبيه بالراحه
عندنا واحد من الي ادربه لياقه والله كان وزنه 145 نزل وزنه تخيل الى 78 ماشاء الله خلال 5 شهور لا وازيدك من الشعر بيت انه والله ما استخدوم ولا شي ابدا
فا مثل ما قلتلك عزم وتوكل على الله

يله يله شباب تشجييييييييييع
انا عن نفسي من قبل شهر ونص كان وزني 90
الما الحين والحمد الله 75 اهم شي في الحمية انك تبعد عن السكريات والدهون بلمره وخاصا الشكر
عااد مع ذي كله انت اوردي اتروح الجيم موعدل؟ انصحك يوم فيتنيس واليوم الثاني رفع اثقال واليوم الثالث بريك او فتنيس.
وربي يوفقك ونجوفك نقيب بأذن الله

بآلنسبـة للجـري بشكـل عـآم بآلنسـبة لك ..
حآول أنـك تهـرول عـلى خفيـف بس ، يعـني مو جـري جـري !
لأنـه يمكـن يأثـر عـلى مفآصـلك ويسـبب لك مشآكـل ،
آنـت جـرب تهـرول عـلى خفيـف ،
لكـن إذآ حسـيت بألـم في آلمفآصـل لآ تجـري بس آمـشي !
وحآول تجـري مرتيـن في آليـُوم .. آلصبآح ع آلريـق وفي آلجيـم ~
شـد آلهـمة ولآ تيـأس No Pain No Gain, The Hard Work Pay Off

ياغالي موضوعك بينحل بإذن الله
اولا نظم غذائك .. ابتعد عن النشويات الخبز بأنواعه الرز المكرونه السكر كل انواع البسكويتات والكاكاو
الاشياء هذي سكر يتحول إلى دهون ويكتنزه الجسم
وانصحك تراجع رجيم الدكتور الدشتي على الرابط اسفل
http://alfrasha.maktoob.com/alfrasha19/thread66013/

الرجيم هذا مجرب من صاحبي ويمدح فيه لاني لاحضته نزل كيلوات كثيره
بس الاهم تسوي فحص تشوف ايش عندك من مشاكل

الشي الثاني لابد تمشي يوميا ساعه مشي جاااااد وبتفقد حوالي 300 سعرة حرارية
الثالث لابد تفطر علشان عملية التأييض لانه لومافطرت جسمك بيختزن الدهون لأن العقل اعطى اشاره اليوم مافي فطوووور يعني الوضع فيه مجاعه :)

الماء .. اشرب ماء بكثره لكن بعد الأكل بساعه على الأقل لاتشرب ماء نهائيا للتسهيل هضم الطعام لأن الماء يخفض درجة حرارة المعده ثم يصعب هضمه ويسبب الكرش

انا شخصيا جربت برنامج الدشتي ولا اخفيك نزلت 2 كيلو خلال اعتقد اربع ايام لكني خربت النظام ورجع وزني خلال يومين

كن متفائل :)

يعطيك العافيه اخوي وتمنالك التوفيق انشالله بخصوص الوزن انصحك تستخدم شوربه اسمها سالاري صارله نتايج قويه وتستخدم حق العليات شفط الدهون او العمليات الصعبه اذا شخص محتاج عملية لله يبعدنه عن العمليات عباره عن شوربه تحرق الشحوم بل جسم وانه استخدم هذي الشوربه وصراحه نسبة الدهون بل جسم من 27 الى 24 طبعن من جسم الى جسم يختلف بس مدة استخدام الشوربه سبوع فقط يعني لو تستخدمها في الشهر يعني سبوع وتوقف 3 اسابيع وتستخدمها آخر سبوع من الشهر خلال 3 اشهر باذن لله راح تشوف الفرق كبير واذا حاب المقادير حق الشوربه راسلني على الخاص ونشالله تلاقي المساعده من كل الاعضاء وتمنالك الخير ولا تحاتي شيل التفكير من بالك ولا تهتم لكلام الناس متين ضعيف اهم شي العزيمه ونشالله توصل الهدف الي في بالك انشالله اخوك بوراشد

اخي ارفع رأسك

ترا هالبشر اتفوووووووووووووه مايسوى

تعبت
.
.
.
.
.
مليت
.
.
.
.
.
.
انقهرت
.
.
.
.
.
تبي نصيحتي
.
.
.
.
.
.
.
.
انتحر
.
.
.
.
لا لا لا خخخخخخ امزح معاك >>>> لاتصدق وتوهقني
.
.
.
أنا قلت
.
.
.
انت حر >>>>>> كل ماتشتهي وقلل من الدهون " لاتقلل بل اقطعها نهائيا لنتائج أسرع "



بس حبينا نداعبك وتدخل البسمة على قلبك ولا يهمونك خصموا عليك ولا لا بتنزل يعني بتنزل

شخبارك يا وحش ها شلون الرجيم معاه انشالله شاد حيلك يله ترا الكل معاك لا تشيل هم انشالله راح توصل الهدف الي في بالك وعطنه الاخبار ناطرينك موفق خير

والله يالربع حاس اني نزلت واضح علي ماقول اسبوعين تقريباً 3 كيلو والله اني اتمرن الصبح هرولة والعصر تمرين مشي وخصر واثقال اوزان خفيفة تكرار ..

+ الليبو 6

والله كريم

اخوي فيه عياده موجوده بالرياض وانا مجربها شخصيا والحمد لله نزلت خلال شهرين 18 كيلو
طبعا ببرنامج غذائي وبراحه حلوه

اذا حاب تروح وتجرب حظك انا مستعد اعطيك رقمهم ووصفهم

اتمنى لك التوفيق

يارجل والله لو انك مطلع لك جيب لكزس2010 ولا بانوراما يوم يخصمون 5000ريال.
مافيه نظام في الدوله يقول كذا ولا يلعب عليك احد.
ولو فرضنا فرضنا مثلاً يعني مثلاً انهم خصموا 5000 ريال
في اي بند رايح يتم ايدااعه بند المناسبات و الاحتفالات ولا بند الشرهات و الفزعات هههههههههههههههههههههههههههههه.
بتوفيق ان شاء الله ومثل ماقالو الشباااب.

السلام عليكم

يا غالي لا تتحطم ولا شي

انا خلال 6 شهور نقصت 34 كيلو من وزني (كنت 110 وألحين 76)

كل اللي سويته اني اشتركت بنادي (وقت اللياقة) والتزمت ببرنامج تأهيلي في البدايه لأستعيد لياقتي

(نص ساعه سير ونص ساعه جهاز الأكروبات أو نص ساعه سيكل) وفي الأخير تمارين بطن
وأخش المسبح إذا بغيت أفكك عضلاتي هذا الكلام لمدة أسبوعين

بعيدن صرت أخش حصص اللياقة (بس 45 دقيقة) بس تحرق فيها إللي تحرقه بساعتين على السير والسيكل أو الأكروبات

تتضمن كل حصه جري 3 كيلو وبعدها يا سيكل يا تمارين سرعة وجري بالمكان وفي النهاية تمارين بطن وظهر

بالعربي لا تقرب من الحديد أبدا إلا إذا قربت من الوزن اللي تبي توصل له

لأن فيه شحوم ما تحرقها تمارين اللياقة ولا يحرقها إلا الحديد بس انت ألحين ما وصلت لهالمرحلة

نصيحة وأنا أخوك .. ترى لو خشيت الحديد ألحين بتخرب شكل جسمك وبتصعب على نفسك تنقيص
الوزن

أتمنى أكون أفدتك

ولا تفقد الأمل دام أنا قدرت أنت تقدر ونص

بالتوفيق :)

اخوي السلام عليكم...

بالنسبة لانقاص الوزن سهل جدا بوجود الصبر والعزيمة
1- اهم شي تبعد عن الرز..........اذا ناوي تاكل رز كل رز بني ولاتزيد الكمية عن حجم قبضة اليد
2- ابعد عن الحلويات والسكريات....يعني الشاي والقهوة بدون سكر
3- ابعد عن الزيوت والوجبات السريعة....حاب تاكل وجبة سريعة خذلك صب واي بر...بالنسبة للزيت استعمل الكانولا اويل تلقاه بالتميمي.
4- اللحم ابعد عن الدهون وكل المشوي منه والدجاج صدر مشوي فقط.
5- اكثر من الفواكه والخضار.....الملفوف الني اثبت جدارته باحراق الدهون بسرعة عالية
6- لبن حليب زبادي خذ منزوع الدسم فقط.
7- المشروبات الغازية اتركها نهائيا.
8- - ابعد عن الخبز الابيض وعوضه بالبر.
اخيرا العزيمة اهم شي ......
والوحوش بيفيدوك اكثر مني .

انا اقول الليبو 6 ماراح يعطيك نتائج سريعه خلال 6 شهور ....
نصيحتي توجه للقروث شي نظيف ويكسبك كتله عضليه وبتنقص وزنك طبعا من الدايت والمكملات الاخرى